Luke 11
11
1မၢင်သိူဝ်သိူဝ်ငိ မိူဝ်းၸဝ်ႈယေႇသုသူးတွင်းႁေဝႃလၼ်ၼေတုတပႄးၸဝ်ႈၵိူဝ်ၻီးႁွၵ်း မၢႆးတေႃးႁိုဝ်ႉၻႃး တႃႉဢေႉသွၼ်းဢႄးမႂဵင်သူးတွင်းဢတေႃးဢေႉၻေးၸိုၼ်သြႃႇယူဝ်းႁၢၼ်ႇသွၼ်းဢႄးတေႃးတပႄးၻႄႉၵိူဝ်ၻီးသေၵမ်း ၻႃးၸိုၼ်ၼီဢေႃႈ။ 2ၸဝ်ႈယေႇသုၵေႃႇလဝ်တေႃးၵိူဝ်ႇရႄၻႃး မိူဝ်းပေႉသူးတွင်းဢၼ်ၻီးၸိုၼ်ၼီရႄ ပႃးၽြႃးဢေႉၶႃႈ ဢႄးမူႇ(သျ်)တႃႉဢေႉမၢင်ဢၼ်ရူဝ်သေသေၵမ်း၊ ဢႄးသႃႇသၼႃႇတႃႉဢေႉတႄပဵၼ်းသေၵမ်း၊ 3ၶႅၼ်းတေႃဢႄးသမ်သူးဝမ်းဢႄးၵုမ်းသူးဝမ်းလၼ်သိူဝ်ငိလႂ်သိူဝ်ငိၼၼ်းသေၵမ်း၊ 4ၸိုၼ်ဢေႉပလွႆးလွတ်ႈရိူင်ႇၻဵင်းၵွႆဢီႉၵလေႃႉဢီႉဢၼ်ပလိူင်ၵွႆတေႃဢေႉၼေၶႅၼ်းတေႃပလွႆးလွတ်ႈဢႄးရိူင်ႇၻဵင်းၵွႆဢေႉသေၵမ်း၊ ယၵ်ႇဢႄးဢေႉၿွၼ်းလၼ်တွႆးမဵဝ်းဢၼ်ဢၢႆႉလၼ်တီႇယႃႇတီႇၵဝ်းဢၼ်ၻီးသေၵမ်း ၻႃးၸိုၼ်ၼီရႄသူးတွင်းၼႃႈ၊ ၻႃးၸိုၼ်ၼီဢေႃႈ။ 5ၸဝ်ႈယေႇသုမေ(လ်)ၻႃးထႅင်းသမ်း ပုင်တႅၵ်ႈႁိုဝ်ႉတုပေႉၼေဢီႉႁွၵ်းလၼ်တေႃးၵၢင် ၵူးဝၼ်းၿူဝ်ႉၻႄႉၶိင်တိူၵ်ႇၿိမ်းရႄလဝ်ၻႃးၿူဝ်ႉဢႄး၊ မၢႆးဝၢႆၵၢႆးမုၼ်းသိူဝ်ၵဝႆးသေၵမ်း 6ၵူဝၼ်းၿူဝ်ႉဢူဝ်ႉႁွၵ်းႁိုဝ်ႉလႄရိူင်ႇၻဵင်းတြူးၽရႅဝ်းၵၢင်ဢူဝ်ႉရႄ ဢူဝ်ႉၼမ်မၢင်ၼႄႉသိုမ်ႇၻမ်းႁိုဝ်ႉ ၻႃးၸိုၼ်ၼီဢေႃႈ။ 7ၵူးဝၼ်းၿူဝ်ႉႁိုဝ်ႉဢၼ်မူဝ်ႇတုၵၢင်ဢၼ်ၻီး မေ(လ်)တွပ်းၻႃးယၵ်ႇတြူးယႃႇၵဝ်းဢူဝ်ႉၵိူဝ်ႇ(ရ်)ဝႃႇဢဝႃႇၶတ်းယဝ်ႉ ၵူးဝၼ်းဢူဝ်ႉၵိူၺ်ၵေႃႇ ယႅတ်းမူဝ်ႇၿူဝ်ႇၵွမ်းဢူဝ်ႉယဝ်ႉ ဢူဝ်ႉၼမ်ၸၢင်ရွႆရႄ လေႇဢႄးမီႇၿွၼ်းလေ ၻႃးၸိုၼ်ၼီဢေႃႈ။ 8ၵွပ်လွင်ဢၼ်ၼီ ဢူဝ်ႉၻႃးတေႃးပေႉသင်းၻႃးၼႄႇ ၵူးဝၼ်းၿူဝ်ႉၻႄႉၵေႃႇ တႃႉၵၢင်ဢၼ်ၻီး ၼမ်ရွႆလေႇဢႄးၵေႃႇ ၵွပ်ပိူဝ်ယင်ၼမ်ၵိူဝ်သေႉရႄ သိုပ်းမၢႆးၿူဝ်ႇတိၵ်းတိၵ်းဢၼ်ၻီးရႄ ႁိုဝ်ႉတိုၼ်းတေရွႆတြူးလေႇဢႄးဢၼ်ႁိုဝ်ႉ လူဝ်ႁႆႉဢၢမ်းဢၼ်ၻီးဢေႃႈ။ 9ၵွပ်ပိူဝ်ၸိုၼ်ၼီ ဢူဝ်ႉၻႃးတေႃးပေႉသမ်းမၢႆးရႄပေႉတေၿွၼ်း၊ ၶႃႉရႄပေႉတေဢေႃး(လ်)၊ တွၵ်းတွၵ်းရႄၵိူဝ်ႇ(ရ်)ဝႃႇတေလွၵ်ႇဢႄးဢေႃႈ။ 10လွင်ႁိုဝ်ႉသမ်း ဢီႉဢၼ်မၢႆးဢၼ်ၼီၿွၼ်းဢေႃႈ၊ ဢီႉဢၼ်ၶႃႉၵေႃႇ တေဢေႃး(လ်)ဢေႃႈ၊ တေႃးဢီႉဢၼ်တွၵ်းတွၵ်းၵိူဝ်ႇ(ရ်)ဝႃႇၼေၵေႃႇတေလွၵ်ႇဢႄးဢေႃႈ။ 11ပေႉဢၼ်ပဵၼ်းပႃးၵိူဝ်ၼီ ၿိူၵ်ႇၻႃးၵူးဝၼ်းပေႉမၢႆးၵႃႉၼေပေႉငႃးလေႇႁိူၺ်းဢႄးႁႃႉ။ 12ၼမ်ဢၼ်းၵေႃႇ သိူၵ်ႇၶၼ်းၻႃးၵိူဝ်မႆၢးတမ်းယႂ်း(လ်)ၼေငႃးလေႇမႅင်းၵိူဝ်ႇ(ရ်)ငေႃးဢႄးႁႃး။ 12ပေႉၸိူဝ်းဢၼ်မိူၵ်းရၢႆထၼ်းၼီၼေ ယိုင်ၸၢင်လေႇမဵဝ်းဢၼ်ရၵ်ႇဢႄးတေႃးၵူးဝၼ်းပေႉၿူဝ်ႇဢၼ်ၻီး ပႃးၽြႃးပေႉဢၼ်ၼႄႇၿူဝ်ႇ လင်ၵၢင်ရၢဝ်းတုၺ်တႃႉၿၢႆးတေဢႄးဝိၺိၺ်ႇဢၼ်သိူဝ်ငမ်းတေႃးၵိူဝ်ႇ ၸိူဝ်းဢၼ်မၢႆးႁိုဝ်ႉၵိူဝ်ၻီး ၼမ်ဢၼ်းႁိုဝ်း။ 13မိူဝ်းၻီးၸဝ်ႈယေႇသုဝႃပလႄးၽီးရၢႆဢၼ်ဢႃႉဢၼ်ၻီး လႄလၼ်တုဢီႉႁွၵ်းရႄ ႁိုဝ်ႉမေ(လ်)ဢုပ်းၿွၼ်းမိူဝ်ရႄ ဢီႉၵိူၺ်ၵေႃႇသင်းၿၢႆး 14ဢီႉႁႆႉဢၢမ်းတိူဝ်(ရ်)ၵႃၻႃး ၶုၼ်းၽီးရၢႆပေလႃႉၸေပုလႃႉဢႄးတၼ်းၶူဝ်းတေႃးႁိုဝ်ႉရႄ ႁိုဝ်ႉၸင်ဝႃပလႄးထဵင်းၽီးၵိူၺ်ၿွၼ်း ၻႃးၸိုၼ်ၼီဢေႃႈ။ 15တိူဝ်(ရ်)ၵႃၵေႃႇ သုၼ်းၻၵ်းလေႇမႂဵင်ရိူဝ်မႃႁိုဝ်ႉရႄ ဢုပ်းမၢႆးဢႄးႁိုဝ်ႉၸီႇပလႄးၼိမိၵ်ႈလၵ်ၶၼႃမဵဝ်းလၢၵ်ႇလၢႆးဢႄးၿွၼ်းပဵၼ်းသၢၵ်သေလွင်ဢၼ်ၽြႃးပဵၼ်ၸဝ်ႈဢၼ်ၼႄႇတေႃးပရီႇၵၢင်ရၢဝ်းဢၼ်ၻီး ပလွႆးၸႂ်ႇႁိုဝ်ႉၸဝ်ႈတြူးဢၼ်ၻီးဢေႃႈ။ 16ၸဝ်ႈယေႇသုမႃႇ(သျ်)ၸႅင်းဢၼ်ၵိူဝ်ႇၵယၢမ်ၿူဝ်ႇဢၼ်ၻီး ၸင်လဝ်ၻႃးၿိူၵ်ႇပရီႇႁွၵ်းပလၵ်းပဵၼ်းႁိူင်းမူႇႁိူင်းၸုမ်းႁေ တိူဝ်ႇ(ရ်)တိုၵ်းတေႃးၻႄႉ ပရီႇဢၼ်ၻီးတိုၼ်းတေၼမ်ၵလၵ်ႉၶရိူမ်းၼႃၵၢင်ပရၢတ်ႉ(သ်)ၽရႄးဢၼ်ၻီးၵေႃႇ တေလူႇၽင်းလၼ်ဢေႃႈ။
17ၸိုၼ်ၻီးလၢႆၿိူၵ်ႇၻႃး မႃႇၼၢတ်ႈတင်ႇၽီရၢႆႁိုဝ်ႉၵိူဝ်ၻီး ပရတ်ႉ(သျ်)ၽရႄးတိုၵ်းတေႃးၻႄႉဢၼ်ၻီး ပရီႇဢၼ်ၻီးငႃးၸီႇသိူဝ်ၼႄး ၵလၵ်ႉၶရိူမ်းၿွၼ်းပေႉၻႃးၶုၼ်းၽီးပေလႃႉၸေပုလႃႉဢႄးတၼ်းၶူဝ်းတေႃးဢူဝ်ႉရႄ ဢူဝ်ႉၸင်ၸီႇၸိုၼ်ၼီၿွၼ်းၻႃးၸိုၼ်ၼီယဝ်ႉ။ 18ၿိူၵ်ႇဢူဝ်ႉၸိုၵ်ၼႅင်မႃႇၼၢတ်ႈႁေရႄ ဝႃၽီးရၢႆလႄထဵင်းၻႃးၸိုၼ်ၼီဢၼ်ၻီး တပႄးပေႉၵေႃႇ ဝႃထဵင်းၽီးရၢႆဢမ်ဢၼ်းႁိုဝ်း။ ၿိူၵ်ႇၸိုၼ်ၼီ တပႄးပေႉသမ်း ၸိုၵ်ၼႅင်ယႄႇႁေ ဝႃထဵင်းၽီးရၢႆလႃႇ။ ဢူဝ်ႉၻႃးမွၼ်မွၼ်သမ်း ၵွပ်ဢၶႂၢင်းဢႃၼႃၽြႃးပဵၼ်ၸဝ်ႈရႄ ၸီႇၸိုၼ်ၻီးၿွၼ်းၼမ်ဢၼ်းႁႃး။ ၵွပ်ၸိုၼ်ၼီရႄ ဢၼ်ပေႉၻႃးပလိူင်ဢူဝ်ႉဢၼ်ၻီးၼေ တပႄးပေႉဢၼ်ၻီး ပဵၼ်းသၢၵ်သေႁိုဝ်ႉယဝ်ႉ။ 19ၿိူၵ်ႇဢူဝ်ႉဝႃၽီးရၢႆလႄၿွၼ်း ၵွပ်ပိူဝ်ရိူမ်ႁႃးတိၽြႃးပဵၼ်ၸဝ်ႈဢၼ်ၻီးၼႄႇ ဢၼ်ပလႄးလွင်ဢၼ်ပရီႇၽြႃးပဵၼ်ၸဝ်ႈၽရႅဝ်းတြူးရိမ်ပေႉဢၼ်ၻီးယဝ်ႉ။ 20မိူဝ်းဢၼ်ဢီႉၵိူမ်ရင်မေႃႇလေႇတင်ႇၵရိူင်လၢၵ်ႈၼၢၵ်ႈၸေးၸုမ်ႇရႄ ပႂ်ၶရႅၼ်းၵၢင်ၻႄႉၿူဝ်ႇဢၼ်ၻီး ၵရိူင်ၵၢင်ႁိုဝ်ႉတေမၢင်မူၵ်ႇရၵ်ႇရၵ်ႇဢၢတ်းဢၢတ်းဢေႃႈ။ 21ၵိူၺ်းၻႃး မိူဝ်းဢၼ်ဢီႉဢၼ်တႃႉၿၢႆးၵိူမ်ရင်မေႃႇလၢၵ်ႇႁိုဝ်ႉတြူးတိုၵ်းတေႃးႁိုဝ်ႉရႄ ပႄၼႅင်ႁိုဝ်ႉဢၼ်ၻီး ဢီႉဢၼ်ၻီးငႃးသိမ်းလေႇလၢၵ်ႈၼၢၵ်ႈဢၼ်ႁိုဝ်ႉၸိုၵ်ႇၼႅင်ဢၼ်ၻီးႁေၵေႃႇ ရိမ်းလေႇသိူဝ်ႁိုဝ်ႉတိူဝ်ႇ(ရ်)ၸုသိမ်းမူၵ်ႇၵိူဝ်ၻီး လၼ်တိူဝ်ႇ(ရ်)ၽရႄးဢႄးၻႄႉဢေႃႈ။ 22ဢီႉဢၼ်ၼမ်မူဝ်ႇပလၵ်းဢူဝ်ႉဢၼ်ၻီး ပဵၼ်းရၢၼ်ႇသူႇဢူဝ်ႉဢေႃႈ ဢီႉဢၼ်ၼမ်ၵေႃႇ(ရ်)ဢူဝ်ႉတိူဝ်ႇ(ရ်)ၸုတိူဝ်ႇ(ရ်)တုမ်ၻႄႉဢၼ်ၻီး ပဵၼ်းဢီႉဢၼ်ၸီႇဢႄးတိူၵ်ႇပလၵ်းၺွႆပၢၵ်ပိူဝ်းလၼ်ဢေႃႈ။ 23ၽီးရၢႆဢၼ်ၻီး မိူဝ်းဢၼ်လႄလၼ်ထႃးဢီႉႁွၵ်းဢၼ်ၻီးရႄ လၼ်တေႃးတီႇဢၼ်ႁွင်းႁေး(လ်)ဢၼ်ၻီးၶႃႉတီႇမူဝ်ႇတီႇၽရိူမ်းႁေၵေႃႇ ၿိူၵ်ႇႁိုဝ်ႉၼမ်တႂ်း(လ်)ၼမ်ဢေႃး(လ်)သိူဝ်တီႇတီႇဢၼ်ၻီး ႁိုဝ်ႉလဝ်တေႃးတူဝ်းၻႄႉရႄၻႃး ဢူဝ်ႉငႃးမေ(လ်)ဝဵင်လၼ်ၸူၵၢင်ဢၼ်ဢူဝ်ႉလႄတြူးဢၼ်ၻီးလူးၵွၼ် ၻႃးၸိုၼ်ၼီဢေႃႈ။ 24ၽီးရၢႆဢၼ်ၻီး မိူဝ်းဢၼ်လႄလၼ်ထႃးဢီႉႁွၵ်းဢၼ်ၻီးရႄ လၼ်တေႃးတီႇဢၼ်ႁွင်းႁေး(လ်)ဢၼ်ၻီးၶႃႉတီႇမူဝ်ႇတီႇၽရိူမ်းႁေၵေႃႇ ၿိူၵ်ႇႁိုဝ်ႉၼမ်တႂ်း(လ်)ၼမ်ဢေႃး(လ်)သိူဝ်တီႇတီႇဢၼ်ၻီး ႁိုဝ်ႉလဝ်တေႃးတူဝ်းၻႄႉရႄၻႃး ဢူဝ်ႉငႃးမေ(လ်)ဝဵင်လၼ်ၸူၵၢင်ဢၼ်ဢူဝ်ႉလႄတြူးဢၼ်ၻီးလူးၵွၼ် ၻႃးၸိုၼ်ၼီဢေႃႈ။ 25မိူဝ်းဢၼ်ၽရႅဝ်းတြူးဢၼ်ၻီး ႁိုဝ်ႉဢေႃး(လ်)ၵၢင်ၼေပိတ်း(သျ်)ၽရဵဝ်းသိူၵ်ႇလႅပ်ႇမူၵ်ႇလႅပ်ႇၿၢႆးဢေႃႈ။ 26ႁိုဝ်ႉမေ(လ်)ရၢၵ်ႇလေႇၽီးရၢႆလၢၵ်ႇႁိုဝ်ႉပူး(လ်)တူဝ်းတြူးၵုတ်ႇတုဢီႉဢၼ်ၻီးၿူဝ်ႇဢေႃႈ။ ဢီႉဢၼ်ၻီးၵေႃႇ ထႃးပူတ်းဢၼ်ၻီး ပဵၼ်းဢၼ်တႃႉၿၢႆးရၢႆၼႃလၵ်ႇလႄႉဢၢႆႉဢၼ်ၻီး ၻႃးၸိုၼ်ၼီဢေႃႈ။ 27မိူဝ်းဢၼ်ၸဝ်ႈယေႇသုလဝ်မႂဵင်ရိူဝ်မႃဢၼ်ၻီးဝႃ လၼ်ၼေၵိူၼ်ၺႃႇႁွၵ်းရွႆတြူးတုတိူၼ်ၶိၼ်းဢီႉတိူဝ်ႇ(ရ်)ၸုတိူဝ်ႇ(ရ်)တုမ်ၻႄႉဢၼ်ၻီးသေရႄ ရၢၵ်ႇလဝ်ၻႃး ၵလုင်းၵိူၼ်ၺႃႇၵၢၵ်ႇတႃႉဢေႉႁေရႄ ရူတ်းဢူမ်းၿူႉဢႄးတႃႉဢေႉသူးဝမ်းၼေ မၢင်မင်ႇၵလႃႇမွၼ်ၼေႃႈ ၻႃးၸိုၼ်ၼီဢေႃႈ။ 28ႁိုဝ်ႉၸဝ်ႈၵေႃႇလဝ်ရႄၻႃး ဢီႉဢၼ်တိူၵ်ႇငႂ်း(ရ်)လေႇၼုၵ်ႉၵပၢတ်ႈၽြႃးပဵၼ်ၸဝ်ႈရႄ ၵမ်ၵျၢင်းတွႆးဢၼ်ၻီး ယိုင်တႃႉၿၢႆးမၢင်မင်ႇၵလႃႇဢၼ်မျၢတ်ႈၿၢႆးဢေႃႈ။ 29မိူဝ်းဢၼ်ဢီႉတိူဝ်ႇ(ရ်)ၸုတိူဝ်ႇ(ရ်)တုမ်ၻႄႉယိုင်ၿၢႆးႁိူင်း ၵိူဝ်(ရ်)တြူးၿူဝ်ႇဢၼ်ၻီး ၸဝ်ႈယေႇသုရေႃးလဝ်ရႄၻႃး ဢီႉၵၢပ်ႇသိူဝ်ၼီၼေၼႄႇ ဢီႉၸိူဝ်းဢၼ်ရၢႆမိူၵ်းၿၢႆးဢေႃႈ။ ၵိူဝ်မၢႆးဢႄးၸီႇပလႄးတၼ်းၶူဝ်းၼိမိၵ်ႈလၵ်ၶၼႃဢေႃႈ။ ၵိူၺ်းၻႃး ၼိူဝ်းလၵ်ႇၼိမိၵ်ႈလၵ်းၶၼႃႈပရေႃးၽႅတ်ႈယူဝ်းၼႃႉဢၼ်ၻီး တေၼမ်ပလႄးဢႄးၵိူဝ်ႇၼႃႉၼႄႉလေ။ 30ၻေးၸိုၼ်ဢၼ်ပရေႃးၽႅတ်ႈယူဝ်းၼႃႉၿွၼ်းပဵၼ်းၼိမိၵ်ႈလၵ်းၶၼႃႈတေႃးဢီႉဝဵင်ၼိၼေႇဝူၺ်ႇတင်ႇႁိူင်းတြူးဢၼ်ၻီး ဝၼ်းဢီႉတေၿွၼ်းပဵၼ်းတေႃးဢီႉၵၢပ်ႇသိူဝ်ၼီဢေႃႈ။ 31တုသိူဝ်ငိဢၼ်ၸီႇယၢင်တြႃးဢၼ်ၻီး ယႃႇႁေႃၶမ်းပရီႇသိူၼ်တႃး(ရ်)ဢၼ်ၻီး တေရွႆရႄတၢင်ရိူင်ႇၻဵင်းၵွႆဢီႉၵၢပ်ႇသိူဝ်ၼီဢၼ်ၻီး ၵွပ်ပိူဝ် ႁိုဝ်ႉၼေၿွၼ်းရွႆတြူးထႃးပရီႇၵတေႉဢၼ်ယၢၼ်လူဝ်ပရူႇလူဝ်ပရီႇ ႁိုဝ်ႉတြူးဢႄးၿွၼ်းတိူၵ်ႇငႂ်း(ရ်)လေႇမႂဵင်ရိူဝ်မႃပိင်ႇၺႃဢၼ်ၶုၼ်းႁေႃၶမ်းသေႃးလမုၼ်ႇသွၼ်းဢႄးဢၼ်ၻီးဢေႃႈ။ ဢူဝ်ႉၻႃးတေႃးပေႉသမ်း ဢတေႃးၼီးဢၼ်မေႃႇမျၢတ်ႈလၵ်ႇသေႃးလမုၼ်ႇဢၼ်ၻီး ၼမ်မၢင်ထႅင်းယႄႇထႅင်းယွင်။ 32တုသိူဝ်ငိ ဢၼ်ၸီႇယၢင်တြႃးဢၼ်ၻီး ဢီႉဝဵင်ၼိၼေႇဝူၺ်ႇၵိူဝ်ၻီး ငႃးရွႆရႄတၢင်ရိူင်ႇၻဵင်းၵွႆပေႉ ၵွပ်ပိူဝ်ၵိူဝ်ႇၿွၼ်းငႂ်း(ရ်)တြႃးဢၼ်ပရေႃးၽႅတ်ႈယူဝ်းၼႃႉရေႃးလဝ်ဢၼ်ၻီး ၵိူဝ်ႇၸိၵ်ႈၵူးတင်ႇရႄ ၸၢၼ်းရိူင်ႇၻဵင်းၵွႆသေရႄ သိူၵ်ႇဝိူဝ်(ရ်)ၽွမ်းၻႄႉဢၼ်ၻီးဢေႃႈ။ ဢူဝ်ႉၻႃးတေႃးပေႉသမ်း ဢတေႃးၼီး မၢင်ဢီႉဢၼ်မေႃႇမျၢတ်ႈလၵ်ႇပရေႃးၽႅတ်ႈယူဝ်းၼႃႉဢေႃႈ။ 33ဢီႉဢေႉဢၼ်ၻီး ၼႄႇယႄႇသေၼမ်ၻႃး ၵလဵဝ်းငႂ်(လ်)ငွႆးႁေ ၼမ်လေႇဢုၼ်းမူၵ်ႇၼမ်လေႇပဵတ်ႇတရုပ်းမူၵ်ႇတႃဢႄးဢီႉ ဢၼ်ၵုတ်ႇတြူးၿွၼ်းဢၼ်ထၢင်းၼေ ၸၢင်လေႇတၢင်းမူၵ်ႇၵႆၶရဵင်းတီႇၵလဵဝ်းငႂ်(လ်)ၼေဢေႃႈ။ 34ၸၵ်းငၢႆပေႉၼေၼႄႇၸိုၼ်ငွႆးငႂ်(လ်)တႃတူဝ်းၵၼ်ထႃႈပေႉဢေႃႈ။ ၵိူၺ်းၻႃး ၿိူၵ်ႇၸၵ်းငၢႆပေႉၼမ်ရၵ်ႇတႄတေၿိမ်းတင်တူဝ်းဢေႃႈ။ 35ၵွပ်ၸိုၼ်ၼီ ယၵ်ႇဢႄးဢၼ်ထၢင်းတုပေႉဢၼ်ၻီး ၿိမ်းလၼ်ဢၼ်ၻီးၼေၸီႇသတီႇၼႃႈ။ 36ၿိူၵ်ႇဢၼ်ထၢင်းမူဝ်ႇတုတူဝ်းပေႉဢၼ်ၻီး ၼမ်မၢင်ဢင်ၵႃဢၼ်ၿိမ်းႁွၵ်းႁွၵ်း တႄတေငႃးထၢင်းဢႃး(သျ်)ႁႆႉႁႆႉဢၢမ်းဢၢမ်းဢၼ်ၻီး ၻေးၸိုၼ်ၵလၵ်းငႂ်(လ်)ဢႃး(သျ်)ထၢင်းလင်ၵူဝ်(လ်)ပေႉဢၼ်ၻီး ၻႃးၸိုၼ်ၼီဢေႃႈ။ 37မိူဝ်းဢၼ်ၸဝ်ႈယေႇသုရေႃးလဝ်ဝႃလၼ်ဢၼ်ၻီး ဢီႉၵိူင်းၽႃႇရိသႄးႁွၵ်းပၢင်းလေႇႁိုဝ်ႉၸဝ်ႈလၼ်သူးဝမ်းၵၢႆးတိူဝ်ႇ(ရ်)ၵွမ်းတင်ႇၵိူဝ်ႇ ႁိုဝ်ႉၸဝ်ႈၵေႃႇ ၵုတ်ႇလၼ်ၵၻေးတေႃးၶူင်ၵၢႆးဢၼ်ၻီးဢေႃႈ။ 38ဢီႉၵိူင်းၽႃႇရိသႄးဢၼ်ၻီး မိူဝ်းဢၼ်ဢေႃး(လ်)ႁိုဝ်ႉၸဝ်ႈၼမ်ၶေးတိရႄ သူးဝမ်းဢၼ်ၻီးသင်းၿၢႆးဢေႃႈ။ 39ၵွပ်ၸိုၼ်ၼီ ၸဝ်ႈယေႇသုလဝ်တေႃးႁိုဝ်ႉရႄၻႃး ဢီႉၵိူင်းၽႃႇရိသႄးပေႉဢၼ်ၼီၶေးၵလၵ်းၶေးဢၢင်ပေႉထႃးၼွၵ်ႈပၼ်သေ ပလၢၵ်းထႃးၼႂ်ပေႉသမ်းၼိူၵ်ႇမူၵ်ႇတေႃးဢၼ်မၢပ်ႇသူးဝမ်းၿူဝ်ႇတင်ႇဢၼ်ရၢႆဢၼ်မိူၵ်းဢေႃႈ။ 40ဢီႉငိူဝ်ၵိူဝ်ႇဢိူၺ်း ၽြႃးပဵၼ်ၸဝ်ႈဢၼ်ၽၢၼ်သၢင်းၸီႇပဵၼ်းပလၢၵ်းထႃးၼွၵ်ႈဢၼ်ၻီး ပလၢၵ်းထႃးၼႂ်ၵေႃႇ ၽၢၼ်ၸီႇပဵၼ်းၼမ်ဢၼ်းႁိုဝ်း။ 41လွင်ဢၼ်တႃႉၿၢႆးရၵ်ႇသမ်း လေႇသိူဝ်ဢၼ်ပေႉမၢင်တုၵလၵ်းတုဢၢင်ပေႉဢၼ်ၻီး ၽရႄးၻေႃး(ရ်)ၿႅင်းဢႄးတေႃးဢီႉၽၢၼ်းလႃႈ။ ၿိူၵ်ႇၸီႇၸိုၼ်ၻီးဢၼ်ၻီး သိူဝ်ဢၼ်ပေႉမၢင်ႁႆႉႁႆႉဢၢမ်းဢၢမ်းငႃးသိူဝ်ငမ်းတႃပေႉဢေႃႈ။ 42ၽႃႇရိသႄးၵိူဝ်ႇဢိူၺ်း ပေႉမၢင်ဢႃႉမင်ႇၵလႃႇဢေႃႈ။ ပေႉလူႇတၢၼ်းဢိမ်းၵရိမ်တင်ႇလူ(ရ်)ႁွမ်းတိူင်းသိူဝ်ၼိူမ်းၵိူဝ်ၻီး တင်ႇသိူဝ်ၵေႃး(လ်)ပုၼ်သိူဝ်ပုၼ်သေရႄ ပေႉမူၵ်ႇထဵင်းသႅတ်ႈၸႃၿူဝ်ႇမႅတ်ႈတႃႇၽြႃးပဵၼ်ၸဝ်ႈဢေႃႈ။ လွင်ၵိူဝ်ၼီပေႉငႃးၿွၼ်းၵမ်ၵျၢင်းတွႆးရႄ တေၼမ်ၿွၼ်းဝေ(ရ်)ပလိူင်သိူဝ်ၸိူဝ်သိူဝ်မဵဝ်းၵူၺ်း။ 43ၽႃႇရိသႄးၵိူဝ်ႇဢိူၺ်း ပေႉမၢင်ဢႃႉမင်ႇၵလႃႇဢေႃႈ။ ပေႉၻေႃႉတီႇဢၼ်တရွင်မျၢတ်ႈတုၸရွပ်ရေႃးတြႃးရႄ သုၼ်းဢႄးဢီႉၼပ်းသူးဝမ်းပေႉ ၿူဝ်ႇတၵ်ႇဢုပ်းပေႉတုတိူၼ်ၶိၼ်းတိူဝ်ႇ(ရ်)လၢတ်ႇ(သျ်)ဢေႃႈ။ 44ပေႉႁႆႉဢၢမ်းၵိူဝ်ႇဢိူၺ်း ပေႉမၢင်ဢႃႉမင်ႇၵလႃႇဢေႃႈ။ ပေႉၻေးၸိုၼ်ပူၵ်းပိူၼ်လူဢၼ်ၼမ်ၸၢင်မႃႇ(သျ်)ၻႃးႁိုဝ်ႉၼႄႇရုၵ်ႇပိူၼ်လူရႄ ဢီႉတင်ႇႁိူင်းလူဝ်ပႆးလူဝ်မႃးလင်ၵူဝ်(လ်)ႁိုဝ်ႉဢၼ်ၻီး ၻႃးၸိုၼ်ၼီဢေႃႈ။ 45တုၵိူဝ်ႇသြႃႇဢုပတေႇတြႃးၵိူဝ်ၻီးႁွၵ်း ၻႃးတေႃးႁိုဝ်ႉၸဝ်ႈရႄၻႃး သြႃႇဢိူၺ်း ၿိူၵ်ႇၻႃးၸိုၼ်ၼီဢၼ်ၻီး တႄႇသုၼ်းၻႃးတႃႉသြႃႇသႄႉသွမ်းတၢင်ရိူင်ႇၻဵင်းၵွႆတေႃးဢေႉယဝ်ႉ ၻႃးၸိုၼ်ၼီဢေႃႈ။ 46ၸဝ်ႈယေႇသုမေ(လ်)လဝ်ရႄၻႃး သြႃႇမေႃးဢုပတေႇတြႃးၵိူဝ်ႇဢိူၺ်း ပေႉၵေႃႇမၢင်ဢႃႉမင်ႇၵလႃႇဢေႃႈ။ ပေႉလေႇၵရိုင်ဢၼ်ၵၸၼ်တၢင်းသပ်းလင်ၵူဝ်(လ်)ဢီႉရႄ ပေႉသမ်း ၼမ်လေႇတင်ႇရိူမ်ႁႃးတိပေႉဢၼ်ၻီးၸေႃၵေႃႇ(ရ်)ဢႄးဢီႉ။ 47ပေႉၵိူဝ်ၼီ ပေႉမၢင်ဢႃႉမင်ႇၵလႃႇဢေႃႈ။ ပေႉတႄၸီႇပူၵ်းပိူၼ်လူပရေႃးၽႅတ်ႈၵိူဝ်ၻီး ဢၼ်ဢီႉၼိူင်းပေႉလေႇၵိူဝ်ႇယမ်ဢၼ်ၻီးဢေႃႈ။ 48ဢၼ်ၸီႇၸိုၼ်ၼီဢၼ်ၻီး ပဵၼ်းလွင်ဢၼ်ပေႉၶၢမ်သၢၵ်သေ ဢၼ်ပေႉသိူဝ်းၽွမ်းတွႆးရိူင်ႇၸီႇရိူင်ႇၶရိုင်း ဢီႉၼိူင်းပေႉဢၼ်ၻီးယဝ်ႉ ဢီႉၼိူင်းပေႉလေႇပရေႃးၽႅတ်ႈၵိူဝ်ၻီးယမ်သေရႄ ပေႉသမ်းတႄၸီႇပူၵ်းပိူၼ်လူဢႄးဢေႃႈ။ 49ၵွပ်ၸိုၼ်ၼီၺၢၼ်ႇၽြႃးပဵၼ်ၸဝ်ႈ လဝ်မူၵ်ႇသမ်း ဢူဝ်ႉငႃးပလွႆးၸႂ်ႇပရေႃးၽႅတ်ႈဢူဝ်ႉ ၿူဝ်ႇတင်ႇတပႄးဢူဝ်ႉၵိူဝ်ၻီး လၼ်တေႃးတီႇဢၼ်ၵိူဝ်ႇၼႄႇဢၼ်ၻီးရႄ ၵိူဝ်ႇဢၼ်ၻီးငႃးပႄသူးဝမ်းတေႃးတိူဝ်(ရ်)ၵႃငႃးလေႇတိူၵ်ႇယမ်တိူဝ်(ရ်)ၵႃဢေႃႈ။ ၻႃးမူဝ်ႇၸိုၼ်ၼီဢေႃႈ။ 50ၵွပ်ၸိုၼ်ၻီးရႄ ဢီႉၵၢပ်ႇသိူဝ်ၼီဢၼ်ၻီး တေၿွၼ်းၶၢမ်ရိူင်ႇၻဵင်းဢၼ်ၸီႇယၢင် ၵွပ်ပိူဝ်ဢၼ်ၵိူဝ်ႇလေႇပရေႃးၽႅတ်ႈႁႆႉဢၢမ်းယမ်ထႃးမိူဝ်းၵမ်ႇၽႃႇသိူၼ်တိူင်းတႄတုၺ်ဢေႃႈ။ 51ဢၼ်ၻႃးတႄလေႇဢႃႇပေႇလႃႉတေႃၽရႅဝ်းပရေႃးၽႅတ်ႈၸႃႇၶရိဢၼ်ၿွၼ်းၶၢမ်လေႇတိူၵ်ႇယမ်တုၸွင်းပိၵ်ႈမၢၼ်ႇတင်ႇတိူၼ်ၶိၼ်းၶရဵင်းရိူင်ႇၻဵင်းလူႇတင်ႇတေႃးထႃႇၼႃႉတီႇဢၼ်သိူဝ်ငမ်းၵိူဝ်ၻီးၼေ ဢူဝ်ႉၻႃးမွၼ်မွၼ်မၢၼ်မၢၼ်ႁိုဝ်ႉသမ်း ဢီႉၵၢပ်ႇသိူဝ်ၼီဢၼ်ၻီး တေၿွၼ်းၶၢမ်ဢၼ်ဢႄးတၢမ်ရိူင်ႇၻဵင်းၵွႆတႃၼၢမ်းၵိူဝ်ႇဢေႃႈ။ 52သြႃႇမေႃးဢုပတေႇတြႃးၵိူဝ်ႇဢိူၺ်း ပေႉမၢင်ဢႃႉမင်ႇၵလႃႇပေႉၵၼိူမ်းသေႃးၵၢင်ပိင်ႇၺႃမူၵ်ႇရႄ တူဝ်းပေႉၵေႃႇ ၵုတ်ႇတွႆးၵိူဝ်ႇၸိူဝ်းဢၼ်သုၼ်းၵုတ်ႇၼေၵေႃႇ ပေႉၶင်းၶရႅၼ်း ၻႃးၸိုၼ်ၼီဢေႃႈ။ 53မိူဝ်းဢၼ်ၸဝ်ႈယေႇသုလႄလၼ်တေႃးသြႃႇမေႃးၵျၢမ်း တင်ႇဢီႉၵိူင်းၽႃႇရိသႄးၵိူဝ်ႇတိူဝ်ႇ(ရ်)ဢၢႆႉၻႄႉ တြူးၸူႁိုဝ်ႉၸဝ်ႈသေရႄ လေႇတင်ႇမႂဵင်မၢႆးဢၼ်ၶႃႉရိူင်ႇၻဵင်းၵွႆႁိူင်းၿၢႆးတိုၵ်းတေႃးမၢႆးရႄ 54ၵျၢမ်ႇၶႃႉဢႄးၿွၼ်းလေႇမႂဵင်ရိူဝ်မႃဢၼ်ႁိုဝ်ႉၸဝ်ႈတေလဝ်ၵွႆလဝ်ပလိူင်ဢၼ်ၻီးဢေႃႈ။
Currently Selected:
Luke 11: rtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Riang Lai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
