Hib 8
8
Yesu in hae pris in rhuvə rapita narmamə yamə mɨne kɨmɨsor wok kape hae pris kupan
1Nuknei nəgkiarien yame yakamhani in e:#Hib 1:3; 2:17; 3:1; 4:14; 6:20; 7:26; 9:11; 10:12; 12:2 Kapətawə kɨrik aikɨn hae pris yame ror məkna. In rɨnəkwətə ta ye kwermɨ Kughen Yermaru matuk apa ye rao ye neai. 2In mamor wok apa Ikɨn ramərhakə Ikɨn ye rao ye neai. In e Nimə Tapolen əfrah#Hib 3:6; 10:21; 1 Pita 2:5; Rev 13:6 yame Kughen rɨmɨvi, pəh nien mə yame yermamə rɨmɨvi.#Hib 9:11,24
3Kɨmɨvəhsi-haktə fam hae pris mɨnə kupan kɨmə tukhavəhsi-pən narɨmnar kɨmi Kughen mhavi nɨtə. Ye swatuk kɨrikianə əmə mɨn, kapətawə e hae pris, In mɨn tukraməkeikei mɨvəh-si-pən sakrefaes kɨmi Kughen.#Hib 9:14 4Nɨpɨg rɨmnamarə ye tokrei tanə, to khapəh nhaniyen mə In pris, meinai loa ramrɨpen kwənərəus pɨsɨn kɨrik mə iriə pris mɨnə, kɨni iriə kasor wok kape pris. 5Nimə Tapolen yamə mɨne pris mɨnə kasor wok ikɨn ye tokrei tanə in nanmɨ nar#Kol 2:17; Hib 9:23 yame ramsɨgovɨn nimə apa ye rao ye neai. Ror pən, nɨpɨg Kughen rɨmɨni-pən tuk Moses mə tukrɨvi Nimə Tapolen, in rɨmnor kwirɨg kɨmin mɨmə,
“Takaməkeikei maməm huvə mə takor narɨmnar mɨnə e ratuatuk məmhen ye kafak mak yame yɨmnor mamhajoun ik kɨn apa faktə ye tukwas.” (Eks 25:40)
6Mərɨg taktəkun ai, Yesu In hae pris kapətawə, In rɨvəh kafan wok yame rhuvə rapita wok kape pris kupan mɨnə. Kɨni ye norien kɨrikianə əmə mɨn, Yesu In swatuk kape promes vi e, In rhuvə mapita promes akwas mɨnə. Meinai promes vi e, in ramərer haktə ye nəgkiarien yamə mɨne khahuvə pɨk.#Hib 8:8,13; Luk 22:20; Hib 7:22; 9:15; 12:24
7Meinai to kɨpipəh nəm-pənien nar has kɨrik ye promes akwas,#Hib 7:11,18; 10:1 to promes vi rɨpipəh nɨvəhyen tamhekɨn. 8Mərɨg Kughen rɨmnəm nahasien kape narmamə kɨni mɨni mɨmə,
“Nɨpɨg aikɨn tukrɨpiuə,
yame Yo jakor promes vi kape kwənərəus kape Isrel mɨne kwənərəus kape Juda.
9Promes e tukror pɨsɨn ye promes akwas yame Yo yɨmnor kɨmi rɨpriə mɨnə kupan, ye nɨpɨg e yame Yo yɨmɨvəh kwermɨriə mɨkɨr-yerhav əriə khatərhav apa Ijip.
Yo jakor promes vi, meinai iriə kɨmnhapəh nharaptərəkɨnien promes yame yɨmnor kɨmi əriə kupan, kɨni ror pən yɨmukreikɨn-pən nɨmeitak kɨmi əriə.
10Kɨni Yo, Yermaru, yakamni-ərhav mɨmə, ye nɨpɨg yame tukrɨpiuə,
Yo jakor promes vi kɨrik kɨmi kwənərəus kape Isrel.
Jakvəh-sipən kafak loa mɨnə ye kapəria kapa,
kɨni mɨrai-pən yerkiriə,
Kɨni Yo jakuə rəmhen kɨn Kughen atuatuk kapəriə,
kɨni iriə tukhauə kafak atuatuk narmamə.
11Kɨni to khapəh nɨshajounien əriə mɨnə,
mamhani-pən tuk əriə mɨnə mhamə, ‘Kughen ror məknei,’
meinai iriə m-fam tukharkun Yo,
rɨrikakun ye narmamə apnapɨg mɨnə mɨvən meriaji-pən narmamə yamə mɨne kamhavəh nhag ehuə mɨnə.
12Meinai rɨkik rehuə tuk əriə tuk kapəriə norien yamə mɨne rɨpəh natuatukien.
Yo jakvəhsi-ta norien has mɨnə kapəriə,
Kɨni rɨkik tukrɨpəh nəsɨk-mɨnien norien has mɨnə kapəriə.” (Jer 31:31-34)
13Nɨpɨg Kughen ramni promes e, mə in promes vi, nɨpran e mə promes kupan, rɨnəkwas mɨnaha. Kɨni nar yame ruauə mɨnəkwas, rɨpəh nəmhenien, pəh nien mə tuk tu rɨkək.
Currently Selected:
Hib 8: nwi
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.