Luke 6
6
1ဖူနီမာသည်န် အိုဂို့မားသတ် ကိုယ်တော်ယေရှုလွို့ယ် သဘီအောကောလွို့ယ် ဒက်န်ကောမ့်ရာ ဖာရစ်ဇာသပ်အန်းသေ သဘီအောကောလတ် ဒက်န်ဟိုးသူ(န်) စိရိ တိုက်ကျရတ် အာ့သေဒိုလှီ ဖတ်လိုက်သည့် စွိုလ်လော်ရတ် ဟားယေ။ 2အန်းစောလော်သ် ဖာရိရှဲa ဟိုးဒုနဲ ကိုယ်တော်ရတ် "သော်ရ ဖူနီမာသည့်န် ဂိုရိနားဖားရတ်သတ်အဲယူးနော်ရတ် ကပ်လိုက် ဂေါ်ရောသတ်" ဘို့လိ ဟိုယေး။ 3ကိုယ်တော်ယေ "ရာဇာဒါဝိဒ်လွို့ယ် အိသဲရ် သဘီအောကောလတ် ဘုခ်လိုက်ကျဲဒေအန်းသေ အိသေး ဟိုနီကျာဂိုကျဲ သော်ရ ဖိုရိနောဆောနား။ 4အိသေး ဘောဂဝင့်နောရ် ဂေါရောမားသေဂို့လိယတ်နန် ပုရောဟိတ်လိုက် စိရဂို့ရီအေကျဲသပ် မုအဲယုနော်ရတ် အိသေး နီဇေဟားယေးနန်ဘာဇေ အိသဲရ် သဘီအောကောလောရေယိုး သည်ယေး" ဘို့လိ ဟိုယေးနန့် အာဘာရ် ကိုယ်တော်ယေ 5"မာနုချောရ်ဖွာb အို့ယိသည့် အိုင့်ဒတ် ဖူနီမာရ် အရှင်သခင် အို့ယိ" ဟွို့ယ် အော်ဒလ်ဂို့ကျဲ။ 6ဖူနီမာ အာရ်ဟိုဒုနောသ် ကိုယ်တော်ယေ ဒမာရုံမားသတ် ဒတ်ချားနား ဂို့ရိဗျို့ချောသ် ဒါ(န်)အာ့သ် မိုရီရိုယေးသတ် မာနုချ်အိုဂို့ အာဆတ်။ 7ဖာရိရှဲဒတ် ကျမ်းစီနန့်သပ် မာချ်ထော်ရ်ဟို့ဒုနဲ ဖူနီမာသည့်န် ဟော်နောအပ်ဇော်နော်ရတ် ဂင်ဂိုရိသည့်လေး ဒူချ်ဘာဇဘတ်လိုက် သော်ဝိုက်သာရေဖားန် ကိုယ်တော်ရ် ဒဟောမားသေ စိုည်ရိုယေး။ 8သို့ အိသေးရာရ် မော်နော်မားသတ် ဟိုနီကျာအာနန့်ဒတ်အဲယူ(န်) ဂင်ဂို့ရိဟိုသရတ်ဇသတ် ကိုယ်တော်ယေ ဒါ(န်)အာ့သ်မိုရီရိုယေးသပ် အိသေးရေ "အူရိ မာနုချ်ဘေကူးနောရ် မွင့်သိ သိယာ" ဟွို့ယ် အော်ဒလ်ဂို့ကျဲရရ် အိသေး အူရိ သိယယေ။ 9သိုဘာဇေ ကိုယ်တော်ယေ " သော်ရသူးန် အိုင့် အတ်ခါးန် ဖော်စောရ်ဂို့ရိ။ အေနီကျာ ဖူနီမာသည့်န် ဂင်မ်ဂေါ်ရဇိုက်နား၊ ဟောရက်ပ်ဂေါရာဇိုက် နာကီ ဟော်နောအတ်ဇော်နော်ရ် ဖော်ရာနော်ရတ် အူဖာရ်ဂေါ်ရဇိုက်နား၊ မာရာဇိုက်" ဘို့လိ ဖော်စောရ်ဂို့ရိ 10ဒ့ဟောရ်မာနုချ်အောကောလောရတ် ဖိရိဆာယေးနန့် ဒါ(န်)အာ့သ် မိုရီရိုယေးသပ် အိသေးရေ "သော်ရ် အာ့သောရေ ထာနီစ" ဘို့လိ ဟို့ယေးရရ် အိသေးယို အာ့သောရေ ထာနီဆာယေးမောသောရ် အိသဲရ် အာ့သ်အိယာ(န်) အာဂေါ်ဒိခါးန် ဂင်မ်အို့ဂိယွို့ယ်။ 11အန်းစောလော်သ် ဖာရိရှဲဒတ် ကျမ်းစီနန့်သပ် မာချ်ထော်ရ်အောကောလတ် ဂိုချားဘီရှိအူရိ ကိုယ်တော်ရတ် ကီဂေါ်ရဖို့ရိဗျို့ ဘတ်ဆာနာ ဂေါ်ရတ်ရ်။ 12အေသည်န် ကိုယ်တော်ယေရှု မူရရ်အူဝါရေ ဇာယေးနန့် ရစ်သ်ဘောရ် ဘောဂဝင့်နောသူ(န်) ဘော်ရ်ကူးဇဲ။ 13ဖောရ်ဖိုက်ထေရရ် သဘီအောကောလောရတ် ဒါကီ သော်လာဂိုရိ အိသေးရာရ် ဘိသောရတ်သူ(န်) ဘာရောဇောနောရတ် dသာဝကအောကောလ် ဟိုးယေးနန့် ဘိုက်စေး။ 14အိသေးရာ ဘာရောဇော(န်)သပ် ပေတရုဟွို့ယ် ကိုယ်တော် နာ(မ်)သည်ယေးသပ် ရှိမုန်အပ်ဒတ် အိသဲရ်ဘိုက် အန္ဒြေ၊ ယာကုပ်၊ ယောဟန်၊ ဖိလိပ္ပု၊ ဗာသောလမဲ၊ 15မဿဲ၊ သောမ၊ အာလဖဲရ်ဖွာ ယာကုပ်၊ ဇာသီရတ် အာသော်ရ် ဂေါ်ရတ်သပ်မာနုချ်ဟွို့ယ် ဒါကေသပ် ရှိမုန်၊ 16ယာကုပ်ရ်ဖွာ ယုဒလွို့ယ် ဖီစား ကိုယ်တော်ယေရှုရတ် သစ္စာဖောက်ဂိုရိဗျိုးသတ် ယုဒရှကာရုတ်သက်ရe အို့ယေ။ 17သိုဘာဇေ ကိုယ်တော်ယေ သာဝကအောကောလွို့ယ်ဖောင့်ကတ် မူရသူးန် လာမီအိုက် ဝိုက်နားမေရီမားသပ် သိယယေ။ အဲဇာငှာမားသတ် သဘီဘီရှိဂို့ရိလွို့ယ်ဖောင့်ကတ် ယုဒဒတ်ချ်၊ ဂျေရုဆလင်တောမ့်န်၊ ဇိဒုန်အတ်သပ် တုရုတောမ့်န် ဟာင်ဆာသ်အဆတ်ဒတ် တောမ့်န်ဘေကူးနောသူးန် မာနုချ်ဘီရှိဂို့ရိယိုး အချဲ။ 18အိသေးရာ ကိုယ်တော် ဟောဂေါ်ရတ်ဒတ်အဲယုနော်ရတ် ဖုနိဘတ်လိုက်အတ်သပ် ဘတ်ရာ(မ်) ဒါဟဗျတ်လိုက် အချဲသတ်။ ဟောရက်ပ်ဂို့လဲသေ အိသေးရာယိုး အာဂေါ်ဒိခါးန် ဂိုမိဂိယွို့ယ်။ 19ကိုယ်တော်သူးန် ဂူနီဘာနီ နေလီ ဘတ်ရာ(မ်)ဘေကူးနောရတ် ဂင်ဂိုကျဲသပ်အပ်သလိုက် မာနုချ်ဘေကူးနို့ ကိုယ်တော်ယေရှုရတ် ဘာဇိုက်သရိဘတ်လိုက် စရ်။ 20သိုဘာဇေ ကိုယ်တော်ယေ သဘီအောကောလောရ် အိကျေ မူခ်သည် အိသေးရာရတ် "ဂိုရီ(ပ်)မာနုချ်အောကောလတ် မော်ဂေါလ် အာဆတ်။ ဘောဂဝင့်နောရ် ချားချော်နို့ အိသေးရာလိုက် အို့ယေ။ 21အုဝချ်ရိုးယေးသပ်အိသေးရာ မော်ဂေါလ်လွိုယ် ဖူရာယတ်နန့် ဟားနာဖားနီဘီရှိဂို့ရိလွို့ယ် ဖူရစ်သည်ဗို။ ဘောဂဝင့်နပ် ဟာင်သည်ဗျိုဒတ် အိသေးရာရတ် အာင့်ချိုက်ဗျို။ 22မာနုချောရ်ဖွာရတ် မာနန်ဒတ်အပ်သလိုက် မာနုချ်အောကောလတ် ဒေခိနားဖားရိဘို့သပ်အဲယူ(န်) ခံဂေါ်ရဖို့ရိဗျို့သပ်အိသေးရာ၊ ဖတ်လိုက်အဲရိဘို့သပ်အဲယူ(န်) ခံဂေါ်ရဖို့ရိဗျို့ဒတ် အိသေးရာ၊ ဟော်ချ်ထော်ဖာဗျိုသပ် အိသေးရာအတ်ဒတ် ဘေဇော်သ်ဂိုရိဟိုဗျို့သပ်အဲယူ(န်) ခံဂေါ်ရဖို့ရိဗျို့သပ်အိသေးရာ မော်ဂေါလ် အာဆတ်။ 23အဲနိကျအို့လေ ကုချီအွို့ယ် ဖောလ်မက်ရိ နာစီစ်။ ကပ်လိုက်ဟိုးလေး ချောရ်ဂေါမားသေ သော်ရဖာဘီသည့်ဆုလာဒ်သပ် ဒေါမ့်ရ်။ အာဂိုလိုသီ အိသေးရာရ် ဒါဒါ အောကောလို့ ဂန်ညာနော်ချားဒူအောကောလောရတ် အဲနိကျအေဒီလာ ဂိုကျဲသပ်အပ်သလိုက်အို့ယေ။" 24"သို့ ဖူချားအောလှအောကောလ်၊ သော်ရ ဂင်ဂို့ရိ သကိသိုက်ကျောသေအပ်သလိုက် သော်ရလိုက် ဘီရှိဒူကိုး အို့ဗျိုး။ 25ယာ ဖတ်ထ်ဘို့ရိ ဟိုက်သရတ်သေ အိသေးရာ ဘုခ်လှဂတ်သေအဲယူ(န်) ဖာဗျို။ ယာ အာင့်ချတ်သေ အိသေးရာ ဖတ်ထူရီဇိုလီ ဟာင်သာဖိုရီဗျို့။ 26မာနုချ်အောကောလတ် သော်ရရ် ဟော်သရတ် ချီးမွမ်းဂိုရိ ဟိုလေး သော်ရ ဒူကောသ်ဖို့ရိဘိ။ ကပ်လိုက်ဟိုးလေး အိသဲရာရ် ဒါဒါအောကောလို့ ဂင်မ်ကွာလှသပ် ဂန်ညာနော်ချားဒူအောကောလောရတ် အဲနိကျ ချီးမွမ်းဂိုရိ ဟိုယေးသပ်အပ်သလိုက်။" 27"သို့ယတ်နန့် ယာဖူးနောသေ သော်ရရတ် အိုင့် ဟွို့ယ်။ ချိုးသူ့ရောရ်အူဝါရေ မာယာလာကိစ်။ နီဇေရတ် ဒေခိနားဖားရတ်သပ် မာနုချောရတ် အိသဲရာရ် ဂင်မော်လိုက် ဂိုရိသည့်စ်။ 28သော်ရတ် ဂါလ်ဒတ်သတ် အိသေးရာရတ်ယိုး ဘောဂဝင့်နန့် အရှိဘက်သ် သည့်ဘတ်လိုက် ဘော်ရ်ကူးဇိသည့်စ်။ သော်ရတ် မာရတ်သတ် အိသေးရာရတ်ယိုး ဘော်ရ်ကူးဇိသည့်စ်။ 29ဟော်နောအတ်ဇော်နန် သော်ရ် ဂါလ်စော်ဝါဘတ်ရစ် မာရီလဲ အရ်ခနောသည့်ယိုး မာရီဘတ်လိုက် သည်စ်။ ဟော်နောအတ်ဇော်နန် သော်ရ် အူဝါသည့်ရ်ဟော်ရော်ရတ် ကုဇိလေ သော်ရ် သော်လော်သည့်ရ် ဟောရ်အိဘေသို့ သည်စ်။ 30သော်သူးန် ကေစုအတ်ခါးန် ကုဇိုးအာ့ယတ်သေ အိသေးရာရတ်ယိုး သည်စ်။ ဟော်နောအတ်ဇော်နန် သော်ရ် ဇီနိချောရတ် လွိုယ်သကိလေ အိသေးသူးန် ပြန်လို့ နိုကုဇိစ်။ 31မိုင်ချေး သော်ရတ် ဇေနီကျာ ဆက်ဆံဂိုသို့ သည့်သို့ဟောယ် မိုင်ချေးရတ် ယိုး အဲနိကျ ဆက်ဆံဂိုရိစ်။ 32နီဇော်ရတ် မာယာလာကတ်သတ် အိသေးရေဘဲ အာသောရ်ဂိုရိလဲ ဘောဂဝင့်နပ် သော်ရတ် ကိမ်ဂို့ရိ ချီးမွမ်းဂိုရိဘို့။ ဂင်မ်နောက်ယ်သေး မာနုချ်အောကောလ်ဘဲ အိသေးရာရ်အူဝါရေ မာယာလာကတ်သတ် အိသေးရာရတ် ပြန်လို့ အာသော်ရ် ဂေါ်ရတ်ဒတ်။ 33သော်ရ်အူဝါရေ ဂင်မ်သတ် အိသေးရာရတ်မှ သူယ် ဂင်မ်လာကိသရိဘိဟိုးလေး ဘောဂဝင့်နောသူ(န်) ဆုလာဒ်ရတ် ဖိုက်ဗျတ်လိုက် စိမ်သာနိုဂိုရိစ်။ ဂင်မ်နောက်ယ်သေး မာနုချ်အောကောလ်မှ အဲနိကျ ဂိုရိသရတ်သတ်။ 34ပန်လို့ဖာယွိုမ်ဟွို့ယ် ထရီ မိုင်ချေးရတ် သော်ရချိဂိုရိလေး ဘောဂဝင့်နပ် သော်ရရတ် ချီးမွမ်းဂိုရိဗျို့ဘို့လိ ထဂျော်ကိ။ ဂင်မ်နော့ယ်သေး အိသေးရာမှ သည်ယေးဒတ်အဲဒူရ် ပြန်လို့ဖိုက်ဘတ်လိုက် အိသေးရာ အတ်ဇော်နော်ရတ် အတ်ဇော်နန် ချိဂေါ်ရတ်ဒတ်။ 35သော်ရဒတ် ချိုးသူ့ရောရေ မာယာလာကိ အိသေးရာလိုက် ဂင်ဂိုရိစ်။ ပန်လို့ဖာယွိုမ်ဘိုလီ မော်နော်သ် နာလှကိယတ်နန့် ချိဂိုရိစ်။ ဘောဂဝင့်နပ် ကျေးဇူးနိုစီနန့်သပ် အိသေးရာရတ်သပ် ဂင်မ်နော့ယ်သေး အိသေးရာရတ်ယိုး မာယာလာကတ်သပ်အပ်သလိုက် သော်ရ အဲနိကျဂိုရိလေး အာချီးဘက်သ် ဘီရှိဂို့ရိဖာယေးနန့် အမြင့်မြတ်ဆုံး ဘောဂဝင့်နောရ် ဖူဇိအောကောလ် အို့ဘိ။ 36သော်ရရ် ဘာဖ်ဘောဂဝင့်နပ် အာသောရ်မာယာလွိုယ် ဖူရာယာဒတ်အပ်သလိုက် သော်ရယိုး အာသောရ်မာယာလွိုယ် ဖူရာယာ သကိစ်။" 37"သိုဘာဇေ မိုင်ရှဲရတ် ချတ်ချ်ထာ နိုဂိုရိစ်၊ သိုယတ်နန့်မှ ဘောဂဝင့်နောရ် ချတ်ချ်ထာအဲယူနို့ သော်ရ နာဖိုက်ဘိ။ မိုင်ရှဲရတ် ဒူချ် နော်ဘာဇိုက်စ်၊ သိုယတ်နန့်မှ ဘောဂဝင့်နပ် ဒူချ်ဘာဇဗျို့ဒတ်အဲယုနော်ရတ် နာဖိုက်ဘိ။ မိုင်ရှဲရတ် မာသ်ဂိုရိစ်၊ အဲနိကျဂိုရိလေး ဘောဂဝင့်နပ် သော်ရရတ် မာသ်ဂိုရိဘို့။ 38မိုင်ရှဲရတ် သည်စ်။ သော်ရယိုး သော်ရသည်ယောသပ်အဲသူ(န်)ဘောလတ် ဘီရှိဂို့ရိ သည်ဗျိုဒတ်အဲယူ(န်) ဖာဘီ။ သော်ရ မိုင်ရှဲရတ် သည်ယောသပ်အဲဒူရ် ဘောဂဝင့်နပ် သော်ရရတ် ပြန်လို့သည်ဘို" ဟွို့ယ် အော်ဒလ်ဂို့ကျဲ။ 39သိုဘာဇေ ကိုယ်တော်ယေ အိသေးရာရတ် ဘော်ဆော်န်ကီစအတ်ခါးန်လွို့ယ် အော်ဒလ်ဂို့ကျဲဒတ် "စူခ်နော်သေကတ်သတ် မာနုချ်အတ်ဇောနန့် စူခ်နော်သေကတ်သတ် အာရ်ဇော်နော်ရတ် ဖော်မ် ဒါဟိုက်သရိဘို့နား။ ဒူနောဇောနန့် ဂါသော်ရ်ဘိသောရတ် ဖိုရီနော်ဇိုက်ဗျို့နား။ 40မိုက်ချ်ထော်ရော်သူးန်ဘောလတ် ဘီရှိဇာနန်ဟောသပ် သဘီ နိုက်။ သို့ သဘီရတ် ဂင်ဂို့ရိ ချိကိုက်လေ အိသေး အိသဲရ် မိုက်ချ်ထော်ရော်ဒိခါးန် အို့ဗျိုး။ 41သူယ် သော်ရ်စူဂေါရ်ဘိသောရတ် ဂါစ်ဖားန် အဆတ်သပ် စသရေ အုချ်နို့ဂို့ရီ၊ သော်ရ် ဝင့်ချာရ် စူဂေါရ်ဘိသောရတ် အေကီနိဂို့ရိ စသရေ ကပ်လိုက်ဒတ်ကောသတ်။ 42သော်ရ် စူဂေါမားသတ် ဂါစ်ဖားန်အဆတ်သပ် စသရေ နိုသည်ကိ "ဘုံဒု၊ သော်ရ် စူဂေါသူးန် စသရေ နန်လိုက်သည်" ဘိုလီ ကိမ်ဂို့ရိ ဟွိုယ်သရိဘိ။ ဂင်မ်ကွာလောသတ် မာနုချ်အောကောလ်၊ သော်ရရ် စူဂေါသူးန် ဂါစ်ဖားန်အဆတ်သပ် စသရေ အာဂိုသိ နန်လာဖတ်လား။ သို့ယတ်နန့်မှ သော်ရ် ဝင့်ချာအောကောလောရ် စူဂေါသူးန် စသရေ နန်လာသည်ဗျာလိုက် သော်ရ ဂင်ဂို့ရိဒေကိဘိ။" 43"ဂင်ဂါစောမားဒတ် ဂင်မ်နော့ယ်သေးဂူလာ နော်သောရတ်သပ်အဲနိကျ ဂင်မ်နော့ယ်သေး ဂါစို့ ဂင်ဂူလာ နိုသို့ရိဘို့။ 44ဂူလာရတ် ဆာယေးနန့် ဂါစောရ်အကြောင်း ဟွိုယ်သရတ်။ ကမ်ရာဂါစောသူးန် ဒူရီဂူလာရတ် စိရိနားဖားရတ်သေ အဲနိကျ ဇော်မ်လော်သူးနို့ စပျစ်သီးရတ် စိရိနဖားရိဘို။ 45ဂင်မ်မာနုချဲ အိသဲရ်မော်နော်သူးန် ဂင်မ်မူးန်ဘဲ နန်လိုက်ဇာနန်။ ဂင်မ်နောက်ယ်သေးမာနုချဲ အိသဲရ်မော်နော်သူးန် ဂင်မ်နောက်ယ်သေးအဲယူ(န်)ဘဲ နန်လိုက်ဇာနန်သပ်။ သော်ရရ် ဂါလော်သူးန်နန်လေသပ် ဟော်သအဲယူ(န်) သော်ရရ် မော်နော်ရတ် ဒါဟရ်။" 46"သော်ရ အာင့်ရ် ဟော်သရတ် နိုဖုနိယတ်နန့် ကပ်လိုက် အာင့်ရတ် 'အရှင်'၊ 'အရှင်' ဟွို့ယ် ဒါကော်သတ်။ 47အာင့်ရ်အတ်ရေ အယတ်နန့် အာင့်ရ် ဒတ်ချားဏရတ် ဖုနိ မာနန်သပ်အိသေးရာ ဟိုနီကျာမာနုချ်လွို့ယ်အေဒီလာ သော်ရရတ် အိုင့်ဟွို့ယ်ဒဟယွိုးမ်။ 48အိသေး ချိလော်ရ်မေရီမားသပ် ဂါသော်ရတ် မူရ်ဂိုရိ ကူမ်ရိယတ်နန့် ဂေါရ်ဘနားသေ အိသေးလွို့ယ် အေဒီလာ။ ဖာနိဘီချိအွို့ယ် ဟားလော်ရ်ဖာနိ အူရိဗျို့ဒတ်အန်းသေ ဂေါရ်အိယားနော်ရတ် ဂင်ဂိုးရိဘာနာယတ်သတ် အပ်သလိုက် နိုလိုရီ သော်ရောအွို့ယ်သကိဗျို့။ 49သို့ အာင့်ရ် ဒတ်ချားနားရတ် ဖုနိ နော်မာနန်သပ်အိသေးဒေ အုတ်မြစ်ချနိုဂိုရိ ဂေါရ်ဘနားသေ အိသေးလွိုယ် အေဒီလာ။ ဖာနိဘီချိအွို့ယ် ဟားလော်ရ်ဖာနိ အူရိဗျို့ဒတ်အန်းသေ ဂေါရ်အိယာ(န်) ချချင်းဖိုရီယတ်နန့် ဒေါ်ရော နော်ချ်ထော်အို့ဗျိုး" ဟွို့ယ် အော်ဒလ်ဂို့ကျဲ။
Currently Selected:
Luke 6: mtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
