Luke 17
17
1နွို့ခေါင်း ကိုယ်တော်ယေရှုနောင်း တပည့်တော်အမ်နား “လို့နွို့နား အပြစ်ဒုစရိုက်ကျူးလွန်မှန့်အောင် ဟိုလောက်ဟောက် အသေအချာနွို့နဲ့။ စနွို့လဲ အာကျူးလွန်မပြစ်ဒုစရိုက်နွို့နု့ ဒုက္ခဘာ့ကုန်းကန်းနွို့လောက်လောင်းဟောက်နွို့နဲ့။ 2လို့နွို့နောင်း နာ့လို့ပေ့တွိုန်း ကောင်အပြစ်ဘာ့ကင်းနွို့မှ အာ့်ကွက်ကွက်နား အာကျူးလွန်မာန့်အပြစ်ဒုစရိုက်နွို့နု့ ဘာလှံစွေမဲ့ နွို့မှ ဘာ့ကစန်းလွန်းမဲ့ သန်းမှုနွို့နား တုတ်တွို့တကွန်းထာ ဘာ့ဘေ့ထုစ်ကောင်ပင်လယ် ဘာ့မင်ခံနွို့နောင်း အမ်ဘာ့ခံမဲ့ပြစ်ဒဏ်နွို့မှ ကလို့မဲ့နွို့နဲ့။” 3စနွို့နာ “လို့အ့်ခြားနွို့နား အာကျူးလွန်မာန့်အပြစ်ဒုစရိုက်နွို့ နု့ တာ့ဖြားယောင်းသွေးဆောင်နွို့နား တာယို့ကောနွို့ နု့ ပို့ကြဘို့သတိ။ အို့နား လို့ယုံကြည်သူအာ့်ကွက်ကောင်း တာကျူးလွန်မာန့်အပြစ်ဒုစရိုက်နွို့နု့ ဆုံးမကြဘို့။ လို့နွို့နောင်း အပြစ်ဒုစရိုက်ဘာ့ကျူးလွန်အမ်နွို့နား တာဗင်နောင်တနွို့နု့ ခွင့်လွှတ်အာကြဘို့။” 4အို့နား လို့ယုံကြည်သူ အာ့်ကွက်နောင်း မို့နား ကောင်အ့်ရှိစယ် ဘာ့ပြစ်မှားယော့နွို့ အပြစ်ဘို့ဘက်နွို့နု့ တာ့အမ်နွို့ မို့ဘာ့ပို့နွို့ စေ့ခို့နွို့ “အို့နောင်း ဗင်တွိုနောင်တ” ဖြိုယော့ တာ့တောင်ပန်နွို့နု့ ဘာ့ယို့မာန့်အပြစ်နွို့နု့ မင်ခွင့်လွှတ်အာဟောက် ဟောဖြိုမနနဲ့။ 5နွို့ခေါင်း သာဝကဘို့ဘက်နွို့နား “အေ့ဘာ့ဗွို့ပို့မဲ့ တာကွေဖြာယုံကြည်ခြင်းနွို့ အာတိုးပွားနွို့အောင် ကူညီအာစေး” နွို့လျှောက်တံမနနွို့နဲ့။ 6စနွိုခမ်း ကိုယ်တော်ယေရှုနား “တာပွို့နွို့နောင်း ယုံကြည်ခြင်း ပွို့တာရီးကလောင်းသု့မန်းဝဲ့နွို့နု့ ဆုပ်ထေ့ပိုးစာနွို့နား တာ့တောင်းရီနွို့ကလွှတ်လေးတွို့ထာ ကောင်ပယ်လယ်နို့ ကု့လေးပလုဲင်းလေးမဲ့နွို့နု့ ပွို့ဘာ့အာအမိန်နွို့တွိုန်း ဆုပ်ထေ့နွို့နောင်း တာရွိတိုးနွို့နု့ ကောင်ပယ်လယ်နွို့ လေးလောက်ဟောက်ခါလောလောထာ အထက်ပလုဲင်းလောက်ဟောက်နွို့နဲ့။ 7ကောင်ပွို့နု့ အာ့်ကွက်နွို့ လို့ဘာ့စွေမယ်ရေ့အစေခံ တာ့ကက်ကောလဲ လို့ဘာ့ထန်မဲ့ သိုးအစေခံအာ့်ကွက်ဟိုဟောက်။” အစေခံနွို့နောင်း ဆောင်ယို့ယော့အ့်ယို့နောင်း ဆောင့်ရန်ပွို့ဇာ့တာရေ့ဗါ့နွို့နား ပွို့နွို့နား အမ်နား “ပွို့စေး ထုစ်တာ့နီးနေ စွေစေးအာ့်မာ့မာ့နေ” ပွို့နွို့ဖြိုကြဘို့ကက်ရား။ 8အပန်နွို့ ပွို့နွို့နောင်း အစေခံနား “မွိုနား ခရိုန်းဘို့ဘက်ဘာ့ သန့်ရှင်းနွို့ ကလွန်ဗါ့တွို့ထာ တာအို့မောင်းစွေနွို့နု့ အစွေအငွမ်းဘို့ဘက်နွို့ ဖျောင်ကြဘို့။ အို့စွေယော့နွို့အောင် ယို့မွီးကြဘို့။ အို့တာ့စွေယော့နွို့နု့ မို့စွေဗင်တွို့” နွို့စယ် ဖြိုမနနွို့နဲ့။ 9ဘာ့ကလုဲင်အစေခံနွိုနောင်း ဘာ့ခိပွို့နွို့နား ဆောင့်ယို့နွို့နောင်း ပွို့နွို့နား အမ်နား လာ့ဒံကောကျေးဇူးနွို့နဲ့။ 10နာ့နွို့ ပွို့နွို့နောင်လဲဉ်း ဖြား ဇာ့ဘာ့ဟောဖြိုနွို့နောင်း ဆောင့်ဆောင်ရွက်ယော့နောင်း “အို့နောင်း ကလုဲင်ကြဘို့အစေခံစယ်နွို့ခေါင်း ကျေးဇူးဘာ့ဒံနွို့ လို့ခံထိုက်ကက်ကော။ အေ့နီးနောင်း တာဝန်အေ့ဘို့ဘက်နွို့ ယော့ကု့အောင် ဆောင်ရွက်ဟောက်နွို့စယ် လိုလ့်ဖြိုဟောက်” နွို့ဟောဖြိုမနနဲ့။ 11နွို့ခေါင်း ကိုယ်တော်နောင်း တပည့်တော်ဘို့ဘက်နအနုဲင်နုဲင် တန်းဘာ့ကြွတော်မူနွို့ ဗဟိုသမြိုသဂျေရုဆလင်နိုနား ဖြိုင်ရှမာရိန ဖြိုင်ဂါလိလဲ ကောင်ပလနယ်စပ်နွို့ ဖြတ်ကု့တော်မူကု့ဟောက်နွို့နဲ့။ 12ကိုယ်တော်န တပည့်တော်အမ်ဘို့ဘက်နွို့နား ဆောင့်လောက်တမေ့တာ့ဗို့အဗို့နောင်း အ့်ကစုရောဂါကုန်းမာကျင်ကွက်နွို့နား ပွို့ထွိကြပွို့ကိုယ်တော်နွို့လဲဉ်း တာစကိုယ်တော်န တာ့ဗောက်ကြဘို့နွို့လဲဉ်း ခွို့နွို့နောင်း ခါငါငါနွို့မုဲင်မနနွို့နဲ့။ 13နွို့ခေါင်း ခွို့နွို့နောင်း ကရက်အထန်ထောတွိုန်းန “ကိုယ်တော်ယေရှု၊ သနားတော်စန်းစေးအေ့နေ။ ကုသအာစေးအေ့နေ” နွို့ကိုယ်တော်နား လျှောက်တံကြဘို့နွို့နဲ့။ 14ကိုယ်တော်ယေရှုနောင်း ခွိုနွို့နား ဆောင့်ရင်ယော့နွို့ ပွို့နွို့နောင်း “ဗဟိုမြိုဂျေရုဆလင် ကု့တွိုသပုရောဟိတ်နွို့ထာ ဘာ့ဟိုကွေသိုလ်ပွို့နွို့နား ရာဂါဘို့ဘက် ဘာ့ဗာပွန်နွို့နား စစ်ဆေးကြဘို့” နွို့ဟောဖြိုမနနဲ့။ လို့နွို့နောင်း တန်းဘာ့ကု့တာ့ပုရောဟိတ်ဘို့ဘက်နွို့နောင်း အနာရောဂါဗာပွန်ကြဘို့နွို့နဲ့။ 15ကောင်ခွို့နွို့မှ အာ့်ကွက်နောင်း အ့်ကစုရောဂါဆောင့်ဗာပွန်ကု့ဟောက်နွို့နား ဆောင်ငန်းနွို့ ကရက်အထန်ထောတွိုန်း ဂုဏ်ကျေးဇူးဖြားနွို့ နွက်တူးတူးန ချီးမွမ်းတွို့ထာ တကိုယ်တော်ဗဟိုနွို့ လှည့်ဘက်ပိုကြဘို့နွို့နဲ့။ 16နိုတရား အမ်နား ဉီးညွတ်တိုသကောက်ကိုယ်တော်ယေရှုနားထာ ချီးမွမ်းကျေးဇူးတော်အမ်နဲ့။လိုးနိုနား လိုးရှမာရိနဲ့။ 17ချန်နွို့နု့ ကိုယ်တော်ယေရှုနား “အို့နောင်း လို့အ့်ကစုရောဂါဗာ မာကျင်ကွက်ကက်ရား။ လို့မျိုးအခြားမှ ဘာ့လွန်စံန်ကွက်နောင်း ဂုဏ်ကျေးဇူးတော်ဖြားနား မောင်းချီးမွမ်းနွို့ အပန်တတ်ထား ရန်းပိုကြကောဘို့နား။ 18လို့မျိုးဂျူးကက်ကော လို့မျိုးခြားအာ့်ကွက်နွို့မှ ပလွန်စံန်အမ်ပွို ချီးမွမ်းကျေးဇူးဖြားခနို့နား ဘာ့ယန်းပိုနွို့နားဟိုကောနွို့ အို့နောင်း နွက်ဖျောက်မာန့်ဟောက်နွို့နဲ့။” 19နွို့ခေါင်း ကိုယ်တော်ယေရှုနား လို့နွို့နား “မို့နေအာက်တို့ထာ ကုစေး။ မို့နောင်း အို့နွို့ ယုံကြည်ဟောက်နွို့ခေါင်း အ့်ကစုရောဂါနောင်း ဗာပွန်တွို” နွို့ဟောဖြိုမနနဲ့။ 20အာ့်ရှိနားဖာရိရှဲတောင်ခြိုင့်နား ကိုယ်တော် “ထာထနာတော် ဖြားနားအမ်းပေါ်ထွန်းလေချန်မွား” မုဲင့်လျှောက်စနို့။ ဆောင်လောင်နို့ ကိုယ်တော်ယေရှုနား “သာသနာတော်ဖြားနား လငုဲင်းပွို့န သမားအရာ လယင်နိုင်းနိုကပ်ကား။ 21ရေ့စေးတာ့လွက်နီးနေ၊ ရေ့တာလွက်နွို့နု့လဲဉ်း လဖြိုနိုင်းကား။ ရွားနွို့ကား ထထာထနာတော်ဖြားနား အမ်ဟိုကောင်နွတ်နှလုံးဘွတ်နွို့စယ်နား” နွို့မိန်ဖြိုစနွို့ကိုးနဲ့။ 22အခွပ် ကိုယ်တော်ယေရှုနား တပည့်တော်အမ်နား “ပွို့နွို့နား ကွန်ဖြားနို့ရှိနို့ အမ်လလောက်ရှိနို့ အာ့်ရှိလဲဉ်း ရှိနိုနား ပွို့လဗင်ယင်နိုင်းကား။ 23လို့နား ပွိုနို့ ‘ရပ်သလပ်နီးနိုမားကပ်ကား ရပ်သလွပ်နီး’ အမ်ဆိုခမ်းနို လဲဉ်း လေတိုဖပ်ထိုထား လိုက်ရပ်လွမ်းန။ 24ကွန်ဖြားအမ်းလောက်ပွို့ ရှိနို့နား ကွေတအောင်နား ကလုဲင်မျက်တို့အခမ်းမမ်းလပက်နိုထာ တအောင်အဖပ်အခြမ်းန အွူဘွတ်အခြမ်းနားလောက်အောင် မမ်လန်းတောက် လေမျက်အာ။ 25စနွိုလည်း အမ်နားလငွမ်းထပ်ဗေ့ဒုက္ခဝေဒနာ ဗင်ခံစားတိုထာ ကမားမျိုးဆက်လိုးနိ အမ်ငြင်းပယ်နို့လည်း အမ်ဗင်ခံမယ့်။ 26စနွိုလဲဉ်း အမ်နားလငွမ်းထပ်ဗေ့ဒုက္ခဝေဒနာ ဗင်ခံစားတို ထာ ကမားမျိုးဆက်လို့နိ အမ်ညောင်းပယ်နို့လဲဉ်း အမ်ဗင်ခံမယ့် 26 သမ်းခေတ်နောဧbနွို့ ပကလုဲင်ပို့နွိုအတွိုန်း ရှိကွန်ဖြားဘို့ဘက်နွို့နားလဲဉ်း ကလုဲင်ပိုလောက်ဟောက်။ 27အွူမောင်းဒုတ်တွို့နွို့နား နောဧနောင်း ကွေသင်္ဘောနွို့ကွက်ထို့နွို့အောင် လို့နား စွေလွမ်း၊ ငွမ်းလွမ်း၊ အွေလွမ်းဘို့ လက်ထပ်ကြဘို့န အွူဆောင့်ဒုတ်နွို့နု့ ခွို့မေ့မေ့နောင်း မင်ဗီးဖျောက်ဟောက်ကြဘို့နဲ့။ 28နည်းနိုနအနုဲင်နုဲင် လောတcနား သမ်းချန်အမ်လမမ်ထို့သမြိုသောဒုံနိုလဲဉ်း လို့သမြို့သောဒုံနိုနား စွေငွမ်းတိုထာ ဝမ်းကျဗို့ဈေးစာကျဗို့စိုက်ပျိုကျဗို့နိုန တည်ဆောက်အမူစားနိုအား ယောက်ထာမမ်ပွို့ကျဗို့။ 29နွိုလဲဉ်းလောတ နား ရှိအမ်ပလေ့ပွန်သမြို့သောဒုံနို့ တွမ်းညွမ်းဗောက်ကို့နိုနား စကွေ တအောင်ကလိုစွမ်းတိုထာလို့အပေါင်းကောင်မြို့နို စိုပီးမျက်အာ။ 30 ရှိကွန်ဖြားပေါ်ထွန်လေးနိုလဲဉ်း မမ်ကလုဲင်အခမ်းနိုနအနုဲင်နုဲင်။ 30ရှိကွန်ဖြားပေါ်ထွန်လေးနိုလဲဉ်း မမ်ကလုဲင်အခမ်းနိုနအနုဲင်နုဲင်။ 31ရှိနိုနို ကွေ ကွေမှအမ်းဆောင်အွေကထန်ထန်နိုခမ်း စကွေခေါင်ညာ့ စွမ်ထုကောင်ညား နို့ လယောက်န။ ကွေကွေမှစကောင်ရေး အမ်းယင်အွေဘွတ်ကထန်ထန် သညားနို့လယောက်န။ 32ဖြိုလ့်လောတdနား ကလုဲင်ပွို့ဖူးအခမ်းမွားနွို့ နောင် ထွီးကျဗို့။ 33ရွားနွို့ပဒေကား လောကနီးနွို့ သိုလ်အမ်သိုလ်အမ် ဆောင်ကာကွယ်နွို့ ဆောင်ကွေကွေ နိစ္စထာဝရအထက်နွို့ ဗင်လောက်ဟောက်။ တာ့ကက်ကောနွို့လဲဉ်း တာအို့နာ့ လို့နွက်ဆောင်စွန်တောဝ်းအထက်တဟိုနွို့နု့ နိစ္စထာဝရအထက်နွို့ ဗင်လောက်ဟောက်။ 34ပွို့နွို့နု့နား အို့ဘာ့ဟောဖြိုနွို့နား ချန်အို့ဘာ့ရန်းပွို့နွို့ ကွေလွက်သီအလွက်နွို့ ဘာ့တီဗိမဲ့ ကောင်လို့အဲဉ်ကွက်နွို့မှ ဖြားနောင်း ဟက်ကု့ယော့ အာ့်ကွက်နွို့ မာ့ကံပွို့အသေအချာကိုးနွို့နဲ့။ 35တာ့လွက်အ့်လွက်တွိုန်းနွို့ ဘာဒုမဲ့ဗါ့ ကောင်ကမြနွို့အဲဉ်ကွက်နောင်း အာ့်ကွက်နွို့ ဖြားနောင်း ဟက်ကု့ယော့ အာ့်ကွက်နွို့ မာ့ကံပွို့အသေအချာကိုးနွို့နဲ့။ 36တာ့လွက်တွိုန်းနွို့ ဘာ့ယို့ရေ့လာ့ ကောင်အဲဉ်ကွက်နွို့မှ အာ့်ကွက်နွို့ ဖြားနောင်း ဟက်ကု့ယော့ အာ့်ကွက်နွို့ မာ့ကံပွို့အသေအချာကိုးနွို့နဲ့။” 37တပည့်တော်နွို့နွို့ ကိုယ်တော်နား “ကိုယ်တော်၊ ဇာ့နီးနောင် တာ့လွက်သေ့မွှား မာ့ကလုဲင်ဟောက်နောင်း” နွို့မားကြဘို့နားကိုယ်တော်နွို့ “မာလက်နွို့ စုမဲ့ကြဘို့နွို့ ရေစ်တွို့ထာ လို့ဗီးဘို့ဘက်နောင်း ဟိုတာ့လွက်ဖက်မှားနွို့နား နာ့လို့စေ့ကွက်ငန်းနွို့ တာ့လွက်ဘာ့ကလုဲင်ပိုအဖြစ်အပျက် တာ့လွက်နီးလဲဉ်း လို့စေကွက် ငန်းလောက်ဟောက်” နွို့ဟောဖြိုမနနဲ့။
Currently Selected:
Luke 17: dtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Dannau Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
