Matayo 17

Yecu olokere onen apat

(Nen daŋ Marako 9.2-13; Luka 9.28-36)

1 # 2 Pet. 1.17-18 Ame nino abicel doŋ okato, Yecu otero Petero kede Yakobo kede ominnere Lakana, oyito kedgi i wi kidi abor i muŋ. 2Kit kome te lokere oko i nyimgi, waŋe te lyel bala ceŋ, rukkere te doko atar acalo raŋ cen. 3Nen, Muca kede Elia te nen baŋgi kun okobo kede. 4Petero te kobbi Yecu ni, “Rwot, ber meicel wan ibedo kan. Ka ce imito, abino gero gonye adek kan, acel meri, acel mea Muca, acel me Elia.” 5#Age. 22.2; Lodo 18.15; Jab. 2.7; Ica. 42.1; Mat. 3.17; 12.18; Mar. 1.11; Luk. 3.22A kun pwod etye ekop, aco ba, tipo pol aryeny te wumogi ipuk, dwon te ya i pol, ni, “Man en Woda ame amaro; a yia yom i kome, winye wunu.” 6Ka jo a lube owinyo man, ote rette aryeba cuny pi lworo adwoŋ. 7Yecu te bino baŋgi, ogudogi kun kobbigi ni, “Ya wunu malo; kur ilwor wunu.” 8Ka otiŋo waŋgi, mom oneno dano moro, kono ka Yecu kene.

9Ame oyito piny iya i wi kidi, Yecu te cikogi ni, “Kur ititti wunu dano moro gin ame ineno wunu, ituno a doŋ ocero Wot a dano iya i akina jo oto.” 10#Mal. 4.5Jo a lube te penye ni, “Piŋo opwonycik kobo ni Elia myero koŋ bin?” 11En ogamo ni, “Elia bino tuno, bino dwoko jami ducu kakare. 12#Mat. 11.14Ento an atittiwu ni, Elia doŋ otyeko bino oko, cite jo mom oŋee, ote time i gin a yigi omito. Wot a dano daŋ obino time arac kite-nono.” 13Jo a lube te doŋ niaŋ ni en okobbigi kop i kom Lakana Abatija.

Yecu ocaŋo awobi won cen arac

(Nen daŋ Marako 9.14-29; Luka 9.37-43)

14Ame doŋ gin otuno baŋ lwak, dano moro te bino rumo cone baŋe, obako doge ni, 15“Rwot, tim woda-ni ber ba, pien two ekwikwiŋ omake arac meicel; pien tyen apol en rette i mac, kede tyen apol anaka i pi i daŋ. 16Cite woki akele baŋ jo a lubi, caŋo oloogi oko.” 17Yecu ogamo ni, “Wun lwagi jo me kare man, iyeewu mom, kitewu doŋ oballe oko; kara abino bedo kedwu naka awene? Abino diyo cunya i komwu ituno awene? Kele wunu baŋa kan.” 18Yecu te juko cen, cen te ya oko i kome, awobi-nu te caŋ oko i caa-nono. 19Icennere jo a lube te bino baŋe i muŋ kun openye ni, “Kara ŋo omono wan daŋ ryeme?” 20#Mat. 21.21; Mar. 11.23; 1 Kor. 13.2En te gamo doggi ni, “Pien iyee mewu nok. Ento ateni atittiwu ni, ka kono itye wunu kede iyee acalo nyig koti karadali, ibino wunu kobbi kidi man ni, ‘Mukere i kan oko, ilor kuca’, daŋ bino lor; ginnoro mom bino loyowu. [21Ento gin acalo man mom ya, kono ka pi kwayo Obaŋa kede kanyo kec keken.]”

Yecu dok otito pi to mere

(Nen daŋ Marako 9.30-32; Luka 9.43-45)

22Ame gin ocokere karacel i Galilaya, Yecu okobbigi ni, “Wot a dano obino miye i ciŋ jo, 23obino neke, ento i ninome adekkere obino cere oko,” Gin te kumo meicel.

Ocoro me ot Obaŋa

24 # Yaa 30.13; 38.26 Ka gin otuno i Kapernaum, jo a rao ocoro me ot Obaŋa te bino baŋ Petero, ote penye ni, “Apwonywu mom gelo ocoro me ot Obaŋa?” 25En te gamo ni, “Gelo.” Ka en odonyo i ot, Yecu te geyo penye ni, “Yin itamo niŋo Cimon? Oloc me lobo man orao ocoro kede owalo i baŋ jo a kite mene? Baŋ jogi, kade nyo i baŋ jo ocele?” 26En te gamo ni, “Baŋ jo ocele.” Yecu dok te dok iye ni, “Ka kite-nono, jo megi tye kede kuc. 27Kadi bed amannono, kur doŋ ocan jo-nu. Apee wot i dog nam, ibol golo, iyut rec okwoŋo moko, eka ite yabo doge, ibino nwoŋo iye cekel. Kwany imigi pi mera kede meri.”

Currently Selected:

Matayo 17: La79

Highlight

Copy