Marcos 12:29-31

Ri Jesús xuk'ul uwach: —Ruk'u'xib'al ronoje ri Tzij Pixab' re ri Dios e wa': Chita', ix aj Israel; ri Dios Qajawxel, xa jun Rire. K'ax k'u chana'a ra Dios Qajawxel ruk' ronoje awanima', ruk' ronoje ak'u'x, ruk' ronoje ana'oj y ruk' ronoje achuq'ab'. E uk'u'xib'al wa' Rutzij Upixab' ri Dios. Yey ruka'm jewa' kub'i'ij: K'ax chana'a rawatz-achaq' jela' pacha' ri k'ax kana' awib' ri'at. Na jinta chi k'u juna tzij más k'o uwach chwa taq wa' —xcha'.