Luke 19
19
1သိုဘာဇေ ကိုယ်တော်ယေရှု ယေရိခေါတောမ့်နောရတ် ဖာရယတ်နန့် ဇာယေး။ 2အဲတောမ့်နောမားသတ် ဇက္ခဲဟောသတ် မာနုချ်အို့ဂို့ အဆတ်။ အိသေး အခွန်ကောက်တာဝန်ခံအို့ယေးနန့် ဘီချိ ဖူချားအာ့ဆတ်သပ် မာနုချ်။ 3အိသေး ကိုယ်တော်ယေရှု ဟော်(န်)ဘို့လီ ဆိုက်သို့ဟောသပ်အပ်သလိုက် ဆိုက်လေးယိုး အိသေး ဘိုက်ထေးဇသတ် မာနုချ်ချောသရစ် ကိုယ်တော်ရတ် နော်သေကတ်ရ်။ 4အပ်သလိုက် အိသေး ကိုယ်တော်ရတ် ဒေကိဘတ်လိုက် မောသည့်အာဂိုသည့် ဒူရီဇိုက် ဒူရီဂါစောရ် အူဝါရေ အူရိရိုးယေး။ 5ကိုယ်တော်ယေ အဲဇာငှာမားသတ် ဖိုစဲသတ် ဖိုစဲရရ် အူဝါရေမီကျ ဆာယေးနန့် "ဇက္ခဲ၊ ဟားရာ လာမီအိုက်။ အာဇီယာ သောရ်ဂေါရောမားသေ အိုင့် သကျိုးမ်" ဟိုယ် အော်ဒလ်ဂို့ကျဲ။ 6အပ်သလိုက် ဇက္ခဲယေး ဂါစ်စောသူးန် ဟားရာလာမီယတ်နန့် ကိုယ်တော်ယေရှုရတ် ကုချီဂို့ရိ ဒိုက်ကေ့။ 7အဲယူ(န်)ဒေကဲသတ် မာနုချ်အောကောလတ် "ကိုယ်တော်ယေ ဟောရက်ပ်မာနုချောရ် ဂေါရောမားသေ ဇာယေးနန့် အိသဲရ်ဖောင့်ကတ် ဟားဗျိုး" ဟိုးယ် ဟော်ဝါးဟို့ဝိဂေါရတ်ရ်။ 8သိုဘာဇေ ဇက္ခဲယေး သိယာယေးနန့် ကိုယ်တော်ရတ် "ကိုယ်တော်၊ ကိုယ်တော်၊ အာင့်သူးန်အဆတ်သတ် ဇီနိချ်အဲယူ(န်) ဂိုရီ(ပ်) မိုင်ချေးရတ် အတ်သောခ် ဘော်ရော်ဂိုရိ သည့်ယိုးမ်။ အဲယူ(န်)ဘာဇေ ဟော်နောအတ်ဇော်နော်သူးန် မတရားကုဇိ အပိုသူလိလိုယိသည့် အခွန်တန်ညာအောကောလ် လေးဆ အာဘာရ်သည်ယိုမ်" ဟိုးယ် လျှောက်ဂိုကျဲ။ 9ကိုယ်တော်ယေ ဇက္ခဲရတ် "အီသေ အာဗြဟံရ် ဘီချက်သောဒိခါးန် အဆတ်သပ်အပ်သလိုက် အာဇီယာလိုသီ အေဂေါရောမားသေ အဆတ်သပ် မာနုချ်ဘေကူးနောရတ် ဘောဂဝင့်နန့် အူဖာရ်ဂိုကျဲ။ 10မာနုချောရ်ဖွာယေ အာင့်ဇိဂိယိုးသေ အိသေးရာရတ် သော်ဝါယေးနန့် အူဖာရ်ဂိုရိဘတ်လိုက် အချိသိ" ဟိုးယ် အော်ဒလ်ဂို့ကျဲ။ 11ကိုယ်တော်ယေ အေယူးနောရတ် ဖူးနိရိုးယေးသေ အိသေးရာရတ် ဘော်ဆော်(န်)ကီစအတ်ခါးန် အာဘာရ် အော်ဒလ်ဂိုကျဲ။ ကပ်လိုက်ဟိုးလေး ကိုယ်တော်ယေ ဂျေရုဆလင်တောမ့်နောရ် ဒ့ဟောမားသေ အချဲသပ်အပ်သလိုက် မာနုချ်ဘီရှိ ဘောဂဝင့်နောရ် ချားချော်(န်) အောထောမားသေ နေလီအာဗျိုးဘို့လိ ထိုက်ကျဲသေအပ်သလိုက် အို့ယေ။ 12အပ်သလိုက် ကိုယ်တော်ယေရှု "အိမ်ရှေ့မင်းသား အတ်ဇောနန့် အိသေး သက်ကတ်သေ ဒတ်ချောမားသတ် ရာဇာဂိုရိ အုပ်ချုပ်ဂိုရိသက်ရိဘတ်လိုက် ဧကရာဇ်အတ်ရေ ဇာယေးနန့် ဘိသိက်ခံဂိုရိဘတ်လိုက် သိုယာရ်အို့ယေး။ အဲနိကျ ဘိသိက်ခံဂိုရိယတ်နန့် အိုက်လေး အိသေး အိသဲရ်ဒတ်ချောရတ် ရာဇာဂိုရိ အုပ်ချုပ်ဂိုရိဘို့။ 13အတ်ရေ နော်ဇိုက်သေး အိသေး ဂို့ရ် သိုချိုးရတ် ဒါကီ အတ်ဇော်နော်ရတ် အတ်ချောသည့်နောရ် ဟာမာနီလိုယ် ဝိုက်နားသေ တန်ညာတစ်မိနာ့ရတ်သည်ယေးနန့် "အေတန်ညာလို့ယ် အိုင့် အချိုးမ်သပ်အဲသို့သည်န်ဝါးန် ဟာ(မ်)ဂိုရိစ်" ဟိုးယ် ဟိုယေးနန့် ဂီယေး။ 14သိုယ် အဲဒတ်ချောရ် မာနုချ်အောကောလ် အဲအိမ်ရှေ့မင်းသားရတ် ဒေကိနားဖားရတ်သပ်အပ်သလိုက် အိသဲရ်ဖီစောသည့် သံတမန်ဟိုးသူးနောရတ် ဒီရစ် "အာင်ရရ် အူဝါရေ အိသေးအုပ်ချုပ်ဂိုရိဗျိုးသပ်အဲယူ(န်) နာလှဂတ်ရ်" ဟိုးယ် ဧကရာဇ်ရာဇာရတ် လျှောက်ဂိုသို့ ဒီရယေး။ 15သိုယ် အိသေး ရာဇာအို့ယတ်နန့် အိသဲရ်ဒတ်ချောမားသတ် ရာဇာနော်ဝင်အိုးယ် အာယတ်နန့် အိသေး တန်ညာသည်အေကျဲသတ် ဂို့ရ်အောကောလောရတ် မောသည့် ဒါခါဒီရယေး။ အိသေး အိသေးသည်ယေးသပ် တန်ညာလိုယ် အိသေးရာ ဟာ(မ်)ဂိုရိဟိုသူးရ်အို့ယေ အဲယူ(န်) ဟိုသိုက်သို့ဟောသပ်အပ်သလိုက်။ 16အာဂိုသည့်ရ် ဂိုရ်အိသေး အာယတ်နန့် "အရှင်မင်းကြီး သည်ယောသတ် တန်ညာတစ်မိနာ့ရတ် အိုင့် ဆယ်ဆအောဖာ(န်) ဂိုရိအဲဂျိ" ဟိုးယ် လျှောက်ဂိုကျဲ။ 17ရာဇာယေ "ဂိုမိယေး။ သူယ် တန်ညာအေကီနိဂို့ရိလိုယ်သို့ သစ္စာသက်ကိ ဂင်မ်ဂို့ရ်သပ်အပ်သလိုက် တောမ့်န်သော်ချားန်နောရတ် အပိုင်လော်" ဟိုးယ် အော်ဒလ်ဂို့ကျဲ။ 18အရ်ဇော်နန်ယိုး "အရှင်မင်းကြီး သည်ယိုးသတ် တန်ညာတစ်မိနာ့ရတ် ငါးဆအောဖာ(န်) ဂိုရိအဲဂျိ" ဟိုးယ် ချောက်ဂိုကျဲရရ် 19ရာဇာယေ "သူယ် တောမ့်န် ဖာစား(န်)နောရတ် အပိုင်လော်" ဘိုလီ အော်ဒလ်သည့်ယေး။ 20အာရ်ဇော်(န်) အယတ်နန့် "အရှင်မင်းကြီး၊ သော်ဝင့်ရ် တန်ညာ အတ်ရတ်ယား။ အိုင့် ဟောရ်လိုယ်မော်ရစ် သိမ်းဂိုရိအဲဂျိ။ 21အရှင် ဘီရှိအာကွာချ် မာနုချ်သပ်အပ်သလိုက် သော်ဝင့်ရ် ဇီနိချ်နို့ယေးနန့် လော်ဖတ်လော။ သူ့ည် လာဂါယိုးသပ်နော့ယ်သေး ဂူလာဂါလာအောကောလ် ဟာရီလော်သပ်အပ်သလိုက် အရှင်ရတ် အိုင့် ဒေါ်ရစ်သည့်အပ်သလိုက် ဘို့လိ" ဟိုးယ် လျှောက်ဂိုကျဲ။ 22အန်းစောလော်သ် အိသေး ဂို့ရောရတ် "ဟောရက်ပ် ချောဂေါရတ်သေ ဂို့ရ်၊ သော်ရ် ဟော်သဒိခါးန် သော်ရတ် အိုင့် ဘီဆာရ်ဂိုကျိုးမ်။ အိုင့် အာင့်ရ် ဇီနိချ်နို့ယေးနန့် လိုယ်သည့်မာနုချ်၊ အိုင့် နော်လာဂိုက် ဟာရီလိုယ်သည့် မာနုချ်သပ်အပ်သလိုက် အိုင့် အာကွာချ်သပ် သူယ် ဟားထိဟိုသရိလေး 23အာင့်ရ် တန်ညာရတ် ကပ်လိုက် ချူးသ်သတ်သေ အိသေးရာရ်အာ့သော်မားသေ နောသော်သတ်။ သည်အေရီလေး အိုင့်အချိုးမ်သပ် အန်းသေ အဲယုနော်ရတ် ချုးသ်လို့ယ်ဖောင့်ကတ် အိုင့်ဖိုက်သာ(မ်)" ဘိုလီ ဟိုယေး။ 24သိုဘာဇေ ရာဇာယေ ဂို့ရ်အာရ်ဂုနောရတ် ဒါကီ "အိသေးသူ(န်) တန်ညာရတ် လိုယေးနန့် ဆယ်ဆဂိုရိသရတ်သတ် ဂို့ရ်အိဘေရတ် သည်စ်" ဘိုလီ ဟိုယေး။ 25အန်းစောလော်မားသတ် အိသေးရာ "အရှင်မင်းကြီး၊ အိသေးသူ(န်) တန်ညာ ဆယ်မိနာ့ အဆတ်" ဟိုးယ် အာဘာရ် ချောက်ဂိုကျဲ။ 26သိုယ် ရာဇာယေ "သော်ရရတ် အိုင့် ဟိုသည့်၊ ကေစုအတ်ခါးန် သကိယတ်နန် ဘီရှိဂို့ရိသရတ်သပ် အိသေးရာရတ် အာရော ဘီရှိဂို့ရိ သည်ယိုမ်။ သိုယ် အေကီနိဂို့ရိ သက်ကိ ဘီရှိအောဖားန် ဂိုရိနားဖားရတ်သပ် အိသေးရာသူးန် အေကီနိဂို့ရိ အဆတ်သပ် အဲယူ(န်)အို့သို့ လော်ဖတ်လားယိုးမ်။ 27အိုင့် အုပ်ချုပ်ဂိုရိသည့်အဲယူ(န်) နာလှဂတ်သပ် အာင့်ရ် ချိုးသူးရ်အဲယူးနော်ရတ် အတ်ရတ်ဒါကီအာနိ အာင့်ရ်မောသည့် ဒူချ်သေဘိုလီ ဟိုယေး" ဟိုးယ် အော်ဒလ်ဂို့ကျဲ။ 28ကိုယ်တော်ယေ အဲနိကျ ဟောဂိုသို့ အို့ယေရရ် ဂျေရုဆလင်တောမ့်နောမားသတ် ဇာယေး။ 29သံလွင်မူရ ဒ့ဟောရ် ဗက်ဖာဂေတောမ့်န်အတ်သပ် ဗေသနိတောမ့်နောမားသပ် ဖိုစဲရရ် အာဂိုသိ သဘီဒူဇော်နော်ရတ် ဒီရယေး။ 30ကိုယ်တော်ယေ အဲသဘီဒူဇော်နော်ရတ် "သော်ရရ် မောသည့် ဖာရာမားသတ် ဇာ။ ဖာရာမားသပ် ဂို့လိလေမောသောရ် ဟိုနိကျနောဆော်ရတ်သပ် မြည်းဂူရာအို့ဂို့ရတ် အတ်ရေ ဘာသည့်အဲကျဲသပ် ဒေကိဘိ။ အိဘေရတ် ဒိုရီကောဝင်ယတ်နန့် အာင့်ရ်ဟာင်ဆတ် အာနိစ်။ 31ဟော်နောအပ်ဇော်နန် "သော်ရ ကပ်လိုက် မြည်းအိဘေရတ် ဒိုရီကောဝင့်သေ ဘို့လိ ဖော်စောရ်ဂို့ရိလေး "အိဘေရတ် အရှင်သူးန် လာဂေသပ်အပ်သလိုက်" ဘို့လိ ဟို့စ်" ဟိုးယ် အော်ဒလ်ဂို့ကျဲ။ 32အဲသဘီ ဒူနောဇောနန့်ယိုး ဖာရာမားသပ် ဖိုစဲရရ် ကိုယ်တော်ယေရှု အော်ဒလ်ဂို့ကျဲသတ်အဲနိကျ မြည်းအိဘေရတ် အဲဇာငှာမားသပ် လော်သာယေး။ 33အိသေးရာ ဂေါရအိဘေရတ် ဒိုရီကုလိဗျိုးချော်မားသတ် ဂီရောဆတ် "သော်ရ ကပ်လိုက် မြည်းအိဘေရတ် ကပ်လိုက် ဒိုရီကောဝင့်သေ" ဘို့လိ ဖော်စောရ်လို့ယေး။ 34အိသေးရာယိုး "အီဘဲရတ် ကိုယ်တော်သူးန် လာကေသတ်အပ်သလိုက်" ဘို့လိဟိုးယ် ဖြေဂိုကျဲ။ 35အိသေးရာ မြည်းအိဘေ ကိုယ်တော်ရ် အတ်ရေ အာနိ ဖီရောရ်အူဝါသည့် ဟောရ်ဘီဆိုက်သည့် ကိုယ်တော်ရတ် အိဘေရ် အူဝါသည့် သူလိသည့်ယေး။ 36အဲဂူရာဂေါရအိဘေစိုရိ ယေရုရှလင်မားသတ် ဇာသတ်ဖော်သောမားသတ် မာနုချ်အောကောလ် ဘီချိဂို့ရိ ကိုယ်တော်ရ်မောသည့် အိသေးရာရ် ဟောရ်အောကောလ် ဘီဆိုက်သတ်ရ်။ 37ကိုယ်တော်ယေရှု သံလွင်မူရောသူးန် လာမီဗျိုးချောသ် မာနုချ်အောကောလ် ကိုယ်တော်ယေရှု ဂိုကျဲသတ် အော်ဘက်ဖ်ဘေကူးနောလိုက် ကုချီဂို့ရိ ဘောဂဝင့်နောရ် ဂူနော်ရတ် ချီမွမ်းဂေါ်ရတ်ရ်။ 38အိသေးရာ "ဘောဂဝင့်နောရ် နာ(မ်)လိုယ် အချဲသတ် ရာဇာယေ မော်ဂေါလ် အဆတ်။ ချောရ်ဂေါမားသေ ချားသီးအောခ်၊ ဘောဂဝင့်နောရ် ဂုနီဘာနီ ဖောရ်အောခ်" ဟိုးယ် ဒါခ်မာရေရ်။ 39မာနုချောရ်ဇာ့ကောသူ(န်) ဖာရိရှဲဟိုးသူးနဲ ကိုယ်တော်ရတ် "မာချ်ထော်ရ်၊ သော်ရ်သဘီအောကောလတ် အေနီကျာဟောသပ်အဲယူးနော်ရတ် မာနဂေါရော" ဟိုးယ် လျှောက်ဂိုကျဲ။ 40မာနုချောရ်ဇာ့ကောသူ(န်) ဖာရိရှဲဟိုးသူးနဲ ကိုယ်တော်ရတ် "မာချ်ထော်ရ်၊ သော်ရ်သဘီအောကောလတ် အေနီကျာဟောသပ်အဲယူးနော်ရတ် မာနဂေါရော" ဟိုးယ် လျှောက်ဂိုကျဲ။ 41သိုဘာဇေ ကိုယ်တော်ယေ ဂျေရုဆလင်တောမ့်နောရ် ဒ့ဟောမားသေ အယတ်နန့် တောမ့်နောရတ် ဒေခဲရရ် စူဂေါရ်ဖာနိဖို့ရိ 42ကီယေး သော်ရ်ဟာင်ဆတ် ချားသီးရေ အာနန့်သပ်အဲယူးနော်ရတ် သော်ရဟိုနားဖားရောသပ်အဲယူ(န်) ဘီရှိဟောရက်ပ်အို့ယေ။ ယာ အဲယူးနော်ရတ် သော်ရ ဟိုနားဖားရိဘတ်လိုက် လူကိုက်အေကျဲသပ် ခံဂေါ်ရဖောရတ်ရ်။ 43သော်ရ် ချိုးသူးရ်အောကော်လ် သော်ရတ် ဇော်သောဂို့ရိဘတ်လိုက် တောမ့်နောရ် ဆိုက်ရောဒ့ဟောသည့် ဝိုင်းဂိုရိအဲရိဘို့သတ် တိုင်မ်အာဗျိုး။ 44အိသေးရာ သော်ရတ် ချိလ်အိုဂို့ယိုး အာရ်ဂို့ရ်အူဝါသည့် နာသကတ်ဖားန် မေရီမားသပ် ဖိုရီဇော်စ်ဂို့ယ်ဖားန် သော်ရ်ဖောင့်ကတ် သော်ရ်ဖူဇိအောကောလောရတ်သို့ နော်ချ်ထော်ဂိုရိဘို့။ ကပ်လိုက်ဟိုးလေး သူယ် ဘောဂဝင့်နန့် သော်ရတ် အူဖာရ်ဂိုရိဘတ်လိုက် တိုင်မော်ရတ် ဟိုနားဖားရောသပ်အပ်သလိုက် အို့ယေ" ဟိုးယ် အော်ဒလ်ဂို့ကျဲ။ 45သိုဘာဇေ ကိုယ်တော်ယေရှု ဗိမာန်တော်ရ် ဘိသောရတ် ဂို့လဲသေ အန်းစောလော်သ် ဗိမာန်တော်ရ် ဘိရာရ်ဘိသောရတ် ဘတ်ဆာကီနာ ဂေါ်ရတ်သတ် အိသေးရာရတ် နန်လာသည်ယေး။ 46ကိုယ်တော်ယေ "ဘောဂဝင့်နောရ် ဟော်သအောကောလ် ကျမ်းစာမားသပ် လေကိအဲကျဲသပ်သတ် 'အာင့်ရ်ဂေါရ် ဒတ်ချားဏဂို့ရိ ဖူဇေသပ် ဇာငှာအို့ဖို့ရိဘို့' ဟိုးလေးယိုး ယာ သော်ရ ဗိမာန်တော်ရတ် စူရ်ဒါဟိုက်သ်အောကောလ် သကိဘတ်လိုက် ဇာငှာဂိုကျောစ်" ဟိုးယ် အော်ဒလ်ဂို့ကျဲ။ 47ကိုယ်တော်ယေ ဗိမာန်တော်မားသပ် ဖိုသည့်န် ဒတ်ချားနားအောကောလ် ဟောဂေါ်ရတ်။ ပုရောဟိတ်ဒေါမ့်ရ်အောကောလ်၊ ကျမ်းစီနန့်သပ် မာချ်ထော်ရ်အောကောလ်အတ်သပ် ဂျူးဆောသာ့ရ်အောကော်လို့ ကိုယ်တော်ရတ် မာရီဖတ်လားဘတ်လိုက် ဂိုသို့စရ်။ 48သိုယ် မာနုချ်အောကောလ် ကိုယ်တော်ယေရှုရ် ဒတ်ချားနားအောကောလ် ဖုနိဗျတ်လိုက် ဒ့ဟောမားသေ သကတ်သေအပ်သလိုက် အိသေးရာ ကိုယ်တော်ရတ် မာရီဘတ်လိုက် ကေစုဂိုရိ နာဖာရတ်ရ်။
Currently Selected:
Luke 19: mtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
