Matayo 12

Olub Yecu orito wit bel i nino me cabit

(Nen daŋ Marako 2.23-28; Luka 6.1-5)

1 # Lodo 23.25 I kare-nono Yecu owoto kun ŋolle i poto bel i nino me cabit. Onwoŋo kec aneko jo a lube, gin te ero rito wit bel, te mwodo. 2Oparicayo ka oneno, ote kobbe ni, “Nen, jo a lubi otimo gin ame cik okwero ni jo kur ti i ceŋ cabit!” 3#1 Cam. 21.1-6En te gamo doggi ni, “Wun ce mom ikwano wunu gin ame nwaŋ Daudi otio ka rik kec oneke, kede jo a rik tye karacel kede? 4#Olev. 24.9Kite ame en odonyo kede i ot Obaŋa, te camo ogati ame oketo i nyim Obaŋa, a yam cik kwero ni en kur cam, kadi jo ame tye karacel kede, kono ka olamdog keken? 5#Wel 28.9-10Kede onyo mom ikwano wunu i cik ni i ceŋ cabit olamdog i ot Obaŋa daŋ balo cabit, cite mom onwoŋo kop? 6Ento an akobbiwu ni, gin adwoŋ akato ot Obaŋa tye kano 7#Mat. 9.13; Koc. 6.6Kono ce iŋeo wunu te kop man, ni, ‘Amito kica, mom gin oŋolo’, kono mom iŋolo wunu kop oloo jo a balgi mom. 8Pien Wot a dano en rwot me cabit.”

Dano ame bade omito

(Nen daŋ Marako 3.1-6; Luka 6.6-11)

9Yecu oya i kuno obino i kacokere megi. 10Kuno onwoŋo tye iye dano ame bade omito. Jo a mito pide te penye ni, “Cik ye ni caŋ dano i cen cabit?” 11#Luk. 14.5En te penyogi ni, “Kara ŋa i akinawu, ka tye kede romo acel, eka romo-nu te poto oko i bur i ceŋ me cabit, en mom bino mako, te wayo oko? 12Dano mom pire tek meicel akato romo? Pi mannono cik ye ni tim gin aber i ceŋ cabit.” 13Eka en te kobbi lo-nu ni, “Rye badi oŋ,” En oryeo bade, te caŋ oko, te doko aber arorom i tuŋ cel. 14Oparicayo te kato oko, ote poro kop i kome, kite a myero oneke kede.

Amiro ame oyero

15Ka Yecu oŋeo, te ya oko i kuno. Jo apol te lube, daŋ en te caŋogi ducu, 16te jukogi ni, kur omi jo ŋe. 17Man otimere me kop Obaŋa a rik obino i dog adwarpiny Icaya cobere kakare, ni,

18 # Ica. 42.1-4 “Nen amirona ame ayero,

ame amaro, cunya yom i kome.

Abino keto Cunya bed i kome,

en bino tero kwena me ŋolo kop atir baŋ Orok.

19En mom bino da, mom bino redo areda,

mom obino winyo dwone i waŋa yo;

20en mom bino turo ogada ame okak,

dok mom bino neko uci tara a pwod aduny,

ituno ka en omio kop ame oŋolo atir oloo lobo;

21ento Orok bino geno gin aber pi nyiŋe.”

Yecu gin kede Beeljebul

(Nen daŋ Marako 3.19-30; Luka 11.14-23; 12.10)

22Eka ote kelo atowaŋŋoro a tye kede cen arac, ame lebe oto baŋ Yecu. Ocaŋe, omio alebeoto oloko, daŋ te neno piny. 23Lwak jo ecipan owuro kun okobo ni, “Kara man mom akwar Daudi?” 24#Mat. 9.34; 10.25Ento Oparicayo ka owinyo te kobo ni, “Dano man ryemo cen pi twer a Beeljebul, adwoŋ me cen, keken.” 25Ento en oŋeo tamgi oko, te kobbigi ni, “Kare ducu ka loc opokere yie aryo, lobo mere balle oko, dok kare ducu ka paco onyo ot opokere yie aryo, mom cuŋ. 26Ka Catan ryemo Catan, en nwoŋo opokere yie aryo; kara loccere bino cuŋ iŋo? 27Dok ka an aryemo cen pi twer a Beeljebul, kara itinowu ryemo pi twer aŋa? Pi manno gin bino ŋolliwu kop. 28Ento ka an aryemo cen pi Cuny Obaŋa, loc Obaŋa doŋ obino baŋwu. 29Dano twero donyo i ot a ŋat atek niŋo, a mom koŋ ogeo tweyo dano atek-ku, eka te yako ode. 30#Mar. 9.40Dano a mom tye tuŋ baŋa en akworra, dok dano a mom coko karacel keda, en keto aketa. 31Pi mannono, akobbiwu ni, bal acel acel a jo tio kede ayet ducu ame oyeto kede Obaŋa, obino timogi iye kica, ento ayet ame oyeto kede Cuny Acil mom obino timo iye jo kica. 32#Luk. 12.10Dok dano ame kobo kop arac i kom Wot a dano obino timo kica, ento dano ame kobo kop arac i kom Cuny Acil mom obino timo kica, kadi i kare man, onyo i kare a bino i nyim.

Yat ŋeye pi nyige

(Nen daŋ Luka 6.43-45)

33 # Mat. 7.20; Luk. 6.44 “Myero iŋe wunu ni yat aber nyige daŋ beco, yat arac nyige daŋ reco; pien yat ŋeye I kom nyige. 34#Mat. 3.7; 23.33; 15.18; Luk. 3.7; 6.45Wun itino ororo, itwero wunu kobo kop aber nino, ame kono wun jo areco? Pien kop ame ocokere i cunyi, en ame dog daŋ kobo. 35Dano aber kwanyo gin aber i akina jami abeco ame en okano dano arac kwanyo gin arac i akina jami areco ame en okano. 36Akobbiwu ni kop ducu ame jo kobo aboŋo gwokere iye, obino piddigi pire i nino me ŋolo kop; 37pien kop ame ikobo bino miyo iloo kop, dok kop ame ikobo bino miyo kop loyi.”

Jo areco ame mito neno anyut

(Nen daŋ Marako 8.11-12; Luka 11.29-32)

38 # Mat. 16.1; Mar. 8.11; Luk. 11.16 Jo mogo i akina opwony-cik kede Oparicayo te kobbe ni, “Apwony, wan omito neno anyuttoro a ya i baŋi.” 39#Mat. 16.4; Mar. 8.12En te gamo ni, “Lwagi jo areco kede ocod cot-ti yenyo anyut, ento mom obino miyogi anyuttoro, kono ka anyut adwarpiny Yona keken. 40#Yon. 1.17Pien acalo Yona rik otyeko nino adek, dyeceŋ kede dyewor, iyi rec, kite-nono Wot a dano daŋ bino tyeko nino adek, dyeceŋ kede dyewor, i lobo. 41#Yon. 3.5Jo Nineve bino cuŋ karacel kede lwagi jo me kare man, i kare me ŋolo kop, te miyo kop loyogi: pien gin rik oŋut pi kop a Yona orabo, cite nen, gin adwoŋ akato Yona tye kan. 42#1 Obak. 10.1-10; 2 Tek. 9.1-12Abaka a dako me tutuŋ anyarolum bino cuŋ karacel kede lwagi jo me kare man i kare me ŋolo kop, te miyo kop loyogi; pien en otuno iya i agikki me lobo pi winyo ryeko a Culeman, koŋ inen, gin adwoŋ akato Culeman tye kan.

Kit a cen arac dwogo kede i kom dano

(Nen daŋ Luka 11.24-29)

43“Ka cen arac oya i kom ŋattoro, en woto mano kabedo a pii mom iye kun yenyo ka weo; naka mom onwoŋo. 44En te kobo ni, ‘Adok gira i oda kan a rik aya iye.’ Ka otuno, en onwoŋo ŋattoro mom iye, oweo yie acil, ame oyiko aber. 45En dok te wot omo cen ocele abiro a gin doŋ reco akate, gin donyo bedo kuno; icennere dano man bedo arac akato a yam con. Bino bedo amannono daŋ baŋ lwagi jo areco me kare man.”

Tota a Yecu kede omego mere

(Nen daŋ Marako 3.31-35; Luka 8.19-21)

46Ka rik en pwod tye ka kop kede lwak, nen, tottere kede omego mere onwoŋo ocuŋ oko, kun omito kop kede. 47Dano moro te kobbe ni, “Neno, totti kede omegoni tye ocuŋ oko, omito kop kedi.” 48Ento en odok i dano-nu ni, “Kara totta en ŋa? Omegona gin jo mene?” 49Te ryeyo bade tuŋ baŋ jo a lube kun kobo ni, “Nenu ba totta kede omegona! 50Dano a tio gin ame Pappa a tye i polo mito, en ominna, en aminna kede totta.”

Currently Selected:

Matayo 12: La79

Highlight

Copy