زَبُور 12
12
وَصِيَّةْ لِكَبِيرْ الْغَنَّايِينْ: لِيِغَنُّوهْ بِجِقِنْدِيَّةْ الْعِنْدَهَا تَمَانَةْ حَبِلْ، مَزْمُورْ لِدَاوُدْ
1نَجِّينِي، يَا اللّٰهْ!
أَشَانْ مَا فِي صَالِحْ
وَ مَا فِي إِنْسَانْ أَمِينْ فِي أُسْط النَّاسْ.
2أَيِّ وَاحِدْ يَكْدِبْ لِأَخُوهْ
وَ شَلَالِيفَهْ يِحَجُّوا كَلَامْ غَشّ
وَ قَلْبَهْ مَا وَاحِدْ.
3وَ خَلِّي اللّٰهْ يِكَسِّرْ
كُلِّ خَشُمْ الْيِحَجِّي بِغَشّ
وَ اللِّسْنَيْ الْيِكَلُّمُوا بِإِسْتِكْبَارْ.
4هُمَّنْ يُقُولُوا:
«بِلِسْنَيْنَا نِنَّصُرُوا
وَ خُشُومْنَا هِنَيْنَا،
يَاتُو يَحْكِمْ فَوْقنَا؟»
5لَاكِنْ اللّٰهْ قَالْ: «هَسَّعْ نُقُمّ
وَ نِجِيبْ النَّجَاةْ لِلنَّاسْ الْمَحْقُورِينْ.
أَشَانْ الْمَسَاكِينْ، ظَلَمَوْهُمْ
وَ الضَّعِيفِينْ يَقُنْتُوا.»
6وَ كَلَامْ اللّٰهْ صَافِي
مِثِلْ الْفُضَّةْ الْقَطَعَوْهَا
وَ صَفَّوْهَا سَبْعَةْ مَرَّاتْ.
7يَا اللّٰهْ، إِنْتَ تَحْفَضْ الْمَظْلُومِينْ
وَ تَحْمِينَا إِلَى الْأَبَدْ.
8الْعَاصِيِينْ يِلِفُّوا فِي كُلَّ بَكَانْ
وَكِتْ الْفَسَالَةْ تِزِيدْ أَمْبَيْن النَّاسْ.
Currently Selected:
زَبُور 12: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
