Luke 8
8
1ဆညင်းလေအေ့ဖကျာက်ဟိုင်းဟော့မွန်ခွမ်ကျိုင်အစ်ဆွမ်ပိုင်အန်းဟိုင်ဖျောင်းမွန်အေ့ဟက်ဟိုင်းလားထမ်ဖကျောက်ကာသကေ့။ 2ဟော့ဟက်အားကေလိုင်ဖယာဟက်၊အားကေခွမ်ညှက်အန်းငမ်ကေကောအေဟော့မွန်ဟွင်ခေ့။တိအီးဗေ့အန့်အန်းညှက်အန်းငမ်းလီလာလားဟွင်ကပ်တိုးမွန်ဟွင်တိနယ်မု့ဟာဒလဟက်မု့မာရိ၊ 3အားပဲန်ဖိုင်ခွမ်ထောင်းမု့ဟေရုဒ်ဟက်ခွမ်ကျိုင်းဟွမ်မု့ဥဇဟက်ခမယ်ဟွင်။ယောသဟက်ရူရှန္နကေကောလီအွေ့နန့်။ကေနယ်အားကေပိုလာခအန်ထာအိုတူးဟက်ကာဖကျောက်ဆွမ်ပဲန်ဟက်ခွမ်ကျိုင်ဖကျောက်ကေကောအွေန်နနိ့ခေ့၊ 4ခွမ်အေ့အေးဖျောင်တိမွန်နန်ဟက်ကျုပိုဟက်ဖကျောက်လားခါမာတိကေ၊ 5အားခွမ်ယောထူးဟိုင်းတိကူးဟက်ဝါကော။ခွမ်ရောကူးဝါကောဟက်၊ဗေလီခါနော့်ဟက်၊ခုတိတိုခါးဟက်ဆီးကောအေ့ဆေ့ပိုင်။ 6အားအွိုင်မု့တိနော်ခသေးဟက်ကပ်အေဟက်ပ်ုညိုအိုးကောဂျေ့အေ့။အာအွိူင်ခုတိတော်ကားဟက်ကောင်ကပ်အေ့ကော၊ကားအန်ကျန်ပီအွန်တိ၊ 7အားအော်ဂျေ့ခု့တိပါကားဟက်ကောင်ကောလုံးအေ့ဟဲ့ကားကောလပ်ဟွင်အွန်း။ 8အားအိုင်ခုတိပါးခါသေးညှက်တိနယ်ကောင်ဟာကောကပ်အေ့ဟက်ပီးကောပီကျာကျန်၊လာလနော်ဟော်ဟက်ဖကျောက်အားတိကေအားပေးကွေရိုကောလာညှက်ဆာလာတိကေဆေးလေ။ 9ခမ်ခီးအန့်ခွမ်ကျိုင်ဖကျောက်တိုင်ဆေ့။ 10ဟောဟက်ဖကျောက်နယ်ရောခါမာအူးညန်အေ့ဟက်တောအပ်ကာတိအူး၊အားပိုင်နကောညိုဟက်အားပိုင်ဖန်ကောမန်ပတ်လားတိကေလာနော့်၊ 11အားပိူင်ခါကောအန်ုးဆီးကာပေးညန်ဟက်တော့သဲန်အွန်း၊ 12အာဟာခုထော်ခါအန်ကေကောဆီးကာပေညန်လေဟက်ပဲန်းတမ်ဟက်ဆီကပ်ညှန်အေ၊အားအေအူးတိနိင်ဖိုးအန်လာတိကေ၊ 13တိတိုးခါသေးဂျေ့ခုနန်ဟက်ဆီကာအေလားတမိဖကျောက်ဟက်ဆီးကာဖိုးအေ့အန်းမန်မွန်ဟက်အေပိုဂျေ့ခါမာကောအေယူခါလာတမ်ဖကျောက်တိနယ်ဖိုအေးကောညှက်အေး၊ 14အားဟာခုတိတော်ကာအန်ဟက်အေးပိုမန်းခါလားတမ်ဖကျောက်ကောဟက်မိုင်ကျိုင်၊ဟက်အားအေးကွေးလီအားဟာအန်ညှက်ကေကော်ပီအွန်ဟက်မွန်ကျန်တွေမီး။ 15ခုတိတော်ခါးသေညှက်တိအားပဲန်ခွမ်လာညှက်ခါလားဖကျောက်ဟက်ကွေးဖိုးညှက်ဟက်အူးနိင်ဖိုးတိနယ်ပေးရောခါမာကောညှက်အေ့တဲ့၊ 16တောတိုင်အွေန်တီလာဆန့်ကျိုင်ကောအွေန်တိယူူသေးအွေန်နန်ကွေးမွန်ဟ၊ရှိကာအားပိုင်လေဟက်ရှိကာတေပိုကေးဟက်တွေတိုင်ဟက်တောအွန်းတိသေဟက်ဝေါ့အွန်းနန်။ 17အားအေးညိုဟက်ဆဟေးအွနိကွေးဟာ၊အားအေးညှက်ဟက်ဆမောအွန်ကောကွေးဟ၊ 18ဟော့ဟက်ကာပေအူဖိုညှက်ဟက်လာညက်ဆာပေးတွေခါမာကောလဲကာသကေဆာ၊ဟက်အာကေလာတွေဟွင်လာလနော်မွန်တိနယ်ပိုင်တွေလားအက်ဟွင်အေ့။ 19အားတေပဲန်အီမာဟွင်ဟက်အန်းဟွင်ထိညိုဟက်အေလျောင်းနန်းဟက်၊ခွမ်အေတဟက်ပိုအေ့ဖျောင်ဆွန်။ 20ခွမ်တပိုင်လားတိဖကျောက်အီးဟမီဟက်အန်းမီအီးညိုမီဟက်ကောတနော် 21ဟက်ဖကျောက်တိလားလတမ်ဟက်လူးဟက်ကေလာညှက်ကေကောလားတိကေပဲန်အီးမာအူးဟက်အန်အူးကွယ်က်လားတိကောလနော၊ 22တဆီညင်ဖကျောက်ဟိုင်းမွန်ခွမ်ကျိုင်ဟွင်ဟက်ဟိုင်တိလော်၊ဟိုင်းဖတ်ခါအိုးတက်လားလတိပိုကေလာနော်ဟက်ကေကောတွေလော်ဟိုင်။ 23နာမ်ကောဟိတ်လော်ဟိုင်းဟက်ဖကျောက်အီးမွန်၊ကျပ်ကွယ်ကွင်အေဟက်လော်ကေကောလာကျွန်ကွေးအသဟိုင်း။ 24ဝိုင်အန်းခွမ်ကျိုင်ဖကျောင်းဖကျောင်းအေးလားပိုဂျေ့/လားထေ့လာနော့်ဟက်ဖကျောင်းကောလိုကိုးဟက်ကွင်းဟက်အိုးကောလိုတီလီ။ 25ခမ်းခီးအန်းဖကျောင်းလားတိခွမ်ကျိုအားပေးယူးအန့်နယ်ဟိုင်းလို့အေ့ဟက်တိုင်းတိကေလာနော့်ကွမ်းဟက်လွန်အားအန့်မွန်လာ/ကွင်းဟက်အိုးကေကောရောဟော့ခါးလားဟွင်ဟက်/ကေကောလားတိပို။ 26ခမ်းခီးအန့်ဖကျောင်းဟက်ခွမ်ကျိုင်ဟွင်တေ့ဟိုင်းမွန်းအားပေါ်အင်းမု့ဂါလီလည်ဟက်ကွင်းမု့ဂါရစဟိုင်းလားထမ်အွေန့်နန်း။ 27ဖျောင်းနန်းဟက်ဖကျောင်းဟွင်လားတေ့ဟိုင်းညှိခွမ်ကျိုင်အန်းငမ့်ခေပို/ဟွင်တိနယ်အန်းညှက်အန်းငမ်လေ့လေးထက်ဟက်တိညာဟွင်ကောအွေန့်ဟက်ဖော်ကောနွန်ဟက်အွေန့်အက်ပါးစားမူ့။ 28ဟွင်ကောညှိဖကျောင်းလို့တိခူးခေါင်ဟက်လာပေါ့ဆေးလေသဟက်/ကောဟွင်ဖကျောင်းယေရူ/ဆီးလားခါမာတိအူးအမ်းတိဆာခါလီအူး/ဆမတီမီဟက်လားဟွင်စီမ်းလေး။ 29ဖကျောင်းလားတိအန်းညှက်အန်းငမ်အန့်လီလားတိုးဟွင်ဆာ။ဟက်အန်းညှက်အန်းငမ်အန်းကာဟွင်ဆေ့မွေတ/ဟက်တွေတီးကျွန်ဟွင်ဟက်မတ်အွန်းဟက်ကားလီဟက်တွေဟွင်ဟိုင်းတိတပိုင်စငန့်။ 30ဖကျောင်းတိုင်းမု့ဟွင်မု့မီခါမာဟာအန်းညှက်အန်းငမ်အန်းကွေးတီမီဟွင်ဟက်မု့ဟာတိနယ်လေဂေါ်တိဆာ။ 31အန်းညှက်အန်းငမ်အန်းအမ်းကာအူးခု့တိပါးလု့ဟက်လားတိဖကျောင်းလာနော်။ 32ဟော့ဟက်ကွေးခေါ့လေ့တတိုးဆွမ်းအွေန့်နန်းအန်းညှက်အန်းငမ်မန်းဖကျောင်းအူးဆီးလေ့ဟွင်ဟာဟက်ဖကျောင်းကောကာအားဖိုင်ထေ့။ 33ဟော့ဟက်အန်းညှက်အန်းငမ်အန်းလီလေးပါးခွမ်ဟက်လေ့တိပါးခေါ်လေ့ဟက်ဟိုင်းဖျောင်းတိအိုးတေ့နန်းဟက်ကျွန်းဟွင်အေ့။ 34ဝိုင်အန်းဟော့ဟက်အားကေလော်လေ့အန်းညှိအားလနော်ဟက်ဖောင်းလိုင်းလားခေါင်တိမွန်မု့တောရောမွန်တိဆာ/ 35ခွမ်အေ့ကေကော်ဆီးညှိအာလေ့အန်းဟက်လီလားမါန်ကေ/ကေကောဟိုင်းဖျောင်းနန်းဟက်ညှိအားခွမ်အန်းညှက်လီလားဟွင်ဟက်ညှိဟွင်နွန်ဖော်ဟက်ဟိုင်းဖျောင်းခါးတိနားတိကျွန်ဟွင်အန်းဟက်ပိုင်းညှိဟွင်ဟက်ငမ်းလက်လွန်။ 36ညိုခေါင်ကေအန်းဟော့အန်းညှက်အန်းငမ်လီလားတေ့ဂျေ့လားတိပိုလာနော်၊ 37အားကေလိတိတနန်မုဂါရဝကေကောလာသဟက်လားတိဖကျောက်ခေါ်ဟွင်ကာဟွင်လီလာမွန့်နန့်။ 38ဟောဟက်အန့်ညှက်ငမ်လီလားဟွင်အန်ကောလားတိဖကျောက်ကာအူးဟိုင်းမန့်မိခေ့ဟက်ဖကျောက်ကာဟွင်ဟိုင်းလာ။ 39အေးတိညာမီဟက်အေ့လားသပိုင်အူ'ရောကာမီဟိုင်းဟက်အေးလားသပိုင်ဆာ။ဟက်ဟွင်ကောအက်လားတိမွန်အန်အက်ကေ။ 40တိုးပေါ်ဖကျောက်ဟိုင်းဖျောင်းတိလော်ကတိဟက်ခွမ်အေ့ကေကောလပ်ဟွင်။ 41တပ်နန်းကွေးမု့ဂျုးအားလာမယ်တပိုင်ဟက်ကွေးမုယာဣရုကွေးမု့တပိုင်၊ဟက်ပဲန်းခွမ်လားထမ်တပိုင်။ဟက်ဟွင်နယ်အေ့တိတမ်နားဖကျောက်ဟက်ခူးခေါင်ကောဟွင်ကာဟွင်အေတိညာဟွင်။ 42ဟက်ကွမ်းဟွင်ပိုအားရို့ဆစ်ဆွမ်ပီးဟက်ဂျေ့ပိုလေး။ဖကျောက်ဟိုင်းဖျောင်းတိညာကေအန်ဟက်ခွမ်အေ့ကေကောအွေန့်ခေါဟွင်။ 43တိပါခွမ်အေ့အန်းကွေးအီးဗေ့တပိုင်ဆစ်ဆွမ်းပီဟက်ညိုဟွင်ပဲန်းဖယာအွေန့်နန်တပိုင်။အီးဗေ့အေန်းကောဟက်ဟွင်အေ့တမ်းမာသေ့ဟက်ဟိုင်းပြဆာလာကေကောဖယာဟွင်လားကျော်မာနက်။ 44အိးဗေ့အန်းဟော့ခီးဖကျောက်ဟက်တွေတီးဟွင်အန်းတေ့တိဖကျောက်ဟက်ဖသောနန်းဟွင်ကောလိုဟိုင်းဟိုင်း။ 45ဝိုအန်းဟော့ဟက်ဖကျောက်လားတိကေမွန်တေ့အူးဟက်ခွမ်အေ့ကေကောလားတိဟာ၊မု့ပေတရုလားတိဖကျောက်အားကေအွေန့်ခေါမိအန်းကေညန်းလာတိဖကျောက်လာနော့်။ 46ကွေးတပိုင်ဂျေ့မာနာတေ့တအူးနယ်ဟက်စိမ်အူးလီသအူးနယ်အူးညမ်းဂျေ့မာနာ။ 47အီးဗေ့တပိုင်အန်းကောတီးလားကျာစမော့ဟက်အေးတိတမ်နားဖကျောက်ဟက်လိုတိခုခေါင်ဟက်လားတိဖကျောက်အူးတေ့မီဟက်ဖယာနန်းအူးလိုသည်လိုင်းဂျေ့ဟက်၊လာတိပါခွမ်အေ့။ 48ဖကျောက်လားတိအီးဗေ့အနိးအားမိယူအူးဖယာမီလိုင်းဂျေ့ဟက်လားတိထေ့ကာဟွင်အေ့တိညာ။ 49ဖကျောက်လားလနော်ဟက်မု့ယာဣရုတီညာဟွင်ခွမ်အေ့တပိုင်လားတိယာဣရုကွမ်မီဂျေ့ဟက်ဂျေ့၊ဟက်အမ်းတိအေ့ကာဆူဆာခါမာတိဖကျောက်လားထေ့လာနော်၊ 50ခမ်းခိးအန့်ဖကျောက်လေ့တိညာယာဣဂုဟက်လာတိခွမ်ကျိုင်ဖကျောက်မု့ပေတရု၊ဟက်ယောဟန်၊ဟက်ယာဂုပ်ပဲန်းအီးမာအီပေါ့်ခမ်းရော့အန်းဟက်ပိုင်ကောအန်းတိကာကေလေ့။ 51ခမ်းခီးအမ်းဖကျောက်ဟိုင်းတိညာယာက္ကဟက်မု့ပေတရုဟက်ယောဟန်ဟက်ယာကုပ်ဟက်အီးမာကွမ်ဟက်အားလေးပိုင်ကေလေ့။ 52မွမ်အေ့ကေကောညိုခမ်းညော်အန်းဂျေ့ဟက်ယာကေတိဆာ၊ဟော့ဟက်ဖကျောက်လားတိအနိးခမ်းညော်ဂျေ့ဟာ၊အီဟွင်နယ်။ 53ခွမ်အေညန်အန်းခမ်ညော်အန်းဂျေ့ကေညန်ဟက်၊နန်ခါညာတိဖကျောက်။ 54ဖကျောက်တွေတီးအားခမ်ညော်အန်ဂျေ့ဟက်လားအန်းခမ်းညော်တိုးဆာလနော်ထေ့။ 55ခန်းညော်အန်းကော်အားရိုဟွင်လိပ်ဖြောင်ဟက်လိုတိကိုးခွန်လယ်။ဟော့ဟက်ဖကျောက်လားတိအီးမာအီးပေါ်ဟွင်ကာအားခန့်ညော်အန့်ဆွမ်းဆာ။ 56အီးမာအီးမောကေကောငမ်း၊အားပေးညိုအေ့အန်းအမ်းတိလားတိမွနိလားအူးတိကေလာနော်ဖကျောက်နယ်။
Currently Selected:
Luke 8: stpv-rv
Highlight
Share
Copy
Want to have your highlights saved across all your devices? Sign up or sign in
This translation of the Samtao Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
