Gn 11

A jun torre Babel sb'i

1-2A 'a yic pecti', junn̈j sti eb' 'anma tzyala. 'Ix 'el eb' 'a lum lum 'ay 'a stojlal 'aj tzq'uel c'u, ax x'aji, 'ix 'ilchj jun niwquil pan̈n yuj eb' 'a yol yic Sinar, ata 'ix can cajn eb'. 3'Ay jun c'ual, 'ix yal eb' 'ixtic: Qui b'oc lum ladrillo, tzlajw cha, tzqui mucnec 'elta, xchi eb'. Atn chi sc'anlb'ej eb', yujto may q'uen q'uen ta', ax jun asfalto 'icha tzataj, a 'ix ya'ch eb' spixloc. 4Xlajw cha, xyaln pax ewin 'ixtic: Cotn̈ec, qui b'oc junc niwquil chon̈b' 'a tic. Tzlajw cha, tzqui b'onec junc niwquil torre, masnto tzq'ue'ch 'a satcha'an̈, yic wach' tzon̈ b'inaxec si'mb'il. Junxn̈ej tzon̈ 'ajc qui masnil, man̈xtzac on̈ sactzic 'a sat lum lum tic, xchi ewinac.

5Ax Jehová, 'ix 'eml wul yil jun chon̈b' cha, yet' jun torre tzb'o eb' cha. 6Yuj cha, xyaln Jehová 'ixtic: A eb' 'anma tic, junn̈j chon̈b'al yaj eb', junn̈j pax sti eb', ¿toc 'ay tas tztenn 'och wan eb' 'a jun munjel x'el yich sb'on eb' tic? 7Ax ticnec, 'em coyc 'a scal eb', ca'c somchjoc 'el sti eb', yic wach' man̈xtoc 'oj yab'lac eb' sti', xchi.

8'Ixta 'ix 'aj sactzic can 'at eb' 'a sat lum lum tic yuj Jehová, 'ix yactn eb' sb'on jun chon̈b' cha. 9Yuj cha, Babel#Gn 11.9 A 'a hebreo, a jun paxti "Babel", lajn yab'x yet' jun paxti "tzsomchji". 'ix scuchcn jun chon̈b' cha. A 'a jun lugar chi 'ix yac' Jehová somchjoc can sti eb' 'anma 'a sat lum tic, 'ix sactzic can 'at eb' 'a yolyib'n̈q'uinl tic yu'uj.

Eb' yin̈tl Sem

(1 Cr 1.24-27)

10Atn yab'xil eb' yin̈tl win Sem tic: Jun ciente ab'il xo sq'uinl Sem 'a jun tiempoal cha, yic x'alj jun yunnal Arfaxad sb'i, 'a yic schab'l ab'il xo ye'cn owl yaxn̈ab'. 11Xlajw cha, o'e ciente ab'il to 'ix 'ec' Sem, 'ayt eb' yunnal yet' eb' yisl x'alji.

12A Arfaxad 35 ab'il sq'uinal yic 'ix 'alj jun yunnal Sala sb'i. 13Xlajw cha, 403 ab'il to 'ix 'ec' Arfaxad, 'ayt eb' yunnal yet' eb' yisl x'alji.

14A Sala 30 ab'il sq'uinal yic 'ix 'alj jun yunnal Heber sb'i. 15Xlajw cha, 403 ab'il to 'ix 'ec' Sala, 'ayt eb' yunnal yet' eb' yisl x'alji.

16A Heber 34 ab'il sq'uinal yic 'ix 'alj jun yunnal Peleg sb'i. 17Xlajw cha, 430 ab'il to 'ix 'ec' Heber, 'ayt eb' yunnal yet' eb' yisl x'alji.

18A Peleg 30 ab'il sq'uinal yic 'ix 'alj jun yunnal Reu sb'i. 19Xlajw cha, 209 ab'il to 'ix 'ec' Peleg, 'ayt eb' yunnal yet' eb' yisl x'alji.

20A Reu 32 ab'il sq'uinal yic 'ix 'alj jun yunnal Serug sb'i. 21Xlajw cha, 207 ab'il 'ix 'ec' Reu, 'ayt eb' yunnal yet' eb' yisl x'alji.

22A Serug 30 ab'il sq'uinal yic 'ix 'alj jun yunnal Nacor sb'i. 23Xlajw cha, chab' ciente ab'il 'ix 'ec' Serug, 'ayt eb' yunnal yet' eb' yisl x'alji.

24A Nacor 29 ab'il sq'uinal yic 'ix 'alj jun yunnal Taré sb'i. 25Xlajw cha, 119 ab'il to 'ix 'ec' Nacor, 'ayt eb' yunnal yet' eb' yisl x'alji.

26Ax Taré 70 ab'il sq'uinal yic 'ix 'alj jun yunnal Abram sb'i, xlajw cha, x'alj Nacor, yet' pax Harán, atn eb' yunnal tic yoxwn̈il.

Eb' yin̈tl Taré

27A jun tic, yab'xil eb' yin̈tl Taré, atn win smam Abram, Nacor, yet' Harán. A Harán cha, atn smam Lot. 28'Ix cham win Harán 'a chon̈b' Ur 'a yol yic Caldea 'a 'aj 'aljnac. A yic mantzac cham smam, 'ix chami.

29'Ix yi'n sb'a Abram yet' Sarai. Ax Nacor 'ix yij sb'a yet' 'ix Milca, 'ix yisl Harán, snul'j sb'a 'ix yet' Isca. 30A 'ix Sarai cha, man̈ 'unewumoc 'ix.

31Xlajw cha, 'ix 'el Taré 'a yol chon̈b' Ur 'a yol yic Caldea, yic tz'at 'a yol yic Canaán. 'Ix yi'n 'at jun yunnal yet'oc atn Abram, 'ix yi'n pax 'at Lot, atn win yixchiquin, win yunnal can win Harán, yet' 'ix yalb' winac, tzcuch Sarai. Xc'och eb' 'a chon̈b' Harán, ata 'ix can cajn eb' ta'. 32Ata 'ix cham win Taré 'a lum Harán cha, 205 ab'il xyila, xlajw cha, xchami.

Currently Selected:

Gn 11: CSS

Highlight

Copy