Marcos 12:33

Y que inte' winic uc'ani tua' uyajta ut e Dios taca tunor uyalma, y taca tunor ujor, y taca tunor uq'uec'ojsiaj, y que uc'ani tua' uyajta ut upiar b'an cocha uyajta ut ub'a jaxir. Pues más ayan uc'ampib'ir tua' cac'upse e chate' ojroner era xe' actab'ir umen e Dios que tua' caxin cac'upse e ojroner xe' che que uc'ani tua' cachamse e sian arac'ob' o que uc'ani tua' caputa e sian arac'ob' tujor e altar tama e templo. B'an che e ajcanseyaj tama uley e Moisés era.