Mal 2
2
Mberkïnda kïta ngejanyamosï
1Tajigla, în ngéjanyamosï, mberkïnda 'nten i kïtasï. 2Îla oon dø al, îla i taan kï kamsït kad øsïn gon tøm al a ne, kel Bïraþe Ngekoosïg, m'a m'la kï ndøl kïdøsït, m'a m'ndøl majkurrg losï. Ã, m'ndøld woi kïta i taan kï kamsït al, 3Oon, m'a m'tuj kohsï. M'a m'ü þirþit takumsït, ad i dã kadkarig losï kïjakø, na a üsïn kø nat sia. 4Na a i gerïn ta kad mî Bïraþe Ngekoosïg mî la m'la kï mberkïnda 'nten rosït kïtakad kunkø lom kï Lebi a to lotont. 5Kunkø lom kï Lebi i kunkø kumkajir kï lapia, m'ada kad þool ðaa, na þoolïm tø, tøm ndaa þoolt. 6Mberkïnda kïrota i taat na ngahn ta kïgootal ndartaat al. Ndia nat sem kam lapiat kï denesew mbã ad deg ngãibe nyan go majal kø. 7Kïtø maj kad ndarta ngejanyamosï ngom nyager, na kam taat sumba kad deg sahn mberkïnda tit, kïta i ngombangkïla lo Bïraþe Ngekoosïg, 8Na în, i nyan ðob'n non kø adïn mberkïnda tel nya ga deg ngãibe gigt, i nujïn kunkø lo Lebi, titbe la i takelïm mî Bïraþe Ngekoosïg ye. 9Kïtø 'nten m'telsï nya kidt kï maja goto takum degt tube kïta i ngomïn go ðob lom al, na i ndï ørrïn deg dene, lon i ndï i ndoon ne mberkïnda.
Nyaðakïro al lo Israelag
10Jî tube, bøwj i kïða ale? Luwah kïðabe hã ndahj al a? Kïtøði kï ðan nya kïro al kï'na, na kïyerrïn kï kunkø lo bøwjg a? 11Juda ða nya kïro al na deg ðan nya kïyerr kam Israelt kï Jerusalem kïta Juda yerr kï lo kïjaþat lo Bïraþe'n Bïraþe tara na taa ngon kïdë kï ngeðayo. 12Bïraþe a ørr de kï ngeða nya 'nten kø kam kujkubgt lo Jakob kad de kï ngemanaj, ke ngeturta ke ngela kadkari kad Bïraþe Ngekoosïg goto. 13Oon, nya'n i ðan þaitø, laten: Utïn dø dïngïr lo Bïraþe kï man nõ kï nõ kï tõ ðusïðusï kïta oo maj kadkari al, taa jisït kï kamndig al tø, 14na i ndïjen anan: Kïtøði Bïraþe mbet kadkari losï? Kïtø Bïraþe i ngemanaj dansït, î kï nëi'n i taa basait nu mbã, I ða sia nya kï ro al, i nami ngendï sei, i dekïdë kunkø loi, be kaa i tee girrat kø. 15Luwah ndahsï kïðabedo ale? Dãro kïðen kï ndil ød ron kamt ale? Na dekïkïðanbe'n non gee ði a? Gee ngah ngan'gn Luwah ad, be ale? Kïtø 'nten oon go rosï maj kad de mad kusït la rosøl dø dekïdët kï taa kï Basan al. 16Kïtø m'øsï ta ngetuþa dekïdë, kel Bïraþe Luwah lo Israel, kïta 'nten oon go rosï maj, na kad i majïn go kunkø losï kï unïn nõ, kel Bïraþe kï Ngekoosïg 17I ndan Bïraþe kørt kï tag losï, na i ndï anan: Kï ndaa kørt kï ði a? Lon elïn anan: Dekïðen'n, ða majal a ne, i kïmaj takum Bïraþet, na kamdt la ngahn ronel tit ye. Ndïjen tø anan: Luwah kïdenesew i ðah?
Currently Selected:
Mal 2: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
