Luke 9
9
1ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨶᩦᩢ ᨯᩱᩢᩁ᩠ᩋᨦᩢᩐᩣᩢᩈᩣᩅᨠ ᩈ᩠ᨷᩥᩈ᩠ᩋᨦᨲ᩠ᨶᩫᩓ᩠ᩅᩢᨻᩪᩁ᩵ᨴᩤ᩵ ᨠ᩠ᩅᩣ᩠ᨯᩃᩣ᩠ᨦᩢᨹᩦᩁᩣ᩠ᨿᩢ ᩋ᩠ᨶᩢᨷᩢᨯᩦᨷᩢᨦᩣ᩠ᨾᩓᩢᩁᩰ᩠ᨣ (ᩁᩮᩣᨣᩤ) ᨴ᩠ᨦᩢᩈ᩠ᨿᨦᩢᨩᩮ᩠ᩋᩨᨶ᩠ᨶᩢᩢ ᨾ᩠ᩋᨷᨸ᩠ᨶᩢᩁᨴ᩠ᨵᩦᨧᩮᩣᩢᩢᩋᩣᩴᨶᩣ᩠ᨧᩈᩮᩓ᩠ᩅᩢ ᩉᩨᩢᨻᩱᨠ᩠ᨴᩣᩴᩉᩣ᩠ᨿᨻᩱᩅᩤ᩵ᩋ᩠ᨶᩢᩢᨯᩯ᩵᪩ 2ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨷ᩠ᩋᨠᨠᩣ᩠ᩅ᩵ᨡᩮᩣᩢᩅᩤ᩵ ᩉᩨᩢᨻᩱᨴᩮᩈᨶᩣ ᩁᩮ᩠ᨦᩨ᩵ᩈᩣᩈᨶᩣᨡ᩠ᩋᨦᨻᩕᨧᩮᩣᩢᩢᩓᩢ ᨠ᩠ᨴᩣᩴᩉᩨᩢᨤ᩠ᨶᩫᨩᩮ᩠ᩋᩨᩋ᩠ᨶᩢᩀᩪ᩵ ᨷᩢᨯᩦᨠ᩠ᨶᩥᨷᩢᩉ᩠ᩅᩣ᩠ᨶᨡᩮᩣᩢᩉᩣ᩠ᨿᨤᩯ᩠ᩅᩁᨾᩣ᪩ 3ᨴ᩠ᨶᩤ᩵ᨧᩮᩣᩢᩢᨯᩱᩢᩈ᩠ᨦᩢ᩵ᨡᩮᩣᩢᩅᩤ᩵ᨷᩢᨲ᩠ᩋᨦᩢᩐᩣᩢᩈ᩠ᨦᩢᨻᩱᨩ᩠ᩋᨾ᪩ ᨾᩱᩢᨴᩮᩤᩢᩢᨳ᩠ᨦᩫᨻᩣ᪨ ᨡᩮᩣᩢᩢᨶᩣᩴᩢᨴᩤ᩠ᨦᨠ᩠ᨶᩥ᪨ ᨦ᩠ᨶᩫ᩵᪨ ᨤ᩠ᩅᩫᨶᩩ᩵ᨦᨴᩤ᩠ᨦᨷᩱᨩᩮ᩠ᩋᩨᨶ᩠ᨶᩢᩢ᪨ ᨷᩢᨲ᩠ᩋᨦᩢᩐᩣᩢᨻᩱᨣᩢᨯᩱᩢ᪩ 4ᩋ᩠ᨶᩢᨧᩢᩁ᩠ᨷᩢᨲ᩠ᩋᩁᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨡᩮᩣᩢᨶ᩠ᨶᩢᩢ ᨷᩢᩅᩤ᩵ᩁᩮ᩠ᨶᩨᩉᩖᨦᩢᨯᩱᩀᩪ᩵ᨴᩦ᩵ᩉ᩠ᨶᩢᩢ ᨲᩳ᩵ᨳ᩠ᨦᩨᨻᩳᨻ᩠ᩋᨠᨾᩣᩅᩤ᩵ᩋ᩠ᨶᩢᩢᨯᩯ᩵᪩ 5ᨳᩣᩢᩅᩤ᩵ᨡᩮᩣᩢᨷᩢᩁ᩠ᨷᩢᨲ᩠ᩋᩁᩢᨶ᩠ᨶᩢᩢ ᩅᩮᩃᩣᨾᩮ᩠ᩋᩨ᩵ᨻ᩠ᩋᨠᨾᩣ ᨧᩢᨯᩱᩢᩈᩣ᩠ᨿ᩵ᨲ᩠ᨶᩥᩐᩣᩢᨡᩦᩢᨹᩩ᩵ᩁn ᨲ᩠ᨠᩫᨴᩦ᩵ᩉ᩠ᨶᩢᩢᩉᩮ᩠ᨾᩨᩁᨯ᩠ᨦᩢ᩵ᨲᩮ᩠ᨶᩨᩈᨲᩥᨡᩮᩣᩢᨴᩮᩤᩢ᩵ᨶ᩠ᨶᩢᩢᨣᩭᨯᩯ᩵ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢ᪩ 6ᩃᩪᨠᩈ᩠ᩆᩥᨴ᩠ᨶᩤ᩵ᨧᩮᩣᩢᩢ ᨣᩢᨯᩱᩢᩋ᩠ᩋᨻᩱᩓ᩠ᩅᩢ ᨹᩯ᩠ᩅᨴᩩᨠᨴᩦ᩵ᨴᩩᨠ ᨡᩣ᩠ᩅ᩵ᩈᩣ᩠ᨶᨾᨣᩘᩃᩋ᩠ᨶᩢᨯᩦ ᩉᩯ᩠ᨦ᩵ᨯᩱᩢᨴᩮᩈᨶᩣ ᨸ᩠ᨶᩢᩁᩮ᩠ᨦᩨ᩵ᨻᩕᨧᩮᩣᩢᩢᩓ᩠ᩅᩢ ᨠ᩠ᨴᩣᩴᩉᩨᩢᨤ᩠ᨶᩫᩋ᩠ᨶᩢᩀᩪ᩵ᨷᩢᨯᩦᨡᩮᩣᩢᨩᩮ᩠ᩋᩨᨶ᩠ᨶᩢᩢ ᩀᩪ᩵ᨯᩦᨤ᩠ᨶᩨᨾᩣᩅᩤ᩵ᩈ᩠ᨶᩢᨶᩦᩢᨯᩯ᩵᪩
ᨠᩣ᩠ᩁᩈᩰ᩠ᨠᩈᩮᩣᩢᩢᩉᩯ᩠ᨦ᩵ ᨹᩪᩢᨸ᩠ᨠᩫᨤ᩠ᩋᨦᩉᩮᩁᩩᨴ 7ᨹᩪᩢᨸ᩠ᨠᩫᨤ᩠ᩋᨦ ᩉᩮᩁᩩᨯᨶᩦᩢᨯᩱᩢᨿ᩠ᨶᩥᨡᩣ᩠ᩅ᩵ᨴ᩠ᨶᩤ᩵ᨧᩮᩣᩢᩢᨯᩱᩢᨠ᩠ᨴᩣᩴᩅᩱᩢᨶ᩠ᨶᩢᩢ ᨣᩢᨸᩮ᩠ᨶᩋ᩠ᨶᩢᩉᩱ᩠ᨾᩢᨧᩱᩅᩱᩢᩀᩪ᩵ᩓ᪩ ᨼᩰ᩠ᩋᩡᩈ᩠ᨶᩢᨯᩱᩓᩢ ᩅᩤ᩵ᩋ᩠ᨶᩢᩢ ᨤ᩠ᨶᩫᨩᩮ᩠ᩋᩨᨹ᩠ᩋ᩵ᨦᨡᩮᩣᩢᩅᩤ᩵ “ᨤᩪᨿᩳᩉᩣ᩠ᨶ᩵ᨧ᩠ᨾᩫᨶᩣᩴᩢᨾᨣᩘᩃ ᨾᩦᨩᩦᩅ᩠ᨲᩥᨤ᩠ᨶᩨᨾᩣᩓ᩠ᩅᩢ” ᩅᩤ᩵ᩋ᩠ᨶᩢᩢᨣᩢᨾᩦ᪨ 8ᨩᩮ᩠ᩋᩨᨹ᩠ᩋ᩵ᨦᨪᩣᩴᩢᩅᩤ᩵ “ᩋᩁᩥᨿᩣᨹᩪᩢᨧᩱᨷᩩᨬ᩼ᨧᩮᩣᩢᩢᩈ᩠ᩃᩦᨵᨾ᩠ᨾ᩼ ᪉ ᩃᩥᨿ ᨻ᩠ᩋᨠᨾᩣᨤ᩠ᨶᩨᩓ᩠ᩅᩢ” ᩅᩤ᩵ᩋ᩠ᨶᩢᩢ᪩ ᨣᩢᨾᩦ ᩃᩣ᩠ᨦᨹ᩠ᩋ᩵ᨦᨪᩣᩴᩢᩅᩤ᩵ “ᨧᩮᩣᩢᩢᨲ᩠ᨶᩫᨷᩩᨬᩈ᩠ᩃᩦᨵᨾ᩠ᨾ᩼ᨾᩮ᩠ᩋᩨᨠ᩠ᩋ᩵ᩁ ᨾᩦᨩᩦᩅ᩠ᨲᩥᨤ᩠ᨶᩨᨾᩣᩓ᩠ᩅᩢ” ᩅᩤ᩵ᩋ᩠ᨶᩢᩢᨣᩢᨾᩦ᪩ 9ᨣᩭᨲᩯ᩵ᩅᩤ᩵ ᩉᩮᩁᩩᨯᩅᩤ᩵ ᨠᩣ᩠ᩁᩋ᩠ᨶᩢᩉᩮ᩠ᨯᩀᩪ᩵ᨶᩦᩢ ᨿᩳᩉᩣ᩠ᨶ᩵ᨴᩯᩢᨷᩢᨸᩮ᩠ᨶᨯᩱᩢ᪩ ᨼᩰ᩠ᩋᩡᩈ᩠ᨶᩢᨯᩱᩓᩢ ᩅᩤ᩵ᩋ᩠ᨶᩢᩢ ᨲᩣ᩠ᨾᨯ᩠ᨦᩢ᩵ᨣᩪᨸ᩠ᨦᩫᩋᩣᨩ᩠ᨬᩣᩉᩨᩢᩃᩪᨠᩈ᩠ᨠᩧ ᨣᩪᨻᩳᨲ᩠ᨯᩢᩉ᩠ᩅᩫᨿᩳᩉᩣ᩠ᨶ᩵ᩓ᩠ᩅᩢ᪩ ᨲᩯ᩵ᩅᩤ᩵ ᨯ᩠ᨿᩴᨶᩦᩢᨯᩱᩢᨿ᩠ᨶᩥᨡᩣ᩠ᩅ᩵ᨯ᩠ᨦᩢ᩵ᨶᩦᩢ ᨾ᩠ᨶᩢᨪᩣᩴᩢᨸᩮ᩠ᨶᨹᩱᩋ᩠ᨶᩢᨩᩣ ᩅᩤ᩵ᩋ᩠ᨶᩢᩢᩈᩮᩓ᩠ᩅᩢ ᨾᩦᨧᩱᩈᨶ᩠ᨴᨤᩱ᩵ᨳ᩠ᨷᩫᨴ᩠ᨶᩤ᩵ᨧᩮᩣᩢᩢ ᨴᩯᩢᩅᩤ᩵ᩋ᩠ᨶᩢᩢ ᨣᩢᨾᩦᩅ᩠ᨶᩢᨶ᩠ᨶᩢᩢᨯᩯ᩵᪩ 10ᩈᩣᩅᨠᨴ᩠ᨦᩢᩉᩖᩣ᩠ᨿ ᨾᩣᩁ᩠ᩋᨯᨹᩯ᩠ᩅᩓ᩠ᩅᩢᨶ᩠ᨶᩢᩢ ᨣᩢᨯᩱᩢᩉᩱ᩠ᩅᩢᩈᩣᩃᩮᩣᩢ᩵ᩉᩨᩢᨴ᩠ᨶᩤ᩵ᨧᩮᩣᩢᩢ ᩋ᩠ᨶᩢᨡᩮᩣᩢᨯᩱᩢᨠ᩠ᨴᩣᩴᩅᩱᩢᨩᩮ᩠ᩋᩨᨶ᩠ᨶᩢᩢᩓ᪩ ᩅᩣ᩠ᨿᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᩓᩢ ᨴ᩠ᨦᩢᩈᩣᩅᨠᨴ᩠ᨦᩢᩉᩖᩣ᩠ᨿᨻᩱᨴᩦ᩵ ᨾᩮ᩠ᨦᩨᨻᩮ᩠ᨯᨩᩯᨴᨶ᩠ᨶᩢᩢ 11ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢᨯᩱᩢᩁᩪᩢᩓ᩠ᩅᩢ ᨣᩢᩃ᩠ᩅᨯᨻᩱ ᨩ᩠ᩋᨾᩉᩖᨦᩢᨴ᩠ᨶᩤ᩵ᨧᩮᩣᩢᩢ ᩅᩤ᩵ᩋ᩠ᨶᩢᩢᩓ᪩ ᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᩁ᩠ᨷᩢᨲ᩠ᩋᩁᩢᨡᩮᩣᩢᩓ᩠ᩅᩢ ᩈ᩵ᩣᩴᨯᩯ᩠ᨦᨸ᩠ᨶᩢᩁᩮ᩠ᨦᩨ᩵ᩈᩣᩈᨶᩣᨻᩕᨧᩮᩣᩢᩢᩓ᩠ᩅᩢ ᨤ᩠ᨶᩫᩋ᩠ᨶᩢᩀᩪ᩵ᨷᩢᨯᩦᨶ᩠ᨶᩢᩢ ᨣᩢᩀᩪ᩵ᨯᩦᨤ᩠ᨶᩨᨾᩣᩓ᪩ 12ᩅᩮᩃᩣᨲᩣᩅ᩠ᨶᩢᨩᩣ᩠ᨿᩢᨻᩱᨶ᩠ᨶᩢᩢ ᩈᩣᩅᨠᩈ᩠ᨷᩥᩈ᩠ᩋᨦᨲ᩠ᨶᩫ ᨣᩢᨯᩱᩢᨾᩣᩈᩪ᩵ᨳ᩠ᨦᩨᨴᩦ᩵ᨴ᩠ᨶᩤ᩵ᨧᩮᩣᩢᩢᩓ᩠ᩅᩢᩅᩤ᩵᪩ “ᨴ᩠ᨶᩤ᩵ᨧᩮᩣᩢᩢᨴᩦ᩵ᩉ᩠ᨶᩦᩢᨾ᩠ᨶᩢᨠᩱᨤ᩠ᨶᩫ ᨸᩮ᩠ᨶᨴᩦ᩵ᩋ᩠ᨶᩢᩉᩯ᩠ᨦᩅ ᩈ᩠ᨾᩫᨣ᩠ᩅᩁᨯᩦᨩᩱᩢ ᩉ᩠ᨾᩪ᩵ᨩᩪᨾᨡᩮᩣᩢ ᨻᩱᨴᩦ᩵ᨶᩱᨷᩤ᩠ᨶᩢᨶᩱᨡ᩠ᩅᨦ᩵ ᨼᩰ᩠ᩋᩡᩅᩤ᩵ ᨡᩮᩣᩢᨲ᩠ᩋᨦᩢᨠᩣ᩠ᩁ ᨴᩦ᩵ᨿ᩠ᨦᩢᩢᨴᩦ᩵ᨽ᩠ᨠᩢᨹ᩠ᩋ᩵ᩁ ᩓᩢᨡᩮᩣᩢᩢᨶᩣᩴᩢᨴᩤ᩠ᨦᨠ᩠ᨶᩥ ᩉᩱ᩠ᩅᩢᩈᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵”᪩ 13“ᨴ᩠ᨶᩤ᩵ᨧᩮᩣᩢᩢᨠᩣ᩠ᩅ᩵ᩅᩤ᩵ ᩐᩣᩢᨡ᩠ᩋᨦᨠ᩠ᨶᩥᩈ᩠ᨦᩢᩈ᩠ᨠᩢᩀ᩠ᨦ᩵ᩣ ᨸ᩠ᨶᩢᨡᩮᩣᩢᩓᩅᩤ᩵ᩋ᩠ᨶᩢᩢ” ᨡᩮᩣᩢᨣᩢᨠᩣ᩠ᩅ᩵ᩅᩤ᩵
“ᨴᩦ᩵ᨡᩣᩢᨡᩮᩣᩢᨶᩦᩢ ᨾᩦᨡᩮᩣᩢᩢᨾᩩᩁ ᩉᩣᩢᨡᩮ᩠ᨷᩓᩢ ᨸᩣᩈ᩠ᩋᨦᨲ᩠ᩅᩫᨣᩭ ᨳᩣᩢᩅᩤ᩵ᩃ᩠ᨿᨦᩢᨡᩮᩣᩢᨴ᩠ᨦᩢᩈ᩠ᨿᨦᩢᨶ᩠ᨶᩢᩢ ᨲ᩠ᩋᨦᩢᨯᩱᩢᨻᩱᨪᩨᩢᨡᩮᩣᩢᩢᨶᩣᩴᩢᨴᩤ᩠ᨦᨠ᩠ᨶᩥᨠ᩠ᩋ᩵ᩁᩓ” ᩉᩱ᩠ᩅᩢᩈᩣᩅᩤ᩵ ᨯ᩠ᨦᩢ᩵ᨶᩦᩢᩓ᪩ 14ᨼᩰ᩠ᩋᩡᩈ᩠ᨶᩢᨯᩱᩓᩢ ᩅᩤ᩵ᩋ᩠ᨶᩢᩢ ᩈᩮ᩠ᨶᩢᩉ᩠ᩅᩫᨤ᩠ᨶᩫᨷᩕᨾᩣ᩠ᨱᩉᩣᩢᨻ᩠ᨶᩢo ᩉ᩠ᨾᩪ᩵ᩉᩱ᩠ᨿ᩵ᨶ᩠ᨶᩢᩢ ᨾᩦᨾ᩠ᩋᨠᩉᩣᩢᨻ᩠ᨶᩢᨠ᩠ᩋ᩵ᩁ᪩
ᨴ᩠ᨶᩤ᩵ᨧᩮᩣᩢᩢᨧ᩠ᨦᩥ᩵ᨷ᩠ᩋᨠᨠᩣ᩠ᩅ᩵ ᩉᩨᩢᩃᩪᨠᨶ᩠ᩋᨦᩢᨡᩮᩣᩢᩅᩤ᩵ “ᩉᩨᩢᨡᩮᩣᩢᩀᩪ᩵ᨾᩪ᩵ᨯᩱᩉᩣᩢᩈ᩠ᨷᩥᨤ᩠ᨶᩫ”᪩ 15ᩃᩪᨠᨶ᩠ᩋᨦᩢᨡᩮᩣᩢᨣᩢᩉᩮ᩠ᨯᨲᩣ᩠ᨾᨩ᩠ᩋᨾ ᨣᩣᩴᩈ᩠ᨦᩢ᩵ᨶ᩠ᨶᩢᩢᩈᩮᩓ᩠ᩅᩢ᪩ 16ᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᩐᩣᩢᨡᩮᩣᩢᩢᨾᩩᩁ ᩉᩣᩢᨡᩮ᩠ᨷᩓᩢᨸᩣᩈ᩠ᩋᨦᨲ᩠ᩅᩫᩓ᩠ᩅᩢ ᩅ᩠ᨿᨦᨤᩣᩴᨧᩮᩣᩢᩢ ᩉᩯ᩠ᨦᩁᨯᩪᩉᩮ᩠ᩋᩨᨠᩣ᩠ᨦᩉᩣ᩠ᩅᩓᩢ᪩ ᨷᩕᩣᨳ᩠ᨶᩣ᩻ᨿ᩠ᨠᩫᨿᩳ ᨣᩩᨱᨻᩕᨧᩮᩣᩢᩢᩓ᩠ᩅᩢᩐᩣᩢᨾᩨ ᩉ᩠ᩅᩥᨯᨡᩮᩣᩢᩢᨾᩩᩁᩓᩢᨸᩣ ᨧᩯ᩠ᨠᨸ᩠ᨶᩢᩃᩪᨠᨶ᩠ᩋᨦᩢᨡᩮᩣᩢᨴ᩠ᨦᩢᩉᩖᩣ᩠ᨿᩉ᩠ᨶᩢᩢᨯᩯ᩵᪩ 17ᨤ᩠ᨶᩫᨴ᩠ᨦᩢᩈ᩠ᨿᨦᩢ ᨣᩢᨯᩱᩢᨠ᩠ᨶᩥᩋ᩠ᨾᩦ᩵ᨠ᩠ᨶᩥᨲᩮ᩠ᨾᩈᩮᨷᩢᨣᩤ ᩋ᩠ᨶᩢᨠ᩠ᨯᩧᨤᩣ᩠ᨦᩢᩅᩱᩢᨩᩮ᩠ᩋᩨᨶ᩠ᨶᩢᩢ ᨣᩢᩉᩨᩢᩃᩪᨠᨶ᩠ᩋᨦᩢᨠᩮ᩠ᨷᩈᩱ᩵ ᨷᩩᨦᨴ᩠ᨦᩢᩈ᩠ᨷᩥᩈ᩠ᩋᨦ ᨷᩩᨦᨻᩳᨲᩮ᩠ᨾᨻᩱᨴ᩠ᨦᩢᩈ᩠ᨿᨦᩢ ᩅᩤ᩵ᩋ᩠ᨶᩢᩢᨯᩯ᩵᪩ 18ᨾᩦᩅ᩠ᨶᩢ ᪑ ᨴ᩠ᨶᩤ᩵ᨧᩮᩣᩢᩢᨯᩱᩢ ᨷᩕᨳ᩠ᨶ᩻ᩣᨣᩭᨯ᩠ᨿᩴᨶ᩠ᨶᩢᩢ ᩃᩪᨠᨶ᩠ᩋᨦᩢᩋ᩠ᨶᩢᩁ᩠ᩋᨯᨾᩣᨹᩯ᩠ᩅᨴᩦ᩵ᨴ᩠ᨶᩤ᩵ᨧᩮᩣᩢᩢᩓ᩠ᩅᩢ ᨴ᩠ᨶᩤ᩵ᨧᩮᩣᩢᩢᨣᩢᩅᩤ᩵ “ᨤ᩠ᨶᩫᨴ᩠ᨦᩢᩉᩖᩣ᩠ᨿᩅᩤ᩵ᨣᩪᨶᩦᩢᨸᩮ᩠ᨶᨹᩱᩅᩤ᩵ᩋ᩠ᨶᩢᩢᩀᩪ᩵” ᨳᩣ᩠ᨾᩅᩤ᩵ᨯ᩠ᨦᩢ᩵ᨶᩦ᩵᪩ 19ᨡᩮᩣᩢᩃᩣ᩠ᨦᨹ᩠ᩋ᩵ᨦᨣᩢᩅᩤ᩵ᨴ᩠ᨶᩤ᩵ᨧᩮᩣᩢᩢᨶᩦᩢ ᨸᩮ᩠ᨶᨤᩪᨿᩳᩉᩣ᩠ᨶ᩵ᨧ᩠ᨾᩫᨶᩣᩴᩢᨾᨣᩘᩃᨣᩢᩅᩤ᩵ ᪉ ᩃᩥᨿᨣᩢᩅᩤ᩵ ᨸᩮ᩠ᨶᩋᩁᩥᨿᩣᨹᩪᩢᨧᩱᨷᩩᨬ᩼ᨲ᩠ᨶᩫ ᪑ ᨾᩦᨩᩦᩅ᩠ᨲᩥ ᨤ᩠ᨶᩨᨾᩣᨣᩢᩅᩤ᩵ᩋ᩠ᨶᩢᩢᨣᩢᨾᩦᩓ᪩ 20“ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨪᩣᩴᩢᨶ᩠ᨠᩧᩅᩤ᩵ᨣᩪᨶᩦᩢᨸᩮ᩠ᨶᨹᩱ” ᨳᩣ᩠ᨾᩅᩤ᩵ᨯ᩠ᨦᩢ᩵ᨶᩦᩢ
ᨷᩮᨲᩁᩩᨣᩢᩅᩤ᩵ “ᨴ᩠ᨶᩤ᩵ᨧᩮᩣᩢᩢᨶᩦᩢᨸᩮ᩠ᨶᨲ᩠ᨶᩫᩋ᩠ᨶᩢ ᨻᩕᨧᩮᩣᩢᩢᩈ᩠ᨦᩫ᩵ᨾᩣ ᨸᩮ᩠ᨶᨹᩪᩢᨹᩣ᩠ᨿᨷᩕᩰ᩠ᨯᨾᩮᩈᩥᨿᨲ᩠ᨶᩫ” ᪑ ᩉᩱ᩠ᩅᩢᩈᩣᨯ᩠ᨦᩢ᩵ᨶᩦᩢᩓ᩠ᩅᩢ᪩ 21ᨴ᩠ᨶᩤ᩵ᨧᩮᩣᩢᩢᨧ᩠ᨦᩥ᩵ᩉᩣ᩠ᨾᩢᨡᩮᩣᩢᩅᩤ᩵ᩁᩮ᩠ᨦᩨ᩵ᨶᩦᩢ ᨷᩢᨲ᩠ᩋᨦᩢᨻᩱᩋᩪᩢ ᩉᩨᩢᨻᩮ᩠ᨶᩨ᩵ᩁᩪᩢᩈᩮᨣᩣᩴᩅᩤ᩵ᩋ᩠ᨶᩢᩢᨯᩯ᩵᪩
ᨷ᩠ᩋᨠᨠᩣ᩠ᩅ᩵ᨡᩳᩢᨣᩣᩴᩅᩱᩢᩃ᩠ᩅᨦ᩵ᩉ᩠ᨶᩣᩢ ᩁᩮ᩠ᨦᩨ᩵ᩋ᩠ᨶᩢᨿ᩠ᩋᨾᨲᩣ᩠ᨿ 22ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢ ᨷ᩠ᩋᨠᨠᩣ᩠ᩅ᩵ᩉᩯ᩠ᨶᩃᩪᨠᨶ᩠ᩋᨦᩢᩅᩤ᩵ “ᩉ᩠ᩅᩫᩉ᩠ᨶᩣᩢᨤ᩠ᨶᩫᩉᩱ᩠ᨿ᩵ᨡᩮᩣᩢ᪨ ᩉ᩠ᨾᩳᨣ᩠ᨿᩪᨷᩁᩮᩣᩉ᩠ᨲᩥᨹᩪᩢᩉᩱ᩠ᨿ᩵ᨤ᩠ᨶᩫᩉᩖᩅ᩠ᨦᨡᩮᩣᩢ ᨣ᩠ᨿᩪᨹᩪᩢᩉᩱ᩠ᨿ᩵ᨤ᩠ᨶᩫᩉᩖᩅ᩠ᨦ ᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨡᩮᩣᩢ ᨧᩢᨷ᩠ᨷᩦᨷ᩠ᨿᩁᩉᩥᩴ᩠ᨦᩈᩣ ᩃᩪᨠᨩᩣ᩠ᨿᨧᩮᩣᩢᩢᩓᩢ ᨡᩮᩣᩢᨧᩢᨲ᩠ᩋᨷᨳ᩠ᨿᨦ ᨴ᩠ᨶᩤ᩵ᨧᩮᩣᩢᩢᩓ᩠ᩅᩢ᪨ ᨧᩢᨥᩣᨻᩯ᩠ᨯᩅᩤ᩵ᩋ᩠ᨶᩢᩢᩓ᪩ ᨣᩭᨲᩯ᩵ᩅᩤ᩵ᨳᩯ᩠ᨦᩢᩈᩣ᩠ᨾᩅ᩠ᨶᩢᨾᩣ ᨴ᩠ᨶᩤ᩵ᨧᩮᩣᩢᩢᨧᩢᨾᩦᩅ᩠ᨲᩥ ᨤ᩠ᨶᩨᨾᩣᩀᩪ᩵ᨯᩯ᩵” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 23ᩅᩣ᩠ᨿᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᨷ᩠ᩋᨠᨠᩣ᩠ᩅ᩵ ᨳ᩠ᨦᩨᨴᩦ᩵ᨤ᩠ᨶᩫᨴ᩠ᨦᩢ᩵ᩉᩖᩣ᩠ᨿ ᨳᩣᩢᩅᩤ᩵ᨤᩱ᩵ᨸᩮ᩠ᨶᩃᩪᨠᨶ᩠ᩋᨦᩢ ᨣᩪᨶ᩠ᨶᩢᩢᨧᩢᨯᩱᩢᨿ᩠ᩋᨾᩈᩮᩈ᩠ᩃ᩻ᩡᩈᩮᩓ᩠ᩅᩢ᪩ ᨾᩣᩉᩣ᩠ᨾᩉᩖᨠᩢᩈᩮᩣᩢᩅᩤᨠᩣ᩠ᨷᨲ᩠ᨯᩥᨹᩣ᩵ᨾᩨ ᨾᩣᨩ᩠ᩋᨾᨻᩣ᩠ᨿᩉᩖᨦᩢᨣᩪ ᩈ᩠ᨷᩨᨻᩱᨴᩩᨠᩅ᩠ᨶᩢ ᨴᩩᨠᩅ᩠ᨶᩢᩅᩤ᩵ᩋ᩠ᨶᩢᩢᩓ᪩ 24ᨹᩪᩢᩋ᩠ᨶᩢᨤᩱ᩵ᨷᩕᩰ᩠ᨯᨩᩦᩅ᩠ᨲᩥᩉᩯ᩠ᨦ᩵ᨹᩱᨾ᩠ᨶᩢᨶ᩠ᨶᩢᩢ ᨧᩢᨯᩱᩢᩃᩩᨪᩪᨾᩋᩮ᩠ᩋᩨᩢ ᨲᩯ᩵ᩅᩤ᩵ ᨳᩣᩢᨹᩪᩢᨯᩱᩓᩢ ᨤᩱ᩵ᨷᩕᩰ᩠ᨯᨣᩪᩈᩮᩓ᩠ᩅᩢ ᨿ᩠ᩋᨾᩈᩮᨩᩦᩅ᩠ᨲᩥᨶ᩠ᨶᩢᩢ ᨧᩢᨯᩱᩢᩁ᩠ᨷᩢᨠᩣ᩠ᩁᨹᩣ᩠ᨿᨷᩕᩰ᩠ᨯᩀᩪ᩵ᩓ᪩ 25ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᨯᩱᩢᨾᩣᩈ᩠ᨷᩨᨸ᩠ᨠᩫᨤ᩠ᩋᨦᩃᩰ᩠ᨠᩈᩮᨴᩤᩢ ᨣᩢᨽᩅᩉᩯ᩠ᨦ᩵ᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨧᩢᩃᩩᩉᩯᩖᩅᩈᩮᩓ᩠ᩅᩢ ᨧᩢᨯᩱᩢᩈᩮᨩᩦᩅ᩠ᨲᩥᨶ᩠ᨶᩢᩢ ᨾ᩠ᨶᩢᨧᩢᨾᩦᨷᩕᨿᩰ᩠ᨩᨩᩮ᩠ᨶ᩵ᨯᩱ᪩ 26ᨼᩰ᩠ᩋᩡᨻᩮ᩠ᩋᩨ᩵ᨣᩪᩈᩮᩓᩢᨯᩱᩢᩋᩣ᩠ᨿᨶ᩠ᨶᩢᩢ ᩃᩪᨠᨩᩣ᩠ᨿᨧᩮᩣᩢᩢᨣᩢᨧᩢᩐᩣᩢᩁᨴ᩠ᨵᩦᩁᩔ᩠ᨾᩦᨧᩮᩣᩢᩢᩈᩮ ᩅᩮᩃᩣᨾᩮ᩠ᩋᩨ᩵ᨷᩕᩈᩮ᩠ᨮᩨᨴᩮᩅᨯᩣᨴ᩠ᨦᩢᩉᩖᩣ᩠ᨿ ᨻ᩠ᩋᨠᨾᩣᨤ᩠ᨶᩨᨶ᩠ᨶᩢᩢ ᨧᩢᩋᩣ᩠ᨿᨲᩣ᩠ᨦ ᨻᩪᩁ᩵ᨴᩤ᩵ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᩀᩪ᩵ᨯᩯ᩵᪩ 27ᨣ᩠ᨶᩢᨣᩪᩢᨧᩢᩅᩤ᩵ ᩋ᩠ᨶᩢᨾᩯ᩠ᨶ᩵ᨴᩯᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᩋ᩠ᨶᩢ ᨾᩣᨧᩩᨠᨿ᩠ᨶᩨᩀᩪ᩵ᨴᩦ᩵ᩉ᩠ᨶᩦᩢᨴ᩠ᨦᩢᩈ᩠ᨿᨦᩢᨶ᩠ᨶᩢᩢ ᨷᩢᨯᩱᩢᩉ᩠ᨶᩢᩈᩣᩈᨶᩣᨡ᩠ᩋᨦᨻᩕᨧᩮᩣᩢᩢᨶ᩠ᨶᩢᩢ ᨧᩢᨷᩢᨲᩣ᩠ᨿᨯᩱᩢᨴᩮ᩠ᩋᩨ᩵ᩓ ᨸ᩠ᨦᩫᩋᩣᨩ᩠ᨬᩣᩅᩤ᩵ᨶᩦᩢ ᨣᩢᨾᩦᩅ᩠ᨶᩢᨶ᩠ᨶᩢᩢᨯᩯ᩵᪩ 28ᨸ᩠ᨦᩫᩋᩣᨩ᩠ᨬᩣᩉᩨᩢᨯ᩠ᨦᩢ᩵ᨶᩦᩢᩓ᩠ᩅᩢ ᩅᩣ᩠ᨿᩉᩖᨦᩢᩉ᩠ᨦᩨᨾ᩠ᩋᨠ (᪈) ᩅ᩠ᨶᩢᨾᩣ ᨴ᩠ᨶᩤ᩵ᨧᩮᩣᩢᩢᨯᩱᩢᩁ᩠ᩋᨦᩢᩐᩣᩢ ᨷᩮᨲᩁᩩ᪨ ᨿᩳᩉᩣ᩠ᨶ᩵ᩓᩢᨿᩣᨣᩰ᩠ᨠᩡ ᨻᩱᨷᩕᨳ᩠ᨶ᩻ᩣᨴᩦ᩵ᩉᩮ᩠ᨶ᩠ᩋᩨ ᨯᩭᩉ᩠ᨶᩢᩢ᪩ 29ᨴ᩠ᨶᩤ᩵ᨧᩮᩣᩢᩢᨯᩱᩢᨷᩕᨳ᩠ᨶ᩻ᩣᩀᩪ᩵ᨶ᩠ᨶᩢᩢ ᨠ᩠ᨴᩣᩴᩉᩨᩢᩈᩦᩁ᩠ᨷᩪᩁ᩠ᨦ᩵ᩣᨴ᩠ᨶᩤ᩵ᨧᩮᩣᩢᩢᨯᩱᩢ ᨸ᩠ᨿᩁ᩵ᨻᩱᩓ᩠ᩅᩢᨹᩣᩢᩋ᩠ᨶᩢᨷᩱᩀᩪ᩵ᨶ᩠ᨶᩢᩢ ᨣᩢᨡᩣ᩠ᩅᩈᩱᨻᩱᩅᩤ᩵ᩋ᩠ᨶᩢᩢᩓ᪩ 30ᨳ᩠ᨯᩢᨶ᩠ᨶᩢᩢ ᨹᩪᩢᨧᩱᨷᩩᨬᩢᨡᩮᩣᩢᩢᨾᩦᨾᩳ ᨾᩳᩈᩮ᩵ᩓᩢ ᪉ ᩃᩥᨿᨡᩮᩣᩢᨣ᩠ᨦᩨᩢᨣ᩠ᨦᩢᩢ ᩋ᩠ᩋᨠᨾᩣᩈᩮ ᨸᩣ᩠ᨠᨧᩣᨲᩳ᩵ᨴ᩠ᨶᩤ᩵ᨧᩮᩣᩢᩢᩀᩪ᩵᪩ 31ᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨣᩢᨾᩦᩁᨴ᩠ᨵᩦᩁᩔ᩠ᨾᩦᨧᩮᩣᩢᩢᩁᩮ᩠ᩋᩨ᩵ ᩃᩯ᩠ᨦᩈᩱᩀᩪ᩵ᩓ᩠ᩅᩢ ᩋᩪᩢᨧᩣᨠ᩠ᨶᩢᨯ᩠ᩅ᩠ᨿᩢᩁᩮ᩠ᨦᩨ᩵ ᨴ᩠ᨶᩤ᩵ᨧᩮᩣᩢᩢᨿ᩠ᩋᨾᨲᩣ᩠ᨿᨴᩦ᩵ᨶᩱ ᩅ᩠ᨿᨦᨩᩮᩁᩩᩈᩃᩮ᩠ᨾ ᩅᩤ᩵ᩋ᩠ᨶᩢᩢᩓ᪩ 32ᨾᩮ᩠ᩋᩨ᩵ᩅᩮᩃᩣᨶ᩠ᨶᩢᩢ ᨷᩮᨲᩁᩩᩓᩢ ᩃᩪᨠᨶ᩠ᩋᨦᩢᩈ᩠ᩋᨦᨤ᩠ᨶᩫᨡᩮᩣᩢᨿ᩠ᨦᩢᨶ᩠ᩋᩁᩉᩖᨷᩢᩀᩪ᩵᪩ ᩅᩮᩃᩣᨾᩮ᩠ᩋᩨ᩵ᨡᩮᩣᩢ ᨲ᩠ᨶᩨ᩵ᨡ᩠ᨶᩨᩢᨾᩣᨶ᩠ᨶᩢᩢ ᨣᩢᨯᩱᩢᩉᩱ᩠ᩅᩢᨯᩱᩢᩉ᩠ᨶᩢᨴ᩠ᨶᩤ᩵ᨧᩮᩣᩢᩢ ᩋ᩠ᨶᩢᨾᩦᩁᨴ᩠ᨵᩦᩁᨧᩮᩣᩢᩢᩔ᩠ᨾᩦᨲᩮ᩠ᨾ ᨳ᩠ᩅᩁᩢᨶ᩠ᨶᩢᩢᩓ᪩ ᨡᩮᩣᩢᨣᩢᨯᩱᩢᩉ᩠ᨶᩢᨴ᩠ᨶᩤ᩵ᨧᩮᩣᩢᩢ ᨯᩱᩢᩋᩪᩢᨧᩣᨠ᩠ᨷᩢ ᩋᩁᩥᨿᨧᩮᩣᩢᩢᨲ᩠ᨶᩫᨷᩩᨬ᩼ ᩈ᩠ᩋᨦᨲ᩠ᨶᩫᨾᩦᩅᩱᩢᩉ᩠ᨶᩢᩢᩓ᪩ 33ᩅᩣ᩠ᨿᨶ᩠ᨶᩢᩢ ᨾᩳᩈᩮ᩵ᩓᩢ ᪉ ᩃᩥᨿᨡᩮᩣᩢ ᩋ᩠ᩋᨠᨻᩱᨧᩣ᩠ᨠᨴᩦ᩵ᩉ᩠ᨶᩢᩢᩓ᩠ᩅᩢ ᨷᩮᨲᩁᩩᨣᩢᩅᩤ᩵ᩉᩨᩢᨴ᩠ᨶᩤ᩵ᨧᩮᩣᩢᩢ “ᨴ᩠ᨶᩤ᩵ᨧᩮᩣᩢᩢ ᨴᩦ᩵ᩉ᩠ᨶᩦᩢᨶᩦᩢ ᨸᩮ᩠ᨶᨴᩦ᩵ᨯᩦᩀᩪ᩵ ᨯᩦᨿ᩠ᨦᩢᩢᩉᩯ᩠ᨦ᩵᪩ ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᩈ᩠ᨾᩫᨣ᩠ᩅᩁᨯᩦᩉᩮ᩠ᨯᨪᩪᨾᩢᨧᩮᩣᩢᩢ ᨻᩪ᩵ᩁᨴᩤ᩵ᨴ᩠ᨶᩤ᩵ᨧᩮᩣᩢᩢᩉᩖᨦᩢ ᪑ ᨻᩪ᩵ᩁᨴᩤ᩵ ᪉ ᩃᩥᨿᩉᩖᨦᩢ ᪑ ᩓᩢ ᨻᩪ᩵ᩁᨴᩤ᩵ᨾᩳᩈᩮ᩵ᩉᩖᨦᩢᩓ ᨡᩳᨧᩪ᩵ᨦᩉᩨᩢᨡᩣᩢᨡᩮᩣᩢ ᨲᩯ᩠ᨦ᩵ᩈᩣ᩠ᨦᩢᨸ᩠ᨶᩢ ᩈᩮᨣᩣᩴᨡᩣᩢᩓ ᩉᩱ᩠ᩅᩢᩈᩣ” ᩅᩤ᩵ᨯ᩠ᨦᩢ᩵ᩋ᩠ᨶᩢᩢ᪩ ᨣᩭᨲᩯ᩵ᩅᩤ᩵ ᨾ᩠ᨶᩢᨤᩱ᩵ᨷ᩠ᩋᨠᨠᩣ᩠ᩅ᩵ᩉᩨᩢ ᨹᩪᩢᩢᨯᩱᨴᩯᩢᨷᩢᩁᩪᩢᩓ᪩ 34ᨷᩮᨲᩁᩩᩉᩱ᩠ᩅᩢᩈᩣᩀᩪ᩵ᨶ᩠ᨶᩢᩢ ᨹᩣᩢᨺ᩠ᨶᩫᨾᩣᨠᩩᨾ᩵ᨪᩩᨾ᩵ᩉᩮ᩠ᨶ᩠ᩋᩨ ᨡᩮᩣᩢᩓ᩠ᩅᩢ ᨸᩮ᩠ᨶᩉᩮ᩠ᨾᩨᩁᨯ᩠ᨦᩢ᩵ᨦᩮᩣᩢᨾᩣᨪᩩᨾ᩵ᨡᩮᩣᩢᨶ᩠ᨶᩢᩢᩓ ᨣᩢᨸᩮ᩠ᨶᩋ᩠ᨶᩢᨯᩦᨠ᩠ᩅᩫᨻᩳᨨ᩠ᨶ᩵ ᩈᩣ᩠ᨿᨻᩱᩅᩤ᩵ᩋ᩠ᨶᩢᩢᩓ᪩ 35ᩅᩮᩃᩣᨿᩣ᩠ᨾᨶ᩠ᨶᩢᩢ ᩃᩩᨠᨧᩣ᩠ᨠᨹᩣᩢᨺ᩠ᨶᩫᩈᩮᩓ᩠ᩅᩢ ᨾᩦᩈ᩠ᨿᨦᩋ᩠ᨶᩢ ᪑ ᩁ᩠ᩋᨦᩢᩋ᩠ᩋᨠᨾᩣᩅᩤ᩵ “ᨤ᩠ᨶᩫᨣᩳᩢᨶᩦᩢᨸᩮ᩠ᨶᩃᩪᨠᨩᩣ᩠ᨿᩉᩯ᩠ᨦ᩵ᨣᩪᩓ ᩉᩨᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨼ᩠ᨦᩢ ᨣᩣᩴᨾ᩠ᨶᩢᩈᩮᨣᩣᩴᩓ”᪩ 36ᩅᩣ᩠ᨿᩉᩖᨦᩢᩈ᩠ᨿᨦᩋ᩠ᩋᨠᨾᩣᨯ᩠ᨦᩢ᩵ᨶ᩠ᨶᩢᩢᩓ᩠ᩅᩢ ᨷᩮᨲᩁᩩ᪨ ᨿᩳᩉᩣ᩠ᨶ᩵ᩓᩢ ᨿᩣᨣ᩠ᩅᨠᩡᨡᩮᩣᩢᨣᩭᨯᩱᩢᩉ᩠ᨶᩢᨯᩱᩢᩉᩱ᩠ᩅᩢᩈᩣ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᨲ᩠ᨶᩫᨯ᩠ᨿᩴᨣᩭᨯᩯ᩵᪩ ᨯ᩠ᨦᩢ᩵ᩅᩤ᩵ᩁᩮ᩠ᨦᩨ᩵ᩋ᩠ᨶᩢᨡᩮᩣᩢᨯᩱᩢᩉ᩠ᨶᩢᨶ᩠ᨶᩢᩢ ᨷᩢᨷ᩠ᩋᨠᨷᩢᨠᩣ᩠ᩅ᩵ᩉᩨᩢᨹᩱᩀᩪ᩵ᨯ᩠ᨠᩢᨴ᩠ᨿᨠᪧᩅᩤ᩵ᩋ᩠ᨶᩢᩢ ᨣᩢᨾᩦᩅ᩠ᨶᩢᨶ᩠ᨶᩢᩢᨯᩯ᩵᪩ 37ᨳᩯ᩠ᨦᩢᩅ᩠ᨶᩢ ᪑ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᩓᩢ ᩃᩪᨠᨶ᩠ᩋᨦᩢᩈᩣ᩠ᨾᨤ᩠ᨶᩫᩃ᩠ᨦᩫᨾᩣᨧᩣ᩠ᨠᩉᩮ᩠ᨶ᩠ᩋᩨ ᨯᩭᩓ᩠ᩅᩢ ᨤ᩠ᨶᩫᨷᩤ᩠ᨶᩢᨤ᩠ᨶᩫᨾᩮ᩠ᨦᩨᨴ᩠ᨦᩢᩉᩖᩣ᩠ᨿᨡᩮᩣᩢ ᨾᩣᩁ᩠ᨷᩢᨲ᩠ᩋᩁᩢᨸᩮ᩠ᨶᨾᩣ᩠ᨠ ᨸᩮ᩠ᨶᩉᩖᩣ᩠ᨿᩅᩤ᩵ᩋ᩠ᨶᩢᩢᨯᩯ᩵᪩ 38ᨾᩦᨤ᩠ᨶᩫᨣᩳᩢ ᪑ ᨶᩱᨠᩯ᩵ᨤ᩠ᨶᩫᨾᩮ᩠ᨦᩨᨴ᩠ᨦᩢᩉᩖᩣ᩠ᨿᨶ᩠ᨶᩢᩢ ᨾᩣᩉᩱ᩠ᩅᩢᩈᩣᩅᩤ᩵ “ᨴ᩠ᨶᩤ᩵ᨧᩮᩣᩢᩢ ᨡᩳᨿ᩠ᨶᩥᨯᩦᨠ᩠ᨴᩣᩴᩉᩨᩢ ᩃᩪᨠᨩᩣ᩠ᨿᩉᩯ᩠ᨦ᩵ᨡᩣᩢᨶᩦᩢ ᩀᩪ᩵ᨯᩦᩉᩣ᩠ᨿᨤᩯ᩠ᩅᩁᨤ᩠ᨶᩨᨾᩣᩈᩮᨣᩣᩴ᪩ ᨼᩰ᩠ᩋᩡᩅᩤ᩵ ᨸᩮ᩠ᨶᩃᩪᨠᨩᩣ᩠ᨿᨯ᩠ᨿᩴᩉᩯ᩠ᨦ᩵ᨡᩢᨣᩭᩓ᪩ 39ᨾᩦᨹᩦᩁᩣ᩠ᨿᩢᨷᩢᨯᩦᨷᩢᨦᩣ᩠ᨾᨾᩣᨡᩮᩣᩢᩢᨾ᩠ᨶᩢᩈᩮᩓ᩠ᩅᩢ ᨠ᩠ᨴᩣᩴᩉᩨᩢᨲ᩠ᨠᩫᨧᩱᨠ᩠ᩅᩫᩁ᩠ᩋᨦᩢᩁ᩠ᩋᨦᩢᩈᩯ᩠ᨶ᩵ᩈᩯ᩠ᨶ᩵ ᩈ᩠ᨷᩫᨣᩢᩋ᩠ᩋᨠᨸ᩠ᩅᨠᨾᩣᩓᩢᩁᩮ᩠ᩋᩨᩢᨾᩭ᩵ᩓ᩠ᩅᩢ ᨡ᩠ᨷᩢᩃᩱ᩵ᨣᩢᨷᩢᩋ᩠ᩋᨠᨸᩮ᩠ᨶᩋ᩠ᨶᩢ ᩉ᩠ᨿᩣ᩠ᨷᨧᩱᨴᩯᩢᨡᩣᩢᩓ᪩ 40ᨡᩣᩢᨯᩱᩢᨻᩱᨴᩦ᩵ᩃᩪᨠᨶ᩠ᩋᨦᩢᨴ᩠ᨶᩤ᩵ᨧᩮᩣᩢᩢ ᨡᩳᩅ᩠ᨦᩥᩅ᩠ᩋᩁᩉᩨᩢᨡ᩠ᨷᩢᩃᩱ᩵ᨹᩦᩁᩣ᩠ᨿᩢᩀᩪ᩵᪩ ᨣᩭᨲᩯ᩵ᩅᩤ᩵ ᨷᩢᨩᩣ᩠ᨦ᩵ᨡ᩠ᨷᩢᩃᩱ᩵ᩋ᩠ᩋᨠᨯᩱᩢᨡᩣᩢᩓ”᪩ 41ᨿᩣ᩠ᨾᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨠᩣ᩠ᩅ᩵ ᩉᩨᩢᨴᩦ᩵ᩃᩪᨠᨶ᩠ᩋᨦᩢᩅᩤ᩵ “ᩋ᩠ᩅᩫ ᨷᩢᨾᩦᨠᩣ᩠ᩁᩋ᩠ᨶᩢᨿᩩ᩵ᨾᨿᩣᩴ᪨ ᨤ᩠ᨶᩫᨴᩦ᩵ᩋ᩠ᨶᩢᨻᩱᨴᩤ᩠ᨦᨸ᩠ᨶᩥᩢᨹᩯᨶ᩠ᨶᩢᩢ᪨ ᨣᩪᨧᩢᨯᩱᩢᩋ᩠ᨯᩫᨵ᩠ᨶᩫᩀᩪ᩵ᨠ᩠ᨷᩢᩈᩪᩉ᩠ᨦᩨᨶᩣ᩠ᨶᨴᩮᩤᩢ᩵ᨯᩱ ᨸ᩠ᨦᩫᩋᩣᨩ᩠ᨬᩣᨯ᩠ᨦᩢ᩵ᨶᩦᩢᩓ᪩ ᨴ᩠ᨶᩤ᩵ᨧᩮᩣᩢᩢᨧ᩠ᨦᩥ᩵ᩉᩨᩢᩁ᩠ᩋᨦᩢᩐᩣᩢ ᩃᩪᨠᨩᩣ᩠ᨿᨾ᩠ᨶᩢᨾᩣᩉᩣᨴ᩠ᨶᩤ᩵ᨧᩮᩣᩢᩢ”᪩ 42ᩅᩮᩃᩣᨾᩮ᩠ᩋᩨ᩵ᩃᩪᨠᩋ᩠ᩋ᩵ᩁᨾᩣᨶ᩠ᨶᩢᩢ ᨹᩦᩁᩣ᩠ᨿᩢᩋ᩠ᨶᩢᨷᩢᨯᩦᨷᩢᨦᩣ᩠ᨾᨶ᩠ᨶᩢᩢ ᨣᩢᨯᩱᩢᨻᩱᨡᩮᩣᩢᩢᨾ᩠ᨶᩢᨻᩳ ᩈ᩠ᨶᩢ᩵ᨻᩳᩈᩣ᩠ᨿᨻᩱᨣᩣᩴᨯ᩠ᨿᩴᩓ᪩ ᨴ᩠ᨶᩤ᩵ᨧᩮᩣᩢᩢᨧ᩠ᨦᩥ᩵ᨯᩱᩢᩈ᩠ᨦᩢ᩵ᩈ᩠ᩋᩁᨹᩦᩁᩣ᩠ᨿᩢᨶ᩠ᨶᩢᩢᩓ᩠ᩅᩢ ᨠ᩠ᨴᩣᩴᩉᩨᩢᩃᩪᨠᩋ᩠ᩋ᩵ᩁᩀᩪ᩵ ᨯᩦᨤ᩠ᨶᩨᩉᩮ᩠ᨾᩨᩁᨠᩮᩣᩢ᩵ᩈᩮᩓ᩠ᩅᩢ ᩈ᩠ᨦᩫ᩵ᨸ᩠ᨶᩢᩉᩨᩢᨻᩳ᩵ᨾ᩠ᨶᩢᨤ᩠ᨶᩨᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 43ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢ ᨣᩢᨯᩱᩢᩉᩱ᩠ᩅᩢᩈᩣᩁᨴ᩠ᨵᩥᩉᩯ᩠ᨦ᩵ᨻᩕᨧᩮᩣᩢᩢᩓ᩠ᩅᩢ ᨣᩢᨸᩮ᩠ᨶᩋ᩠ᨶᩢᨸᩩᩁᨯᩦᩋᩔᨧ᩠ᨶᩢᨴᩯᩢᩓ᪩ ᨴ᩠ᨶᩤ᩵ᨧᩮᩣᩢᩢᨯᩱᩢᨠ᩠ᨴᩣᩴᨴᩩᨠᩈ᩠ᨦᩥ᩵ ᨴᩩᨠᩀ᩵ᩣ᩠ᨦᩉᩨᩢ ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢᩋᩔᨧ᩠ᨶᩢᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨯᩱᩢᨷ᩠ᩋᨠᨠᩣ᩠ᩅ᩵ᨴᩦ᩵ ᩃᩪᨠᨶ᩠ᩋᨦᩢᨡᩮᩣᩢᩅᩤ᩵᪩ 44“ᨣᩪᨧᩢᨷ᩠ᩋᨠᨠᩣ᩠ᩅ᩵ᩉᩯ᩠ᨶᩉᩨᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨳ᩠ᩋᨾ᩵ᨼ᩠ᨦᩢᨯᩦᪧ᪩ ᩃᩪᨠᨩᩣ᩠ᨿᨧᩮᩣᩢᩢᨶᩦᨧᩢᨯᩱᩢᨾ᩠ᩋᨷᨸ᩠ᨶᩢ ᩉᩨᩢᨶᩱᨾᩨᩈᨲᩕᩪᩓ᩠ᩅᩢᨯᩯ᩵”᪩ 45ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨣᩢᨾᩦᩓ ᨯ᩠ᨦᩢ᩵ᨡᩳᩢᨣᩣᩴᨶ᩠ᨶᩢᩢᨯᩱᩢᩈᩮ᩠ᨦᩨ᩵ᨪ᩠ᨾᩨᩅᩱᩢᨷᩢᩉᩨᩢᩁᩪᩢ ᩋᨵᩥᨷᩣ᩠ᨿᨾ᩠ᨶᩢᩈᩮᩓ᩠ᩅᩢ ᨷᩢᩉᩨᩢᩃᩪᨠᨶ᩠ᩋᨦᩢᩃᩣ᩠ᨾᨴ᩠ᩅ᩠ᨿᨯᩱᩢᩅᩤ᩵ᨨ᩠ᨶᩢᨶᩦᩢᩓ᪩ ᨣᩭᨲᩯ᩵ᩅᩤ᩵ ᩃᩪᨠᨶ᩠ᩋᨦᩢᨡᩮᩣᩢᨷᩢᩉ᩠ᨯᩢᨳᩣ᩠ᨾᨤ᩠ᨶᩨ ᨸᩮ᩠ᨶᩋ᩠ᨶᩢᨠ᩠ᩅᩫᩉᩯᩀᩪ᩵ᩅᩤ᩵ᨯ᩠ᨦᩢ᩵ᨶᩦᩢᨣᩢᨾᩦᩅ᩠ᨶᩢᨶ᩠ᨶᩢᩢᨯᩯ᩵᪩ 46ᩅᩣ᩠ᨿᨶ᩠ᨶᩢᩢ ᩃᩪᨠᨶ᩠ᩋᨦᩢᨡᩮᩣᩢᨴ᩠ᨦᩢᩉᩖᩣ᩠ᨿᩋᩪᩢᨧᩣᨠ᩠ᨶᩢᩅᩤ᩵ ᨶᩱᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨯᩱᩢᨳ᩠ᨿᨦᨠ᩠ᨶᩢᩀᩪ᩵ᩅᩤ᩵ ᨸᩮ᩠ᨶᨹᩪᩢᨯᩱᩓᩢᨯᩱᩢᨿ᩠ᨦᩥ᩵ᩉᩱ᩠ᨿ᩵ᩉᩮᩖᩨᩋᨻᩮ᩠ᨶᩨ᩵᪩ 47ᨣᩭᨲᩯ᩵ᩅᩤ᩵ᨴ᩠ᨶᩤ᩵ᨧᩮᩣᩢᩢᨯᩱᩢᩁᩪᩢ ᩋ᩠ᨶᩢᨡᩮᩣᩢᨳ᩠ᨿᨦᨠ᩠ᨶᩢᨶ᩠ᨶᩢᩢᩓ᩠ᩅᩢ ᩃᩪᨠᩋ᩠ᩋ᩵ᩁᨣᩳᩢ ᪑ ᩋ᩠ᨶᩢᨾᩦᩀᩪ᩵ᨴᩦ᩵ᩁ᩠ᨾᩥᨶ᩠ᨶᩢᩢ ᩉᩨᩢᨠ᩠ᨯᩧᨿ᩠ᨦᩢᩢᩈᩮ “ᩅᩤ᩵ᩉᩨᩢᨴᩦ᩵ᩃᩪᨠᩋ᩠ᩋ᩵ᩁ”᪩ 48ᨳᩣᩢᩅᩤ᩵ᨹᩪᩢᨯᩱᩓᩢᨯᩱᩢᩁ᩠ᨷᩢ “ᩃᩪᨠᩋ᩠ᩋ᩵ᩁᨻᩪ᩵ᩁᨴᩤ᩵ᨣᩪᨶ᩠ᨶᩢᩢ ᨣᩢᩉᩮ᩠ᨾᩨᩁᨯ᩠ᨦᩢ᩵ᨯᩱᩢᩁ᩠ᨷᩢᨣᩪᨶ᩠ᨶᩢᩢᨣᩭᨯᩯ᩵᪩ ᨳᩣᩢᩅᩤ᩵ᨹᩪᩢᨯᩱᩈᩮᨣᩢᨯᩦᩁ᩠ᨷᩢᨣᩪᩀᩪ᩵ᨶ᩠ᨶᩢᩢ ᩉᩮ᩠ᨾᩨᩁᨯ᩠ᨦᩢ᩵ᨯᩱᩢᩁ᩠ᨷᩢᨲ᩠ᨶᩫᩋ᩠ᨶᩢᩈ᩠ᨦᩫ᩵ ᨣᩪᨾᩣᨶᩦᩢᨣᩭᩓ᪩ ᨶᩱᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨩᩮ᩠ᩋᩨᨶᩦᩢ ᨿ᩠ᨠᩫᨲ᩠ᨶᩫᨲ᩠ᩅᩫᩃ᩠ᨦᩫᨲ᩵ᩣᩴᨴᩦ᩵ᩈᩩᨯᨶ᩠ᨶᩢᩢ ᨣᩢᩋᩣ᩠ᨯᨧᩢᨸᩮ᩠ᨶᨲ᩠ᨶᩫᩋ᩠ᨶᩢᨿ᩠ᨦᩥ᩵ᩉᩱ᩠ᨿ᩵ᨴᩦ᩵ᩈᩩᨯ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 49ᩅᩣ᩠ᨿᨶ᩠ᨶᩢᩢ ᨿᩳᩉᩣ᩠ᨶ᩵ᨯᩱᩢᨠᩣ᩠ᩅ᩵ᩅᩤ᩵ “ᨴ᩠ᨶᩤ᩵ᨧᩮᩣᩢᩢ ᨡᩣᩢᨯᩱᩢᩉ᩠ᨶᩢᨤ᩠ᨶᩫᨣᩳᩢ ᪑ ᩐᩣᩢᨩᩨ᩵ᩈ᩠ᨿᨦᨴ᩠ᨶᩤ᩵ᨧᩮᩣᩢᩢᩈᩮᩓ᩠ᩅᩢ ᨡ᩠ᨷᩢᩃᩱ᩵ᨹᩦᩁᩣ᩠ᨿᩢᩉᩨᩢᨻᩮ᩠ᨶᩨ᩵ᩀᩪ᩵᪩ ᨼᩰ᩠ᩋᩡᩅᩤ᩵ᨾ᩠ᨶᩢᨶ᩠ᨶᩢᩢ ᨷᩢᨯᩱᩢᨾᩣᨩ᩠ᩋᨾᩉ᩠ᨾᩪ᩵ᨡᩣᩢᨡᩮᩣᩢᩓᩢ ᨧ᩠ᨦᩥ᩵ᨯᩱᩢᩉᩣ᩠ᨾᩢᨾ᩠ᨶᩢᩅᩤ᩵ ᨷᩢᨲ᩠ᩋᨦᩢᨯᩱᩢᩉᩮ᩠ᨯ” ᩉᩱ᩠ᩅᩢᩈᩣᨯ᩠ᨦᩢ᩵ᨶᩦᩢᨶ᩠ᨶᩢᩢ᪩ 50ᨴ᩠ᨶᩤ᩵ᨧᩮᩣᩢᩢᨪᩣᩴᩢᩅᩤ᩵ “ᨷᩢᨲ᩠ᩋᨦᩢᩉᩣ᩠ᨾᩢᨡᩮᩣᩢ᪨ ᨳᩣᩢᩅᩤ᩵ᨾ᩠ᨶᩢᨷᩢᨡ᩠ᨯᩢᨤᩣ᩠ᨶᩢᩁᩮᩣᩢᨶ᩠ᨶᩢᩢ ᨣᩢᩉᩮ᩠ᨾᩨᩁᨯ᩠ᨦᩢ᩵ᩅᩤ᩵ ᨸᩮ᩠ᨶᨹᩪᩢᨣᩣᩴᩢᨳᩯ᩠ᨾᩈᩪ᩵ᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨣᩭᨯᩯ᩵” ᨸ᩠ᨦᩫᩋᩣᨩ᩠ᨬᩣᨸ᩠ᨶᩢᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩
ᨧᨯᩮ᩠ᨶᩨᨻᩱᨴᩦ᩵ᨾᩮ᩠ᨦᩨ ᨣᩮ᩠ᨿᩁᩩᩈᩃᩮ᩠ᨾ 51ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢ ᨧᩢᨯᩱᩢᩁ᩠ᨷᩢᩐᩣᩢᨻᩱᨴᩦ᩵ᩅ᩠ᨿᨦᨤᩣᩴᨧᩮᩣᩢᩢᨶ᩠ᨶᩢᩢ ᩅᩮᩃᩣᨾ᩠ᨶᩢᨷᩢᨠᩱᩈ᩠ᨦᩢᩓ᩠ᩅᩢ ᨧ᩠ᨦᩥ᩵ᨯᩱᩢᨲ᩠ᨯᩢᩈ᩠ᨶᩥᩅᩤ᩵ᨧᩢᨻᩱᨴᩦ᩵ ᩅ᩠ᨿᨦᨩᩮᩁᩩᩈᩃᩮ᩠ᨾᩅᩤ᩵ᩋ᩠ᨶᩢᩢᩓ᪩ 52ᨴ᩠ᨶᩤ᩵ᨧᩮᩣᩢᩢᨯᩱᩢᨩᩱᩢᩃᩪᨠᨶ᩠ᩋᨦᩢ ᨹᩪᩢᨶᩣᩴᩉ᩠ᨶᩣᩢᨡᩮᩣᩢ ᨩᩮ᩠ᩋᩨᨹ᩠ᩋ᩵ᨦᨻᩱᨴᩦ᩵ᨷᩤ᩠ᨶᩢᨤ᩠ᨶᩫᨪᨾᩣᩁᩥᩋ᩠ᩋᩁᨴᩤ᩠ᨦᩈᩮ ᩉᩨᩢᨩᩱᩢᨡᩮᩣᩢᨾᩯ ᩁᩯ᩠ᨶᨯᩣᩅᩱᩢᩃ᩠ᩅ᩵ᨦᩉ᩠ᨶᩣᩢᩅᩤ᩵ᩋ᩠ᨶᩢᩢ᪩ 53ᨣᩭᨲᩯ᩵ᩅᩤ᩵ᨴ᩠ᨶᩤ᩵ᨧᩮᩣᩢᩢ ᨯᩱᩢᨾᩩ᩵ᨦᨲᩳ᩵ᨻᩱᨴᩦ᩵ ᩅ᩠ᨿᨦᨩᩮᩁᩩᩈᩃᩮ᩠ᨾᩀᩪ᩵ᨶ᩠ᨶᩢᩢ ᨩᩣ᩠ᩅᨷᩤ᩠ᨶᩢᨪᨾᩣᩁᩥᨡᩮᩣᩢ ᨷᩢᩁ᩠ᨷᩢᨲ᩠ᩋᩢᩁᨴ᩠ᨶᩤ᩵ᨧᩮᩣᩢᩢᩓ᪩ 54ᨿᩣᨣᩰ᩠ᨠᩡpᩓᩢ ᨿᩳᩉᩣ᩠ᨶ᩵ᨡᩮᩣᩢ ᨸᩮ᩠ᨶᩃᩪᨠᨶ᩠ᩋᨦᩢ ᨯᩱᩢᩉ᩠ᨶᩢᩓ᩠ᩅᩢ ᨡᩮᩣᩢᨧ᩠ᨦᩥ᩵ᩉᩱ᩠ᩅᩢᩈᩣᩅᩤ᩵ “ᨡᩣᩢᨡᩮᩣᩢᨧᩢᨯᩱᩢᨷᩕᩣᨳ᩠ᨶ᩻ᩣᨳ᩠ᨦᩨᨴᩦ᩵ ᩅ᩠ᨿᨦᨤᩣᩴᨧᩮᩣᩢᩢ ᨻᩕᨧᩮᩣᩢᩢᩓ᩠ᩅᩢ ᨠ᩠ᨴᩣᩴᩉᩨᩢᨼᩱᨲ᩠ᨠᩫᩃ᩠ᨦᩫᨾᩣᩉᩨᩢᨡᩮᩣᩢᨧ᩠ᨷᩥᩉᩣ᩠ᨿᨠ᩠ᩋ᩵ᩁᩉᩨ” ᩉᩮ᩠ᨯᩉᩮ᩠ᨾᩨᩁᨾᩮ᩠ᩋᩨ᩵ ᩋᩁᩥᨿᩣᨹᩪᩢᨧᩱ ᨷᩩᨬ᩼ ᪉ ᩃᩥᨿ ᩉᩮ᩠ᨯᩅᩱᩢᩋ᩠ᩋᩁᨴ᩠ᨦᩤᨶ᩠ᨶᩢᩢ ᩅᩤ᩵ᩋ᩠ᨶᩢᩢ᪩ 55ᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᩉ᩠ᩅᩣ᩠ᨿ᩵ᩉ᩠ᨶᩣᩢᨻᩱᨴ᩠ᨦᩢᨡᩮᩣᩢᩈᩮ ᩈ᩠ᨦᩢ᩵ᩈ᩠ᩋᩁᩉᩨᩢᨡᩮᩣᩢᩓ᩠ᩅᩢ᪩ 56ᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨣᩢᨯᩱᩢᩋ᩠ᩋᨠᨻᩱ ᨲ᩠ᨦᩣ᩵ᨷᩤ᩠ᨶᩢqᩅᩤ᩵ᨨ᩠ᨶᩢᨶᩦᩢᩓ᪩ 57ᩈᩮ᩠ᨶᩢᨴ᩠ᨦᩤᩋ᩠ᨶᩢᨴ᩠ᨶᩤ᩵ᨧᩮᩣᩢᩢᩓᩢ ᩃᩪᨠᨶ᩠ᩋᨦᩢᨴ᩠ᨦᩢᩉᩖᩣ᩠ᨿᨧᩢᨻᩱᨶ᩠ᨶᩢᩢ ᨾᩦᨤ᩠ᨶᩫᨣᩳᩢ ᪑ ᨾᩣᩉᩱ᩠ᩅᩢᩈᩣᩅᩤ᩵ “ᨴ᩠ᨶᩤ᩵ᨧᩮᩣᩢᩢᨻᩱᨴ᩠ᨦᩤᨯᩱᩈᩮᨷᩢᩅᩤ᩵ ᨡᩣᩢᨡᩳᨻᩱᨩ᩠ᩋᨾᨴ᩠ᨶᩤ᩵ᨧᩮᩣᩢᩢᩈᩮᨣᩣᩴ” ᩅᩤ᩵ᩋ᩠ᨶᩢᩢ᪩ 58ᨴ᩠ᨶᩤ᩵ᨧᩮᩣᩢᩢᨣᩢᩅᩤ᩵ “ᩉ᩠ᨾᩣᨧ᩠ᨦᩥᩢᨧ᩠ᩋᨠᨡᩮᩣᩢᨶᩦᩢ ᨾᩦᨡᩩᨾᨾ᩠ᨶᩢᩀᩪ᩵᪩ ᨶ᩠ᨠᩫᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨾᩦᨴ᩠ᩋᨦᩢᨼᩣᩢᩁ᩠ᨦᩢᩀᩪ᩵ᩉᩮ᩠ᨾᩨᩁᨠ᩠ᨶᩢ᪩ ᨣᩭᨲᩯ᩵ᩅᩤ᩵ ᩃᩪᨠᨩᩣ᩠ᨿᨧᩮᩣᩢᩢᨶᩦᩢᨿ᩠ᨦᩢ ᨷᩢᨾᩦᨴᩦ᩵ᩅᩤ᩠ᨦᩉ᩠ᩅᩫᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 59ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢ ᨯᩱᩢᩁ᩠ᩋᨦᩢᩐᩣᩢ ᨤ᩠ᨶᩫᨲᩣ᩠ᨦ᩵ᨣᩳᩢᨾᩣᨩ᩠ᩋᨾᨻᩣ᩠ᨿᩉᩖᨦᩢᩈᩮᩓ᩠ᩅᩢᨾ᩠ᨶᩢᨣᩢᩅᩤ᩵ “ᨴ᩠ᨶᩤ᩵ᨧᩮᩣᩢᩢ᪨ ᨡᩳᩉᩨᩢᨴ᩠ᨶᩤ᩵ᨧᩮᩣᩢᩢᨻᩱᩢᨡᩣᩢ ᩈ᩠ᨦᩫ᩵ᩈᨠᩣ᩠ᩁᨻᩳ᩵ᨡᩣᩢᩓ᩠ᩅᩢᨠ᩠ᩋ᩵ᩁᩓ”᪩ 60ᨴ᩠ᨶᩤ᩵ᨧᩮᩣᩢᩢᨪᩣᩴᩢᩅᩤ᩵ ᨲ᩠ᩅᩫᨡᨶ᩠ᨵᨲᩣ᩠ᨿrᨻᩱᩓ᩠ᩅᩢᨩᩮ᩠ᩋᩨᨶ᩠ᨶᩢᩢ “ᨣᩢᩉᩨᩢᨧ᩠ᨲᩥᩅᩥᨬᩚᩣ᩠ᨶᨲᩣ᩠ᨿᨻᩱᨶ᩠ᨶᩢᩢ ᩈ᩠ᨦᩫ᩵ᩈᨠᩣ᩠ᩁᨣᩭᨯ᩠ᨿᩴ ᩅᩤ᩵ᩋ᩠ᨶᩢᩢ᪩ ᨯ᩠ᨦᩢ᩵ᨾ᩠ᨦᩨᨶ᩠ᨶᩢᩢᩉᩨᩢᨯᩱᩢᨻᩱᩈᩣᩈᨶᩣᨡ᩠ᩋᨦᨻᩕᨧᩮᩣᩢᩢᨠᩣ᩠ᩅ᩵ᩉᩯ᩠ᨶᨴᩦ᩵ ᨤ᩠ᨶᩫᨴ᩠ᨦᩢᩉᩖᩣ᩠ᨿᨶ᩠ᨶᩢᩢᩈᩮᨣᩣᩴᩓ” ᨸ᩠ᨦᩫᩋᩣᨩ᩠ᨬᩣᨸ᩠ᨶᩢᨯ᩠ᨦᩢ᩵ᨶᩦᩢᩓ᪩ 61ᨳᩯ᩠ᨦᩢᨤ᩠ᨶᩫᨣᩳᩢ ᪑ ᩉᩱ᩠ᩅᩢᩈᩣᩅᩤ᩵ “ᨴ᩠ᨶᩤ᩵ᨧᩮᩣᩢᩢᨡᩣᩢᨧᩢᨻᩱᨩ᩠ᩋᨾᩉᩖᩢᨦᨴ᩠ᨶᩤ᩵ᨧᩮᩣᩢᩢᩀᩪ᩵᪩ ᨣᩭᨲᩯ᩵ᩅᩤ᩵ ᨡᩣᩢᨡᩳᨻᩱᩋᩣᩴᩃᩣᨴᩦ᩵ᨤ᩠ᩋᨷᨤ᩠ᩅᩫ ᨹᩪᩢᨡᩣᩢᩈᩮᨠ᩠ᩋ᩵ᩁᩓ”᪩ 62ᨴ᩠ᨶᩤ᩵ᨧᩮᩣᩢᩢᨪᩣᩴᩢᩅᩤ᩵ “ᨹᩪᩢᨴᩦ᩵ᩋ᩠ᨶᩢ ᨧ᩠ᨷᩢᨳᩱᩈᩮᩓ᩠ᩅᩢ ᩉ᩠ᩅᩣ᩠ᨿ᩵ᨴ᩠ᩅ᩠ᨿᨤ᩠ᨶᩨᨴ᩠ᨦᩢᩉᩖᨦᩢᨶ᩠ᨶᩢᩢ ᨷᩢᨠ᩠ᨦᩨ᩵ᨵᩮ᩠ᨠᩨᩈᩣᩈᨶᩣᨻᩕᨧᩮᩣᩢᩢᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩
Currently Selected:
Luke 9: ktpv-rv
Highlight
Share
Copy
Want to have your highlights saved across all your devices? Sign up or sign in
This translation of the Khun Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
