San Mateo 17

Tok xtz'et ruk'ij ri Jesús

1Y tok ic'ovinek chic c'a vaki' k'ij, ri Jesús xucha' ri Pedro, xerucha' chuka' ri Jacobo y ri Juan ri cach'alal qui', richin chi xaxe quiyon ri e oxi' xeruc'uaj c'a pa ruvi' jun juyu'#17.1 Lc. 9:28. nim.#17.1 Mr. 9:2. 2Ri Jesús xjalatej c'a ruvech chiquivech ri e oxi' rutijoxela'. Xoc c'a achi'el nitzu'un ri k'ij tok jebel niyic'lun. Y ri rutziak can xoc achi'el ri sakil. Can janíla c'a sek xtzu'un. 3Y tok ri e oxi' tijoxela' xquitz'et c'a, yetzijon yan chic riq'uin ri Jesús ri ca'i' achi'a' quibini'an Moisés y Elías. Ri achi'a' ri' e rusamajela' ri Dios ri xec'oje' ojer can#17.3 Ro. 3:21. tiempo. 4Y c'ari' c'a tok ri Pedro xubij-apo chire ri Jesús: Ajaf, vave' utz kabanon. Vi rat navajo', nikaben c'a oxi' tak jay. Chave rat nikaben jun, ri Moisés nikaben chuka' jun richin, y que chuka' ri' nikaben jun richin ri Elías.

5Tok ri Pedro can c'a nich'on na apo riq'uin ri Jesús, jac'ari' tok ri tijoxela' ri' xquitz'et chi c'o jun sutz' richin sakil xka-pe pa quivi'. Y chupan c'a ri sutz' ri' c'o Jun ri xch'on-pe y xubij: Jare' ri Nuc'ajol y janíla ninvajo'; can nucukuban c'a nuc'u'x riq'uin.#17.5 Is. 42:1; Mr. 1:11; Hch. 3:22; 2 P. 1:17. Tivac'axaj c'a ri rutzij.#17.5 Dt. 18:15; Lc. 9:35.

6Y tok ri e oxi' tijoxela' xcac'axaj#17.6 2 P. 1:18. ri', xquikasaj-ka-qui' c'a pan ulef. Y janíla c'a xquixibij-qui'. 7Y ri Jesús xjel c'a apo quiq'uin ri rutijoxela', xeruchop-ka y xubij c'a chique: Quixyacatej c'a y man tixibij-ivi',#17.7 Mt. 14:27. xcha' ri Jesús.

8Tok ri tijoxela' xebetzu'un-pe, man jun chic c'a ri xquitz'et, xa can ruyon chic c'a ri Jesús.

9Y tok rije' e xulan c'a pe chuvech ri juyu', ri Jesús xuchilabej chique ri rutijoxela': Man jun titzijoj-vi#17.9 Mt. 16:20. ri xitz'et. Rix utz nitzijoj pero tok yin ri xinalex chi'icojol xic'astej yan pe chiquicojol ri caminaki'; c'a jari' tok ruc'amon nitzijoj, xcha' chique.#17.9 Mr. 9:9.

10Ri tijoxela' ri' can jari' xquibij chire ri Jesús: Roj k'axinek chikavech chi ja rat ri Cristo ri takon-pe roma ri Dios. ¿Pero achique c'a roma tok ri etamanela' chirij ri ley niquibij chi nabey chi noka' ri Cristo c'o chi noka' ri Elías?#17.10 Mal. 4:5; Mt. 11:14; 27:47-49; Mr. 9:11; Jn. 1:21, 25. xecha'.

11Y ri Jesús xubij c'a chique: Can kitzij vi chi ri Elías nipe nabey y nuben#17.11 Lc. 1:16. c'a ruchojmilal ronojel#17.11 Mal. 4:5, 6. ri c'o. 12Pero yin can ninbij c'a chive chi ri Elías ri' xpe yan y man xquinabej ta achique ri'. Xa janíla xquiben-el chire. Can achique ri xquirayij xquiben-el chire, can que vi ri' xquiben.#17.12 Mt. 14:3; Mr. 9:13. Y can que c'a chuka' ri' yin ri xinalex ri chi'icojol, ec'o ri yebanon chuve chi ninc'ovisaj tijoj-pokonal, xcha' ri Jesús.

13Y c'ari' c'a tok ri tijoxela' xk'ax chiquivech chi ri Jesús chirij ajc'a ri Juan ri Bautista xch'on-vi.

Tok ri Jesús xuc'achojirisaj jun ala' c'o ri yabil epilepsia chire

14Tok ri Jesús y ri e oxi' rutijoxela'#17.14 Mr. 9:14; Lc. 9:37. xe'apon-ka acuchi quimolon-qui' janíla e q'uiy vinek, c'o c'a jun achin xoka' riq'uin ri Jesús y xoxuque' chuvech. Ri achin xubij c'a chire ri Jesús: 15Ajaf, tajoyovaj ruvech ri nuc'ajol, roma rija' janíla nutej pokon pa ruk'a' ri yabil#17.15 Mt. 4:24. rubini'an epilepsia, y janíla c'a bey tzakinek pa k'ak' y pa tak ya'. 16Xinq'uen c'a pe richin xonya' chiquivech re atijoxela' y niquic'achojirisaj ta, pero man yetiquir ta niquic'achojirisaj, xcha' ri achin.

17Y ri Jesús jari' xubij: Man jun vinek chupan re tiempo re' ri cukul ta ruc'u'x riq'uin ri Dios. Xa conojel e sachinaki'. ¿Rix nich'ob chi yin can jantape' yic'oje' iviq'uin? ¿Can jantape' c'o chi yixincoch'?#17.17 Lc. 9:41. Tic'ama' c'a pe ri ala' vave', xcha' ri Jesús.

18Ri Jesús richin xuc'achojirisaj ri ala', xchapon chirij ri itzel espíritu richin chi tel-el chiri' riq'uin ri ala'. Y ri ala' can jari' xc'achoj. Xq'uis c'a el ri ruyabil chupan ri hora ri' roma xel-el ri itzel espíritu.

19Y tok ri Jesús y ri rutijoxela' quiyon chic c'a ec'o, xepe ri tijoxela' xquic'utuj chire ri Jesús: ¿Achique c'a roma roj man xojtiquir ta xkelesaj-el ri itzel espíritu? xecha' chire.#17.19 Mr. 9:28.

20Y ri Jesús xubij chique: Man xixtiquir ta xivelesaj roma man icukuban ta ic'u'x jebel riq'uin ri Dios. Y can kitzij vi c'a ri ninbij chive: Xa riq'uin ta nicukuba' juba' ic'u'x riq'uin ri Dios, stape' ta achi'el jun ti ija'tz richin mostaza,#17.20 Lc. 17:6. xa riq'uin ri', vi rix nibij chire re jun juyu' re' chi tel-el vave' y tik'ax quela', can nik'ax-vi. Can man jun c'a ri man ta xquixtiquir niben, riq'uin nicukuba' juba' ic'u'x#17.20 Mt. 21:21; Mr. 11:23; 1 Co. 12:9; 13:2. riq'uin ri Dios. 21Jac'a re jun ruvech espíritu re' nel, pero vi rix niben chi can man yixva' ta#17.21 Hch. 13:2. richin niben orar,#17.21 Mt. 6:16, 18; 9:15; Hch. 13:3; 14:23. xcha' chique.

Ri Jesús nucamuluj rubixic chi xticamisex

22Y tok ri Jesús y ri rutijoxela' ec'o chic c'a ri pa Galilea, xpe ri Jesús xubij chic c'a chique ri rutijoxela': Yin ri xinalex chi'icojol,#17.22 Mr. 8:31; Lc. 9:22; 18:31. can xquijach-vi pa quik'a'#17.22 Mt. 16:21; Lc. 24:6, 7. ri vinek.#17.22 Mr. 9:30, 31. 23Can xquicamisex-vi#17.23 Is. 53:7, 10-12; Dn. 9:26. c'a; pero pa rox k'ij xquic'astej-pe chiquicojol ri caminaki'.#17.23 Sal. 22:15, 22; 1 Co. 15:3, 4. Y tok ri tijoxela'#17.23 Mr. 9:33. xcac'axaj ri xubij ri Jesús, can janíla c'a xebison.

Ri Jesús can xuya' chuka' ri mero richin pa rachoch ri Dios

24Y jac'a tok ri Jesús y ri rutijoxela' xe'apon ri pa tinamit Capernaum,#17.24 Mr. 9:33. ri yemolon ruchi' ri mero richin pa rachoch ri Dios, ri c'o chi niquitoj conojel ri achi'a', can xe'apon c'a chuka' riq'uin ri Pedro y xquic'utuj chire: ¿Ri Tijonel ivichin man nuya'#17.24 Ex. 30:13. ta cami ri mero richin pa rachoch ri Dios? xecha'.

25Y ri Pedro xubij: Ja', nuya'.

Y tok ri Pedro xapon ri pa jay, nabey ri Jesús xbech'on-pe y xubij chire: Simón Pedro ¿achique na c'a ri nach'ob rat? ¿Ri nima'k tak k'atoy-tzij chuvech re ruvach'ulef, achok che c'a niquic'utuj-vi ri alcaval#17.25 Mt. 22:17, 19. y ri impuestos?#17.25 Ro. 13:7. ¿Chique ri calc'ual ka rije' o chique ri ch'aka' chic ri xa man e calc'ual ta? xcha' ri Jesús.

26Y ri Pedro xubij c'a chire ri Jesús: Ri nima'k tak k'atoy-tzij xa chique ri man e calc'ual ta niquic'utuj-vi alcaval y ri impuestos, xcha'.

Y ri Jesús can jac'ari' xubij: Yin ajc'a ri' man nintoj ta ri alcaval y ri impuestos, roma ja yin ri Alc'ualaxel. 27Pero vi xa man nikatoj ta, riq'uin juba' man nik'ax ta chiquivech achique roma tok man nikatoj ta. Xa cabiyin c'a ka pa ya' chuchapic quer. Y ri nabey ri xtachop, tajaka' c'a pa ruchi' y chiri' xtavil ri mero ri nic'atzin richin ne'aya'#17.27 Mr. 12:17. can chique ri moloy-mero richin pa rachoch ri Dios. Ri mero c'a ri' nuben c'a richin naya' can ri avichin rat y ri vichin yin, xcha' ri Jesús chire ri Pedro.

Currently Selected:

San Mateo 17: cakC

Highlight

Copy