Samz 91
91
Bondyé Ka Pwotèkté Nou
1Moun-an ki chaché pwotèksyon koté Bondyé-a ki anho tout lézòt-la,
moun-an ki wèsté anba zèl Bondyé-a ki ni tout pouvwa-a,
2ka di Bondyé Senyè-a,
“Sé ou ki ka fè défans mwen, sé ou ki ka pwotèkté mwen.
Ou sé Bondyé mwen, sé an ou mwen ka mété tout konfyans mwen.”
3I kay délivwéʼw pouʼw pa pwi an zatwap,
i pa kay kité sé vyé maladi-a ki ka tjwé moun-an vini anlèʼw.
4I kay kouvèʼw anba zèl li menm kon an manman poul,
i kay pwotèktéʼw pou anyen pa wivéʼw.
Bondyé toujou ka tjenn pwonmèt li pou pwotèktéʼw èk fè défans ou.
5Ou pa bizwen pè anyen ki ka fèt lannwit,
ni lè lèlmi-an ataké lajouné,
6ni sé mové maladi-a ki ka tonbé asou moun lé swè-a,
ni sé movèzté-a ki ka tjwé moun gwan midi-a.
7Yon mil moun pé mò asou fasad gòch ou,
épi dis mil pé tonbé asou fasad dwèt ou,
mé sé malè sala pa kay tonbé anlèʼw.
8Ou menm kay gadé èk ou kay wè
mannyè pinisyon ka tonbé asou sé nonm méchan-an.
9Ou aksèpté Bondyé Senyè-a pou défans ou,
èk Bondyé ki anho tout lézòt-la pou pwotèktéʼw,
10kon sa pyès movèzté pa kay wivé asouʼw,
pyès malè pa kay wivé bò kay ou.
11Bondyé kay konmandé sé nanj li-a pou yo véyéʼw,
yo kay pwotèktéʼw koté ou pasé.
12Yo kay pòtéʼw an lanmen yo,
épi pa menm pyéʼw yo kay kité konyen asou an wòch.
13Ou kay maché asou lyon èk sèpan,
ou kay pilonnen jis jenn lyon èk sèpan.
14Senyè-a di, “Mwen kay délivwé moun ki enmen mwen,
èk mwen kay pwotèkté moun ki konnèt mwen kon Bondyé yo.
15Lè yo kwiyé, mwen kay wéponn,
mwen kay la épi yo lè twaka vini anlè yo.
Mwen kay délivwé yo èk mwen kay onnowé yo.
16Mwen kay satisfè yo èk lonng lavi,
mwen kay fè yo wè mannyè mwen ka sové yo.”
Currently Selected:
Samz 91: acfDBL
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
