1 Petero 5
5
Kwa wunu rommi Obaŋa
1Abako doga baŋ odoŋe ame tye i akinawu, an adwoŋ wadwu ame bedo caden i can a Kricito, dok daŋ abino ribere kedwu i kwogo mere ame bino nen. 2#Lak. 21.15-17Kwa wunu rommi Obaŋa ame tye baŋwu, kun ineno wunugi aber, mom pi dic, ento pi mitwu kenwu, i kite ame Obaŋa mito, mom pi lim ento pi mit me cunywu. 3Kur ilo wunu jo ame oketo i ciŋwu kede teko, ento bed wunu anen aber baŋ rommi; 4mio ka Akwat adwoŋ bino nen, ibino nwoŋo wunu mot, tok kwogo a mom ner. 5#Caro. 3.34 Kittono wun awobe daŋ, winy wunu loc odoŋe. Wun ducu rukere wunu kede mwolo, ŋat acel acel i nyim awottere, pien “Obaŋa pyem i jo a wakere, cite mio winyo baŋ jo a amwol.”
6 #
Mat. 23.12; Luk. 14.11; 18.14 Mwolle wunu kenwu i te twer Obaŋa, me wek ka kare oromo, en tiŋwu malo. 7Cibu parwu ducu i kome, pien en tamo pirwu. 8Gwokere wunu, kiu piny, pien akworwu Catan tye a rimo piny calo eŋato ame mor, kun yenyo dano me amwoda. 9Cuŋ wunu atek i nyime pi iyee kun iŋeo wunu ni, omegowu ame tye i lobo ducu tye a kanyo kit cannono. 10Ka doŋ ineno wunu can pi kare anok, Obaŋa ami winyo luŋ, ame olwoŋowu i Kricito Yecu me nywako kwogo mere a perakino odoco, en ikome bino dwokowu kakare, bino miyowu teko, dok bino miyo icato wunu atek. 11Loc obed baŋe nakanaka. Amen.
Amot me agikki
12 #
Tic 15.22, 40 Acoyiwu waraga man anok kede ciŋ Silvano, ame aŋeo ni ominwa ame genne, pi cuko cunywu kun akobo acalo caden ni, man en winyo Obaŋa me ateni; Cuŋ wunu iye atek. 13#Tic 12.12, 25; 13.13; 15.37-39; Kol. 4.10; Pile 24Lwak oye Kricito a tye Babulon, ame Obaŋa oyerogi karacel kedwu, omotowu, karacel kede woda Marako. 14Motte wunu kenwu kenwu kede amot me mar. Kuc obed baŋwu ducu ame itye wunu i Kricito.
Currently Selected:
1 Petero 5: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.