1 أخبار 4
4
ذُرّية آخرة هنا يَهُوذَا
1وَ أَوْلَادْ يَهُوذَا هُمَّنْ فَارِصْ وَ حَصْرُونْ وَ كَرْمِي وَ حُورْ وَ شُوبَالْ.
2وَ شُوبَالْ وِلِدْ رَايَا
وَ رَايَا وِلِدْ يَحَتْ.
وَ يَحَتْ وِلِدْ أَخُمَايْ وَ لَاهَدْ. وَ مِنْهُمْ هُمَّنْ دَوْل بَسْ مَرَقَوْا خُشُومْ بُيُوتْ بَنِي صَرْعَاتْ.
3وَ دَاهُو أَوْلَادْ أَبُو إِتَامْ هُمَّنْ يَزْرَعِيلْ وَ يِشْمَا وَ يِدْبَاشْ وَ أَخُتْهُمْ أُسُمْهَا هَصْلَلْفُونِي.
4وَ حُورْ بِكِرْ أَفْرَاتَةْ بَنَى حِلَّةْ بَيْت لَحَمْ وَ هُو عِنْدَهْ أَوْلَادْ إِتْنَيْن وَ هُمَّنْ فَنُوِيلْ الْبَنَى حِلَّةْ قَدُورْ وَ عِزَارْ الْبَنَى حِلَّةْ حُوشَى.
5وَ أَشْحُورْ أَبُو تَقُوعَةْ أَخَدْ عَوِينْ تِنَيْن، الْوَاحِدَةْ أُسُمْهَا حَيْلَاةْ وَ الْآخَرَةْ أُسُمْهَا نَعَرَةْ.
6وَ نَعَرَةْ جَابَتْ لَيَّهْ أَرْبَعَةْ أَوْلَادْ وَ هُمَّنْ أَخُزَّامْ وَ حِيفَرْ وَ تِيمْنِي وَ أَخْشَتَارِي.
7وَ أَوْلَادْ حَيْلَاةْ هُمَّنْ صَرَتْ وَ صُوحَرْ وَ أَتْنَانْ.
8وَ قُوصْ وِلِدْ عَانُوبْ وَ هَصُبِيبَا وَ خُشُومْ بُيُوتْ أَخَرْحِيلْ وِلَيْد هَرُومْ.
9وَ فِي نَادُمْ أُسْمَهْ يَعْبِيصْ وَ هُو بِقِي نَادُمْ مُحْتَرَمْ زِيَادَةْ مِنْ أَخْوَانَهْ. وَ أَمَّهْ سَمَّتَهْ يَعْبِيصْ أَشَانْ هِي وِلْدَتَهْ فِي تَعَبْ. 10يَعْبِيصْ سَأَلْ اللّٰهْ وَ قَالْ: «يَا اللّٰهْ إِلٰـهْ بَنِي إِسْرَائِيلْ، بَارِكْنِي وَ وَسِّعْ أَرْضِي وَ أَحْفَضْنِي وَ طَرِّفْ مِنِّي الشَّرّ وَ التَّعَبْ.» وَ اللّٰهْ أَنْطَاهْ لِيَعْبِيصْ كُلَّ شَيّءْ الْهُو سَأَلَهْ.
11وَ كَلُوبْ أَخُو شُوحَةْ وِلِدْ مَحِيرْ
وَ مَحِيرْ وِلِدْ أَشْتُونْ.
12وَ أَشْتُونْ وِلِدْ بَيْت رَافَا وَ فَاسِحْ وَ تَحِنَّا.
وَ تَحِنَّا دَا، هُو بَسْ الْبَنَى حِلَّةْ نَحَاشْ. وَ النَّاسْ دَوْل سَكَنَوْا فِي حِلَّةْ رِيكَةْ.
13وَ أَوْلَادْ قِنَازْ هُمَّنْ عُتْنِيِيلْ وَ سَرَايَا.
وَ عُتْنِيِيلْ وِلِدْ حَتَاتْ.
14وَ مَعُونُتَايْ وِلِدْ عُفْرَةْ.
وَ سَرَايَا وِلِدْ يُوَابْ جِدُّهُمْ لِنَاسْ السَّاكْنِينْ قِي حَرَشِيمْ (مَعَنَاتَهْ وَادِي حَدَّادْ).
15كَالِبْ وِلَيْد يَفُونَى وِلِدْ أَوْلَادْ وَ هُمَّنْ عِيرُوا وَ إِيلَى وَ نَعَمْ.
وَ إِيلَى وِلِدْ قِنَازْ.
16وَ أَوْلَادْ يَهَلَالِيلْ هُمَّنْ زِيفْ وَ زِيفَا وَ تِيرْيَا وَ أَسَرِيلْ.
17-18وَ أَوْلَادْ عَزْرَا هُمَّنْ يَتَرْ وَ مَرَدْ وَ عِفِرْ وَ يَلُونْ.
وَ مَرَدْ أَخَدْ بِتْيَةْ بِنَيَّةْ فِرْعَوْن مَلِكْ بَلَدْ مَصِرْ وَ هِي وِلْدَتْ وَ جَابَتْ لَيَّهْ عِيَالْ وَ هُمَّنْ مَرْيَمْ وَ شَمَّايْ وَ يِشْبَحْ. وَ يِشْبَحْ دَا هُو الْبَنَى حِلَّةْ أَشْتَمُوعَةْ.
وَ مَرِةْ مَرَدْ الْمِنْ يَهُوذَا جَابَتْ لَيَّهْ يَارَدْ هُو الْبَنَى حِلَّةْ قَدُورْ وَ حَابَرْ هُو الْبَنَى حِلَّةْ سُوكُو وَ يَقُتِيِيلْ هُو الْبَنَى حِلَّةْ زَنُوحْ.
19وَ هُودِيَّا أَخَدْ أَخُتْ نَحَمْ وَ ذُرِّيِّتْهُمْ هُمَّنْ بَنِي قَرْمِي السَّاكْنِينْ حِلَّةْ قَعِيلَةْ وَ الْمَعَاكِيِّينْ السَّاكْنِينْ حِلَّةْ أَشْتَمُوعَةْ.
20وَ أَوْلَادْ شِيمُونْ هُمَّنْ أَمْنُونْ وَ رِنَّا وَ بَنْحَنَانْ وَ تِيلُونْ.
وَ أَوْلَادْ يِشْعِي هُمَّنْ زُحَيْت وَ بَنْزُحَيْت.
21وَ ذُرِّيَّةْ شِيلَى وِلَيْد يَهُوذَا هُمَّنْ عِيرْ الْبَنَى حِلَّةْ لِيكَةْ وَ لَعْدَا الْبَنَى حِلَّةْ مَرِيشَةْ وَ الْقَبَايِلْ الْيَصْنَعَوْا الْقُمَاشْ هَنَا كَتَّانْ فِي حِلَّةْ بَيْت أَشْبِيعَ. 22وَ شِيلَى هُو جِدَّهْ لِيُقِيمْ وَ جِدّ سُكَّانْ حِلَّةْ كُزِيبَا وَ جِدّ يُوَاشْ وَ سَرَافْ وَ هُمَّنْ أَخَدَوْا لَيْهُمْ عَوِينْ مِنْ مُوَابْ حَتَّى قَبَّلَوْا سَكَنَوْا فِي لَحَمْ وَ كُلَّ الشَّيّءْ دَا بِقِي زَمَانْ. 23وَ هُمَّنْ حَدَّادْ وَ سَاكْنِينْ فِي حِلَّةْ نَتَاعِمْ وَ قَدِيرَةْ جَنْب الْمَلِكْ وَ يَخْدُمُوا لَيَّهْ.
ذُرّية شِمْعُون
24وَ أَوْلَادْ شِمْعُونْ هُمَّنْ نَمُوِيلْ وَ يَامِينْ وَ يَرِيبْ وَ زَارَحْ وَ شَاوُولْ.
25وَ شَاوُولْ وِلِدْ شَلُّومْ
وَ شَلُّومْ وِلِدْ مِبْسَامْ
وَ مِبْسَامْ وِلِدْ مِشْمَعْ.
26وَ مِشْمَعْ وِلِدْ حَمُّوِيلْ
وَ حَمُّوِيلْ وِلِدْ زَكُّورْ
وَ زَكُّورْ وِلِدْ شِمْعِي.
27وَ شِمْعِي وِلِدْ 16 وُلَادْ وَ 6 بَنَاتْ لَاكِنْ أَخْوَانَهْ الْآخَرِينْ مَا عِنْدُهُمْ عِيَالْ كَتِيرِينْ. وَ فِي شَانْ دَا، قَبِيلَةْ شِمْعُونْ مَا زَادَتْ كَتِيرْ مِثِلْ قَبِيلَةْ يَهُوذَا. 28وَ هُمَّنْ سَكَنَوْا فِي بِيرْ سَبْعَةْ وَ مُلَادَةْ وَ حَصَرْ شُوعَلْ 29وَ بِلْهَةْ وَ عَصَمْ وَ تُولَدْ 30وَ بَتُوِيلْ وَ حُرْمَةْ وَ صِقْلَاقْ 31وَ بَيْت مَرْكَبُوتْ وَ حَصَرْ سُوسِيمْ وَ بَيْت بِرِي وَ شَعَرَايِمْ. وَ دَوْل حِلَّالْهُمْ السَّكَنَوْا فِيهُمْ لَحَدِّي حُكُمْ الْمَلِكْ دَاوُدْ. 32وَ هُمَّنْ سَكَنَوْا فِي خَمْسَةْ حِلَّالْ آخَرِينْ وَ هُمَّنْ إِتَامْ وَ عَيْن وَ رِمُّونْ وَ تُوكْن وَ عَشَنْ 33وَ كُلَّ حِلَّالْ الْمُحَوِّقِينْ الْمُدُنْ دَوْل لَحَدِّي حِلَّةْ بَعَلْ. وَ دَا بَسْ بَكَانْ مَسْكَنْهُمْ وَ سَجَّلَوْا أَسَامَيْهُمْ.
34-38وَ دَاهُو أَسَامَيْ شُيُوخْ خُشُومْ بُيُوتْ قَبِيلَةْ شِمْعُونْ. وَ هُمَّنْ مَشُوبَابْ وَ يَمْلِيكْ وَ يُوشَا وِلَيْد أَمَصْيَا وَ يُوِيلْ وَ يَاهُو وِلَيْد يُشِبْيَا وِلَيْد سَرَايَا وِلَيْد عَسِيِيلْ وَ أَلِيُعْنَايْ وَ يَعْقُوبَا وَ يُشُحَايَا وَ عَسَايَا وَ عَدِيِيلْ وَ يَسِمِيلْ وَ بَنَايَا وَ زِيزَا وِلَيْد شِفْعِي وِلَيْد أَلُّونْ وِلَيْد يَدَايَا وِلَيْد شِمْرِي وِلَيْد شَمَعْيَا. وَ عَايِلَاتْهُمْ بِقَوْا كُبَارْ مَرَّةْ وَاحِدْ. 39وَ هُمَّنْ مَشَوْا عَلَيْ مَدَخَلْ حِلَّةْ قَدُورْ لَحَدِّي صَبَاحْ لِلْوَادِي أَشَانْ يَلْقَوْا بَكَانْ مَرْعَى لِغَنَمْهُمْ. 40وَ هُمَّنْ لِقَوْا بَكَانْ مَرْعَى سَمَحْ وَ بَلَدْ وَسِيعَةْ وَ هَادِيَةْ وَ عِنْدَهَا رَاحَةْ. وَ النَّاسْ السَّكَنَوْا زَمَانْ فِي الْبَكَانْ دَا، هُمَّنْ مِنْ ذُرِّيَّةْ حَامْ. 41وَ لَاكِنْ النَّاسْ دَوْل جَوْا فِي الْبَكَانْ دَا فِي وَكِتْ حِزْقِيَّا مَلِكْ بَلَدْ يَهُوذَا. وَ دَمَّرَوْا كُلَّ خِيَمْ وَ مَسَاكِنْ هَنَا ذُرِّيَّةْ حَامْ وَ دَمَّرَوْا كُلَّ الشَّعَبْ وَ بِقَوْا مَا فِيهُمْ لَحَدِّي الْيَوْم. وَ بَعَدْ دَا، هُمَّنْ سَكَنَوْا فِي بَدَلْهُمْ أَشَانْ فِي الْبَكَانْ دَا فِيَّهْ مَرْعَى لِغَنَمْهُمْ.
42وَ وَاحِدِينْ مِنْ ذُرِّيَّةْ شِمْعُونْ مَشَوْا فِي جِبَالْ سَعِيرْ. وَ عَدَدْهُمْ 500 رَاجِلْ وَ فِي رَاسْهُمْ فَلَطْيَا وَ نَعَرْيَا وَ رَفَايَا وَ عُزِّيِيلْ كُلُّهُمْ أَوْلَادْ يِشْعِي. 43وَ هُمَّنْ كَتَلَوْا كُلَّ الْعَمَالِقْ الْفَضَّلَوْا. وَ سَكَنَوْا فِي الْبَكَانْ دَا لَحَدِّي الْيَوْم.
Currently Selected:
1 أخبار 4: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
