زَبُور 16
16
شِعِرْ لِدَاوُدْ
1يَا إِلٰـهِي! أَحْفَضْنِي
أَشَانْ أَنَا لَجَأْت لَيْك.
2أَنَا قُلْت لِلّٰهْ:
«إِنْتَ بَسْ رَبِّي!
مَا عِنْدِي خَيْر بَلَاكْ إِنْتَ!»
3الصَّالِحِينْ الْقَاعِدِينْ فِي الْبَلَدْ،
هُمَّنْ دَوْل قَوِيِّينْ
وَ أَنَا نَفْرَحْ بَيْهُمْ زِيَادَةْ.
4وَ لَاكِنْ الْيِفَتُّشُوا رِضَى الْإِلٰـهَاتْ الْآخَرِينْ
يِجِيبُوا لِنُفُوسْهُمْ تَعَبْ.
أَنَا مَا نِشَارِكْ فِي قَدِّمِينْ هَدَايَاهُمْ هَنَا الدَّمّ
وَ فِي خَشْمِي، مَا نِجِيبْ أُسُمْ إِلٰـهَاتْهُمْ.
5يَا اللّٰهْ! إِنْتَ قِسْمِي وَ نَصِيبِي وَ كَاسْ شَرَابِي
وَ إِنْتَ بَسْ تِقَرِّرْ كِكَّيْف أَنَا نِعِيشْ فِي دَرْبَكْ.
6فِي أَحْسَنْ بَكَانْ، وَقَعْ قِسْمِي
وَ وَرَثَتِي اللِّقِيتْهَا سَمْحَةْ زِيَادَةْ.
7بَارَكْ اللّٰهْ الْيِوَصِّينِي
وَ حَتَّى بِاللَّيْل، نَفْسِي تِذَكِّرْنِي.
8أَنَا دَايْماً نِقَدِّمْ اللّٰهْ
وَ مَا نِتَّرْتَعْ
أَشَانْ هُو قَاعِدْ بِزَيْنَايْتِي.
9وَ فِي شَانْ دَا، قَلْبِي يَفْرَحْ
وَ نَفْسِي تِنْبَسِطْ
وَ جِسْمِي قَاعِدْ بِأَمَانْ.
10أَشَانْ إِنْتَ مَا تِخَلِّينِي لِلْمَوْت
وَ مَا تِوَدِّينِي الْقَبُرْ،
أَنَا الْمُؤمِنْ بَيْك.
11إِنْتَ عَرَّفْتِنِي دَرِبْ الْحَيَاةْ
وَ قِدَّامَكْ، الْفَرَحْ قَاعِدْ بِكَتَرَةْ
وَ النِّعْمَةْ قَاعِدَةْ دَايْمَةْ فِي زَيْنَايْتَكْ.
Currently Selected:
زَبُور 16: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
