Zia-ƃelai Kɛ́-mɛni-ŋai Tuɛ mɛni ƃóɔɔ
Tuɛ mɛni ƃóɔɔ
Zia-ƃelai díkɔlɔi ƃa Lûu kɔlɔi kpɛɛ-ŋa. M̀ɛni-ŋûŋ kpîŋ gɔlɔi ŋí sui ƃa berei M̀ɔlêŋ Maa Waai è Zîsɛ ŋɔpôlu-ƃelai téniŋ tɔ̀ɔ la Zîsɛ maa tûŋ lɛ́lɛɛi táa-tâa pere sui. M̀ɛnii ŋí è kɛ̀ Zerusâlɛŋ, Zuda da Sameria kpiniŋ su (1:8). Gáa a Kôrai-ƃelai sia pere mɛni pɔlɔ nyíi gɔ́ɔ è pìlaŋ Zûu-ŋai sáma maa kili-kɛ-zu kɛ́ ƃò ŋ̀éniɛi gwaa kélee su-ƃelai yêei. Gɔlɔi ŋí pɔ̃yɛ nûu è kɛ̀ kpɔ́ a gbáaŋɔɔ a gɛ́ɛ gɔlɔi ŋí lóno-ƃela dífe Kôrai mɛnii ŋá kàa a mɛnii nyíi dɔɔ̂i gɔmɛnɛ-ƃelai dîai ŋuŋ ƃa Lomaŋ Gɔmɛnɛi. È kɛ̀ ŋ̀wɛ̂lii dí gɔ́lɔŋ dí táre zu a gɛ́ɛ Kôrai mɛni maa kili-kɛ-zui káa a Zûu Ɣala mɛnii ŋ̀aa-sèe kɛ́ɛ.
Gɔlɔi ŋí ŋáa kɔlɛɛ̂i a mɛni-ŋuŋ saaƃa nyíi-ŋai da lôno é pîlaŋ Zîsɛ maa tuŋ kɔ́ɔ pîlanii ma é tóo ƃɛ́i-ŋai dîa è sèri naai da berei Ŋ̀âla-pɛrɛi kɔ́ɔ è pìlaŋ lai. Berei Kôrai nuu-kpului maa mɛ̂ni kɔ́ɔ è pìlaŋ la Zerusâlɛŋ Zîsɛ tɛ́ɛ ɣâla-taa pôlu mai, Zîsɛ maa tûŋ è taa-tàa Paletiŋ lɔii m̀éla da-ŋa ma é lí é seri Mɛditɛrenia lɔii-kpiniŋ su é tóo Luŋ kpiniŋ su.
M̀ɔlêŋ Maa Waai mɛni ƃé gáa a m̀ɛni-ŋuŋ gbîŋ gɔlɔi ŋí su. È pà ǹaa-la-ƃelai mɛi a wála-wala-laa Zerusâlɛŋ. È Ŋ̀âla-pɛrɛi mɛi kàa é kponoi kpânaŋ tɛ̀ɛ ǹúu láa túɛ-ƃelai pɔ́ yɛ̂ɛ berei bɔ̃yɛɛ̂i la gɔlɔi ŋí sui. Ŋ̀orɛ̂-wooi Kôrai-ƃelai mɛni mai gélee ŋuŋ lâai gɔlɔi ŋí su da m̀ɛni-ŋai kɛ̂i. Díkɛ-mɛni kɔlɔi ŋí è ǹɛ berei maa wála-walai káa la ǹaa-la-ƃelai kponôi da berei maa kɛ-gîe pôlu-laai kɛ́ pere káa la Ŋ̀âla-pɛrɛi mui.
M̀ɛni-ŋûŋ-ŋai gɔlɔi ŋí sui
Núu kpɛ́tɛɛ sêre-faa kɛ́ mɛni ma (1:1-26)
Zîsɛ ŋɔwóoi gbɛɛ ŋái da gono-têei è gɛ̀i (1:1-14)
Ǹúui lɛ̀ɛ Zudasi pɔ́ɔ ŋái (1:15-26)
Dí Zîsɛ maa sêre faa kɛ̀ Zerusâlɛŋ (2:1--8:3)
Dí Zîsɛ maa sêre faa kɛ̀ Zuda da Sameria (8:4--12:25)
Pɔ̂ɔ ŋɔtíi (13:1--28:31)
Ŋ̀âla-woo táa-tâa siai maa-ŋuŋ (13:1--14:28)
Zerusâlɛŋ kpɔŋ kɛ́tɛi (15:1-35)
Ŋ̀âla-woo táa-tâa siai véerɛi (15:36--18:22)
Ŋ̀âla-woo táa-tâa siai zaaƃai (18:23--21:16)
Pɔ̂ɔ káa kpini-pɛrɛ mu Zerusâlɛŋ, Sisɛria da Luŋ (21:17--28:31)
Currently Selected:
Zia-ƃelai Kɛ́-mɛni-ŋai Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia