Samz 100
100
An Chanté Pou Wimèsyé Bondyé
1Tout moun ki an latè-a, chanté fò bay Bondyé Senyè-a!
2Adowé Bondyé Senyè-a èk tjè kontan!
Vini èk chanté douvanʼy!
3Sav ki sé Bondyé Senyè-a ki Bondyé.
Sé li ki fè nou èk nou sé sa li.
Nou sé moun li, nou sé mouton ki an savann li.
4Wimèsyéʼy kon ou ka antwé an bayè-a,
glowifyéʼy kon ou ka antwé an lakou-a.
Sé pou nou wimèsyéʼy èk lévé nonʼy!
5Bondyé Senyè-a bon,
i enmen nou pou tout tan,
èk i toujou ka tjenn pwonmèt li pou tout jennenwasyon.
Currently Selected:
Samz 100: acfDBL
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
