Pilemon 1

Amot

1Waraga man oya i baŋ Paulo, ame abuc a Kricito Yecu, kede baŋ ominwa Temoteo.

Baŋ Pilemon atic wadwa ame amaro, 2#Kol. 4.17gin kede aminwa Apia, kede Arakipo acirikale wadwa, kede jo oye Kricito a cokere i odi:

3Obaŋa Papawa kede Rwotwa Yecu Kricito omiwu winyo kede kuc.

Mar a Pilemon kede iyee mere

4Apwoo Obaŋana didik ka atuco nyiŋi i kwacca, 5pien abedo winyo pi mar meri kede iyeeni ame ibedo kede i kom Rwotwa Yecu kede jo Obaŋa luŋ. 6Man omio akwao ni, kite notte ame onotte kedi i kom iyee odok atek a romo niaŋowa atut i kom gin aber luŋ a wan otye kede i Kricito. 7Pien mar meri okella lelo adwoŋ dok okweo yia, omina, pien idwoggo cuny jo Obaŋa.

Pido a Paulo pi Onesimo

8Pi mannono, kadi bed atye i tekcuny i Kricito ame romo miyo aciki acika itiyo ginnoro a mitte, 9cite pi mar meri-ni aneno ni ber akwai akwaa, an Paulo ame acuŋ akaka Kricito Yecu, ame aman daŋ adoko abuc pire. 10#Kol. 4.9Akwai pi atinna Onesimo, ame adoko pappere kan i buc. 11I kare okato konnyere koŋ obedo mom baŋi, cite aman konnyere doŋ dwoŋ baŋi kede baŋa. 12En enno doŋ adwoggo en baŋi-nu, ame en doŋ odoko acalo dul koma ikokome. 13Onwoŋo amito ni kono agwoke baŋa kan, me mia kony akakari a kun pwod atye i buc pi rabo amut aber; 14cite mom amito timo ginnoro aboŋo winyo gin a yin iparo, me ka itimma ber, mom obed pi ruyi arua, ento pi yerri yin ikomi.

15Gwok onyo man en gin omio rik en opokere kedi pi kare anok, me wek ite game doŋ atwal, 16mom dok acalo opii, cite akato opii oko, acalo ominwa ame omaro. Pollere wok en pire tekka, cite i tuŋ baŋi pire doŋ tekki meicel, acalo akonnyi kede ominni i Rwotwa.

17Doŋ ba, ka iŋeo ni an abedo awotti, game i kite a kono igama kede. 18Ka ce rik otimmi rac, onyo tye i banyani moro, kwan magi-nono i wia. 19An Paulo acoo man i ciŋa an ikoma, abino culli oko. Kun mom dok akobo ni, yin daŋ giri itye i banyana, en kwoni ikome. 20Ee ta, ominna, amito konnyoro i baŋi i Rwotwa. Dwoggo cunya i Kricito.

21Atye i gen atek i komi ni ibino woro doga, omio atye acoyi kop man kun aŋeo ni ibino timo akato ame an akobo. 22Karacel i mano, yikka icika moro me welo, pien atye i gen ni kwacwu bino miyo omia baŋwu.

Amot me agikki

23 # Kol. 1.7; 4.12 Epapira abuc wadwa i Kricito Yecu omoti, 24#Tic 12.12, 25; 13.13; 15.37-39; 19.29; 27.2; Kol. 4.10, 14; 2 Tem. 4.10, 11anaka Marako, Aricitako, Dema kede Luka otic wadwa.

25Winyo a Rwotwa Yecu Kricito bed kede cunywu.

Currently Selected:

Pilemon 1: La79

Highlight

Copy