Marako 2
2
Yecu ocaŋo dano ame two too me akwea kom
(Nen daŋ Matayo 9.1-8; Luka 5.17-26)
1Ka nino okato anok, Yecu dok odwogo i Kapernaum, jo te winyo ni en tye paco. 2Ote cokere apol, omio kabedo te dokkigi adiŋ oko, anaka atot i doggola daŋ; en obedo ka rabo kop baŋgi. 3Jo moro te bino kun okelo baŋe dano ame two too me akwea kom, ame jo aŋwen odyelo. 4Ka yo me tere i nyim Yecu oloogi pi pol a lwak, gin te tuco wi ot kan a en tye iye; ka doŋ omuko, ote cwayo gi-buto ame atwo obuto iye. 5Yecu ka oneno iyeegi, te kop kede atwo ni, “Awobi, balli doŋ oweko oko.” 6Opwony-cikkogo ame onwoŋo obedo kuno opyem i cunygi kengi ni, 7“Dano man kobo aman piŋo? En ayeto Obaŋa! Ŋa ame twero weko bal, kono Obaŋa keken gire?” 8Piopio-nono Yecu te niaŋ oko i cunye ni gin otye ka tamo amannono i yigi, te penyogi ni, “Piŋo ipyem wunu i cunywu amannono? 9Kara ayottere mene, ka okobbi atwo ni, ‘Balli doŋ oweko oko’, onyo ni, ‘Ya, itiŋ gibutoni, iwoti?’ 10Ento an amito iŋe wunu ni, Wot a dano tye kede twer i lobo me weko bal.” En te kobbi lo ame two too akwea kom ni, 11“An akobbi ni, ya, itiŋ gi-butoni, iwot giri paco.” 12En oya, otiŋo gi-buto mere oyotoyot, odonyo oko kun kato i nyimgi ducu, omio gin luŋ owuro meicel, daŋ ote pako Obaŋa a kun okobo ni, “Anaka cene mom ru oneno gin acalo man.”
Yecu olwoŋo Levi
(Nen daŋ Matayo 9.9-13; Luka 5.27-32)
13Yecu dok te wot oko i dog nam me Galilaya; lwak ducu obino baŋe, en opwonyogi. 14Ka okato iyo, oneno Levi, wot a Alipayo ame obedo piny i ka rayo ocoro; okobbe ni, “Luba,” En oya, olube. 15Ame Yecu obedo piny i dog cem i ot a Levi, ora-ocoro apol anaka obalo obedo piny karacel kede Yecu kede jo a lube, pien onwoŋo kodi jo-nono apol tye a lube. 16Opwony cik ame i akina Oparicayo oneno ni en acem karacel kede obalo kede oraocoro, ote penyo jo a lube ni, “Kara piŋo en cemo karacel kede ora-ocoro anaka obalo-gu?” 17Ka Yecu owinyo, te kobbigi ni, “lo a komgi yot mom mito dakatal, kono ka jo a komgi lit. An mom abino me cwano jo a kitegi atira, ento obalo.”
Peny i kom kanyo kec
(Nen daŋ Matayo 9.14-17; Luka 5.33-39)
18Jo a lubo Lakana kede jo a lubo Oparicayo onwoŋo otye ka kanyo kec; jo moro obino, te penyo Yecu ni, “Kara piŋo jo a lubo Lakana kede jo a lubo Oparicayo gin kanyo kec, aco jo a lubi mom kanyo kec?” 19Yecu te gamo doggi ni, “Owote a ŋat a nyom twero kanyo kec a kun en anyom tye baŋgi? Pi kare luŋ ame anyom tye baŋgi mom otwero kanyo kec. 20Kare bino tuno ame obino kwanyo anyom oko i baŋgi, eka gin te kanyo kec i ninonono. 21Mom tye dano moro ame dapo dul boŋo anyen, ame pe ru olwoko, i kom en ame doŋ oti. Ka en otimo kite-nono, dul boŋo ame odapo kede-ni lunyo telo boŋe-nu, en anyen telo en aconni, waŋe te yec medde ameda. 22Dok mom tye dano ame piko koŋo anyen i ocoe acon; ka ce opiko, koŋo anyen bino yeco ocoe, koŋo te balle oko kede ocoe daŋ; ento koŋo anyen mito ocoe anyen.”
Olub Yecu orito wit bel i nino me cabit
(Nen daŋ Matayo 12.1-8; Luka 6.1-5)
23 #
Lodo 23.25
Ka nwaŋ Yecu woto kun aŋolle i poto bel i nino me cabit, jo a lube oero rito wit bel kun owoto. 24Oparicayo te penye ni, “Kara piŋo jo a lubi otimo gin ame cik okwero ni jo kur ti i ceŋ cabit?” 25#1 Cam. 21.1-6En te gamo doggi ni, “Wun ce mom ikwano wunu gin ame nwaŋ Daudi otio ka rik en tye arac, ame kec oneke, en kede jo a rik tye karacel kede? 26#Olev. 24.9Kite ame en odonyo kede i ot Obaŋa, i kare ame Abiatar obedo alamdog adwoŋ, te camo ogati ame oketo i nyim Obaŋa, a yam cik okwero ni dano moro kur cam, kono ka olamdog keken? En ocamo dok te miyo baŋ jo ame tye karacel kede.” 27Te kobbigi ni, “Cabit tye gire pi dano, mom dano en a tye pi cabit. 28Pi mannono, Wot a dano en rwot anaka me cabit.”
Currently Selected:
Marako 2: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.