Luke 21

1ထွို့မဲ့ကိုယ်တော်အွယ့် အိုဂျေရုဆလင်ဝိန်း ဗိမာန်တော်

ကုခါ့ အိုသျှီ ပလူးချမ်စားစာဖုန်း စူလိုကာအာကာကွမ့် တလှူခံတွိုက်ကု။ 2မယ်မုဲင်မော် ဆင်ရဲစာအပလားဒီလဲ့ စူလင်းကွမ့်တန်ဖိုအဆျန်စွက်အန်ငြီဗီတလှူခံတွိုက်ကုအွယ့် အာအိုသျှီ။ 3ထွို့မဲ့ကိုယ်တော်အွယ့် "ငါးဒေါင့်နားက့အမှန်ဒွို၊ မယ်မုဲင်မွော်ဆင်ရဲစာဒွိုးပလားဒွို ယျန့်လွို့ထိုင် ပလူးလငါ့ဖုန်းကားကအို။ 4ပလူးဖုန်းဒွို အာကာလီအိုလူဟထွို့တာအိုလွို့ဖုန်းမဲ့ လှူလိုကာ။ ဒေါင့်မားလဲ့ မယ်မုဲင်မွော်ဒွိုးပလားဒွို ဆင်ရဲလဲ့ အာလှူလူးတွို့အာဆောင့်တာကားကအိုဖုန်း" မိန့်နိန်းအွယ့်။ 5ထွို့မဲ့ ဗိမာန်တော် လုံယာ၊ အရောင်ဖုန်းအွယ့် ဖုဆန်ထန်ထွို့ကလှူစေးကန်းဒါ တကလွိုင်ဖုန်းလဲ့ တင့်တယ်ယွမ်တွို့ ပလူးဖုန်း အန်ဖရာလိုကားနိန်းအွယ့်။ ထွို့မဲ့ကိုယ်တော်အွယ့် 6"နားက့ကသျှီဒါ တာကားကအို့အွယ့် အီကေ့ဘာတို။ လုံအမာ့ငါးလဲ့ လီအိုဒွမ်ဟာ အာခမ်းလန်ကုဟာ။ အီခံဘာယားကေ့လူးအခိန်ဒွို အီတွိုလေး" မိန့်နိန်းအွယ့်။ 7ထွို့မဲ့ တပည့်ဖုန်းလဲ့ "ဆရာ၊ တာအွယ့်ဟို အီပျန့်ထန် ကမာခါ့။ဟွိုင့်နိမိတ်လက္ခဏာ နိန်းမာဖုန်းထွို့ အီသိဒါ တာဒွိုးဟိုအီပျန့်ထန်" တစီ့လျှောက်ကာကိုယ်တော်နိန်းအွယ့်။ 8ကိုယ်တော်အွယ့် နားက့ ဒင်ကာစသီ့ဖုန်း ဖီကျန်ခံဘာမာ ပလူးလငါ့တလျက်မာ။ပလူးဖုန်းအီယောင်ဆောင်နောင်ငါးထွို့ တွိုလေးထွို့မဲ့ 'ငါဒွို့ ပျန့်ဗွယ်ကယ်ဆယ်မေရှိယ' နိန်းအွယ့်ဖုန်း၊'အခိန်းဘို့လိ' နိန်းအွယ့်ဖုန်းလဲ့ အီဒေါင့်လိုကာ။ ဖီကျန်းပျန့်ကာဘာမာ ပလူးအွယ့်ဟိုတပည့်မာ။ 9နားက့မေဟွမ့် တတွိုက်ပွဲစတင်းဖုန်း၊ မေဟွမ့်တော်လှန်ပုန်ကန်ကာစတင်းဖုန်းအွယ့် ကျန်စကန်ကာမာ။တပျန့်အွယ့်ဟိုအွယ့် ခရားကပ်ကမ်ဖာအီလူးခိန်ဒွိုး အီပျန့်ကီစွက်" မိန့်နိန်းအွယ့်။ 10ထွို့မဲ့ ကိုယ်တော်အွယ့် "ပလူးအမျိုနောင်အမျို ကန်အကန်နောင်အကန် အီတွိုက်လိုကာ။ 11ခမ်းလန်ကျန်ဟေဟေကုအွယ့် အီကြုံလိုကာဘာ ဟန်စွိုဒူတာ၊အိုဝီတအန်းတအိုဖုန်း၊ ပျန်ထန်နာရောဂါဖုန်း။မုကန်အွယ့် စကန်ခရာ နိမိတ်လက္ခဏာဖုန်း အီပိုထန်။ 12ဒေါင့်မာလဲ့ ခရားတာအွယ့်ဟိုအီပျန်ထန် ပလူးဖုန်း အီကျန်းကာ နားက့ထွို့ အီခံဘာ ပလားချမိန့်ဓမ္မာရုံကုထွို့ အီခံဘာ ပလားစူထောင်ကု။ အီခံဘာပလားဖီအပျက်ဖုန်း။ နားက့တွယ့်ကာငါးကန်စာ့ အွယ်ကြားမဲ့ အီခံဘာ ပလာစွယ်တရာ ခွမ့်ခမ်းနောင် အာဏာပွိုင်းစာမေငါ့။ 13နောင်နိန်းအွယ့် အာကာဒွို အီလကာဝေဖီမင်္ဂလာစတင်ခိုအခွင်အရေ။ 14အွယ့်ကြားမဲ့ ကျန်းနန်ကာမာ နားက့အီပြန်ချေချာဘာဒါ့ နိန်းမာ။ 15ကွက်တဟာနာမေဒေါင့်အွယ့် ဖီရန်ဆူကျန်ငြင်းဒါမာ ကျန်းထောက်ဒါမာ နားအမာမာ ငါးအီဖီသညင်နားက့ ပညာဉာဏ်အာဖုန်း။ 16နားကမွိုဖ၊ပွော်ဝေ၊ ခွိုမျို၊ဖောဝ်ဖုန်း အီဖောက်နားက့သစ္စာ။နားက့ကု ပိန်ပလားပလားအွယ့်ကွက်ငါးထွို့ အီခံဘာ ပလားမိုးစီ့။ 17ကွက်တွယ်ငါးကန်စာ့အွယ့်မဲ့ ပလူးဖုန်းကားကအိုဒွို အီလွသျှီလိုကာနားက့။ 18ဒေါင့်မာလဲ့ နားက့ခုလောင်ကအိုဒါ ခုစွမ်အဘောင်ငါးလဲ့ လီကေ့ဘာဟာ။ 19ကင်ကျင်ခွိုင့်တိန်းလိုကာဘို့ နားက့တယွမ်အန်ငါ့မထွို့။" 20"မေသျှီဘာ ကျေ့တပ်ဖုန်း အိုခွို့လိုကာ ဂျေရုဆလင်ဝိန်းခါ့ နားက့အီသီ့လိုကာဘာ ဝိန်းအွယ့်မာအီကေ့ခိန်းဒွိုဘို့လေလိ။ 21အွယ့်ခိန်းမေတွို့အွယ့် ပလူးကအိုဒါ ယုဒဒေသကုစာ စထွူ့ထန်ကာ ခေါင့်လောင်လုဲင်။ ပလူးကအိုဒါ ဝိန်းကုစာအွယ့် စစွာ့ထန်ကားကေ့ ဝိန်းခုနောင်လုဲင်။မေအိုဝိန်းခုနောင်အွယ့် ကျန်းလေးမာ ဝိန်းကုမာ။ 22အကြောင်ခရာအွယ့် မငြီးအွယ့်ဟိုအွယ့် နောင်လိတ်ကျမ်ကုအတွိုင် ပျန့်တိုမငြီး ဗွယ်ဖရာ ဖီပျက်ဒဏ် ဝိန်းအွယ်ဟိုငြီးတိုဟနေ။ 23အွယ့်ခိန်းအွယ့် ပမော်အိုဒွိုင်စာဖုန်းနောင့်ဖုပီစာဖုန်းတာ အီကြုံလိုကာဘာ တဟုဲင်းစွက်ဖုန်း။ ကမ်ဖာဒွိုးဘာလောင် တဆင်ရဲတခုဲင်ဒူဖုန်း အီတွိုလေထွို့ဗွယ်ဖရာဒေါသဖုန်းလဲ့ အီတွိုလင်ပလူးလောင်။ 24ပလူးအွယ်ကုပါး ပိန်ပလားပလားအွယ့် အီခံပေးဘာနောင် ကျေ့စာဖုန်းဒို့။ ပလူးလငါ့အွယ့် အီခံဘာပလားကျန်းထွို့ ဟောင့်ကျိန်းကာ ကန်လငါ့ကုအေ့နောင်ကျေ့စွမ်စာ။ ပလူးကန်လငါ့စာဖုန်း အီဆျန်ဂျေရုဆလင်ဝိန်းထွို့ တွိုတွို့အာကခေတ်ကလူး ဂျေရုဆလင်ဝိန်းဒွို အီတွိုဘာ ခံဘာပလားနျာ့ဖဝကု။" 25" ထွို့မဲ့ မွိုင်၊ လနောင် ဂြိုလ်နက္ခတ်ဖုန်းကုအွယ့် နိမိတ်လက္ခဏာဖုန်း အီပိုထန်။ ပင်လယ်၊သမုဒ္ဒရာဖုန်းကု ကစင်ဒါ လှိုင်ဇျီးဖုန်းမဲ့ ကမ်ဖာ အမာ့လူးကု ကအိုဒါပလူးဖုန်းအွယ့် စကန်လွမ်လိုကာ တွို့တွို့ အီမိုးဘာနိန်းမာ လီသီ့ဒွမ်။ 26အိုယူစေးကန်း တာအီပျန့်ထန်ထိုင်ဒါ ဟနာထွို့ ပလူးဖုန်းအွယ့် စကန်လွမ်လိုကာထွို့ အီသပီလိုကာတာ။ မုကန်ကုကအိုဒါ စာဖုန်းဒီ့လဲ့ အိုကာဟ ခမ်းလန်ဇျီးကုထွို့ အီအိုကျွက်ကျက်လိုကာတာ။ 27တအွယ့်ဟို ပျန့်ထန်းခိန်းခါ့ ပလူးဖုန်းအီသျှီလိုကာဘာ ဗွယ်ဖရာဖုခုကြွလင်းတာ မုအီဒူဖုန်းခါ တန်ခိုတော် အနန္တ၊ဂုဏ်တော် အနန္တဖုန်း။ 28အွယ့်မဲ့ နိမိတ်လက္ခဏာ လီခိုဟဒွိုးဟိုဖုန်း တေးပျန့်ထန်းခိန်းအွယ့် ဗွယ်ဖရာဒွို အီမိုးဖီနားကလွတ် သံသရာဝဋ်ဆင်ရဲကုအွယ့်မဲ့ အိုထွိုင်ထွို့ ဖီဒါအာ့လိုကာခုလုဲင်" မိန့်နိန်းအွယ့်။ 29ထွို့မဲ့ကိုယ်တော်အွယ့် မိန့်အာကာတတိုက်တွိုင်အဘာဒွို "ဟွိုင့်တယွူမွိုင် နောင် တမွိုင်လငါ့လုဲင်။ 30မေသျှီဘာ တွိုင်ကျို့ကျာဖုန်းကျို့ထန်ခိန်းအွယ့် နားက့လိုကာတိုး တွို့တလီ ကန်ဆိုင့်ခိန်း။ 31နောင်နိန်းအွယ့်ကြား နားက့မေသျှီ တာပျန့်ထန့်နောင် ငါးကမိန့်ဒွိုးခါ့ဖုန်းအွယ့် သိလိုကား ဗွယ်ဖရာသာသနာတော်ဒွို အီတွိုလေလီ ကမ်ဖာဒွိုဘာကုလုဲင်။ 32ငါးဘာသဒေါင့်အမှန်ဒွို၊ တွိုတွို့ တပျန့်ဒွိုးဟိုကားကအိုပျန့်ထန်းခိန်း ပလူးမျိုဆက်ဒွိုး အီတမာကေ့ လီမေဟ။ 33မုနောင်ဟန်ယာဒွို့ အီတည်တစေးဟလဲ့ ငါးငိုဒွို အီတည်တစေတို။" 34"အွယ့်ကြားမဲ့ အန်ထွို့ အိုထွို့၊ ကူလားဖဝတာထွို့၊ နားက့ အခိန်းဖုန်း ဖီကျန်းလူးကေ့မာ ဒင်စတိထွို့ ချင်းလိုကာလုဲင်။ အခိန်းမေလူးဘို့ နိန်းအွယ့်အွယ့် နားက့တာ ပျန့်ဘို့တချုဲင် အဘာဟို့။ 35ကွက်တဟနာ မေဒေါင့်အွယ့် မွိုင်ငြီးအွယ့်ဟိုဖုန်းဒီ့ အီတွို့လေး ပလူးကအိုဒါ ကမ်းဖာလောင်စာ ကားကအိုလောင်။ 36ဖီကလွတ်ထန် တာကအီပျန့်ထန့်အွယ့်ငြီးကုထွို့ ဖီးကအိုထွိုင်ဒါ့ ဗွယ်ဖရာဖုခုမေငါ့ကု အခိန်အိုတုဲင်းတွင် ဆက်ဆုတောင်လိုကာလုဲင်" မိန့်နိန်းအွယ့်။ 37ထွို့မဲ့ ကိုယ်တော်အွယ့် မွိုင်လီ့ခါ့ ဟိုစွမ့်တရာဖုန်း ဗိမာန်တော်ကု ။ မွိုင်ဟခါ့ ထန်အို သံလွင်ခေါင့်လောင်။ 38ထွို့မဲ့ ကိုယ်တော်အွယ့် မွိုင်လီ့ခါ့ ဟိုစွမ့်တရာဖုန်း ဗိမာန်တော်ကု ။ မွိုင်ဟခါ့ ထန်အို သံလွင်ခေါင့်လောင်။

Currently Selected:

Luke 21: ltpv-rv

Highlight

Copy

Want to have your highlights saved across all your devices? Sign up or sign in

This translation of the Lahta Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.

Learn More About Lahta