2 Timoteus 4
4
1Me ku anetha kotjipala tjaKalunga notjaKristus Jesus, ngume ke ya okukoya ovanamwenyo novat̯e, ngume ke ya okutumina ngohamba: 2Teetha odhondaka dhaKalunga, kambulitha okuteetha poluvedhe oluwa nopoluvedhe oluvi, pukulula ovantu, u ve ande, u ve vandhipaleke nelikambulithilo, ove u ve longe. 3Maku ke ya otembu, katango ovantu mava ka kala ahamava hala okuteelela elongo ndyaa vyuuka. Mave ke litaendhela ovalongethi ngahi mava hala ovene, mbamava ka popya himatji nyetethele omatwi awo. 4Mava ka yetha elongo lyatjatjili, have ke litwaa movipuka vyodhongano. 5Iya ove liyunga movipuka avihe. Hepa, undapa otjilinga tjoye tjomuteethi wondaka ombwa. Hwithila po otjilinga tjoye tjokuundapela Kalunga.
6Iya me dhipawa ngeyambo, otembu yokuthiaa po onkalamwenyo yandje i li popedhi. 7Ame mba lu otjilwa otjiwa, mba mana okudhamuka, mba kambulitha eitavelo. 8Iya napano mba ungulilwa ohala youton̯i wouvyuuki, Muhona, nguu koya nouvyuuki, ndjima ka mpa metango ndyoka ngahi ma ka pa wo ovantu avehe mboka mbave mu dhimbaluka, mbava hala oku mu mona.
9Kondja okuya kwaame dhivadhiva. 10Iya mena lyokutya Demas u hole ouye hembu, wa nt̯iaa po, ha i koTessalonika. Kreskes wa ya koGalatia, naTitus wa ya koDalmatia.#2 Kor. 8:23; Gal. 2:3; Kol. 4:14; Tit. 1:4; Film. 24 11Lukas oye vala aika e li pwaame. Etelela Markus, mena lyokutya me mu hala e ye a mpopile ovilinga.#Ovil. 12:12,25; 13:13; 15:37-39; Kol. 4:10,14; Film. 24 12Tikikus mbe mu tuma koEfeso.#Ovil. 20:4; Efes. 6:21,22; Kol. 4:7-8 13Etelela ombaikitha yandje ndjimba thiaa koyooKarpus moTroas. Etelela wo omambo, unene omambo opergamendi.#4:13 opergamendi: Otjipa tjondhu ne tjonkombo hitja hikwa nawa mumu tjangwa.#Ovil. 20:6
14Aleksander omuhambuli wa ndinga navi unene, Muhona me ke mu tjun̯ina hitji li thike povilinga vye.#Eps. 62:12; Rom. 2:6; 1 Tim. 1:20 15Naove wo mu lungamena mena lyokutya, u kondjetha unene eteetho lyetu.
16Motjipopya tjandje kape na tja omuntu ngwaa yembele kwaame motjikando tjandje tjolutenga, iya avehe va ndjetha. Kalunga nga kale ahame ve vele ombedhi. 17Iya Muhona Jesus u li pamo naame, wa mpa odhonkono, opo mba dha okuteetha ondaka ombwa ndjaa hwile po, i teeke kovantu avehe. Iya mba hupithwa motjinyo tjonkeyama. 18Muhona ma ka ntjupitha kotjilinga atjihe otjivi, ma ntwala amba amenwa nawa motjilongo tje tjomeulu. Muhona nga tumbalekwe apehe katee apehe. Amen.
Omameneko
19Me menekele po Priska naAkula nowoyaOnesiforus.#Ovil. 18:2; 2 Tim. 1:16-17 20Erastus we thiwa koKorinto. Iya Trofimus mbe mu thiaa koMileto, mena lyokutya wa li ama vele.#Ovil. 19:22; 20:4; 21:29; Rom. 16:23 21Kanyauka, u ye dhiva huno tainkolo ompepela háiye ya.
Eubulus naPudens naLinus naKlaudia novaitaveli avehe mave ku menekele po.
22 Muhona nga kale pamo naove. Et̯ilonkenda lyaKalunga ngali kale nan̯e amuhe.
Currently Selected:
2 Timoteus 4: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
