Zac 2
2
Ri rox achi'el achik'
1Chirij ri' k'o chik k'a jun ri xk'utumej chinuwech, y xintz'et k'a chi k'o jun achin ri ruk'uan jun k'an richin etanik. 2Y xink'utuj k'a chire akuchi nibe-wi. Y rija' xubij chuwe chi niberetaj kan ri tinamit Jerusalem, richin chi nretamaj janipe' ruwech y janipe' raqen k'o. 3Y ri ángel ri k'o wik'in xchop nibe. Jari' toq xbek'ulun chik pe jun ángel richin xch'on rik'in. 4Y xubij k'a chire: Chi'anin ri' kabech'on rik'in la achin ri uk'uayon ri k'an y tabij chire chi ri Jerusalem man tikirel ta chi niya'ox tz'aq chirij, roma e janila chi winaqi' ek'o y janila chi awej. 5Y roma ri' ja ri Jehová xtitaqon-pe jun tz'aq ri banon rik'in q'aq' richin xtusutij-rij ri Jerusalem, y ja rija' xtisaqirisan richin, xcha' ri ángel chire.
Ri Jehová xtukol ri rutinamit
6Ri Jehová nubij chi kixanimej-pe ri pa ruwach'ulew ri k'o pa xaman, ri akuchi ixintalun-wi-el. 7Rix aj-Sión, tikolo-pe-iwi' chikikojol ri aj-Babilonia. 8Ri Jehová k'iytisanel richin ronojel in rutaqon-pe richin ninbij chike ri tinamit ri xe'eleq' chupan ri tinamit Sión y xubij: Xabachike k'a xtinaqo ri tinamit Sión, kan achi'el xa ta chuwe yin nuben-wi. 9Yin xa kan xtintzeqej k'a ri nuq'a' pa kiwi' rije' richin ninya' tijoj-poqonal pa kiwi'. Y stape' ja rix ri ix loq'on taq samajela', xtik'uaj-el ronojel ri kibeyomel. Keri' xtiq'ax chiwech chi ja ri Jehová ri in taqayon-pe.
10Ri Jehová nujikiba' rutzij chi kan xtok'oje-el chi'ikojolil. Roma ri' kan kixbixan k'a rik'in kikoten rix ri ix aj-Jerusalem. 11Toq xtibanatej ronojel re', kan e k'iy k'a ruwach'ulew xtijunamatej-kiwech wik'in yin richin xke'ok nuwinaq. Y yin xkik'oje' k'a chi'ikojol. Richin keri' xtiq'ax k'a chiwech chi ja ri Jehová k'iytisanel richin ronojel ri in taqayon-pe richin xipe iwik'in. 12Y ri ruwach'ulew Judá kan xtrichinaj chik ri Jehová, y k'ari' xtucha' chik ri Jerusalem richin xtok rutinamit. 13Roma ri' man jun chik k'a wineq xtich'on ta chirij ri Jehová, roma rija' k'o pa rachoch, y kan nuchojmirisaj chik ri' richin nipe qik'in. Keri' xtabij, xcha' ri ruka'n ángel chire ri jun chik.
Currently Selected:
Zac 2: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
