Hebreos 9

Ri Rocho Dios che ruwachulew y ri k'o chila' chikaj

1Chupa k'u ri nab'e tzij k'o taqanik puwi' su'anik kaloq'nimax uq'ij ri Dios pa jun luwar santo wara che ruwachulew. 2Xyak k'u jun nimalaj carpa “Tabernáculo”#Éx. 26:1-30 kecha che. Wa' keb' upa u'anom. Ri nab'e upa ja kab'i'x “Luwar Santo” che. Chiri' k'o wi ri tzuk'ulib'al aq' y k'o ri mexa pa kaya' wi ri pam ya'tal chwach ri Dios. 3Chirij k'u jun telón k'o ruka'm upa ja kab'i'x “Luwar lik Santo” che. 4Chiri' k'u ri' k'o jun altar re oro pa kaporox wi incienso#Éx. 30:1-6 y k'o ri kaxa re ri tzij u'anom ri Dios kuk' rutinamit yey wa kaxa ch'uqum rij ruk' oro. Chupa k'u ri kaxa k'o jun xaro re oro k'o maná chupa, k'o ri bara re ri Aarón, wa' e ri bara xtuxik y k'o ri jutaq pera'j ab'aj pa xtz'ib'ax wi ri taqanik re ri tzij u'anom ri Dios kuk' rutinamit.#Dt. 10:1-5 5Puwi k'u ri kaxa k'o keb' kik'axwach querubines lik kewon ruk' ruchomalil ri Dios; yey ruk' ri kixik' kich'uqum uwi' ri luwar re kuyb'al mak.#9:5 Puwi wa kaxa kamak'amo'x ri kik' re awaj ekamisam echiri' katz'onox kuyb'al kimak taq ri tikawex chwach ri Dios. Lv. 16:14 Pero wo'ora na kojch'a't ta chi más puwi wa'.

6Jek'uri'la' u'anom ronoje wa'. Chupa k'u ri nab'e upa ja re ri Rocho Dios keb'ok raj chakunel cha' kakiloq'nimaj uq'ij ri Dios. 7No'j chupa k'u ruka'm upa ja, xew kok b'i ri kajawal raj chakunel pa Rocho Dios, yey wa' xa julaj ku'an pa ri junab'. Echiri' kok b'i, ruk'a'am b'i kikik'el awaj re ku'ya'a puk'axel rumak rire y puk'axel taq ri mak na u'anikil taj kaki'an ri tinamit. 8Ruk' k'u wa' ri Santowilaj Ruxlab'ixel ri Dios e kuk'ut chiqe: Xaloq' k'a k'o wa nab'e upa ja, e ke'eloq na utz taj chike ri tikawex keb'ok chupa ri Luwar lik Santo,#9:8 Raj chakunel pa Rocho Dios xkiporoj incienso y xkiya qasa'n chupa ri nab'e upa ja re ri Rocho Dios, pero na utz ta keb'ok chupa ruka'm upa ja, wa' e ri Luwar lik Santo. Ma xew taqal che ri kajawal raj chakunel kok chupa yey xa julaj ku'an wa' pa ri junab'. No'j wo'ora ri Cristo e ri Qajawal kach'aw paqawi' chwach ri Dios chila' chikaj, y ruma k'u Rire utz kojok chwach ri Dios. Heb. 10:19-20 ma k'amaja' kaq'alajinik su'anik utz keb'ok chwach ri Dios. 9Ronoje wa' e jun k'utub'al chiqe ri'oj waq'ij ora, ri qasa'n y rawaj ekamisam chwa raltar na ku'an ta jusuk' che ri kib'inik kisilab'ik ri keloq'niman ri Dios ruk' wa'; ma tob' kaki'an ri', k'a kakina' chikik'u'x k'o kimak. 10Ma wa taqanik puwi sa' ri katijik y ri kaqumik y puwi sa' ri ka'anik re josq'ikil, xew xuriq uchak xaloq' k'amaja' kopon ruq'ijol echiri' ronoje wa' kajalk'atix ruma ri Dios ruk' ri más utz.

Rukik'el ri Cristo karesaj ri mak

11Ruk' ri Cristo kape wi ronoje ri utz kaqak'ul ri'oj, ma wo'ora e Rire ri Qajawal kach'aw paqawi' pa ri Rocho Dios chila' chikaj. Yey wa' wa Rocho Dios más nim y más tz'aqat chwa ri xu'an ri Moisés chupa ri luwar katz'intz'otik, ma na achijab' ta ri xeyakaw re y na re tane wara che ruwachulew. 12Ri Cristo xa jumul xok chupa ri Luwar lik Santo cha' kuya kolob'etajik na jinta utaqexik chiqe. Xu'an k'u wa' na ruma ta kikik'el kaprux mama'ib' o toro'ib', ma e ruma rukik'el Rire.

13Ri nab'e tzij kub'i'ij we juna tikawex xuch'ulaj rib' ruma ri xuchapo,#9:13 Pa ri Tzij Pixab' re ojertan kub'i'ij ku'an ch'ul juna tikawex we kuchap juna anima' o katak'i' puwi juna muqub'al. Nm. 19:16 kajawax rujosq'ikil; kamak'amo'x k'u puwi rire kikik'el toro'ib' y kaprux mama'ib' ekamisam#Lv. 15:31; 16:15-16 y chaaj re juna bakilo xporox chwi raltar,#Nm. 19 cha' ku'an tanchi chom y jek'ula' utz kok pa ri Rocho Dios.

14We ku'an k'u ri' wa' rukik'el juna awaj, ¡mak'uwari' rukik'el ri Cristo! Ma ruma ri Ruxlab'ixel ri Dios na jinta utaqexik, ri Cristo, ri na jinta k'ana umak, xuya rib' pa kamik chwach ri Dios cha' jela' kujosq'ij ri qanima' che ri mak, ri kuk'am lo q'atb'al tzij re kamik paqawi'. Jek'ula' ruma ri Cristo kaqana' chiqak'u'x na jinta chi qamak y utz k'u ri' kaqaloq'nimaj ri Dios k'aslik.

15Ruma k'u ri' la', ri Cristo e kak'amaw qawach chwach ri Dios chupa ri k'ak' tzij. Yey ruma rukamik, k'o kuyb'al mak chike ri xemakun chuxe' ri nab'e tzij,#9:15 Ri nab'e tzij e ri xu'an ri Dios kuk' rutinamit Israel chwa ri juyub' Sinaí. cha' jela' konoje ri eb'usik'im ri Dios kakik'ul na ri ub'i'tisim Rire chike yey wa' na jinta utaqexik. 16Wa jun k'ak' tzij e pacha' juna tzij kutz'ib'aj junoq cha' kub'i'ij china taq kekanaj kan ruk' rub'itaq re we xkamik. Yey cha' utz ka'an ri tz'ib'ital kanoq, lik chirajawaxik wi nab'e na kaq'alajisaxik we kaminaq chi ri xtz'ib'an re ri wuj. 17Ek'u wa tzij kajiki' uwach xew we xkam ri xtz'ib'an re, yey we ri xtz'ib'an re k'a k'aslik, ri' k'amaja' utz kajiki' uwach wa'. 18Jenela' ri nab'e tzij xjiki' lo uwach ruk' kikik'el awaj ekamisam. 19Ma ri Moisés nab'e na xub'i'ij ronoje ri taqanik re ri Tzij Pixab' chike konoje ri tinamit; tek'uchiri' xuk'am lana kaq y ruk' jun uq'ab' che' re hisopo, xuchuq' chupa ri kikik'el toro'ib' y kaprux mama'ib' ekamisam yey wa' kojotal ya' chwach. Tek'uchiri' xumak'ama' puwi ri libro re ri Tzij Pixab' y pakiwi konoje ri tikawex. 20Tek'uchiri' xub'i'ij chike: «E kik' wa' kujikib'a' uwach ri tzij u'anom lo ri Dios iwuk'»#Éx. 24:8 xcha'. 21Yey pacha' k'u ri xu'an che ri libro, jek'ula' xumak'ama' kikik'el awaj chupa ri Rocho Dios y puwi ronoje ri kachapab'exik re kaloq'nimax ri Dios.#Lv. 8:15 22Ma chupa ri tzijpixab' tz'ib'ital kanoq, kub'i'ij lik k'i taq ri josq'inik ka'an ruk' ri kikik'el rawaj, yey na jinta k'u kuyb'al mak we na katuruw tana ri kikik'el rawaj ekamisam.#Lv. 17:11

23Xajawax k'ut jela' ri josq'inik x'an che taq ri kachapab'exik re kaloq'nimax ri Dios, ri xa e uk'axwach taq ri k'o chila' chikaj. Yey ri josq'inik re chila' chikaj más ne lik utz chwa ri ka'an xa ruk' ri kikik'el rawaj ekamisam chwach raltar wara che ruwachulew. 24Ma ri Rocho Dios pa xok wi ri Cristo na e ta ri 'anom kuma tikawex, ma ri re ruwachulew xa e uk'axwach ri saqil Rocho Dios k'o chila' chikaj; ek'u Rire xok chila' cha' kach'aw paqawi' chwach ri Dios.

25Ri Cristo xa julaj xuya rib' pa kamik y xopon k'u chila' chikaj chwach ri Dios. No'j ri kajawal raj chakunel pa Rocho Dios ronoje junab' kok chupa ri Luwar lik Santo re ku'ya'a chwach ri Dios ri kik' na ri're taj. 26We ta chirajawaxik wa' che ri Cristo, uk'iyal laj tane ri' uya'om rib' Rire pa kamik chwi lo ri jeqeb'al re ruwachulew; no'j wo'ora chupa wa k'isb'al q'ij xa julaj xuya rib' pa kamik cha' xa jumul karesaj ri mak. 27Lik k'u jikib'am chi uwach konoje ri tikawex xa julaj kekamik, tek'uchiri' kape ri q'atb'al tzij pakiwi'. 28Jek'ula' ri', ri Cristo xa julaj xuya rib' pa kamik cha' jela' karesaj ri kimak uk'iyal tikawex. No'j echiri' kak'un tanchik, na re ta chi ko'lkam ruma ri mak ke ri winaq, ma e re keb'ukolob'ej konoje ri koye'em Rire.

Currently Selected:

Hebreos 9: acrN

Highlight

Copy