Luke 11
11
1Thoai anndoaila auaiyai, eiba akarn zagar mazai duwa garair, zaiwakthought goairja auaiyai, thoai eibar shagiroth allorr buthorthu akzornayi eibarai hoaiyai, Aie ousthard! Zandoaila Park gusall dowya Yahya yai nizor shagiroth allorai duwa gara shikaile, ornai yow anararai shika. 2Eibayai eithararai hoaiyai, zay wakthought thuwanra duwa gariba, thoai ha';
Aie Buff
Thor num park,
Thor barshayi ieyair. 3Anararthu lagaidai harna forthi dinn anararai dai. 4Anarar gunah marf gorr,
Kiyourla hoailai anarayow nizor forthi ouldar ga'ra'ya allorai muffgari,
Are anararai amthahurn nagariss. 5Thoai eibayai onn'orai hoaiyai, thuwan'rar buthorthu horn, zibarthu ougua fuwanrjar hansai, eiba aredar rithethar eibar hanasai zieyourai, eibarai hoaiyai aie fuwanrja anarai thinua ruti dai hoailai. 6Kiyourla hoailai ougua an'ar fuwanrja musafiri ga'ri, an'ar hanrsai ireshai, thaoi anrthu kisunie eibarai diborla. 7Eibayai buthorthu juwarb diyai anarai thakalif nordai saina, orhorn dorwaza bornd, are anar fuwine suwine anar bishanar mazai, Aine ouriyourai tharai di'nafari yoom. 8Aine tharai hoair, zadi eiba eitharar fuwinreja auilai'yow, yarn orzariya eibayai eitharai nadibow, kinthu eithar bahie'yir zoriya ouriyourai zin aresai inn'dibow. 9Thoai Aine tha'rai hoair, za'di margilai tharai diya zaiebow, thuwielai farbi, dorwaza birejalai thoai thorla bali kula ziebow. 10Kiyourla hoailai zadi hanika margilai eibarla milibow, are zai thuwiebow eibayai faiebow, are zai birejabow eibar zoriya kulibow. 11Thuwanarar butharai horn buff eibar fuwa yai ruti margilai, eibarai shilor dala dibow? Orthaba marss magilai ha'ruf dibow niki? 12Are unda margilai bisu dibow niki? 13Za'di thuwanra ha'ruf auailaiyow, nizor fuwine all orrai gomgin da'dai auailai, “Jannath” usmun'or buff ayi nizorthu margaya all orrai Ruhul Quddus kiyourla nadibow? 14Thoai eibayai ougua boog orthu ha'ruff jinn nailar, are zaiwakthought ha'ruff napark jinn naili giyoai, thoai anndoaila auaiyai buaiga yai mirethai, are manush all tharjob auaiyai. 15Kinthu eitharar buthorthu kisuyai hoaiyai, thoai ha'ruff napark jinn orr sordar Beelzebub orr, madorth loai ha'ruff napark jinn orrai nailie yoursdai. 16Are kisu, munshai eibarai amthan ga'riborla ba'li, eibarai akkurn usmun'i “mujaza” nishanar'la hoaiyai. 17Ma'gor eibayai onn'orr kiyarl, orai zani yourai onn'orai hoaiyai, forthi barshir mazai nathafark auailai yarn harnda harnda auai woriena auai zieboai, are zai ga'roth nathaifark auaibow ayi gaorr ow harnda harnda auai borbard zieboai. 18Aine zadi Beelzebub orr madorht loai ha'ruff napark jinn nalie hoai thuwanra hordai auailai, are Shoaitharn ow za'di eibar muhalaf auai zaieloai, thoai eithar barshayi kangari barsi thiebow? 19Za'di Aine Beelzebub orr mordoth loai ha'ruff napark jinn nailie'r dai auailai, thor shagiroth allayi her madorth loai nailar? Thoai eithara thuwanrar gorlthir ga'ba auaibow. 20Kinthu Aine ha'ruff napark jinn orai Allahthalar Kuduroth loai nailiedai auailai, thaoi Allahthalar barshayi thuwanrar hannasai aie fowashai. 21Yarbadai, eibayai ha'ruff napark jinn orai nailie yaidai yarndasai Shoaitharn orthuwaro jallal orladai yarn dahie borlabali maisarl dair, Zaiwakthought ougua borl shokthi orla munshai, harth hanathiyar loai, nizarai fara dairdai auailai, thaoi eibar marl dowloth haifarzorth orth thakibow. 22Kinthu zaiwakthought eibar thuwaro borl shokthi orla ha'nika aieyourai harmaila ga'rai eibarai zithi zagoai, thoai eibar forthi harthiyar loai eiba'yai borlgoairthow inn'hari loaizie'boai are eibar marl dowlorth orai dusara zornorai barad ga'ri failiebow. 23Ziba anar ouzu noai eiba annar oulda muhalef, are zaithara anar fuwanthi zama noaibow eiba sarhar auai zieboai. 24Zaiwakthought ha'ruff napark jinn munshorthu nailai thoai foerun zagar mazai arum gariborla gurafira gari thuwar, zaiwakthought narfa thoai hoaiyai, Aine nizor ow garoth wapas zie yoom zanthu aine naili. 25Za'di eithai ayizagarth wapas zardai wakthought goom ga'ri kusie rikekaidai andoaila faielai, 26Thoai zieyourai nizorthuwaro ha'ruff napark jinn harnth zornorai mathie arniyourai ayizagarth wapas ga'li thiebow, thaoi manush eibar halorth foailartharow ha'ruff auaigiyoai hoai hoaiyai. 27Zaiwakthought eiba'yai ayihatha all horr, thoai munshor dierthu ougua mayafuwa yai fusar gari eiba'rai hoaiyai, Owfat Mubarak zai fatorth ornai ireshila, are eiba'yai thuwanrai duoth habieyai 28Eibayai hoaiyai, auai, magorr Mubarak ouiba zibayai Allahthalar Kalam orai funai are armall ga'rai. 29Zaiwakthought munshor die bash auai zargoai, thoai eibayai hoaithow ligegai, Ayizabanar manush bura, eithara “mujaza” nishana siethow sar, magorr Na'bi Yunus orr nishana badai are horna' nishana onnorai nadibow. 30Kiyourla hoailai zain doaila Na'bi Yunus Ninevities allorr munshorla nishana toairjai, anndoaila munshor fuwayow ayiza'banar munshorla toairjai. 31Doain orr dash orr Rani ayizabanar manush allorai “insuff” kiyamorth ordin ouriti'yourai, inorai hasureborn tariebow, kiyourla hoailai, eiba duniyar hansarthu “Sulaiman Areliehis” “Salam” 'or inn funiborla ireshai, are daika' ayirai Ouiba Ziba “Sulaiman Aliehis” “Salam” orthuwaro ba'ra'. 32Ninevities'ir manush allayi za'banar manush allorai “insuff” kiyamorth ordin thiya garie yourai eithararai hasureborn tariebow, Kiyourla hoailai, eithara Yunus'or boaiyarn mazin Thowba goairjill, are daika ayirai ouiba Ziba Yahyartharo ba'ra' aie foashai. 33Hawnika sairug darie yourrai lukie narakai, orthaba barung gauridi yow narakai, balkai sairug tableorr owrai rakai, butharai ieyaidai eithar foror daikai. 34Thor gar sairug thor soog, zaiwakthought thor soog goom thakibow, thoai thor fura garyow forr yoaibow, are zaiwakthought haruf auaibow, thoai thor garyow andar auai zieboai. 35Thoai hushiyar, zai for thorthu aresai andar norforn garis. 36Thoai za'di thor furagar forr auailai, are horna' zagar andar nathakai, thoai agargura andoaila forr auaibow, zandoaila ayiwakthought aww, zaiwakthought sairug nizor foror loai shomki yourai tharai forr'garai. 37Zaiwakthought eibayai hatha horr, thoai hornaw Pharisees ayi eibaria darwath diyai, thoai eiba butharai zieyourai harna hieborla boaishai. 38Pharisees ayi yarn daiki yourai tharjub auaiyai, eibayai harna hiebor agai harth nor duwai. 39Isayai eitharai hoaiyai, aie Pharisees all thuwanra gowloaish are borthorn allorai dai barothu suff garor laiyow, kinthu thuwanrar butharai dai lutfarti are burayii loai ba'rieya. 40Aie nadarn baikouf all! Zibayai barai banieyai eibayai butharor ayi nabana niki? 41Ma'gor butharor shiz allorai bala goairlai, thoai daikibi forthi kissu thuwanrarla park auai zieboai. 42Kinthu aie Pharisees thorowrai uffsus, fudinar, Sidup are doaila bowdoaila hark thorharir all orlardow dosh ba'rarthor akkbararth dilai yow, Insuff dasai Allahthalar muharborth garuth galith tharkors, yarn garon'arn'zoruri' lazem, yarnow ga'ra' are warn ow ayirinadiba. 43Aie Pharisees thorowrai uffsus! Thuai Ayibadoth hana allorr mazai ousall dorjar kursi all, are bazar allorr mazai munshi izorht gari Salam garidai yarn oraisos. 44Thorowrai uffsus! Kiyourla hoailai thoai ow lukaya habor doail, zinor owrothu manush arza ga'rai, kinthu inn orthu ayi hathar ha'bor nie. 45Thoai Shariyathor Alam allorr buthorthu akzornayi juwarb diyai eibarai hoaiyai, aie ousthard! Ayihatha all hornor zoriya thuai anna raiyow bai izzorthi ga'ror. 46Eibayai hoaiyai, aie Shariyathor Alam all! Thuwanrar owrai yow uffsus! Thuai anndoaila funsa zinn thuail thai moshkil, manush allorai thulidos, kinthu thuai ougua ownall orddow ayi funsa allorth nabazors. 47Thor owri uffsus! Thauai Na'bi allorr habor all orrai parka gari banors, kinthu thuwanrar buff dada allyai eithararai “hitetai” kathal goairjai. 48Thoai, thuai gaba are thuai nizor buff dadar humall orrai fasorn goros, kiyourla hoailai onnai dai eithararai “hitetai” kathal goairjai, are thuai eitharar ha'bor allorai parka ga'ri banor. 49Ayithorla bawli Allahthalar hakmorth loai hoaiyai, Aine Na'bi all are Ra'sul allorai onn'orr hanasai difairieyom, Eithara onnor buthorthu kisu Na'bi all orrai “Harti” ka'thorl ga'ribow are kisu'rai dasai saithie bow. 50Ayithorla forthi Na'bi all duniyie shuru auai thai “loe” kun bashaie yai, ayiza'banar musnshorthu innor badaila diyafa'ribow. 51Habel orr loe loai shuru gari, ayi Zakariyar loe forjonth zin Kurbani gaa are Bithul Muquddus orr mazai halark auaiyai, Aine tharai soaiyi hoair, ayiza'banar munshorthu forthi akkurn orr fura ba'daila diyaa fa'ribow. 52Aie Shariyourth orr Alam all thorowrai uffsus! Thuai “Mariforth” Ayilom orr sarbi hari loai yours, thuai orhorn ow nagalors are goailthow sardai eithara raiyow rukor. 53Zaiwakthought eibar annthu nailai thoai Alam all are Pharisees allayi doaila bowdoaila oulda fulda huwarshuru gorairthow lagilow, 54Are eibarai garath faile borla, baishabishi suwal all eibarthu fusargoairjai.
Currently Selected:
Luke 11: trpv-rv
Highlight
Share
Copy
Want to have your highlights saved across all your devices? Sign up or sign in
This translation of the Rohingya Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
