ኤፌሶና 5

1ሂዛ፥ ፆሳይ ዶሲያ ናይታዳ ኢያ ዳኒቴ። 2ኪሪስቶሲ ኑና ዶሲዲ ባና ኑ ጊሾ ፆሳስ ሳዊያ ኢሞኔ ያርሾ ኦዲ ኢሚዳይሳዳ ሂንቴካ ሲቆን ዴዒቴ።#ኬሳ 29፡18፤ ማዝ 40፡6

3ሺን ላይማቴ፥ ቱናቴኔ ኡዜቴ ኣማኒያ ኣሳስ ቤሶና ጊሾ ሂንቴ ጊዶን ኡባራካ ሲዔቶፎ። 4ፆሳ ጋላቲቴፔ ኣቲን ዬላያባይኔ ኤያ ኦዲ ዎይኮ ቂይ ሂንቴው ቤሶና ጊሾ ሂንቴ ጊዶን ኡባካ ዴዖፖ። 5ሃይሳ ኤሪቴ፤ ኦኒካ ላይማቴይ ዎይኮ ቱናባ ኦይ ዎይኮ ኡዜቴይ ኪሪስቶሳ ካዎቴኔ ፆሳ ካዎቴ ላታናው ዳንዳዔና። ኡዜቴ ኤቃ ጎይኖ ሜላ።

6ሃይሳታ ጋሶን ፆሳ ሃንቆይ ኪቴቶና ኣሳ ቦላ ያና ጊሾ ኦኒካ ሂንቴና ፓና ኦዳን ጪሞፎ። 7ሄሳ ሜላ ኣሳራ ኢሲፌቴ ኦፊቴ። 8ካሴ ሂንቴ ማን ዴዒዴታ፥ ሺን ሃዒ ጎዳ ባጋራ ፖዖን ዴዔታ። ሂዛ፥ ፖዖ ኣሳዳ ፖዖን ሲሜሬቲቴ። 9ፖዖይ ሎዖቴ፥ ፂሎቴኔ ቱማቴ ኣይፌስ።

10ጎዳ ኡፋይሲያባ ኦናው ኮዪቴ። 11ጎዒ ባይና ማ ኦሶ ቆንጪሲቴፔ ኣቲን ኢያራ ኢሲፎፒቴ። 12ኤንቲ ጌማን ኦያ ኦሱዋ ሃሪ ኣቶሺን ኦዳናዉካ ዬላዬስ። 13ሺን ኡባባይ ፖዖን ኬያ ዎዴ ቆንጬን ቤንቴስ። 14ፖዖይ ኡባባ ቆንጬን ቤሴስ። ሄሳ ጊሾ፥

«ኔኖ ስኬይሶ ባርካ፤

ሃይቆፔ ዴንዳ፤

ኪሪስቶሲ ኔ ቦላ ፖዓና» ያጌቲስ።

15ሂዛ፥ ሂንቴ ዋኒዲ ዴዒያኮ ኣኬኪ ቤዒቴ። ጪንጫታ ጊዲቴፔ ኣቲን ኤያታ ጊዶፒቴ። 16ላይይ ኢታ ጊዲያ ጊሾ ኢንጄቲያ ዎዴ ኡባ ጎዔቲቴ።#ቆላ 4፡5 17ሄሳ ጊሾ፥ ጎዳ ሼኔይ ኣይቤኮ ኣኬኪቴፔ ኣቲን ኤዮፒቴ።

18ጌሻ ኣያናን ጋላስ ጋላስ ኩሚቴፔ ኣቲን ዮኮ ሂንቴና ካሌያ ጊሾ ዎይኔ ኡሻን ማቶፊቴ። 19ማዝሙሬን፥ ሳባኒኔ ኣያና ዬን፥ ኢሶይ ኢሱዋራ ኦዴቲቴ። ቃሲ ሂንቴ ዎዛናን ዛማሪሼኔ ሳቢሼ ጎዳ ጋላቲቴ።#ቆላ 3፡16-17 20ኑ ጎዳ ዬሱስ ኪሪስቶሳ ሱንን ኡባ ዎዴ ፆሳ ኣዋ ኡባባስ ጋላቲቴ።

21ኪሪስቶሳ ቦንቹዋስ ጊዲ ኢሶይ ኢሱዋስ ሃሬቲቴ።

ኣዚናባኔ ማቺባ

22ማቼቶ፥ ጎዳስ ሃሬቴይሳዳ ሂንቴ ኣዚናታስ ሃሬቲቴ።#ቆላ 3፡18፤ 1ጴፂ 3፡1 23ኪሪስቶሲ ዎሳ ኬስ ሁዔ ጊዴይሳዳ ኣዚኒካ ባ ማቼስ ሁዔ። ቃሲ ኪሪስቶሲ ባ ኣሳቴ ጊዲዳ ዎሳ ኬ ኣሼይሳ። 24ሺን ዎሳ ኬይ ኪሪስቶሳስ ሃሬቴይሳዳ ማቼቲ ባንታ ኣዚናታስ ኡባባን ሃሬታናው ቤሴስ።

25ኣዚናቶ፥ ኪሪስቶሲ ዎሳ ኬ ዶሲዲ ባና ኢው ኢሚዳይሳዳ ሂንቴካ ሂንቴ ማቼታ ዶሲቴ።#ቆላ 3፡19፤ 1ጴፂ 3፡7 26ኢ ዎሳ ኬ ባ ቃላ ባጋራ ሃን ሜጪዲ ጌሺስ። 27ኪሪስቶሲ ዎሳ ኬ ቂቲ ዎይኮ ሶምዖ ቱሲ ዎይኮ ሄሳ ሜላባይ ባይና ኢ ኩሜ ቦንቹዋራ ጌሺኔ ቦሬቶናሮ ኦዲ ባኮ ሺሻናው ኮዪዲ ሄሳ ኦስ። 28ሄሳዳካ፥ ኣዚናቲ ባንታና ዶሴይሳዳ ባንታ ማቼታ ዶሳናው ቤሴስ። ባ ማቺው ዶሴይሲ ባና ዶሴስ። 29ባና ኢፂያ ኣሲ ኦኒካ ባዋ፥ ሺን ኪሪስቶሲ ዎሳ ኬስ ኦይሳዳ ባ ኣሳቴ ሙዜሲኔ ናጌስ። 30ኑኒ ኪሪስቶሳ ኣሳቴ ቢሊቴታ።

31ፆሳ ቃላይ፥ «ሄሳ ጊሾ፥ ኣሲ ባ ኣዋኔ ባ ኣዪው ኣጊዲ፥ ባ ማቼራ ኢሲፌ ዳና፤ ኤንቲ ናምዓይካ ኢሲ ኣሾ ጊዳና» ያጌስ።#ሜ 2፡24 32ሃይሲ ጊታ ፁራ፥ ሺን ታኒ ሄሳ ኪሪስቶሳባኔ ዎሳ ኬባ ሌሚሶ ኦዳ ኦዳይስ። 33ጊዶሺን፥ ሂንቴ ኢሶይ ኢሶይ ሂንቴ ማቼታ ሂንቴ፥ ሂንቴና ዶሴይሳዳ ዶሲቴ። ኢሲ ኢሲ ማቻ ባ ኣዚና ቦንቻናው ቤሴስ።

Currently Selected:

ኤፌሶና 5: gofENT

Highlight

Copy