Zac 10
10
1Tä inawop wet alhayeje pelhay häp Lhawuk.
Wet Lhawuk tä lep lhayis tälhe
ichenla amehen, yämla naya,
lhäy'e hon'al tä i'pe honhat.
2N'ocheyä wohit'a m'ak che matchek tälhe,
wet han'ältshantses mathichet'a
tä fwetaj lew'enhay ihi.
Iyhäj yäme lefwilhey tä kamatachehen,
wet m'ak tälhiyet'a che fwetaj lech'otyaj.
Häp tä tamenej tä wichi wetahen,
tet iwoye tson'atas tä laj lewoya.#Jer 50.6-7; Ezeq 34.5-6; Mat 9.35-36; Mar 6.34
3Lhawuk yok, “Häp tä tamenej
tä owäk iyej oka wichi lewos.
Otasnhila t'at lhamel.
Wet olham tä ohäpe Dios tä laj letumfwaya
Olewuk t'at wichi tä Judá lheley,
wet ot'uhiyela lhamel,
otehlat iwoye tson'ataswo tä t'uye leläy,
wet otech'aynhiyeja yel'atas tä n'oka'tshayajchal.
4Niyatey tä lakhajyhayaj ihi tälhihola lhamel,
tehlat iwoye tuntey tä lhamenya tä iyej hupuy,
wet tehlat iwoye chinhas tä itselhäs
tä carpa t'akay letsutes,
lhäy'e lutses hal'äy tä n'oka'tshayajchal.
Nilhokej wichi tä le'nohyajay ihiche tälhihola Judá.
5Wet Judá lhayis tehlat iwoye
sip'äl tä tanuhanhen
wet len'äyhäy ihihila iyhät
tä ichehen hupuy kawayhil.
Olham tä Olewuk oihiyejena,
wet häp tä iwohla laka'tshayaja
wet ikalhihila yel'ataswos tä letayhfwas.”
6Lhawuk äp yok:
“Ow'enhihola lakhajyhayaj Judá lheley,
wet ofwayhthila Israel lhayis.
Onachajihola lew'etes tsi op'altsen lhamel.
Tehlat iwoye che n'am takawoyhlä,
tsi ohäpe Lewuk Dios tä otch'ahuye t'alhyajay.
7Israel lhayis tehlat iwoye
sip'äl tä takhajayhen,
wet akäslawethä tehlat iwoye
iyhäj tä iyäyej hat'es.
Te leles hiw'enla wet akäslawethä,
lehusey akäjilhila n'oyej tä Lewukn'o.
8“Ot'änhiyela wet ohutlawekhen, tsi ofwayhthen.
Yachajiholak wujpey, tehlat iwoye ifwalas tä pajche.
9Ofwtsatkatte'pe honhatil iyhäj
wet lhamel lhayej wichi tä w'enha lhamejen.
Wet tej tä atoschehen,
mat tek hip'ethat n'ohlä,
wet ifwalahilat che häpe tapinla, lhäy'ehila leles.
10Oyikhatlach'oye honhat tä Egipto,
wet osohiyeja Asiria.
Ohänhiyela Galaad wet Líbano,
pajla'tha nemhit w'awulho honhat tä ihi.
11Tefwayhiyeja leteläythayaj,
tet iwoye elh tä yistho tewok wet tefway w'echehi.
Olehthiyeja inät tä iwo lhetheya,
wet oy'imhatla tewokitaj tä Nilo,
ts'ilakhilat lech'o che n'äley.
Asiria nemla lhaichäjlhi,
wet Egipto nofwila lakhajyhayaj.
12Mat oka wichi lakhajyhayaj tälhila n'oye,
häpkhilek hap'ak n'oyej wet ihänlhin'o.
Olham tä Lewukn'o olhämet täja.”
Currently Selected:
Zac 10: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
