Luke 11
11
1ᨾᩦᩅ᩠ᨶᩢ ᪑ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩ ᨯᩱᩢᨷᩕᩣᨳ᩠ᨶ᩻ᩣᩀᩪ᩵ᩓ ᨾᩦᩃᩪᨠᨶ᩠ᩋᨦᩢᨤ᩠ᨶᩫ ᪑ ᩅᩤ᩵ “ᨴ᩠ᨶᩤ᩵ᨧᩮᩣᩢᨡᩳᩉᩨᩢᩈ᩠ᩋᩁᨸ᩠ᨶᩢᨡᩣᩢ ᩋ᩠ᨶᩢᨤᩪᨿᩳᩉᩣ᩠ᨶ᩵ᨧ᩠ᨾᩫᨶᩣᩴᩢᨾᨣᩘᩃ ᨯᩱᩢᩈ᩠ᩋᩁᨸ᩠ᨶᩢᩃᩪᨠᨶ᩠ᩋᨦᩢᨾ᩠ᨶᩢ ᨯ᩠ᩅ᩠ᨿᩢᨷᩯ᩠ᨷᨷᩕᨳ᩠ᨶ᩻ᩣᨶ᩠ᨶᩢᩢᩈᩮᨣᩣᩴᨡᩣᩢᩓ” ᩉᩱ᩠ᩅᩢᩈᩣᩅᩤ᩵ᨯ᩠ᨦᩢ᩵ᨶᩦᩢ᪩ 2ᨿᩣ᩠ᨾᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨣᩢᩅᩤ᩵ᩉᩨᩢᨾ᩠ᨶᩢ
“ᨳᩣᩢᩅᩤ᩵ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨷᩕᨳ᩠ᨶ᩻ᩣᨶ᩠ᨶᩢᩢ ‘ᩉᩨᩢᩅᩤ᩵
ᨻᩳ᩵ᨻᩕᨧᩮᩣᩢᩢ ᩋ᩠ᨶᩢᩀᩪ᩵ᨴᩦ᩵ᩅ᩠ᨿᨦᨤᩣᩴᨧᩮᩣᩢᩢᨡᩣᩢ᪨
ᨿ᩠ᨠᩫᨿᩳᨣᩩᨱᨻᩳ᩵ᨻᩕᨧᩮᩣᩢᩢᨡᩣᩢᩓ᪩ ᨡᩳᩉᩨᩢᩈᩣᩈᨶᩣᨾᩣᨸ᩠ᨠᩫᨤ᩠ᩋᨦ ᨴᩦ᩵ᨤ᩠ᨶᩫᨾᩮ᩠ᨦᩨᨴ᩠ᨦᩢᩉᩖᩣ᩠ᨿᩈᩮᨣᩣᩴ᪩ 3ᨯ᩠ᨦᩢ᩵ᨹᩪᩢᨡᩣᩢᨴ᩠ᨦᩢᩉᩖᩣ᩠ᨿᨾᩦᨣ᩠ᩅᩣ᩠ᨾᨲ᩠ᩋᨦᩢ ᨠᩣ᩠ᩁᨡᩮᩣᩢᩢᨶᩣᩴᩢᨴᩤ᩠ᨦᨠ᩠ᨶᩥᨶ᩠ᨶᩢᩢ ᨣᩢᨻ᩠ᨦᨯᩪᨸ᩠ᨶᩢᨴᩩᨠᩅ᩠ᨶᩢᩈᩮᨣᩣᩴ᪩ 4ᩉᩮ᩠ᨾᩨᩁᨯ᩠ᨦᩢ᩵ᩋᨶᩩᨬᩣ᩠ᨲᩉᩨᩢ ᨹ᩠ᨯᩥᨴᩰ᩠ᩇᨴᩩᨧᩁ᩠ᨲᩥᨴ᩠ᨦᩢᩉᩖᩣ᩠ᨿᨡᩮᩣᩢᨩᩮ᩠ᩋᩨᨶ᩠ᨶᩢᩢ
ᨣᩢᨡᩳᩉᩨᩢᩋᨶᩩᨬᩣ᩠ᨲᨸ᩠ᨶᩢ ᨹᩪᩢᨡᩣᩢᩈᩮᨣᩣᩴ᪩
ᨠᩣ᩠ᩁᩋ᩠ᨶᩢᨧᩢᩏᨷᩣ᩠ᨿ ᩉᩨᩢᨹᩪᩢᨡᩣᩢᨴ᩠ᨦᩢᩉᩖᩣ᩠ᨿ ᨠ᩠ᨴᩣᩴᨴᩰ᩠ᩇᨴᩩᨧᩁ᩠ᨲᩥᨶ᩠ᨶᩢᩢ
ᨣᩢᨡᩳᩉᩨᩢᩉᩣ᩠ᨾᩢᨸ᩠ᨶᩢ ᩈᩮᨣᩣᩴᨡᩣᩢᩓ’ ᨷᩕᩣᨳ᩠ᨶᩣ᩻ᨯ᩠ᨦᩢ᩵ᨶᩦᩢ ᨣᩢᨯᩱᩢᩀᩪ᩵ᩓ” ᨸ᩠ᨦᩫᩋᩣᨩ᩠ᨬᩣ
ᨡᩳᩓ᪨ ᩉᩣᩓ᪨ ᨲᩭ᩵ᨸᩡᨲᩪᩓ 5ᨳᩯ᩠ᨦᩢᨻ᩠ᩋᨠ ᪑ ᨴ᩠ᨶᩤ᩵ᨧᩮᩣᩢᩢᩅᩤ᩵ “ᨤ᩠ᨶᩫᨣᩳᩢ ᪑ ᨴᩦ᩵ᨶᩱᩈᩪᨴ᩠ᨶᩤ᩵ᨩᩮ᩠ᩋᩨᨶ᩠ᨶᩢᩢ ᨳᩣᩢᩅᩤ᩵ᨾᩦᨣᩳᩢᩈ᩠ᨿᩴ᩵ᨶ᩠ᨶᩢᩢ ᩅᩮᩃᩣᨾᩮ᩠ᩋᩨ᩵ᨠᩣ᩠ᨦᨤ᩠ᨶᩨᨴ᩠ᨿ᩵ᨦ ᨻᩱᩈᩪ᩵ᩉᩣᨡᩮᩣᩢᩓ᩠ᩅᩢ᪩ 6ᨣᩳᩢᩈ᩠ᨿᩴ᩵ ᨾᩦᨤ᩠ᨶᩫᩁᩪᩢᨧ᩠ᨠᩢᨤ᩠ᨶᩫ ᪑ ᩃᩩᨠᨧᩣ᩠ᨠᨤᩣ᩠ᩅᨴ᩠ᨦᩤᨾᩣᩁ᩠ᩋᨯ ᨹᩯ᩠ᩅᨴᩦ᩵ᩉ᩠ᨶᩦᩢ ᨻᩪᩁ᩵ᨴᩤ᩵ᨧᩢᩃ᩠ᨿᨦᩢᨡᩮᩣᩢᨶ᩠ᨶᩢᩢ ᨷᩢᨾᩦᩈ᩠ᨦᩢᩓ ᨧ᩠ᨦᩥ᩵ᩅᩤ᩵ᨾᩣᨡᩳᨿ᩠ᨾᩨᨡᩮᩣᩢᩢᨾᩩᩁ ᩈᩣ᩠ᨾᩉ᩠ᨶ᩠ᨷ᩵ᩈᩮᨣᩣᩴᩓ” ᩅᩤ᩵ᨯ᩠ᨦᩢ᩵ᨶ᩠ᨶᩢᩢ᪩ 7ᨣᩳᩢᩈ᩠ᨿᩴ᩵ᨾ᩠ᨶᩢᨪᩣᩴᩢᩅᩤ᩵ “ᩀ᩵ᩣᨾᩣᨠ᩠ᩅᩁᨠᩮᩣᩢᨪᩩᨠᩃ᩠ᨿᩩᨦᩢᨣᩪ ᨸᩡᨲᩪᨣᩢᨸ᩠ᨯᩥᨻᩱᩓ᩠ᩅᩢ᪨ ᨤ᩠ᩋᨷᨤ᩠ᩅᩫᨣᩪᨣᩢᨶ᩠ᩋᩁᩉᩖᨷᩢᨯᩦᩓ᩠ᩅᩢ᪨ ᨣᩪᨧᩢᩃᩩᨠᩈᩮᨷᩢ ᨩᩣ᩠ᨦ᩵ᩉᩮ᩠ᨯᩈ᩠ᨦᩢᨸ᩠ᨶᩢᨾ᩠ᨦᩨᨯᩱᩢᩓ” ᨲ᩠ᩋᨷᩅᩤ᩵ᨯ᩠ᨦᩢ᩵ᨶᩦᩢ᪩ 8ᨣᩪᨤᩱᨷ᩠ᩋᨠᨠᩣ᩠ᩅ᩵ᩉᩨᩢᨾ᩠ᨦᩨ ᨸᩮ᩠ᨶᨣᩳᩢᩈ᩠ᨿᩴ᩵ᨴ᩠ᨶᩤ᩵ᩈᩮᨴᩤᩢ ᨾ᩠ᨶᩢᨷᩢᨾᩣᩉᩮ᩠ᨯᩈ᩠ᨦᩢᨸ᩠ᨶᩢᨣᩢᨯᩦ ᩀ᩵ᩣᩅᩱᩢᨧᩱᨲ᩠ᨠᩫ ᨡ᩠ᨯᩢᨧᩱᨡᩳᨿ᩠ᩋᩁᨾ᩠ᨶᩢᨳᩯ᩠ᨦᩢ ᨾ᩠ᨶᩢᨧᩢᩃᩩᨠᨾᩣᩈᩮᩓ᩠ᩅᩢ ᨾ᩠ᨶᩢᨧᩢᨸ᩠ᨶᩢᩋ᩠ᨶᩢᨴ᩠ᨶᩤ᩵ ᨲ᩠ᩋᨦᩢᨠᩣ᩠ᩁᨶ᩠ᨶᩢᩢᩀᩪ᩵ᩓ᪩ 9ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᨣᩪᨤᩱ᩵ᨷ᩠ᩋᨠᨠᩣ᩠ᩅ᩵ᩉᩨᩢᨾ᩠ᨦᩨᩅᩤ᩵ ᨿ᩠ᩋᩁᩓ᪨ ᨧᩢᨯᩱᩢᩀᩪ᩵ ᩉᩣᩓ ᨧᩢᨯᩱᩢᩉ᩠ᨶᩢᩀᩪ᩵᪨ ᨲᩭ᩵ᨸᩡᨲᩪᩓ᪨ ᨧᩢᨸ᩠ᨯᩨᩉᩨᩢᩀᩪ᩵ᩓ 10ᨤ᩠ᨶᩫᨡᩳᨿ᩠ᩋᩁᨴᩩᨠᨣᩳᩢ ᨧᩢᨯᩱᩢᩀᩪ᩵ᩓ᪩ ᨤ᩠ᨶᩫᩋ᩠ᨶᩢᨧᩢᨪᩰ᩠ᩋᩡᩉᩣᨩᩮ᩠ᩋᩨᨶ᩠ᨶᩢᩢ ᨣᩢᨧᩢᩉ᩠ᨶᩢᩀᩪ᩵ᩓ᪩ ᨤ᩠ᨶᩫᩋ᩠ᨶᩢᨲᩭ᩵ᨸᩡᨲᩪ ᨴᩩᨠᨣᩳᩢᨣᩢᨧᩢ ᨸ᩠ᨯᩨᨸ᩠ᨶᩢᩀᩪ᩵ᩓ᪩ 11ᨳᩣᩢᩅᩤ᩵ᩃᩪᨠᨩᩣ᩠ᨿᩃᩪᨠᨿ᩠ᨦᩥ ᨴ᩠ᨶᩤ᩵ᨿ᩠ᩋᩁᨸᩣᨲ᩠ᩅᩫ ᪑ ᨶ᩠ᨶᩢᩢ ᨻᩳ᩵ᨾᩯ᩵ᨹᩪᩢᨯᩱᨧᩢᩐᩣᩢᨦᩪᨸ᩠ᨶᩢ᪩ 12ᨳᩣᩢᩅᩤ᩵ᩃᩪᨠᨴ᩠ᨶᩤ᩵ᨿ᩠ᩋᩁᨠᩱ᩵ᨶ᩠ᨶᩢᩢ ᨻᩳᩢᨾᩯ᩵ᨤ᩠ᨶᩫᨯᩱᨧᩢᩐᩣᩢᨾᩯ᩠ᨦᨸ᩠ᩋ᩵ᨦᨸ᩠ᨶᩢ᪩ 13ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ “ᨳᩣᩢᩅᩤ᩵ᨻᩳᩢᨾᩯ᩵ᨸᩮ᩠ᨶᨹᩪᩢ ᨷᩢᨯᩦᩈᩮᨴᩤᩢ ᨳᩣᩢᩅᩤ᩵ᩃᩪᨠᩃᩣ᩠ᨦᨡᩳᨿ᩠ᩋᩁᩐᩣᩢ ᩈ᩠ᨦᩥ᩵ᩋ᩠ᨶᩢᨯᩱᩋ᩠ᨶᩢ ᪑ ᨶ᩠ᨶᩢᩢ ᨣᩢᨧᩢᩉ᩠ᨾᩳᨸ᩠ᨶᩢᩀᩪ᩵ᩓ᪩ ᨻᩳᩢᨻᩕᨧᩮᩣᩢᩢᩋ᩠ᨶᩢᨾᩦᩀᩪ᩵ᨴᩦ᩵ᩅ᩠ᨿᨦᨤᩣᩴᨧᩮᩣᩢᩢᨶ᩠ᨶᩢᩢ ᨹᩪᩢᨯᩱᨹᩱᩈᩮᨷᩢᩅᩤ᩵ ᨡᩳᨿ᩠ᩋᩁᩐᩣᩢᨧᩢᨸ᩠ᨶᩢᨬᩣ᩠ᨶᩈᩣ᩠ᨿᩃᩯ᩠ᨦ ᩉᩨᩢᨴ᩠ᨶᩢᩅᩮᩃᩣᨣᩢᨾᩦᩅᩱᩢᩀᩪ᩵ᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩
ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᩓᩢ ᨻᩮᩃᨩᩮᨻᩩᩃ 14ᨾᩦᩅ᩠ᨶᩢ ᪑ ᨴ᩠ᨶᩤ᩵ᨧᩮᩣᩢᩢᨯᩱᩢᨡ᩠ᨷᩢᩃᩱ᩵ᨹᩦᩁᩣ᩠ᨿᩢ ᩋ᩠ᨶᩢᩉᩮ᩠ᨯᩉᩨᩢᨤ᩠ᨶᩫᨣᩳᩢ ᪑ ᨸᩮ᩠ᨶᩋᩡᩀᩪ᩵ᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨯᩱᩢᨡ᩠ᨷᩢᩃᩱ᩵ ᨹᩦᩁᩣ᩠ᨿᩢᩋ᩠ᩋᨠᩓ᩠ᩅᩢ ᨹᩪᩢᨸᩮ᩠ᨶᩋᩡᨶ᩠ᨶᩢᩢ ᨣ᩵ᨩᩣ᩠ᨦ᩵ᨸᩣ᩠ᨠ᩵ᨧᩣᨯᩱᩢᨤ᩠ᨶᩨᨾᩣᨶ᩠ᨶᩢᩢ ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢᨯᩱᩢᩉ᩠ᨶᩢᩓ᩠ᩅᩢ ᨣᩢᨸᩮ᩠ᨶᩋ᩠ᨶᩢᩋᩔᨧ᩠ᨶᩢᨴᩯᩢᩓ᪩ 15ᨣᩭᨲᩯ᩵ᩅᩤ᩵ ᨤ᩠ᨶᩫᩃᩣ᩠ᨦᨹ᩠ᩋ᩵ᨦᨡᩮᩣᩢᨪᩣᩴᩢᩅᩤ᩵ “ᨤ᩠ᨶᩫᨣᩳᩢᨶᩦᩢᩐᩣᩢᩁᨴ᩠ᨵᩦᩋ᩠ᨶᩢᨸᩮ᩠ᨶ ᨼ᩠ᨿᩣᨧᩮᩣᩢᩢᨾᩮ᩠ᨦᩨᩉᩯ᩠ᨦ᩵ᨹᩦᩁᩣ᩠ᨿᩢb ᨼ᩠ᨿᩣᨾᩣ᩠ᨶᨻᩮᩃᨩᩮᨻᩩᩃᨶ᩠ᨶᩢᩢᩈᩮᩓ᩠ᩅᩢ ᨡ᩠ᨷᩢᩃᩱ᩵ᩋ᩠ᩋᨠᨻᩱᨣᩭᩓ”᪩ 16ᨤ᩠ᨶᩫᩃᩣ᩠ᨦᨹ᩠ᩋ᩵ᨳᨪᩣᩴᩢᩅᩤ᩵ ᨤᩱ᩵ᨩᩣ᩠ᨾᨴ᩠ᩅ᩠ᨿᨴ᩠ᨶᩤ᩵ᨧᩮᩣᩢᩢ ᨾᩦᨶᩱᩅ᩠ᨿᨦᨤᩣᩴᨧᩮᩣᩢᩢ ᩉᩨᩢᩉᩯ᩠ᨶᨶᩥᨾ᩠ᨲᩥᩃᨠ᩠ᨡᨱᨯᩦᩋᩣ᩠ᨾᨡ᩠ᩋᨦᨻᩕᨧᩮᩣᩢᩢᩈᩮ ᨩᩮ᩠ᩋᩨᩢᩈᩮᩋ᩠ᨶᩢᩉ᩠ᨶᩢᩢᩓ᪩ 17ᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᩁᩪᩢᨧᩱᨡᩮᩣᩢᩓ᩠ᩅᩢᩅᩤ᩵ “ᨾᩮ᩠ᨦᩨ ᪑ ᨶ᩠ᨶᩢᩢ ᨳᩣᩢᨤ᩠ᨶᩫᨾᩮ᩠ᨦᩨᨡᩮᩣᩢᨲᩯ᩠ᨠᨿᩯ᩠ᨠᨠ᩠ᨶᩢᨶ᩠ᨶᩢᩢ ᨷᩤ᩠ᨶᩢᨾᩮ᩠ᨦᩨᩋ᩠ᨶᩢᨶ᩠ᨶᩢᩢ ᨧᩢᩃᩩᩉᩯᩖᩅᨻᩱᨣᩭᩓ᪩ ᩉᩮ᩠ᨾᩨᩁᨠ᩠ᨶᩢᨯ᩠ᨦᩢ᩵ᨠᩮᩣᩢ᩵ᨳᩣᩢᩅᩤ᩵ ᨤ᩠ᩋᨷᨤ᩠ᩅᩫᨶᩱᩁᩮ᩠ᨶᩨᨡ᩠ᨯᩢ ᨤᩣ᩠ᨶᩢᨹ᩠ᨯᩥᨳ᩠ᨿᨦᨠ᩠ᨶᩢᩀᩪ᩵ᨶ᩠ᨶᩢᩢ ᨤ᩠ᩋᨷᨤ᩠ᩅᩫᨣᩢᨧᩢᩃᩩᩉᩯᩖᩅ ᩉᩮ᩠ᨾᩨᩁᨠ᩠ᨶᩢᩀᩪ᩵ᩓ᪩ 1819ᨳᩣᩢᩅᩤ᩵ᨣᩪᨶᩦᩢ ᩐᩣᩢᩁᨴ᩠ᨵᩦᨼ᩠ᨿᩣᨾᩣ᩠ᨶᨾ᩠ᨶᩢᩈᩮᩓ᩠ᩅᩢ ᨡ᩠ᨷᩢᩃᩱ᩵ᨹᩦᩁᩣ᩠ᨿᩢᨶ᩠ᨶᩢᩢ ᩃᩪᨠᨶ᩠ᩋᨦᩢᨾ᩠ᨦᩨᨧᩢᩅᩤ᩵ᩐᩣᩢ ᩋᩣᩴᨶᩣ᩠ᨧᩁᨴ᩠ᨵᩦᩉᩯ᩠ᨦ᩵ᨹᩱᩓ᩠ᩅᩢ ᨡ᩠ᨷᩢᩃᩱ᩵ᨹᩦᩁᩣ᩠ᨿᩢᩋ᩠ᩋᨠᩋ᩠ᨶᩢᩅᩤ᩵ᨶ᩠ᨶᩢᩢ ᩃᩪᨠᨶ᩠ᩋᨦᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ᪨ ᨹᩪᩢᨲ᩠ᨯᩢᩈ᩠ᨶᩥᩃᩪᩐᩣᩢᩋᩣᩴᨶᩣ᩠ᨧᩁᨴ᩠ᨵᩦᨡ᩠ᩋᨦᨹᩱᨾᩣ ᨡ᩠ᨷᩢᩃᩱ᩵ᨹᩦᩁᩣ᩠ᨿᩢᩀᩪ᩵ᨶ᩠ᨶᩢᩢ᪩ ᩃᩪᨠᨶ᩠ᩋᨦᩢᩈᩪᨸᩮ᩠ᨶᩋ᩠ᨶᩢᨹ᩠ᨯᩥᨣᩭᩋ᩠ᨶᩢᩅᩤ᩵ᨶ᩠ᨶᩢᩢ ᨸᩮ᩠ᨶᩈᨠ᩠ᨡᩥᨾ᩠ᨶᩢᨣᩭᩓ᪩ 20ᨣᩭᨲᩯ᩵ᩅᩤ᩵ ᨣᩪᨯᩱᩢᩐᩣᩢᩁᨴ᩠ᨵᩦᩁᩔ᩠ᨾᩦ ᩉᩯ᩠ᨦ᩵ᨻᩕᨧᩮᩣᩢᩢᩈᩮᩓ᩠ᩅᩢ ᨡ᩠ᨷᩢᩃᩱ᩵ᨹᩦᩁᩣ᩠ᨿᩢᩀᩪ᩵ᨶ᩠ᨶᩢᩢ ᨣᩢᩉᩮ᩠ᨾᩨᩁᩉᩯ᩠ᨶᩅᩤ᩵ ᩈᩣᩈᨶᩣᨻᩕᨧᩮᩣᩢᩢᨶᩦᩢ ᩁ᩠ᩋᨯᨾᩣᨳ᩠ᨦᩨᨴᩦ᩵” ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᩀᩪ᩵ᩓ᩠ᩅᩢᩓ᪩ 21ᨹᩪᩢᩋ᩠ᨶᩢᨾᩦᨻᩃᨠᩣᩴ᩵ᩃ᩠ᨦᩢᩉᩱ᩠ᨿ᩵ᩓᩢ ᨾᩦᩋᩣᩅᩩᨰ ᨲᩮ᩠ᨾᨳ᩠ᩅᩁᩢᩈᩮᩓ᩠ᩅᩢᨻᩱᩢᨡᩮᩣᩢᩢ ᨡ᩠ᩋᨦᨦ᩠ᨶᩫᨤᩣᩴᨴᩦ᩵ᩁᩮ᩠ᨶᩨᨶ᩠ᨶᩢᩢ ᨣᩢᨧᩢᨾᩦᨣ᩠ᩅᩣ᩠ᨾᨸ᩠ᩋᨯᨼᩱᨯᩱᩢᩀᩪ᩵ᩓ᪩ 22ᨣᩭᨲᩯ᩵ᩅᩤ᩵ ᨳᩣᩢᨾᩦᨤ᩠ᨶᩫᩋ᩠ᨶᩢᨾᩦᨠᩣᩴ᩵ᩃ᩠ᨦᩢᩉᩱ᩠ᨿ᩵ᩁᩯ᩠ᨦ ᩉᩮᩖᩨᩋᨡᩮᩣᩢᨾᩣᨲ᩠ᨠᩧᨩ᩠ᨶᩡ ᨷᩕᩣ᩠ᨷᨻᩯᩢᨡᩮᩣᩢᩓ᩠ᩅᩢᨯᩱᩢᩐᩣᩢ ᨣᩕᩮ᩠ᨦᩨ᩵ᩋᩣᩅᩩᨰᨡᩮᩣᩢᨻᩱᩈᩮᩓ᩠ᩅᩢ᪨ ᨪᩣᩴᩢᩐᩣᩢᨡᩮᩣᩢᩢᨡ᩠ᩋᨦ ᨦ᩠ᨶᩫᨤᩣᩴᩉᩯ᩠ᨦ᩵ᨡᩮᩣᩢᨩᩣ᩠ᨦ᩵ᨻᩱᨧᩯ᩠ᨠ ᨸ᩠ᨶᩢᩉᩨᩢᨹᩪᩢᩋ᩠ᨶᩨ᩵ᩅᩤ᩵ᩋ᩠ᨶᩢᩢᩓ᪩ 23ᨳᩣᩢᩅᩤ᩵ᨹᩪᩢᨯᩱᩓᩢ ᨷᩢᨩ᩠ᩋᨾᨣᩪᨶ᩠ᨶᩢᩢᨣᩢᩉᩮ᩠ᨾᩨᩁ ᩅᩤ᩵ᨸᩮ᩠ᨶᨤ᩠ᨶᩫᩋ᩠ᨶᩢᩈᩣ᩠ᨶᨡ᩠ᨯᩢ ᨣᩪᨴᩮᩤᩢ᩵ᨶ᩠ᨶᩢᩢᨣᩭᩓ᪩ ᨹᩪᩢᨴᩦ᩵ᩋ᩠ᨶᩢᨷᩢᨪᩭ᩵ᩉᩮᩖᩨᩋ ᨣᩪᨻᩮ᩠ᩋᩨ᩵ᨩᩩᨲᩪᨾᨠ᩠ᨶᩢᩁᩮ᩠ᨦᩨ᩵ᨻᩕᨧᩮᩣᩢᩢᨶ᩠ᨶᩢᩢ ᨣᩢᨸᩮ᩠ᨶᩋ᩠ᨶᩢᩉᩮ᩠ᨯᩉᩨᩢᨻᩱᩋ᩠ᩋᨠ ᨻᩕᨧᩮᩣᩢᩢᨻᩱᨣᩭᩓ᪩ 24ᨹᩦᩁᩣ᩠ᨿᩢᨶ᩠ᨶᩢᩢ ᨯᩱᩢᩋ᩠ᩋᨠᨧᩣ᩠ᨠᨤ᩠ᨶᩫᨻᩱᩓ᩠ᩅᩢ “ᨻᩱᨪᩰ᩠ᩋᩡᩉᩣᨴᩦ᩵ᩀᩪ᩵ ᨶᩱᨸ᩵ᩣᨳᩮ᩠ᨶᩨᩉᩖᩅ᩠ᨦᨶ᩠ᨶᩢᩢ ᨷᩢᩉ᩠ᨶᩢᨴᩦ᩵ᩀᩪ᩵ ‘ᨣᩪᨧᩢᨻ᩠ᩋᨠᨻᩱᩉᩣᨴᩦ᩵ᩀᩪ᩵ ᨠᩮᩣᩢ᩵ᨡ᩠ᩋᨦᨣᩪᨶ᩠ᨶᩢᩢᨣᩭᩓ’ ᩅᩤ᩵ᩋ᩠ᨶᩢᩢᩓ᩠ᩅᩢᨻ᩠ᩋᨠᨤ᩠ᨶᩨᨾᩣ᪩ 25ᩅᩮᩃᩣᨾ᩠ᩋᩨᩁ᩠ᩋᨯᨹᩯ᩠ᩅᨲ᩠ᩅᩫ ᨹᩪᩢᨴᩦ᩵ᩋ᩠ᨶᩢᨾ᩠ᨶᩢᨣᩮ᩠ᨿᩨᨡᩮᩣᩢᩢᩅᩱᩢᩋ᩠ᩋᩁᨴ᩠ᨦᩤᨶ᩠ᨶᩢᩢ ᩉ᩠ᨶᩢᨲ᩠ᩅᩫᩉ᩠ᨾᩫᨯᩈᩱᩅᩱᩢᩉᩮ᩠ᨾᩨᩁᨯ᩠ᨦᩢ᩵ᩁᩮ᩠ᨶᩨᩉᩖᨦᩢ ᪑ ᩋ᩠ᨶᩢᨸ᩠ᨯᩢᨹ᩠ᨿᩢᩉ᩠ᨾᩫᨯᩅᩱᨶ᩠ᨶᩢᩢᩓ᪩ 26ᨿᩣ᩠ᨾᨶ᩠ᨶᩢᩢ ᨹᩦᩁᩣ᩠ᨿᩢᨣᩢᨯᩱᩢᨩ᩠ᩅᩁ ᩐᩣᩢᨹᩦᩋ᩠ᨶᩢᩁᩣ᩠ᨿᩢᩉᩮᩖᩨᩋᨾ᩠ᨶᩢᨳᩯ᩠ᨦᩢᨧᩮ᩠ᨯᨲ᩠ᩅᩫ ᨡᩮᩣᩢᩢᨾᩣᨠ᩠ᨴᩣᩴᩉᩨᩢᩁᩣ᩠ᨿᩢ ᩉᩮᩖᩨᩋᨳᩯ᩠ᨦᩢ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᩋ᩠ᨶᩢᩢᩓ᪩ 27ᨴ᩠ᨶᩤ᩵ᨧᩮᩣᩢᩢᨶᩦᩢ ᨴᩮᩈᨶᩣ ᩈ᩠ᨦᩢ᩵ᩈ᩠ᩋᩁ ᩉᩨᩢᨤ᩠ᨶᩫᨴ᩠ᨦᩢᩉᩖᩣ᩠ᨿᩀᩪ᩵ᨶ᩠ᨶᩢᩢ ᨾᩦᨶᩣ᩠ᨦᨿ᩠ᨦᩥᨣᩳᩢ ᪑ ᩅᩤ᩵ᩉᩨᩢᨴ᩠ᨶᩤ᩵ᨧᩮᩣᩢᩢ “ᨴ᩠ᨶᩤ᩵ᨧᩮᩣᩢᩢ ᨹᩪᩢᨿ᩠ᨦᩥᩋ᩠ᨶᩢᨠᩮ᩠ᨯᩨᨴ᩠ᨶᩤ᩵ᨧᩮᩣᩢᩢᩓ᩠ᩅᩢ ᨸ᩠ᨶᩢᨠ᩠ᨶᩥᨶ᩠ᨾᩫᨶ᩠ᨶᩢᩢ ᨸᩮ᩠ᨶᨹᩪᩢᩋ᩠ᨶᩢᨾᩦᨾᨣᩘᩃᨴᩯᩢ” ᩉᩱ᩠ᩅᩢᩈᩣᨯ᩠ᨦᩢ᩵ᨶᩦᩢᩓ᩠ᩅᩢ᪩ 28ᨿᩣ᩠ᨾᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᩅᩤ᩵ “ᨩᩱ᩵ᨴᩯᩢᩓ ᨣᩭᨲᩯ᩵ᩅᩤ᩵ ᨹᩪᩢᩋ᩠ᨶᩢᨯᩱᩢᨼ᩠ᨦᩢ ᨵᨾ᩠ᨾ᩼ᨻᩕᨧᩮᩣᩢᩢᩓᩢᨯᩱᩢ ᩉᩮ᩠ᨯᨩ᩠ᩋᨾᨶ᩠ᨶᩢᩢᨣᩢᨸᩮ᩠ᨶᨹᩪᩢᩋ᩠ᨶᩢᨾᩦᨾᨣᩘᩃ ᩉᩮᩖᩨᩋᨻᩮ᩠ᨶᩨ᩵ᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨣᩢᨶᩦᩢᨾᩦᩅ᩠ᨶᩢᨶ᩠ᨶᩢᩢᨯᩯ᩵᪩ 29ᩅᩮᩃᩣᨾᩮ᩠ᩋᩨ᩵ ᨤ᩠ᨶᩫᨾᩮ᩠ᨦᩨᨴ᩠ᨦᩢᩉᩖᩣ᩠ᨿ ᨩᩩᨲᩩᨾᨠ᩠ᨶᩢᩀᩪ᩵ᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᩅᩤ᩵ “ᨣᩣ᩠ᨷᨸᩣ᩠ᨶᨤ᩠ᨶᩫᨾᩮ᩠ᩋᩨ᩵ᨯ᩠ᨿᩴᨶᩦᩢ ᨳᩭ᩵ᨩᩣᩢᨴᩯᩢᩓ᪩ ᨻᩮ᩠ᩋᩨ᩵ᩉᩨᩢᨯᩱᩢᩉᩯ᩠ᨶ ᨶᩥᨾ᩠ᨲᩥᩃᨠ᩠ᨡᨱᨯᩦᩋᩣ᩠ᨾ ᩉᩨᩢᨸᩮ᩠ᨶᩈᨠ᩠ᨡᩥᩅᩤ᩵ ᨻᩕᨧᩮᩣᩢᩢᩈ᩠ᨦᩫ᩵ᨣᩪᨾᩣ ᩋ᩠ᨶᩢᩅᩤ᩵ᨶ᩠ᨶᩢᩢ ᩈᩪᨡᩮᩣᩢᨿ᩠ᩋᩁᩐᩣᩢᨶᩥᨾ᩠ᨲᩥᩃᨠ᩠ᨡᨱᩈᩮᨴᩤᩢ ᨶ᩠ᩋᨠᨧᩣ᩠ᨠᩃᨠ᩠ᨡᨱᨶᩥᨾ᩠ᨲᩥ ᩉᩯ᩠ᨦ᩵ᨿᩳᨶcᨶ᩠ᨶᩢᩢ ᨷᩢᨾᩦᩃᨠ᩠ᨡᨱᨶᩥᨾ᩠ᨲᩥᨲᩣ᩠ᨦ᩵ᩋ᩠ᨶᩨ᩵ᨧᩢ ᩉᩯ᩠ᨶᨯᩱᩢᩓ᪩ 30ᨤ᩠ᨶᩫᨾᩮ᩠ᨦᩨᨶᩥᨶᩮᩅᩮdᨡᩮᩣᩢ ᨩᩮ᩠ᩋᩨᨶ᩠ᨶᩢᩢᨣᩢᩅᩤ᩵ ᨿᩳᨶ ᨶᩦᩢᨸᩮ᩠ᨶᩃᨠ᩠ᨡᨱᨶᩥᨾ᩠ᨲᩥᩉᩯ᩠ᨦ᩵ᨤ᩠ᨶᩫᨾᩮ᩠ᨦᩨᨶᩥᨶᩮᩃᨣᩭ ᩉᩮ᩠ᨾᩨᩁᨠ᩠ᨶᩢᨯ᩠ᨦᩢ᩵ᨠᩮᩣᩢ᩵ ᩃᩪᨠᨩᩣ᩠ᨿᨧᩮᩣᩢᩢᨣᩢᩅᩤ᩵ ᨩᩣ᩠ᨦ᩵ᨸᩮ᩠ᨶᩃᨠ᩠ᨡᨱᨶᩥᨾ᩠ᨲᩥ ᩉᩯ᩠ᨦ᩵ᨣᩣ᩠ᨷᨸᩣ᩠ᨶᨤ᩠ᨶᩫ ᨾᩮ᩠ᩋᩨ᩵ᨯ᩠ᨿᩴᨶᩦᩢᨣᩭᩀᩪ᩵ᩓ᪩ 31ᨶᩣ᩠ᨦᨼ᩠ᨿᩣᨧᩮᩣᩢᩢᨾᩮ᩠ᨦᩨᩉᩯ᩠ᨦ᩵ᨪᩮ᩵ᨽeᨷ᩠ᨿᩦ᩵ᨶ᩠ᨶᩢᩢ ᨻᩪᩁ᩵ᨧᩢᨯᩱᩢᨳ᩠ᩋᨾ᩵ᨯᩱᩢ ᨼ᩠ᨦᩢᨿ᩠ᨦᩢᨣᩣᩴᩈ᩠ᨦᩢ᩵ᩈ᩠ᩋᩁᩉᩯ᩠ᨦ᩵ᨼ᩠ᨿᩣᨧᩮᩣᩢᩢᨪᩳᩃᨾᩩᩁᨶ᩠ᨶᩢᩢ ᨯᩱᩢᨻᩱᨲᩣ᩠ᨦ᩵ ᨷᩤ᩠ᨶᩢᨲᩣ᩠ᨦ᩵ᨾᩮ᩠ᨦᩨ ᩋ᩠ᨶᩢᨾᩦᨴᩦ᩵ᨤᩣ᩠ᩅᨴᩤ᩠ᨦᨠᩱᨶ᩠ᨶᩢᩢᩓ᪩ ᨣᩭᨲᩯ᩵ᩅᩤ᩵ ᨯ᩠ᨿᩴᨶᩦᩢᨹᩪᩢᩋ᩠ᨶᩢᨿ᩠ᨦᩥ᩵ᩉᩱ᩠ᨿ᩵ᩉᩮᩖᩨᩋ ᨼ᩠ᨿᩣᨧᩮᩣᩢᩢᨾᩮ᩠ᨦᩨᨪᩳᩃᨾᩩᩁᨶ᩠ᨶᩢᩢ ᨯᩱᩢᩁ᩠ᩋᨯᨹᩯ᩠ᩅᨾᩣᩓ᩠ᩅᩢᩓ᪩ ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᩅ᩠ᨶᩢᩋ᩠ᨶᩢᨧᩢᨲ᩠ᨯᩢᨨ᩠ᨶᩥᨳ᩠ᨦᩨᨾᩣᨶ᩠ᨶᩢᩢ ᨶᩣ᩠ᨦᨼ᩠ᨿᩣᨧᩮᩣᩢᩢᨾᩮ᩠ᨦᩨᨪᩮᨽᨷ᩠ᨿᩦ᩵ ᨧᩢᨯᩱᩢᨲᩣ᩠ᨦ᩵ᨡ᩠ᨶᩨᩢᨡᩳᩢᩈᩉᩮ᩠ᨶ᩠ᩋᩨ ᨠᩣ᩠ᩁᨼ᩠ᩋᨦᩢᩁ᩠ᩋᨦᩢᩃᩪᨠ ᩋ᩠ᩋᩁ᩵ᨣᩣ᩠ᨷᨸᩣ᩠ᨶᨾᩮ᩠ᩋᩨ᩵ᨯ᩠ᨿᩴᨶᩦᩢᩓ᪩ 32ᨼᩰ᩠ᩋᩡᩅᩤ᩵ ᨡᩳᩢᩈ᩠ᨦᩢ᩵ᩈ᩠ᩋᩁᩉᩯ᩠ᨦ᩵ᨿᩳᨶᨶ᩠ᨶᩢᩢ ᨯᩱᩢᩈᩴᩅᩮ᩠ᨣᩓ᩠ᩅᩢ ᨣᩢᨯᩱᩢᨾᩣᨻ᩠ᨦᩨ᩵ᩋᩣᩈᩱ᩠ᨿᨻᩕᨧᩮᩣᩢᩢᨩᩮ᩠ᩋᩨ ᩋ᩠ᨶᩢᨸᩮ᩠ᨶᨤ᩠ᨶᩫᨾᩮ᩠ᨦᩨᨶᩥᨶᩮᩅᩮᨡᩮᩣᩢᩢᨶ᩠ᨶᩢᩢ ᨣᩢᨯᩱᩢᨼ᩠ᩋᨦᩢᩁ᩠ᩋᨦᩢᨡ᩠ᨶᩨᩢᩀᩪ᩵ᩓ᪩ ᨼᩰ᩠ᩋᩡᩉᩮ᩠ᨲᩩᨯᩱᩋ᩠ᨶᩢᩅᩤ᩵ᨶ᩠ᨶᩢᩢ ᨹᩪᩢᨿ᩠ᨦᩥ᩵ᩉᩱ᩠ᨿ᩵ᩉᩮᩖᩨᩋᨿᩳᨶᨶ᩠ᨶᩢᩢ ᨯᩱᩢᩁ᩠ᩋᨯᨾᩣᨹᩯ᩠ᩅᩓ᩠ᩅᩢ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨣᩢᨾᩦᩓ᪩ 33ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᩅᩤ᩵ “ᨹᩣ᩠ᨦᨼᩱᩋ᩠ᨶᩢᨲᩱᩢᩅᩱᩢᨶ᩠ᨶᩢᩢ ᨷᩢᨣᩮ᩠ᨿᩨᩐᩣᩢᩈᩮ᩠ᨦᩨ᩵ᩅᩱᩢᨴᩦ᩵ᨲᩱᩢᨷᩩᨦᩓ᪩ ᨹᩣ᩠ᨦᨼᩱᨶᩦᩢᨣᩮ᩠ᨿᩨᩉᩭᩢᩅᩱᩢᨴᩦ᩵ ᩈᩮᩣᩢᨼᩱᨶ᩠ᨶᩢᩢᨣᩭ ᨻᩮ᩠ᩋᩨ᩵ᩉᩨᩢᨤ᩠ᨶᩫᩋ᩠ᨶᩢᨡᩮᩣᩢᩢᨾᩣᨶᩱᩁᩮ᩠ᨶᩨᨶ᩠ᨶᩢᩢ ᨻᩳᨯᩱᩢᩉ᩠ᨶᩢᨴᩮᩤᩢᨶ᩠ᨶᩢᩢᨣᩭᩓ᪩ 34ᩉ᩠ᩅ᩠ᨿ᩠ᨶ᩵ᨲᩣᩉᩯ᩠ᨦ᩵ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶ᩠ᨶᩢᩢ ᩉᩮ᩠ᨾᩨᩁᨯ᩠ᨦᩢ᩵ᩅᩤ᩵ᨸᩮ᩠ᨶᨹᩣ᩠ᨦᨼᩱᩉᩯ᩠ᨦ᩵ ᨲ᩠ᩅᩫᨡᨶ᩠ᨵᨶ᩠ᨶᩢᩢᨣᩭᩓ᪩ ᨳᩣᩢᩅᩤ᩵ ᨲᩣᨯᩦᨣᩢᨧᩢᨯᩱᩢᩉ᩠ᨶᩢᩃᩯ᩠ᨦᨴᩦ᩵ᩋ᩠ᨶᩢᨲ᩠ᩋᨦᩢᨠᩣ᩠ᩁᩈᩮ ᨳᩣᩢᩅᩤ᩵ᨲᩣᨷᩢᨯᩦᨶ᩠ᨶᩢᩢ ᨧᩢᩉᩖᨷᩢᩈ᩠ᨦᩥ᩵ᨷᩢᨩᩣ᩠ᨦ᩵ᩉ᩠ᨶᩢᩈ᩠ᨦᩢᩓ᪩ 35ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᨯ᩠ᨦᩢ᩵ᩋ᩠ᨶᩢᨯᩱᩢᩃᩯ᩠ᨦᩀᩪ᩵ᨶ᩠ᨶᩢᩢ ᨷᩢᩉᩨᩢᩉᩖᨷᩢᩈ᩠ᨦᩥ᩵ᨻᩱᨣᩢᨲ᩠ᩋᨦᩢᨯᩱᩢᩁᩡᩅ᩠ᨦᩢᨯᩦᪧᩓ᪩ 36ᨯ᩠ᨦᩢ᩵ᨠᩣ᩠ᩁᨧᩯ᩠ᨦᩢᩃᩯ᩠ᨦᩋ᩠ᨶᩢᨾᩦᨴᩦ᩵ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶ᩠ᨶᩢᩢ ᨧᩢᨷᩢᨾᩦᩋ᩠ᨶᩢᩉᩖᨷᩢᩈ᩠ᨦᩥ᩵ᩈᩮᩓ᩠ᩅᩢ ᨹᩣ᩠ᨦᨼᩱᨶᩦᩢᨾᩦᨣ᩠ᩅᩣ᩠ᨾᩋ᩠ᨶᩢ ᨧᩯ᩠ᨦᩢᩃᩯ᩠ᨦ ᨳ᩠ᩋ᩵ᨦᨸ᩠ᨶᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᩓᩢ ᩈ᩠ᩅᩣ᩠ᨦ᩵ᨧᩯ᩠ᨦᩢᩃᩯ᩠ᨦᨻᩱᨴᩩᨠᨴᩦ᩵ ᨴᩩᨠᩉᩯ᩠ᨦ᩵” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᨯᩯ᩵᪩
ᨧᩮᩣᩢᩢᨿᩮ᩵ᨪᩩᨯᩱᩢᨲᩥᨲ᩠ᨿᩁᨶ᩠ᨿᩁᨴᩤ ᨹᩪᩢᩉᩮ᩠ᨯᨸ᩠ᩋᨾᨸᩮ᩠ᨶᩉᩮ᩠ᨾᩨᩁᨯ᩠ᨦᩢ᩵ᨹᩪᩢᨾᩦᩈ᩠ᩃᩦᨵᨾ᩠ᨾ᩼ 37ᨸ᩠ᨦᩫᩋᩣᨩ᩠ᨬᩣᨯ᩠ᨦᩢ᩵ᨶᩦᩢᩓ᩠ᩅᩢ ᨹᩣᩁᩥᨪᩯᨣᩳᩢ ᪑ ᨯᩱᩢᨶᩥᨾᩫᨶ᩠ᨲ᩼ᨴ᩠ᨶᩤ᩵ᨧᩮᩣᩢᩢ ᨻᩱᩁ᩠ᨷᩢᩋᩣᩉᩣ᩠ᩁᨴᩦ᩵ᩁᩮ᩠ᨶᩨᨾ᩠ᨶᩢᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᨡᩮᩣᩢᩢ ᨻᩱᨶ᩠ᨦᩢ᩵ᩀᩪ᩵ᨴᩦ᩵ᩁ᩠ᨾᩥᨹᩮ᩠ᨶᩨᩉ᩠ᨶᩢᩢᩓ᪩ 38ᨹᩣᩁᩥᨪᩯᨯᩱᩢᩉ᩠ᨶᩢᨴ᩠ᨶᩤ᩵ᨧᩮᩣᩢᩢ ᩅᩮᩃᩣᨾᩮ᩠ᩋᩨᨷᩢᨯᩱᩢᨠ᩠ᨶᩥᩋᩣᩉᩣ᩠ᩁᨴᩮ᩠ᩋᩨ᩵ᨶ᩠ᨶᩢᩢ ᨷᩢᨪ᩠ᩅ᩠ᨿ᩵ᨾᩨᩈᩮᨠ᩠ᩋ᩵ᩁᨻᩱ ᨯ᩠ᨦᩢ᩵ᨴᩦ᩵ᩁ᩠ᨾᩥᨹᩮ᩠ᨶᩨᩉ᩠ᨶᩢᩢᨸᩮ᩠ᨶᨯ᩠ᨦᩢ᩵ᨶᩦᩢ ᨣᩢᨸᩮ᩠ᨶᩋᩔᨧ᩠ᨶᩢᩀᩪ᩵ᩓ᪩ 39ᨿᩣ᩠ᨾᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨣᩢᨠᩣ᩠ᩅ᩵ᩅᩤ᩵ “ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨹᩣᩁᩥᨪᩯᨡᩮᩣᩢᨶᩦᩢᨯᩱᩢᨪ᩠ᩅ᩠ᨿ᩵ᨩ᩠ᩋᩁᩢ ᩉ᩠ᩅᩣ᩠ᨶ᩵ᨧᩣ᩠ᩁᨧ᩠ᨶᩥᨻᩣ᩠ᨿᨶ᩠ᩋᨠ ᨣᩭᨲᩯ᩵ᩅᩤ᩵ ᨶᩱᨧ᩠ᨲᩥᨧᩱᨡᩮᩣᩢᨶ᩠ᨶᩢᩢ ᨾᩦᩃᩮᩣᨽᨵᨾ᩠ᨾ᩼ ᨠ᩠ᩅᩫᩢᨠᩮ᩠ᨠᩨᨲ᩠ᨠᩫᨲᩣᩴ᩵ᩀᩪ᩵ᩓ᪩ 40ᨤ᩠ᨶᩫᨾᩮ᩠ᨠᩨᨤ᩠ᨶᩫᩃᩮ᩠ᨦᩨᨡᩮᩣᩢᨩᩮ᩠ᩋᩨᨶ᩠ᨶᩢᩢ᪨ ᨻᩕᨧᩮᩣᩢᩢᨯᩱᩢᨶᩮᩁᨾ᩠ᨲᩥᩈᩣ᩠ᨦᩢ ᨸ᩠ᨶᩢᨻᩣ᩠ᨿᨶᩱᩓᩢᨻᩣ᩠ᨿᨶ᩠ᩋᨠᨴ᩠ᨦᩢᩈ᩠ᩋᨦ ᨹᩣ᩠ᨿ᩵ᨷᩢᨩᩱ᩵ᩌᩣᩢ”᪩ 41ᨯ᩠ᨦᩢ᩵ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᩋ᩠ᨶᩢᨾᩦᩈ᩠ᨦᩥ᩵ᨡ᩠ᩋᨦᩅᩱᩢᨩᩮ᩠ᩋᩨᨶ᩠ᨶᩢᩢ ᨣ᩠ᨶᩢᩐᩣᩢᨧᩯ᩠ᨠᨧᩣ᩠ᨿ᩵ᨿ᩠ᨶᩨ᩵ᩉᩨᩢ ᨤ᩠ᨶᩫᨴᩩᨠ᩠ᨡ᩼ᨤ᩠ᨶᩫᨹᩣ᩠ᨶᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨻᩕᨧᩮᩣᩢᩢᨣᩢᨧᩢᨿ᩠ᨶᩥᨯᩦᨩ᩠ᩋᨾᩀᩪ᩵ᩓ᪩ 42ᨹᩣᩁᩥᨪᩯᨡᩮᩣᩢᨶᩦᩢ᪨ ᨾᩦᩋᨾᨣᩘᩃᩀᩪ᩵ᩓ᪩ ᨼᩰ᩠ᩋᩡᩈ᩠ᨶᩢᨯᩱᩓᩢᩅᩤ᩵ᩋ᩠ᨶᩢᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᩉ᩠ᨾᩣ᩠ᨠᨾᩱᩢᩋ᩠ᨶᩢᩋ᩠ᩋᨠᨶᩱᩈ᩠ᩅᩁᨶ᩠ᨶᩢᩢ ᩐᩣᩢᨻᩱᨴ᩠ᨶᩤᨴᩦ᩵ᨻᩕᨧᩮᩣᩢᩢᨶ᩠ᨶᩢᩢ ᩈ᩠ᨷᩥᩈ᩠ᩅ᩵ᩁᩐᩣᩢᨴ᩠ᨶᩤᩈ᩠ᩅ᩵ᩁ ᪑ ᨣᩢᨯᩦ ᩈᩪᨡᩮᩣᩢᨶᩦᩢᨻᩮ᩠ᨯᩉᩮᩖᩁᨠ᩠ᨶᩥᨴᩦ᩵ ᨻᩕᨧᩮᩣᩢᩢᩈᩮᩓ᩠ᩅᩢ᪩ ᨷᩢᨾᩦᨣ᩠ᩅᩣ᩠ᨾᩁ᩠ᨠᩢᨻᩯ᩠ᨦᨻᩕᨧᩮᩣᩢᩢᩓ ᨶ᩠ᩋᨠᨧᩣ᩠ᨻᨯᩱᩢᨴ᩠ᨶᩤᨶᩱᩈ᩠ᨷᩥᩈ᩠ᩅ᩵ᩁᨶ᩠ᨦᩨ᩵ᩈ᩠ᩅ᩵ᩁᨶ᩠ᨶᩢᩢ ᩈ᩠ᨾᩫᨣ᩠ᩅᩁᨯᩦᨾᩦ ᨾᩮᨲ᩠ᨲᩣᩣᨹ᩠ᨿ᩵ᨦᨻ᩠ᨿᨦᨠ᩠ᨶᩢᩈ᩠ᨾᩫᨣ᩠ᩅᩁᨯᩦᨻ᩠ᨦᨯᩪᨡᩮᩣᩢᨩᩮ᩠ᩋᩨᨶ᩠ᨶᩢᩢᩈᩮᩓ᩠ᩅᩢ ᨲ᩠ᨯᩥᨲᩳ᩵ᨡᩮᩣᩢᩅᩤ᩵ᩋ᩠ᨶᩢᩢᩓ᪩ 43ᨹᩣᩁᩥᨪᩯᨡᩮᩣᩢᨶᩦᩢ ᨾᩦᩋᨾᨣᩘᩃᨣᩭᩓ᪩ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᨳᩣᩢᩅᩤ᩵ᨡᩮᩣᩢᩢᨻᩱᨶᩱᩉ᩠ᩋᨦᩢ ᩅᩦᩉᩣ᩠ᩁᨶ᩠ᨶᩢᩢᨣᩢᨤᩱ᩵ᨶ᩠ᨦᩢ᩵ᨻᩣ᩠ᨿᩉ᩠ᨶᩣᩢᨻᩮ᩠ᨶᩨ᩵ᨣᩭᩓ᪩ ᨴᩦ᩵ᨶᩱᩁᩰ᩠ᨦᨵᨾ᩠ᨾ᩼ᨶ᩠ᨶᩢᩢ ᨣᩢᨲ᩠ᩋᨦᩢᨠᩣ᩠ᩁᩉᩨᩢ ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢᨶ᩠ᨷᩢᨳᩨ ᩈᩪᨴ᩠ᨶᩤ᩵ᩅᩤ᩵ᩋ᩠ᨶᩢᩢᩓ᪩ 44ᨯ᩠ᨦᩢ᩵ᨠᩣ᩠ᩁᨩᩮ᩠ᩋᩨᨶᩦᩢ ᨸᩮ᩠ᨶᩋᨾᨣᩘᩃᨴ᩠ᨦᩢᩈ᩠ᨿᨦᩢᨣᩭᩓ᪩ “ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨩᩮ᩠ᩋᩨᨶ᩠ᨶᩢᩢ ᩉᩮ᩠ᨾᩨᩁᨯ᩠ᨦᩢ᩵ᨠᩩᨯᩋ᩠ᨶᩢᨾᩦᩀᩪ᩵ ᨴᩦ᩵ᨶᩱᨸ᩵ᩣᨩᩣᩢᩋ᩠ᨶᩢ ᨷᩢᨾᩦᨩᩨ᩵ᨶ᩠ᨶᩢᩢᨣᩭᩓ ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢᨶᩦᩢ ᨷᩢᩁᩪᩢᩅᩤ᩵ᨸᩮ᩠ᨶᨠᩩᨯ ᩋ᩠ᨶᩢᨾᩦᨴᩦ᩵ᨶᩱᨸ᩵ᩣᨩᩣᩢᩈᩮᨯᩱᩢ ᨹᩣ᩠ᨶ᩵ᨻᩱᨹᩣ᩠ᨶ᩵ᨾᩣᨯ᩠ᨦᩢ᩵ᨶᩦᩢᨣᩭ” ᨸ᩠ᨦᩫᩋᩣᨩ᩠ᨬᩅᩤ᩵ᨯ᩠ᨦᩢ᩵ᨶᩦᩢᩓ᪩ 45ᨿᩣ᩠ᨾᨶ᩠ᨶᩢᩢ ᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨣᩳᩢ ᪑ ᩅᩤ᩵ “ᨧᩮᩣᩢᩢᨤᩪ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢ ᩉᩮ᩠ᨾᩨᩁᨯ᩠ᨦᩢ᩵ᨲᩥᨲ᩠ᨿᩁᨶ᩠ᨿᩁᨴᩤ ᨹᩪᩢᨡᩣᩢᨴ᩠ᨦᩢᩉᩖᩣ᩠ᨿᨣᩭᩓ” ᩅᩤ᩵ᩋ᩠ᨶᩢᩢ᪩ 46ᨿᩣ᩠ᨾᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢ ᨧ᩠ᨦᩥ᩵ᨯᩱᩢᨷ᩠ᩋᨠᨠᩣ᩠ᩅ᩵ᩅᩤ᩵ “ᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨡᩮᩣᩢ ᨣᩢᩉᩮ᩠ᨾᩨᩁᨠ᩠ᨶᩢᩀᩪ᩵ ᨸᩮ᩠ᨶᩋᨾᨣᩘᩃᨴᩮᩤᩢ᩵ᨶ᩠ᨶᩢᩢᨣᩭᩓ᪩ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨩᩮ᩠ᩋᩨᨶᩦᩢ ᩉᩨᩢᨻᩮ᩠ᨶᩨ᩵ᩉᩣ᩠ᨾᨡ᩠ᩋᨦᩋ᩠ᨶᩢ ᩉ᩠ᨶᩢᨠᩉ᩠ᨶᩣᩈᩮᩓ᩠ᩅᩢ ᨯ᩠ᨦᩢ᩵ᩈᩪᨡᩮᩣᩢᨪᩣᩴᩢ ᨸᩣ᩠ᨿᨾᩨᨣᩢᨷᩢᨻᩱᨴᩮ᩠ᩋᩨᩢᩈᩮᩋ᩠ᨯᩥ”᪩ 47ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᨣᩢᨸᩮ᩠ᨶᩋᨾᨣᩘᩃᨴᩯᩢᩓ᪩ ᨼᩰ᩠ᩋᩡᩉᩮ᩠ᨲᩩᨯᩱᩓᩢᩅᩤ᩵ᩋ᩠ᨶᩢᩢ ᨸᩣ᩠ᨦᨾᩮ᩠ᩋᩨ᩵ᨠ᩠ᩋ᩵ᩁ ᨸᩪ᩵ᩉ᩠ᨾ᩠ᩋ᩵ᩁᩈᩪᨴ᩠ᨶᩤ᩵ᨩᩮ᩠ᩋᩨᨶ᩠ᨶᩢᩢ ᨯᩱᩢᨥᩣ᩵ᩋᩁᩥᨿᩣᨹᩪᩢᨧᩱᨷᩩᨬ᩼ᩈᩮᩓ᩠ᩅᩢ ᨯᩱᩢᩈᩣ᩠ᨦᩢᨠᩩᨯ ᨻᩪ᩵ᩁᨴᩤ᩵ᨡᩮᩣᩢᨣᩭ᪩ 48ᨠ᩠ᨴᩣᩴᨯ᩠ᨦᩢ᩵ᨶᩦᩢᩉᩮ᩠ᨾᩨᩁᩅᩤ᩵ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨣᩣᩴᩢᨳᩯ᩠ᨾ ᨸᩪ᩵ᩉ᩠ᨾ᩠ᩋ᩵ᩁᩈᩪᨡᩮᩣᩢᨶ᩠ᨶᩢᩢᨣᩭ᪩ ᨳᩣᩢᩅᩤ᩵ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨷᩢᨣᩣᩴᩢᨳᩯ᩠ᨾᨶ᩠ᨶᩢᩢ ᨷᩢᩈᩣ᩠ᨦᩢᨠᩩᨯᩅᩱᩢᨯ᩠ᨦᩢ᩵ᨶᩦᩢᩓ᪩ 49ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᨲ᩠ᨶᩫᩋ᩠ᨶᩢᨯᩱᩢᩁᩪᩢᩉ᩠ᨶᩢᨩ᩠ᩋᨾᨴ᩠ᨦᩢᩈ᩠ᨿᨦᩢ ᨻᩕᨧᩮᩣᩢᩢᨶᩦᩢ ᨧᩢᩈ᩠ᨦᩫ᩵ᨲ᩠ᨶᩫᩋᩁᩥᨿᩣᨹᩪᩢᨧᩱᨷᩩᨬ᩼ᨵᨾ᩠ᨾ᩼ᩓᩢ ᩈᩣᩅᨠ ᨾᩣᩉᩣᩈᩪᨠ᩠ᩋ᩵ᩁ᪩ ᨣᩭᨲᩯ᩵ᩅᩤ᩵ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨩᩣ᩠ᨦ᩵ᨥᩣ᩵ᨲ᩠ᨶᩫᨷᩩᨬ ᩈᩣᩅᨠᨴ᩠ᨦᩢᩉᩖᩣ᩠ᨿᨩᩮ᩠ᩋᩨᨹ᩠ᩋ᩵ᨳᨡᩮᩣᩢᩓᩢ ᨩᩣ᩠ᨦ᩵ᨷ᩠ᨷᩦᨷ᩠ᨿᩁᩉᩧᩈᩣᨡᩮᩣᩢ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩓ᪩ 50ᨣᩣ᩠ᨷᨸᩣ᩠ᨶᨤ᩠ᨶᩫᩁᩮᩣᩢᨾᩮ᩠ᩋᩨ᩵ᨯ᩠ᨿᩴ᩵ᨶᩦᩢ ᨲ᩠ᨦᩢᩢᩐᩣᩢᩃᩰ᩠ᨠᨲ᩠ᨦᩢᩢᨸᩮ᩠ᨶᨾᩣᩓ᩠ᩅᩢ ᨼᩰ᩠ᩋᩡᨻᩮ᩠ᩋᩨ᩵ᨯᩱᩢᨥᩣ᩵ ᨲ᩠ᨶᩫᩋᩁᩥᨿᩣᨹᩪᩢᨧᩱᨷᩩᨬ᩼ᩈ᩠ᩃᩦᨵᨾ᩠ᨾ᩼ ᨡᩮᩣᩢᨧ᩠ᨦᩥ᩵ᨯᩱᩢᩁ᩠ᨷᩢᨴᩰ᩠ᩇᩅᩤ᩵ᩋ᩠ᨶᩢᩢᩓ᪩ 51ᨲ᩠ᨶᩫᩋᩁᩥᨿᨧᩮᩣᩢᩢ ᩈ᩠ᩃᩦᨵᨾ᩠ᨾ᩼ᨩᩮ᩠ᩋᩨᨶ᩠ᨶᩢᩢ ᨲ᩠ᨦᩢᩢᩐᩣᩢᩋᩣᨻᩮᩃfᨾᩣ ᩅᩥᨾᩣ᩠ᨶᨤᩣᩴᩓᩢ ᨷᩃᩖᩘᨷᩪᨩᩣᨶᩱᨣᩯ᩵ᨶ᩠ᨶᩢᩢ ᨳᩪᨠᨥᩣ᩵ᨲᩣ᩠ᨿᨲᩳ᩵ᨳ᩠ᨦᩨ ᨩᩣᨡᩁᩥᨣᩢᨻᩣᩓ᪩ ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᨤ᩠ᨶᩫᨣᩣ᩠ᨷᨸᩣ᩠ᨶᨾᩮ᩠ᩋᩨᨯ᩠ᨿᩴᨶᩦᩢ ᨧ᩠ᨦᩥ᩵ᨯᩱᩢᩁ᩠ᨷᩢᨴᩰ᩠ᩇ ᩅᩤ᩵ᨶ᩠ᨶᩢᩢᩓ ᨣᩪᨧᩢᨷ᩠ᩋᨠᨠᩣ᩠ᩅ᩵ᨸᩮ᩠ᨶᩋ᩠ᨶᩢ ᨶᩯᩢᨶ᩠ᩋᩁᩀᩪ᩵ᨴᩯᩢᩓ᪩ 52“ᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨡᩮᩣᩢᨩᩮ᩠ᩋᩨᨶ᩠ᨶᩢᩢ᪨ ᨣᩢᨾᩦᩋᨾᨣᩘᩃᨣᩭᩓ᪩ ᨼᩰ᩠ᩋᩡᩈ᩠ᨶᩢᨯᩱᩓᩢᩅᩤ᩵ᩋ᩠ᨶᩢᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᨸᩮ᩠ᨶᨤ᩠ᨶᩫᩋ᩠ᨶᩢᨯᩱᩢᨪ᩠ᨾᩥᩅᩱᩢᨤᩡᨧᩯ ᩃᩮ᩠ᨾᩢᨷᨬᩣᨣ᩠ᩅᩣ᩠ᨾᩁᩪᩢg ᩉᩯ᩠ᨦ᩵ᨻᩕᨧᩮᩣᩢᩢᩈᩮᩓ᩠ᩅᩢ᪨ ᨡᩮᩣᩢᩢᨻᩱᨣᩢᨷᩢᨡᩮᩣᩢᩢ ᨤ᩠ᨶᩫᩋ᩠ᨶᩨ᩵ᨣᩢᩉᩣ᩠ᨾᩢᨷᩢᩉᩨᩢᨡᩮᩣᩢᩢᨻᩱ” ᨸ᩠ᨦᩫᩋᩣᨩ᩠ᨬᩣᨯ᩠ᨦᩢ᩵ᨶᩦᩢᩓ᩠ᩅᩢ᪩ 53ᩉᩖᨦᩢᨧᩣ᩠ᨠᨶ᩠ᨶᩢᩢ ᨾᩮ᩠ᩋᩨ᩵ᨴ᩠ᨶᩤ᩵ᨧᩮᩣᩢᩢᨯᩱᩢᩋ᩠ᩋᨠᨧᩣ᩠ᨠᨴᩦ᩵ᩉ᩠ᨶᩢᩢᨻᩱᩓ᩠ᩅᩢᨶ᩠ᨶᩢᩢ ᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᩓᩢ ᨹᩣᩁᩥᨪᩯ ᨡᩮᩣᩢᨯᩱᩢᨤ᩠ᨯᩥᨲᩥᨲ᩠ᨿᩁᨶ᩠ᨿᩁᨴᩤ ᩉᩨᩢᨴ᩠ᨶᩤ᩵ᨧᩮᩣᩢᩢᩈᩮᩓ᩠ᩅᩢ ᨧ᩠ᨦᩥ᩵ᨯᩱᩢᨾᩦᨣᩣᩴᨳᩣ᩠ᨾᨯ᩠ᩅ᩠ᨿᩢ ᨠᩣ᩠ᩁᨴᩩᨠᩈ᩠ᨦᩥ᩵ᨴᩩᨠᩀ᩵ᩣ᩠ᨦᩈᩣ᩠ᨦᩢᨷᨬ᩠ᩉᩣ ᨸᩮ᩠ᨶᨾᩣ᩠ᨠᨸᩮ᩠ᨶᩉᩖᩣ᩠ᨿᩅᩤ᩵ᩋ᩠ᨶᩢᩢᩓ᪩ 54
Currently Selected:
Luke 11: ktpv-rv
Highlight
Share
Copy
Want to have your highlights saved across all your devices? Sign up or sign in
This translation of the Khun Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
