Luke 24
24
1အပတ်ကု မငြီးအကီစွက် တနင်နွေငြီး၊ အာရုဏ်ထန်တခိန်း အမွော်ဖုန်းအွယ့် ကျီ့လေးလိုကာ နံစာဟွမ်းသျှီ့ဖုန်းထွို့ လေးလိုကာ စင်ခိုင်ကု။ 2အာကာထွိုင်တွိုခါ့ သျှီလိုကာဘာ လုံဒူးကဖီထွိုင်စေးကန်းဒါ စင်ခိုင်ငွာအွယ့် ပလူးအပလားပလား စကလုဲင်းကေ့မဲ့ စတွိုလေးကေ့ ခမ်လန်ယား အတောင်ကု။ 3ထွိုင်နွူးကျိန်း စင်ခိုင်ကုခါ့ ကိုယ်တော်ယေရှုနန်ကုမ့်အွယ့် သျှီဒွမ်း။ 4အာကားအွယ့် ပျန့်နိန်းမာ အိုစဉ်စာကာ လီဒါဟခိန်း ပလူးအိုတို့ဒေါင် ကန်ကျိန်းဖောင်းထွို့ နမ်ရောင်ရိုးစာ အန်တငြီ့ငြီ့အွယ့်ပိုလေကျွို့ထွို့ အိုထွိုင်းဘို့တာ အာကားဆောင့်။ 5ပမွော်ဖုန်းအွယ့် သဝါ့ကျွို့ထန်ကာထွို့ အိုနန်းခေါက်ဝယ်လိုကာ ဟန်ယာလောင်။ ဒေါင့်မာလဲ့ ပလူးအန်တငြီ့အွယ့် "ဘားဟနာ နားကလေကွင်ကာ ပလူးမွမ့် ပလားအန်းဒင်ဘို့ ပလူးစီ့စာဟို့ စင်ခိုင် ကုအယ်။ 6ကိုယ်တော်ဒွို လီအိုဒွမ်းဟာ ဒွိုးကူပါးဟာ။အာဒွို အိုတစီ့ကုထွို့ ဆက်ပြန်မွိုင့်ချားလိ။ ယူလကား အာကမိန့်စေးကန်းဒါတာ အိုကိုနောင်နားက့ ဂါလိလဲကူခါ့ဒီ့လုဲင်။ 7အီဖီးအပ်လိုကာ ဗွယ်ဖရာဖူခူ ပလူးမိုးတာလီခိုဟ အပျက်စာဖုန်းကျွော့်ကု။ အာကာအွယ့် ဒင်လိုကာ ဗွယ်ဖရာဖုခု တထွမ်အျန်ကျွော့်ယားလောင်ထွို့ အီမိုးစီ့လိုကာ။ ဒေါင့်မာလဲ့ အာအွယ့် မေလအန်တွမ့်ငြီးကုအွယ့် ဆက်အီပြန်မွမ့်ချာဒါ မိန့်စေးကန်းနိန်းအွယ့်မေဟနောဝ်" ဒေါင့်ကာနိန်းအွယ့်။ 8ထွို့မဲ့ ပမွော်အွယ့်ဟိုအွယ့် ယူလထန်းကာ ကိုယ်တော်ယေရှု ကမိန်းစေးကန်းဒါတာဖုန်းထွို့ 9အိုစင်ခိုင်ကု စကျိန်းကာထွို့ ကျိန်ဒေါင့်နေကာဒါ အကြောင်ခရာ ဒွိုးဘာကားကအို သာဝကအစီ့ပုဲင်ပလားနောင် ပလူးလငါ့စာ ကားကအိုဆောင့်။ 10ပလူးကဒေါင့်နေဒါ အကြောင်ခရာဒွိုဘာ သာဝကဖုန်းဆောင့်အွယ် ပျန့်တို မာဂဒလဝိန်းမွော် မာရိ၊ ယောဟန္န၊ မာရိကပျန့်ဒါ ယာကုပ်မွို နောင် ပမွော်လငါ့ဖုန်းဟနေ။ 11သာဝကဖုန်းအွယ့် ယူလိုကာ ပမွော်အွယ့်ဟို ကဒေါင့်ဒါငိုဖုန်းအွယ့် အဓိပ္ပာယ်လီအိုဟ အွယ့်ကြားမဲ့ အာကာအွယ့် ယွမ်လိုကာဟ။ 12ဒေါင့်မာလဲ့ ပေတရုအွယ့် ထွိုင်ထွို့ စထွူ့လေးစင်ခိုင်ကုထွို့ ထွိုင်းဟွိုင့်ကုန်ကုကုခါ့ လီသျှီဟဒွမ် ကိုယ်တော်နန်ထွို့ သျှီဒါ့ဘို့ ပိတ်ယာ ကပတ်စေးကန်းဒါ နန်အွယ့်ဘာဟို့။ အွယ့်ကြားမဲ့ အာအွယ့် ဟွမ့်ဆန်တပျန့်အွယ့်ဘာထွို့ ကျိန်းကျိန်ယွမ်။ 13အွယ့်ငြီးကုဟို့ ကိုယ်တော်ယေရှု တပည့်ဖုန်းကု အန်ငြီ့ပလားအွယ့် လေးလိုကာ ဧမောက်ဒုန့် အိုယားနောင် ဂျေရုဆလင် အန်နျို့မိုင်ကု။ 14အာကားအွယ့် ဒေါင့်လိုကာ ကိုယ်တော်ယေရှု ကပျန့်ထန်ဒါ အကြောင်းခရာဖုန်းထွို့ လေးလိုကာတာ။ 15အိုဒေါင့်လိုလေးကာ အပလားနောင် အပလားထွို့လေးလိုကာတာနိန်းအွယ့်ခါ့ ကိုယ်တော်ယေရှုအွယ့် ရီဘို့လေးအာကာထွို့ စစွာ့လေးတွယ့်အာကာ။ 16ဗွယ်ဖရာဒီ့ အိုရေးစေးကန်း အာကာ တတောင်ကိုယ်တော်ကုမဲ့ အာကာအွယ့် သျှီကိုယ်တော် တောင်းလိုကာဟ။ 17ကိုယ်တော်အွယ့် "နားက့နုဲင့် ထောင့်လေကာကလေထွို့ ဒေါင့်လေးကာ တဟနာခရာ" ထွိုင်းတစီ့ထွို့ အာကားအွယ့် အန်ဒင်ကာနောင်မေ့ငါတလွိုးထွို့ အိုထွိုင်ကာတာ။ 18အာကာကု နျန်းကအိုဒါ ကလောဖအွယ့် "ခိန်ခါ့ဒွိုးတွင် ဂျေရုဆလင်ကု ကပျန်ဒါတာဖုန်း လီသီ့ဟဒွို အိုနားအပလားဟိုနောဝ်"ဒေါင့်ကိုယ်တော် နိန်းအွယ့်။ 19ကိုယ်တော်အွယ့် "အိုပျန့်ထန် တဟနာ"မေတစီ့ချားဒါ့နိန်းအွယ့်ခါ့ ပလူးအွယ့်ပလားအွယ့် "နာဇရက်ဝိန်းစာ ကိုယ်တော်ယေရှု တပျန့်ဖုန်းတို။ အာအွယ့် ပျန့်တို အရိယာဆူတော်ကောင်အပါး ကမိုးစေးကန်းဒါ တထူဆန်ဒူခရာဖုန်းထွို့ စဟိုဖီ တဟွမ့်ခိုခရာ မင်္ဂလာစတင်ဖုန်းတို။ အာကမိုးကဟိုဖီဒါတာ ကာကအိုဖုန်းအွယ့် ပလူးဖုန်း သျှီလိုကာ တန်ဖိုဒူယွမ်တွို့။ 20ဒေါင့်မာလဲ့ က့ပုရောဟိတ်အဒူအကဲဖုန်း နောင် ခေါင်းဆောင်ဖုန်းအွယ့် ကျန်းလိုကာအာထွို့ အပ်လိုကာ ရောမအာဏာပွိုင်စာကျွော့်ကု။ အာဏာပွိုင်းစာအွယ့်ဟိုအွယ့် ချမိန့်အာ တစီ့ဒဏ်အွယ့်မဲ့ ဒင်လိုကာအာ တထွမ်အျန်ကျွော့်ယာလောင်ထွို့မဲ့ သောက်နောင်မီနာထွို့ မိုးစီ့လိုကာအာ။ 21ဗွယ်အွယ့်ပါးဒီ့ ကအိုမောင်းလိုကား ဖီပျန့်ဗွယ်အီကယ်ဖီ က့အစ္စရေခွိုမျိုးကာကအို။ ဒေါင့်မာလဲ့ တပျန့်ကားကအိုအွယ့် နောင်ဟန်ငြီးဒွို ပျန့်ထန်လိထွို့အန်တွမ့်ငြီး။ 22ဒေါင့်မာလဲ့ က့ကုကအိုဒါး ပမွော်ပိန်ပလားလားအွယ့် ဒေါင့်နေက့ တထူဆန်ခရာဖုန်း။ အာကာအွယ့် ဟန်စိုးစောဝ်း လေးလိုကာစင်ခိုင်ကုခါ့ 23သျှီ့လိုကာဟ ကိုယ်တော်နန်။ ထွို့ဒါ့ အာကာကျိန်းချာထွို့ သျှီလိုကာလွှော်ဖုန်းထွို့ လွှော်အွယ့်ဟိုအွယ့် အိုဒေါင့်လိုကာ ကိုယ်တော်ဒွို ဆက်ပျန်မွမ့်ချာလိခရာအွယ့် ကျိန်ဒေါင့်နေချာဒါ့ က့။ 24ထွို့မဲ့ က့ကု ပလူးပိန်ပလာပလားအွယ့် လေဟွိုင့်ကာစင်ခိုင်ကု ဗွမ့်နောင်ပမွော်အွယ့်ဟိုကဒေါင့်ခါ့ ပလူးအွယ့်ဟိုဖုန်းလဲ့ သျှီလိုကာဟ ကိုယ်တော်ယေရှုနန်" ဒေါင့်ကာနိန်းအွယ့်။ 25ထွို့မဲ့ ကိုယ်တော်အွယ့် "ဘာဟနာ နားက့လီသိနာဒါဟ။ ကွက်တဟနာ အိုအင့်အီလိုကာ ဖီးကယွမ်အန်း အရိယာဆူတော်ကောင်ဖုန်းငိုမိန်းဖုန်းအယ့်။ 26'ဗွယ်ကယ်ဆယ်မေရှိယ'ဒီ့ ခရားအီလအာဘုန်းတန်းခိုခါ့ အီးခံစာဘာ တခုဲင်းဝေဒနာဖုန်းဒွို နားက့သိလိုကာဟနောဝ်" ဒေါင့်အာကာနိန်းအွယ့်။ 27ထွို့မဲ့ ဆျန်နေအာကာ မောရှေနောင် အရိယာဆူတော်ကောင်ကားကအိုဖုန်း ကျမ်ကုဒီ့ ကနေစေးကန်းဒါ ဗွယ်ကယ်ဆယ်မေရှိယ ခရာအဓိပ္ပာယ်ဖုန်းကားကအို။ 28အာကာအန်တငြီ့ တွိုလေးကာ အာကာကလေးဒါ ဒုန့်ဆောင့်ထွို့ သျှီလိုကာ ကိုယ်တော်အွယ့် ဗွမ့်နောင် အီဆက်လေးယားဒါထွို့ 29အာကားအွယ့် "မွိုင်နွူးဟာ့လိထွို့ အခိန်လွမ်လိထွို့မဲ့ အိုနားကိုဘို့နောင်ကမွန်" ပင့်ကိုယ်တော် နိန်းအွယ့်။အွယ့်မဲ့ ကိုယ်တော်အွယ့် အီအိုနားတာ နွူးကျိန်းယွမ်ကုနောင်အာကာ။ 30အီအန်တာ အိုနန်းတာနောင်အာကာခါ့ ကိုယ်တော်အွယ့် ပန်တကိုးထွို့ အန်ဖရာဂုဏ်တော်။ ပီတကိုးထွို့ ဖီပလူးအွယ့်ဟို။ 31ထွို့မဲ့ ဘောင့်ဖီးချာဒါ့ အာကာ တသျှီအာရုံအွယ့်ကြားမဲ့ အာကာအွယ့် တောင်းလိုကာချာဒါ့ ကိုယ်တော်။ ဒေါင့်မားလဲ့ အွယ့်ခါ့ခါ့ကုဟို ကိုယ်တော်အွယ့် တမာချာဒါ့ အာကာ တသျှီကွင်ကု။ 32ပလူးအွယ့်ဟိုလဲ့ "ကိုယ်တော်ယေရှု ဆျန်နေက့လိတ်ကျမ်ဖုန်းခရာ ကလေ့လောင်ခါ့ဒီ က့သကု အိုခံစာဘာ ဗွမ့်တွို့နောင် အိုသိငါဖိုအာ မေဟနောဝ်"အချင်ချင်ဒေါင့်လိုကာနိန်းအွယ့်။ 33ထွို့မဲ့ အာကားအွယ့် ထွိုင်ကျိန်းချာစွူတွို့ ဂျေရုရှလင်ဝိန်းကုထွို့ ကျိန်းသျှီကာ သာဝကအစီ့ပုဲင်ပလား နောင် ပလူးလငါ့ဖုန်း အိုစုဝေလိုကာတာ။ 34ပလူးကအိုစုဒါတာ ကားကအိုအွယ့် "ကိုယ်တော်ယေရှုအွယ့် အိုတစီ့ကုထွို့ ပျန်မွမ့်ချားယွမ်လိထွို့ ပိုလေရှိမုန်မေငါ့" ဒေါင့်နေလိုကာ ပလူးကကျိန်းချာစာ အန်တငြီ့ နိန်းအွယ့်။ 35ထွို့မဲ့ ပလူးဧမောက်ဒုန့်ကု အန်းတငြီ့အွယ့်လဲ့ ဒေါင့်နေ့ကာချာဒါ့ ကလေ့ကု အာကာကကြုံဘာတာခရာ ကားကအိုနောင် ထွိုင်ပီတကိုးခါ့ အာကာသိလိုကာ ပျန့်တိုကိုယ်တော်ယေရှုခရာဖုန်း။ 36တပည့်ဖုန်းအွယ့် အိုဒေါင့်လိုကာ တကပျန့်ထန်ဒါ အကြောင်ခရားခိန်း ကိုယ်တော်အွယ့် နေထန်အနန် အာကားတခို့ ကုထွို့"ဗွယ်ဖရာဒွို ဖီကဖီသညင်နားက့ တငြိမ်ချမ်ဖုန်" မိန့်အာကာနိန်းအွယ့်။ 37ဒေါင့်မာလဲ့ တပည့်ဖုန်းအွယ့် ယူမာ အိုသျှီတလောက်ထွို့ စကန်လိုကာ။ 38ဒေါင့်မာလဲ့ ကိုယ်တော်အွယ့် "ကွက်တဟနာ နားက့ အိုစကန်လိုကာတာ။ ကွက်တဟနာ အိုးယွမ်မား လီဆင်ခါလိုကာဟတာ။ 39ဟွိုင့်ကာ ငါးကျွော့်၊ငါးခင်ဖုန်းလုဲင်။ ခွိုင်းကျန်လိုကာငါးလုဲင်။တလောက်ဖုန်းဒီ့ စူ့ယာလီအိုဟာ။ ငါးဒွို နောင်နားက့ကသျှီ ယားဖုန်း၊ စူ့ဖုန်းအိုတို" မိန့်နိန်းအွယ့်။ 40ဒေါင့်နိန်းအွယ့်ထွို့ နေလေး အာယာစာ့အိုအကျွော့် အခင်လောင်။ 41တပည့်ဖုန်းလဲ့ ဟွမ့်ခိုလွမ်လိုကာထွို့ ဟွမ်ဆန်လိုကား တွိုတွို့ ယွမ်လီဒါဟ။ ကိုယ်တော်အွယ့် "အန်းခရာတစွိုစွိုအိုနဲ့" တစီ့အာကာနိန်းအွယ့်။ 42ထွို့မဲ့ အာကားအွယ့် ဖီလေးကာ တားကောင်းအကွူ့ထွို့ 43ကိုယ်တော်အွယ့် စုံလေးတွို့ အာကားမေငါ့ကု။ 44ထွို့မဲ့ ကိုယ်တော်အွယ့် "မောရှေစည်းကမ်းကျမ် နောင် အရိယာဆူတော်ကောင် လိတ်စောင်ဖုန်း၊ဆာလံကျမ်ဖုန်းကု ကနေစေးကန်းဒါ ငါးခရာအွယ့် အီပျန့််ထန်အယွမ် ငါးကဒေါင့်စေးကန်းဒါ နားက့ အကြောင်ခရာဖုန်းအွယ့်လဲ့ ပျန့်တွို့ တပျန့် ဒွို့ခါ့ ဖုန်းဟနေ" မိန့်နိန်းအွယ့်။ 45ထွို့မဲ့ အာစွမ့်ထွို့ နေ့ကလေ့ဖီးတပည့်ဖုန်း ဖီကသိနာ လိတ်ကျမ်။ 46ထွို့မဲ့ အာကာအွယ့် "လိတ်ကျမ်ကုဖုန်းဒီ့ ဗွယ်ကယ်ဆယ်မေရှိယဒွို ခံစာဘာတခုဲင်ဆင်ရဲဖုန်းထွို့ တွိုထွို့ အန်တွမ့််ငြီးကုထွို့ အိုတစီ့ကု အီပြန်မွမ့်ချာဒါ။ 47တလနောင်တဖုန်း နောင် မိုးတလီခိုဟ အပျက်စာဖုန်း ဖီကလတခွင်လွတ်တာ တေတွို့ ဂျေရုဆလင်ဝိန်းထွို့ အီဟိုဖီပလူးခွိုမျိုကားကအို " နေစေးကန်းနိန်းအွယ့်။ 48အွယ့်ကြားမဲ့ တကပျန့်ဒွိုးဟိုဖုန်းတာနားက့အွယ့် အီပျန့်လိုကာ သက်သေစာ ။ 49ငါးဒွို ငါးဖာ့ကဖီစေးကန်းဒါ ငိုခံသစ္စာအတိုန် အီကြွလင်းဉာဏ်ရောင်တော်ထွို့အီးတွို့လင်းနားကဆောင့်။ အွယ့်ကြားမဲ့ နားကဒွို အိုပွိုင်းလိုကာ ဂျေရုဆလင်ဝိန်းကု တွိုတွို့ အခိန်းဝိန်းခမ်းကု ဖီအပ်တန်ခိုတော်လုဲင်" မိန့်နိန်းအွယ့်။ 50ထွို့မဲ့ ကိုယ်တော်အွယ့် ဟောင့်အာတပည့်ဖုန်းထွို့ ကြွလေဗေသနိဝိန်းခုနောင့် အတောင်ကု။ မေတွိုထွို့ အွယ့်ကုပါးခါ့ ယိုးအာကျွော့်ထွို့ ဖီအာတပည်ဖုန်းတခို။ 51ထွို့မဲ့ ကိုယ်တော်ယေရှုအွယ့် ကြွကျိန်းဝိန်းခမ်းကု။ 52တပည့်ဖုန်းအွယ့် ဝယ်ရိုရိုသေသေကား ကိုယ်တော်ထွို့မဲ့ ကျိန်းလိုကာ ဂျေရုဆလင်ကုနောင် တဟွမ့်ခိုဖုန်း။ 53အာကာအွယ့် ထွိုင်းတွိုဂျေရုဆလင်ဝိန်းကုခါ့ အန်ဖရာတစေလိုကာ ဗွယ်ဖရာဂုဏ်တော်ဖုန်း ကားကအို ဗိမာန်တော်ကု။
Currently Selected:
Luke 24: ltpv-rv
Highlight
Share
Copy
Want to have your highlights saved across all your devices? Sign up or sign in
This translation of the Lahta Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
