Luke 12
12
1အဲတိုင်မော်မားသပ် မာနုချ်ဘီရှိဂို့ရိ သော်လာဂိုရိအာယတ်သပ် အတ်ဇော်န်လိုယ် အတ်ဇော်(န်) အောမ့်ရဟိုက်ဗျို့သော်သ် အို့ယေး။ ကိုယ်တော်ယေ သဘီအောကောလောရတ် အာဂိုသည့် အော်ဒလ်ဂို့ကျဲသပ် "ဖာရိရှဲအောကောလောရ် တဆေးဒိခါးန် ဂင်မ်ကွာလသပ်အဲယူးနော်ရတ် အုချ်ဂို့ရီ ရှောင်ဂိုရိစ်။ 2မာနုချ်ဟိုးသူးန် အိသေးရာဂေါ်ရတ်သပ် အဲယူးနော်ရတ် လူခိုက်အေရီဇာနန်။ သို့ အဲယူးနော်ရတ် မာနုချ်ဘီရှိ ဂင်ဂို့ရိ ဒေကိဘို့သတ် တိုင်မ်အို့ဂို့ အာဗျိုး။ မာနုချ်ဘေကူးနဲ အိသေးရာရ် လျှို့ဝှက်ချက်အောကောလ် ဟိုသရိဘို့။ 3အပ်သလိုက် အာင်သရောမားသတ် သူယ်ဟောသပ်အဲယူ(န်) ဖောရောမားသပ် ဖူးနိဘို။ ဘာင်သိအဲကျဲသပ် ဟာင်ဘရောရ် ဘိသောရတ် အဆတ်အာ့ဆတ်ဟိုဗျိုးသပ်အဲယူ(န်) ဆာလော်ရ်အူဝါရေ ဂူဇူရီဟောရ်ဒိခါးန် အို့ယ်အာဗျိုး" ဘို့လိ အော်ဒလ်ဂို့ကျဲ။ 4အာင့်ရ် ဘိုသူးအောကောလ်၊ ဂင်ဂို့ရိ ဖူးနော။ သော်ရရတ် မာရီဗျိုးသတ် အိသေးရာရတ် နော်ဒေါ်ရာယိုး။ အိသေးရာ သော်ရရ် ဂါဘာဇေ အာရ်ကေစုဂိုရိ မာရီနာဖာရိဘို့။ 5သိုယ် သော်ရ ဒေါ်ရာဖိုရီဘို့သပ် ဘောဂဝင့်န် အိုဂို့။ ဘောဂဝင့်နန့် သော်ရရ် ဖော်ရာနော်ရတ် လော်ဖတ်လိုက် သက်ရိယတ်နန့်ယိုး၊ မိုရီဘာဇေ နော်ရော်ကော်မားသပ် ဒီရစ်သရတ်သတ် အူးခူးမ်အာ့စေ။ အပ်သလိုက် အိဘေရတ်မှ ဟားထိ ဒေါ်ရာဇ်စ်။ 6တူနိဖိုက်ခ် ဖာစိုးရတ် ငွေနှစ်ပဲနီလိုယ် ဘေဆဲသတ်နနား။ သို့ ဘောဂဝင့်နန့် အဲတူနိဖိုက်ခ် အိုဂို့ရတ်သို့ နော့ဖောရတ်။ 7သော်ရ် မာသမားသတ် စုလ်ဟော်ဝါးန်အဆတ် ဂိုနီအေကျဲ။ နော်ဒေါ်ရာယိုး။ သော်ရ တူနိဖိုက်ခ် ဘီရှိဂို့ရိသူးန်ဘောလတ် တန်ဖိုးအာ့ဆော။ 8"သော်ရရတ် အာင့်သူးန်ဟိုသို့ဟောသပ်၊ အာင့်ရတ် လက်ခံဂိုရိ မာနုချောရ်မောသည့် ဝန်ခံဂေါ်ရတ်သပ် ဇေအို့ဗျို့အောခ် မာနုချောရ်ဖွာယေ အိသေး အာင့်ရ်နောက်လိုက်ဘို့လိ ဘောဂဝင့်နောရ် ချောဒတ်ဖောသာ့ရ် မောသည့် ဝန်ခံဂိုရိဘို့။ 9သိုယ် သော်ရ မိုင်ရှဲရ်မွင့်သိ အာင်ရတ် ငြင်းဂိုရိလဲ ချောဒတ်ဖောသာ့ရ်မွင့်သိ သော်ရတ် ငြင်းဂိုရိဘို့။ 10သူယ် မာနုချောရ်ဖွာရတ် ဆန့်ကျင်ဂိုရိလေး မာသ်ဖာဘီဟိုးလေးယိုး ဂန်ညာနော်ရ်အာလော်ရတ် ဆန့်ကျင်ဂိုရိလေး သူယ် မာသ်နာဖိုက်ဘိ။ 11သော်ရတ် ဒမာရုံငေါ်သူးန် အုပ်ချုပ်ဂေါ်ရတ်သပ်အိသေးရာ နို့လေး အရာရှိအောကောလောရ် မောသည့် ဒါကီနီဇာလေး သော်ရ်ဂူးန်သူယ် ကာကွယ်ဂိုရိဘတ်လိုက် ဟိုနီကျာ ဟောဖို့ရိဘို့သတ် နော်ဒေါ်ရာဇ်စ်။ 12အန်းဆောလော်မားသတ် သော်သူးန် ဟိုနီကျာနေလီဟောဖို့ရိဘို့သပ်အဲယူ(န်) ဂန်ညာနော်ရ်အာလော်ယေ သော်ရရတ် ချိခိုက်သည့်ဘို့" ဟိုးယ် အော်ဒလ်ဂို့ကျဲ။ 13သိုဘာဇေ မာနုချ်ချောရ် ဘိသောသူ(န်) မာနုချ်အို့ဂို့ "အရှင်၊ အိုင့် ဖိုက်ဘာရ်အဆတ်သပ် ဘာဖော်ရ်ဇီနိချ်အောကောလ် ဘော်ရော်ခ်ဂိုရိ သည့်ဘတ်လိုက် အာင့်ရ် ဘယောရေ အော်ဒလ်ဂေါရော" ဟိုးယ် ကိုယ်တော်ရတ် လျှောက်ဂိုကျဲ။ 14သိုယ် ကိုယ်တော်ယေ " အသင်၊ သော်ရ ဒူနောဇောနောရ် မာဇောသည့် ဇီနိချ်အောကောလ် ဘော်ရော်ခ်ဂိုရိသည့် ဘီဆာရ်ဂိုရိဘတ်လိုက် အာင့်ရတ် ဟော်နန် သည်အေကျဲသပ်" ဟိုးယ် အာဘာရ် အော်ဒလ်ဂို့ကျဲ။ 15သိုဘာဇေ ကိုယ်တော်ယေ မာနုချ်အောကောလောရတ် "သော်ရရ်ဂူးန်သော်ရ လောဘတရားအောကောလောသူးန် အူ့ချ်ဂို့ရီ ရှောင်ဂိုရိစ်။ ကပ်လိုက်ဟိုးလေး သူယ် ဇေသူးရ်ဖူချားအောလှအိုဗျိုးအောခ်၊ သော်သူးန်အဆတ်သပ်အဲယူ(န်) စစ်မှန်သော ဇီဘော်နော်လိုက် နော့ယ်သေးအပ်သလိုက်" ဟိုးယ် အော်ဒလ်ဂို့ကျဲ။ 16သိုဘာဇေ ကိုယ်တော်ယေရှု မာနုချ်အောကောလောရတ် ဘော်ဆော်(န်)ကီစအို့ဂို့ရတ် အော်ဒလ်ဂို့ကျဲ။ " အတ်ခါလေ ဖူချားအောလှအတ်ဇောနောရ် ဘီလော်မားသပ် ဂူလာဂါလာ ဘီချိအို့ယေ။ 17အိသေး "အာင့်သူးန် နေလဲသတ် ဂူလာအဲယူးနော်ရတ် ဂေါလှအဲရိဘတ်လိုက် ဇာငှာနိုက်ဇသတ် ဟိုနီကျာ ဂေါ်ရဖို့ရိဘို့" ဟိုးယ် စိမ်သာဂေါ်ရတ်ရ်။ 18သိုဘာဇေ အိသေး "ယာ အိုင့် အေနီကျာ ဂိုကျိုးမ်။ အာင့်ရ် ဂေါ်လာအိဘေရတ် ဘငိယတ်နန့် ဒွင့်ရ် ဂေါ်လာအိုဂို့ ဘာနာယတ်နန့် အာင့်ရ် ဂူလာအောကောလ် အရော ဂင်မ်ဇီနိချ်အောကောလ် အဲဂေါ်လာအိဘေမားသပ် ဂေါလိုက်အဲကျိုးမ်။ 19သိုဘာဇေ အာင့်သူးန် ဘော်စောရ်ဘီချိဂို့ရိလိုက် ကူလာဗျိုးသပ် ဂင်မ်ဂျီနိချ်အောကောလ် သော်လာဂိုရိ ဖတ်လားယိသည့်အပ်သလိုက် ယာလိုသီ ဂင်ဂို့ရိ အနားလို့ယတ်နန့် ဟိုက် ကုချီဂို့ရိ သိုက်ကျိုးမ် ဘို့လိ ဇေရ်ဂူးန်သေ ဟိုဗျိုး" ဟိုးယ် ဟိုယေး။ 20သိုယ် ဘောဂဝင့်နန့် အိသေးရေ "ဖော်လ်မာနုချ်။ အာဇီယာ ရာသီယာ သူယ် မိုရီဘိ။ သိုဘာဇေ သူယ် သော်လာဂိုရိအဲကျော့သတ် အဲယူ(န်)ဘေကူးန် အာရ်ဇော်နော်ရ် အာ့သော်မားသပ် ဇိုက်ဗျိုးယ်" ဟိုးယ် အော်ဒလ်ဂို့ကျဲ။ 21ကိုယ်တော်ယေ "အေယူးန် ဘောဂဝင့်နောရ် အတ်ရေ ဖူချားအောလှသပ် နို့ယေးနန့် နီဇော်လိုက် ဇီနိချ်အောကောလ် သော်လာဂိုရိအဲရိ ဖူချားအာ့ဆတ်ဘို့လိ ထရောသေ မာနုချ်အောကောလ် အေနီကျာ အို့ဗျိုး" ဟိုးယ် အော်ဒလ်ဂို့ရိ ဘော်ဆော်(န်)ကီစရတ် ဖူးရယေ။ 22သိုဘာဇေ ကိုယ်တော်ယေရှု သဘီအောကောလောရတ် "သို့ယတ်နန့် သော်ရရတ် အိုင့်ဟိုသည့် သော်ရရ် ဇီဘော်နော်မားသပ် သကိဘတ်လိုက် စိမ်သာနိုဂိုရိစ်။ ဟားနားဖားနီလိုက်ဘို့လိ၊ ဂါလိုက် ကီယောရတ် ဂါသည်ယာဖိုရီဘို့သတ် စိမ်သာနိုဂိုရိစ်။ 23ဖော်ရာ(န်) ဟားနားသူ(န်)ဘောလတ် အရေးကြီးရေ အို့ယတ်နန့် ဂါယိုး ဟော်ရော်သူးန်ဘောလတ် ဘီရှိ အရေးကြီးရေ။ 24ဟာဝါ အောကောလောရတ် စ။ အဲယုနေ နော်လာဂိုက်ယ်၊ နာဟာရေ။ သော်လာဂိုရိဘတ်လိုက် ဂေါ်လာယိုး နိုက်။ သို့ ဘောဂဝင့်နန့် အဲယူးနော်ရတ် ဟားဘိုက်ယ်။ သော်ရ အဲဖိုက်ခ် အဲယုနော်သူးန်ဘောလတ် ဘီရှိ တန်ဖိုးအာ့ဆောသပ် နနား။ 25စိမ်သာဂေါ်ရောသပ်အဲယုနေ သော်ရရ် ဖော်ရာနော်ရတ် အတ်ဂေါင်းထက်အာ့နိခ် ဘီရှိသကိသရတ်ဖာ(န်) ဂိုရိသရတ်နား။ 26သော်ရ ဂူရာစိနား ဟာမော်ရတ်သို့ ဂိုရိနားဖိုက်လေး ဟာ(မ်)အာရ်ဂုနောလိုက် ကပ်လိုက် စိမ်သာဂေါ်ရောသတ်။ 27မူရရ် ဖုလ်အောကော်လ် ဆော။ ဖုလ်အဲယူ(န်) ဟာ(မ်)မို့နော်ဂေါ်ရတ်၊ အိသေးရာလိုက် ဟော်ရ်အို့သို့ နော်ဘာနှိုက်။ သို့ သော်ရရတ် ဟိုသို့ဟောသပ် အာဂေအစိလ်သည့် ရှောလမုန်ရာဇာရ် ဂင်မ်ဟော်ရ်အောကောလ်သို့ မူရရ်ဖူးလောသူ(န်)ဘောလတ် ချောမ့်သောရ်နှိုက်။ 28ဘောဂဝင့်နန့် တိုင်မ် အေကီနိဂို့ရိအို့ယေးသပ်၊ အာဇီယာ သက်ကိ ဟာလီယာအို့လေး ဆူလှမားသပ် ဂေါလိုက်သည့်ဘို့သေ မူရရ်ဖူးလောရေသို့ ချောမ့်သောရ်အောဖာ(န်) ဘာနစ်သည်လေး သော်ရရတ် ဟိုသူးရ်ဘီရှိဂို့ရိ ဘာနစ်သည်ဘို။ သော်ရရ် ဘီချက်သ် ဟော်မ်အို့ယေး။ 29သော်ရ ဟားနားဖားနီလိုက်ဘို့လိ စိမ်သာနိုဂိုကျိုး။ 30ဘောဂဝင့်နော့ရေ နိုစီနန့်သပ် အိသေးရာမှ အဲနိကျ စိမ်သာဂေါ်ရဖောရတ်သတ်။ သိုယ် သော်ရရ် ဘာဖ်ဘောဂဝင့်နန့် အေယူးန် သော်ရသူးန် လာဂေသပ် ဟိုသရတ်။ 31အာဂိုသိ ဘောဂဝင့်နော့ရ် ဒတ်ချော့လိုက် ဂင်မ်မူးန် သော်ဝါ။ သော်ဝင့်ရရတ် အေယူးနော့ရတ် ဂင်ဂို့ရိ သည်အေရီဗျိုး။ 32"ဘတ်ရဆောလောရ်ဇာ့ခ် နော်ဒေါ်ရာယိုး။ သော်ရရ် ဘာဖ်ဘောဂဝင့်နန့် သော်ရရတ် ချားချော်နော်ရတ် သည်ယာဖိုရီဘို့သပ် ဟိုက်ထေ။ 33အဆတ်သပ်ဇီနိချ်ဘေကူးန် ဘေဆီယတ်နန့် ဂိုရီပ်အောကောလောရတ် သည်စ်။ သော်ရလိုက် နိုဖူးရစ်ဗျိုးသပ် ဖေထီရ်ဘတ်ခ်အောကောလောရတ် ဂိုရိ စူရ်ဂို့လိနားဖားရတ်သပ်၊ ဖူခ်အောကောလ် ဟာရီနာဖာရတ်သပ် ချောရ်ဂေါမားသေ သော်ရရ် ချိုးဘို့သီးအောကော်လ် သော်လာဂေါရ်။ 34သော်ရရ် မော်နို့ သော်ရရ် ချိုးဘို့သီးအာ့ဆတ်သေအတ်ရေ သိုက်ရိုးဗျို"။ 35"ဘောဂဝင့်နောရ် ဟာမော်ရတ် ဂိုရိဘတ်လိုက် သော်ရောဂို့ရိ ဖိန်သေးသတ် လုံကီလိုယ် မုံဘာသီရတ် အာ့ဇုနာဖိုသည့်န် သောရစ်အဲကျဲသေ မာနုချောဒိခါးန် ဖိုသည့်န် သိုယာရ်အိုးယ်သကိစ်။ 36ဘီယသူးန် အာဗျိုးသတ် အိသေးရာရ် ဂီရောစောရတ် စိုည်ဂိုရိရိုးယေးသပ် ဂို့ရောဒိခါးန် အိုင့် အချိုးမ်သပ် သိုယာရ်အိုးယ် စိုည်ဂိုရိစ်။ ဂီရောဆတ် အာယေးနန့် ဒူဝါရ် ဘာဂျာလေးမောသောရ် အိသေးရာ ဒူဝါရော်ရတ် ကုလိသည့်ဗျလိုက် သိုယာရ်ဂိုဂျအဆတ်။ 37အိသေးအချဲသပ် တိုင်မော်မားသပ် ဆတ်သော်ရ်ရိုယေးသပ် ဂိုရ်အဲယူးနော်ရတ် ဂီရောဆတ် ဆု သည့်ဘို့။ သော်ရရတ် အိုင့် ဟိုသည့်သတ်၊ ဂီရောဆတ် အိသေးရာရတ် ဘော်ဝိုက်ဂေါရစ် ဟားနားအောကော်လ် ဟားဘိုက်ဗျို။ 38ဂီရောဆတ် ရာသီယာအောခ်၊ ဘေနဲအောခ် အိုက်လေးယိုး ဂို့ရ်အောကောလ် သိုယာရ်အိုးယ်သိုက်လေး အိသေး ဘီရှိ ကုရှီအို့ဗျိုး။ 39ဆူရေ ဟောမ့်သတ်အာဗျိုး အာဂိုသည့်လို့သီ ဟိုသရိလေး ဂေါရောရ်မာနုရှဲ ဆတ်သော်န်ရိုယေးနန့် ဆူရော်ရတ် အိသဲရ်ဂေါရောမားသေ ဂို့လိ စူရ်ဂိုသို့ နို့သည့်ဘို့။ 40အပ်သလိုက် ဇေတိုင်မော်သ်အို့ဗျို့အောခ် သိုယာရ်အိုးယ်သကိစ်။ ကပ်လိုက်ဟိုးလေး အိုင့်၊ မာနုချောရ်ဖွာယေ သော်ရ နောထက်ရော်သပ်တိုင်မော်မားသပ် အာဘာရ် အချိုးမ့်သတ် အပ်သလိုက်ဘို့လိ" ဟိုးယ် အော်ဒလ်ဂို့ကျဲ။ 41သိုဘာဇေ ပေတရုယေး ကိုယ်တော်ရတ် "ကိုယ်တော်၊ အေဘော်ဆော်(န်)ကီစ အာင်ရလိုက် အော်ဒလ်ဂို့ဂျောသတ်နား၊ အာရ်မာနုချ်အောကောလောလိုက်သို့ အော်ဒလ်ဂို့ကျောသပ်နား" ဘို့လိ ဖော်စောရ်လို့ယေး။ 42အန်းစောလော်မားသတ် ကိုယ်တော်ယေ "အိုင့် ဘီသာသက်ကိ သစ္စာတရားအာ့ဆတ်သပ် အိသဲရ် ဂီရောစောရ် ဂေါရောမားသေ ဟာ(မ်)ဂေါ်ရသတ်အိသေးဒိခါန် မာနုချ်အောကောလောရတ် အော်ဒလ်ဂို့ကျိသည့်။ အိသဲရ် ဂီရောဆတ် အိသေးရေ ဂို့ရ်အာရ်ဂုနောလိုက် တိုင်မ်အို့လေ ဟားနားအောကော်လ် စီဇံဂိုရိသည့်ဘတ်လိုက် ဟာ(မ်)သည်အေကျဲသတ်။ 43ဂီရောဆတ်အချဲသပ်အန်းသေ ဟာ(မ်)ဂေါ်ရတ်သပ် ဂို့ရောရတ် ဒေကိလေး အဲဂို့ရ်အိဘေ ဆုလာဒ်အောကောလ် ဖိုက်ဘို။ 44သော်ရရတ် အိုင့် အူဇူဟိုသည့်၊ ဂီရောဆတ် အိသေးရေ အိသဲရ် ချိုးဘို့သီးဘေကူးနောရတ် စိုည်ဂိုသို့ သည့်ဘို့။ 45ဇိုသီ အဲဂို့ရ်အိဘေ အိသဲရ်မော်နော်မားသပ် "ဂီရော့ဆတ် အာဗျိုးသတ် ဒေရီအို့ဗျို့"ဘို့လိ ထက်ရီ ဂို့ရ် အာရ်ဂူးန် မော်ရော်သာအောကောလောရတ်သတ် မာယာဖွာအောကောလောရတ် မာရီသိုးရိ ဟားယေးနန် နီချအိုးယ်ရိုးလေး 46အဲဂို့ရ်အိဘေရ် ဂီရောဆတ် အိသေး ထက်ရ်နောဂေါရေသတ် သည်နော်သ်၊ အိသေး ဟိုနားဖားရတ်သတ် တိုင်မော်မားသပ် အယတ်နန့် အိသေးရေ ဒေါမ့်ရ် ဒူချ်သည်ယေးနန့် သစ္စာနှိုက်သေး မာနုချောရ်ဖောင့်ကတ် သက်ခသည့်ဘို့။ 47ဂီရောဆောရ် မော်န်ဟိုသရိယတ်နန့် သိုယာရ်ဂိုကျနှိုက် ဂေါ်ရတ်သပ်ယိုးနှိုက်သေ ဂို့ရ်အိဘေ ဘတ်သော်လာရိလို့ယ် ဖီရာဟိုက်ဘို့။ 48သိုယ် ဂီရောစောရ် မော်နော်ရတ် နိုစီနိ ဒူချ်သည်ယာဇာသပ် ဟာမော်ရတ် ဂေါ်ရတ်သတ်အိသေး ဟော်မ် ဖီရာဟိုက်ဘို့။ သိုယ် ဘီရှိဂို့ရိဖာယေးသပ် အိသေးရာ ဘေကူးနောသူးန် ဘီချိဂို့ရိ ကုဇိဘို။ ဘီချိဂို့ရိ သည်အေကျဲသတ် အိသေးရာသူးန် ဘီချိဂို့ရိ ကုဇိဘို။ 49သိုဘာဇေ အိုင့် အေဒူနီယာရ် မေရီရတ် အို(န်)လိုယ် စက်ပ်ဂို့ရိဘတ်လိုက် အချိသိ။ အို(န်)ဇိုလာ အို့ဗျတ်လိုက် အာင့်သူးန် လာဂတ်ရ်။ 50အာရ်ဘီရှိဒေရီနှိုက် အိုင့် ဖာယိုမ်သတ် ဟော်ချ်ထော်ဒူကိုး အတ်ခါးန်အဆတ်။ အဲယူ(န်) ဇေသို့သည့်န်နောဝိုင် အဲသို့သည်န် အိုင့် အာရော မော်န်ဟော်ချ်ထော် ဖာယိုမ်။ 51အိုင့် အေဒူနီယာမားသတ် ချားသီးရေန် အိုက်နိသည့်ဘို့လိ ထက်ရော်ကိ။ နော့ယ်။ အိုင့်အချိသည့်သပ် မာနုချ်အောကောလောရတ် စိရဂို့ရိဗျတ်လိုက် အချိသည့်။ 52ယာလိုသီ မာနုချ်ဖာဇော်(န်)အဆတ်သပ် ဂူရှိမားသပ် ဒူဇော်နန် သိမ်ဇော်နော်ရတ်၊ သိမ်ဇော်နန် ဒူဇော်နော်ရတ် ဆန်းကျင်ဂိုရိ နိုဘိုနီဘို့။ 53ဘာဖေ ဖွာရတ်၊ ဖွာယေ ဘာဖော်ရတ်၊ မာယေ ဇုရ်ဖွားရေ၊ ဇုရ်ဖွားယေး မာရတ်၊ အို့ရီယေ ဘိုဝိုးရတ်၊ ဘိုဝဲ အို့ရီရတ် ဆန့်ကျင်ဂိုရိ နိုဘိုနီဘို့" ဟိုးယ် အော်ဒလ်ဂို့ကျဲ။ 54သိုဘာဇေ ကိုယ်တော်ယေရှု မာနုချ်အောကောလောရတ် "သော်ရ ဖူစိ(န်)မိကျသူးန် ဟာလာမဲ့လို့ အူရီအယတ်သပ် ဒေကိလဲ ဇောရ်သည့်ဗျိုးဘို့လိ အောထောမားသေ ဟိုသရော့စ်။ အဲနိကျယို အောယ်။ 55မူရရ် ဘာသချ် ဘက်သပ်အန်းသေယိုး ရာသီဥတု ဂေါ်ရော်မ်အို့ဗျိုးဘို့လိ သော်ရ ဟိုသရောစ်။ အဲနိကျယို အောယ်။ 56ဂင်မ်ကွာလောသတ်မာနုချ်အောကောလ်၊ သော်ရ အဆာနော်ရတ်သတ် မေရီရတ် ဆာယေးနန့် ရာသီဥတု ဟိုနီကျာအို့ဗျိုး ဟိုသရောစ်။ သို့ အေတိုင်မော်မားသပ် ဟိုနီကျာအောရ် အဲယူးနော်ရတ် ကပ်လိုက် စိရဂို့ရီ ဟိုနဖားရောသတ်။ 57မှန်ကန်စော် အဲယုနော်ရတ် ဂိုရိဘတ်လိုက် နီဇေဘာဇေ ကပ်လိုက် စိမ်သာနော်ဂေါ်ရောသတ်။ 58ဟော်နောအတ်ဇော်နန် သော်ရတ် ဘီဆာရ်သည်ဘိုဟိုလေး တရားရုံးမားသပ် နိုဖိုစဲလို့သီး ဟိုးယ်ဒ့ဟယေးနန့် ဟားရိဇာ့ဂို့ယ်ဖားန် ဂိုရိစ်။ အဲနိကျ နိုဂိုလဲ တရားသူကြီးယေး သော်ရတ် ဒူချ်အဆတ်ဟိုးယ် ရုံးငေါရ်ဟာ(မ်)ဂေါ်ရတ်သပ် အိသေးရာရ် အာ့သော်မားသပ် သည်ဘို။ သိုဘာဇေ အိသေးရာ သော်ရတ် ဇံယားလ် ဖတ်လိုက်အဲရိဘို့။ 59သော်ရရတ် အိုင့် ဟိုသည့်၊ သော်သူးန် ဘေကူးန်သည်ယေးနန့် တန်ညာဖူးရစ်ဖားန် ဇေသို့သည့်န် နောသော်စ် အဲသို့သည်န် အဲဇံယားလောသူးန် သူယ် နေလီနာဖာရိဘိ" ဟိုးယ် အော်ဒလ်ဂို့ကျဲ။
Currently Selected:
Luke 12: mtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
