Luke 18
18
1မှာနောက်အာ ကိုယ်တော်ယေရှုနာ တပည့်တော်ရက်အင် စိတ်ပျက်ဟေကားအငါဒက် အမြဲတမ်းဆုတောင်းပေါဂါအကြောင်း ပုံဥပမာအိန်းငှားဆနပ်ကရပ်နာ။ 2"မြို့တစ်မြို့နာ ဘုရားရှင်ငင် အစက်ပါ(လ်)၊ ပြည်သူလူထုရက်အင်ယေ့ လေးစားမူအငါကား တရားသူကြီးဟူးဝါငါ့လင်ကဟေ။ 3အိမ်မှမြို့ဝါငါဟေကား မုဆိုးမဟူးဝါနာ တရားသူကြီးထနဲ့လင်ကို "ငါကအမူအင် တရားမျှတဇရိုးမှ စီရင်အီယန်" ငါးဂို ဟက်ဟက်ငါလင်ကဟေ။ 4အချိန်မွတ်မွတ်ကြားမနီး တရားသူကြီးနာ အရေးအပီဒက်ကယေ့ နောက်ဆုံးငါ အမာနာ"ငါနာ ဘုရားရှင်ငင်ယေ့အစက်ပါ(လလ်)၊ လူးရက်အင်ယေ့ အရေးအပီကယေ့ 5အိမ်မမုဆိုးမနာ ငါယင့် ရက်ပိုက်နှောင့်ယှက်တုန်းကအတွက် အမင် တရားသဖြင့် စီရင်အီတောင့်မယ်ဖြစ်အန်ကဟေ့။ ညီးငါ့တောင်မယ် အမာနာ ငါကမား ခဏခဏဗန်(ဖ်)ကို တောင်းဆို တုန်းကား ရပ်အန်ကဖြစ်ဟေ"ငါ့ကို စဉ်းစားတုန်းလင်ကဟေ"ငါ့ကို ငါ့လင်ကဟေ။ 6မှနောက်အာ ကိုယ်တော်ယေရှုနာ "စိတ်အမီကတရားသူကြီးက ကြံစည်းစဉ်းစားတုန်းက စဉ်းစားယူယင့်။ 7အတတ်ကဒေလေ စိတ်အမီကတရားသူကြီးယင်ဒင့် အမင် ထပ်ခါထပ်ခါလျှောက်တင်ကလူးယင် သက်ညှာအီနဲ့က(လ်) ဘုရားရှင်ယင်ယေ့ အမာကားမ ထင်နတ်နက်တိုက် ဆုစိန်ကလူးရက်အင် ဖြည့်ဆည်းကိုအအီထမ်း အချိန်ကြာကြာ စောင်တုန်းငံကငါ့ကို ထင်တုန်းဟေလဲ။ 8နနိန်ရက်အင် ငါငန်ကား ဘုရားရှင်နာ အမာရက်စိန်ဟေကစုတ်ရက်အင် မလားဖြည့်ဆည်းအီလင်ကား။ ညီးင့ဒင့်ယေ့ ကမ္ဘာပေါ်ဝါ လူးသားတော်ပြန်ကိုကြွဗန်(ဖ်)ကအချိန်ငါ ယုံကြည်ခြင်းငါဟေကလူးရက်အင် ပေါ်ဝန်ပိုကလဲ "ငါ့ကို ငါ့လင်ကဟေ။ 9မှနောက်အာ အပါနာကအပါနာ ပေါ်ဟေငါ့ကို ယူဆကို အယောက်ကလူးရက်အင် နှိမ်ချကလူး ရက်အင် ကိုယ်တော်နာ ပုံဥပမာဆူးဝါအိမ် ငါဟေကနာ 10ဟက်တာကရပ် ဖာရိရှဲဟူးဝါအိမ် အခွန်ကုန်ဟေကလူးဟူးဝါနာ ဝတ်ပြုဆုစိန်ကအတွက် ဗိမာန်တော်ယာ လင်လင်ကဟေ။ 11ဖာရိရှဲနာ ဟူးဝါတည်းစက်ကို "အို ဘုရားရှင်၊ ငါနာ အယောက်လူးရက်ဒေလေ လောဘယေ့အကြီးပါ(လ်)၊ မရိုးမသားယေအလုပ်ပါ(လ်)၊ အိမ်ထောင်ရေးယေ အဖောက်ပြန်ကအပြင် အိမ်မနား အခွန်ကုန်ဟေက လူးဒေလေအရိကအတွက် ဘုရားရှင်ယင် ကျေးဇူတင်နက်ဟေ။ 12ငါနာ တစ်ပတ်အာ နိန်ယက်အစာ ရှောင်ဂို့ ဆုစိန်ကို ငါရက်လှုဟေက ဝင်ငွေစုတ်ရက်က ဆယ်ပုံတစ်ပုံငင်ယေ့ ဗိမာန်တော်ယင် လှုဒါန်းလင်ကဟေ။"ငါ့ကို ဆုစိန်လင်ကဟေ။ 13ညီးင့ဒင့်ယေ့ အခွန်ကုန်ဟေကလူးက(လ်) အယောက်ကလူးရက်အိမ် ခပ်လှမ်းလှမ်းအကွာယာစက်ကို ကောင်းဂါလက်အင် မော်ကိုအယူဗင်(ဖ်)ထမ်း ရင်ဘက်အင်ပေါက်ကို "အို ဘုရားရှင်၊ အပြစ်ဒုစရိုက်ပြိစ်ဟေကား ငင်ယင် သနားငန်နက်နိမ့်"ငါ့ကို ဆုစိန်လင်ကဟေ။ 14အိမ်မ လူးနိန်ဟူး ကိန်းငါပြန်ကိုထုန်းဟေကားအခါ ဘုရားရှင်ဂါ ခွင့်လွှတ်မူအင်လူဟေကလူးနာ ဖာရိရှဲ အရိထမ်း အခွန်ကုန်ဟေကလူးမေဖြစ်ဟေ။ အပါနာဂါးအပါနာ အထင်ကြီးဂါးလူးနာ နှိမ့်ချဟေကဟင်းလင်ပိုက ဖြစ်ကို အပါနာဂါးအပါနာ နှိမ်ချကားလူးနာ ချီးမြှောက်ကာဟင်းပိုကဖြစ်ဟေ" ငါးဂို ငါ့လင်ကဟေ။ 15အချို့လူးရက်အ(လ်) အမာရက်ကမာန်ဆာရက်အင် ကိုယ်တော်ကတာဟူးအိမ် တိုးကိုအီကဇိစ် ကိုယ်တော်ကမား အော်လားကန်ကား တပည့်တော်ရက်ပိုကို ကိုယ်တော်ယင် အနှောက်ယှက်ကဇိစ် အိမ်မားလူးရက်အင် တားမြစ်လင်ကဟေ။ 16ဆိုဆော် ကိုယ်တော်ယေရှုနာ မန်ဆာရက်အင်အော်ကို "ငါကမား မာန်ဆာရက် ဗန်(ဖ်)လင်နူ(ဖ်)။ အမာရက်အင် အတားဆီးယေ့။ ဘုရားရှင်ကသာသနာတော်နာ မှမန်ဆာရက်အိမ်တူဟေက လူးရက်ကအတွက်မယ်ဖြစ်ဟေ။ 17နနိန်ရက်အင် ငါအမှန်ငါ့ပိုနဲ့က(လ်) မန်ဆာဟူးဝါဒေလေ အလုပ်ပါ(လ်)ငါ့နဲ့က(လ်) နနိန်ရက်နာ ဘုရားရှင်ကသာသနာတော်ယာ ဟက်တာယဲ့ ဆင်ကလူလင်ကားအရိ(လ်)ပါ(လ်)"ငါ့ကို ငါ့လင်ကဟေ။ 18ဟက်တာကရပ် ဂျူးလူးမျိူးပြောင်ဟေကလူးဟူးဝါနာ ကိုယ်တော်ယေရှုယင် "မှီးဟေကဆရာ၊ နိစ္စထာဝရအဆက်အင်လှုဂါဇီa ငါအဆမိလိစ်ပေါဂါယာ" ငါးဂို့ ကတာလင်ကဟေ။ 19ကိုယ်တော်ယေရှု နာ "ငင် အဇာရိဂို့ မှီးဟေကလူး ငါဂို့အော်ဂါယာ။ ဘုရားရှင်ယင်လွှဲဂို့ ဟူးဝါးယေ့ မှီးဟေကလူး အငါပါ(လ်)။ 20ပညတ်တော်တရားရက်အင် နင်ချေးပြီးသားဖြစ်ဟေ။ အိမ်ထောင်ရေး အဖောက် ပြန်ပိုပ်(လ်)ကား၊ လူးအကတိုက်ပိုပါ(လ်)က၊ ကူ(ဖ်)ကို့အလာပိုပါ(လ်)ကား၊ အဝှိက်ပိုပါ(လ်)ကား၊ အနူ(ဖ်)ဗား(ဖ်)ရက်အင် ရိုးသေလေးစားပိုကား"ငါ့ကို ငါ့လင်ကဟေ။ 21အိမ်မလူးယေ "ငါနာ မာန်ဆာတတ်ဟိုက်ပင် ပညတ်တော်ဆန်စူရက်အင် လိုက်နာကျင့်ကြံဒက်ဟေ" ငါးဂို့ လျှောက်တင်လင်ကဟေ။ 22အိမ်မဒေလေ လျှောက်တင်ဟေကတတ်ဟေကရပ် ကိုယ်တော်နာ" နင်လုပ်ပိုက ဆူးဝါကျန်တုန်းနိမ့်မက်။ နင်ပိုင်ဆိုင် ဟေကအူဇာစုတ်ရက်အင် အချေကို ဆင်းရဲဟေက လူးရက်အင် လှုဒါန်းယင်။ မဒေလေလုပ်နဲ့က(လ်) နင်နာ ရွှေမြို့တော်ယာ စည်းစိမ်ဥစ္စာလှုလင်ကား။ အိမ်မာနောက်အာ ငါကတပည့်အဖြစ် ငါကအလိုဝါ ယောဝန်"ငါ့ကို ငါ့လင်ကဟေ။ 23အိမ်မား ဂျူးပုရောဟိတ်ပြောင်ကလူးစာ တဗျင်းချမ်းသာကလူး ဖြစ်တုန်းကအကြောင့် ကိုယ်တော်ကတူးယင် တတ်ကရပ် တဗျင်းစိတ်ပျက်ဝမ်းနည်းလင်ကဟေ။ 24အိမ်မလူးက ဝမ်းနည်းတုန်းဟေက ပေါ်ကရပ် ကိုယ်တော်ယေရှုနာ "ချမ်းသာကြွဝဟေကား လူးရက်နာ ဘုရားရှင်သာသနာတော်ဝါ ဆင်ဂါဇီ တဗျင်ခက်ခဲဟေ"။ 25ချမ်းသာကြွယ်ဝလူးဟူးဝါနာ ဘုရားရှင်ကသာသနာတော်ယင် ဆင်လှုကဇိစ်တောင်မဒင့် ကုလားအုတ်တစ်ကောင်နာ အပ်နဖားပေါက် ထဲယာ ဆင်ကဇိစ် ပိုကိုလွယ်ကူလင်ကား"ငါ့ကို ငါ့လင်ကဟေ။ 26အိမ်မတူးယင် တတ်ဟေက လူထုပရိသတ်ရက်အ(လ်) ကိုယ်တော်ယင် "မဒေလေငါနဲ့ အဆာမီကလူးရက် ကယ်တင်ကဟင်းငန်ပို ကယား"ငါ့ကို ကတာလင်ကဟေ။ 27ကိုယ်တော်ယေရှုနာ " လူးရက် အလုပ်လှုကအူဇာရက်အ(လ်) ငါဟေ။ ညီးငါဒင့်ယေ့ ဘုရားရှင်အလုပ်လှုက အူဇာငါ့ကို အငါ့ပါ(လ်)"ငါ့ကို ငါ့လင်ကဟေ။ 28အိမ်မအခါ ပေတရုနာ "ကိုယ်တော်၊ ငါရက်နာ အူဇာစုတ်ရက်အင် မလောက်ကို ကိုယ်တော်ကအလို ဝါ ယောဝန်ကဟုန်း"ငါ့ကို လျှောက်တင်လင်ကဟေ။ 29ကိုယ်တော်ယေရှုနာ "နနိန်ရက်အင် ငါ အမှန်ငါပိုနဲ့က(လ်) ဘုရားရှင်ဂါးသာသနာတော်အတွက် ကိန်း၊ အအိတာ၊ နည်းဆီဖုံနားရက်၊ အနူဗား(ဖ်) ၊ အဆာဆာအိရက်အင် စွန့်လွှတ်ဂါးလူးနာ 30အတတ်ကဘဝယာ ကောင်းကျိူးလှုကို နောင်အနာဂတ် အာယေ့ နိစ္စထာဝရအဆက်အင် လှုလင်ကား အသေချာမယ်ဖြစ်ဟေ"ငါ့ကို ငါ့လင်ကဟေ။ 31ကျီးကအိမ် ကိုယ်တော်နာ သာဝကတစ်ဆယ့်နှစ်ဦးယင် အနားဗန်(ဖ်)ဇိစ်ကို " အတေးယင်ဂီး။ အတတ် ငါရက်နာ ဂျေရုဆလင်မြို့ယာ လင်ဟေကလင်းငါ ထုပ်တုန်းနန်း။ အရိယာသူတော်စင်ရက်နာ လူးသားတော်အိမ်ပတ်သတ်ကို ရေးပီဒက်ကစုတ်ရက်နာ အိမ်မနား ဖြစ်ပျက်ယန်ပိုကဟေ။ 32အမင် တိုင်းတစ်ပါးသားရက်က တာဟူးဝါယာ အက်လင်ကား။ လှောင်ပြောင်လင်ကား၊ အကြမ်းဖက်လင်ကား၊ ဟအိန်းယေ့ထောက်ကဟင်းလင်ပိုကား။ 33အိမ်မှနောက်အာ ပေါက်ကို အဆိန်းကတိုက်လင်ကား။ ညီးင့ဒင့်ယေ့ သုံးမြောက်ကရယက်အာ အဆက်ပြန်ကိုဆိမ်းလင်ကား"ငါ့ကို ငါ့လင်ကဟေ။ 34ညီးင့ဒင့်ယေ့ သာဝကရက်နာ ကိုယ်တော်ငါ့ဟေက တူးအဓိပ္ပာယ်ရက်အင် အမာရက်ကမား အဆေးပီကအတွက် အိမ်မအကြောင်းအရာဆူးဝါယေ့ နားလည်သဘောအပေါက်ပါ(လ်)။ 35မှနောက်အာ ကိုယ်တော်ယေရှုအိမ် တပည့်တော်ရက်နာ ဂျေရိခေါမြို့အနီးယာ ထုပ်ဗာ(ဖ်)က အချိန်ငါ မိတ်ကြည်ဟူးဝါနာ လင်းဘေးယာတုန်းကို စိန်တုန်းလင်ကဟေ။ 36အမှာနာ လူးအုပ်ရက်ဖြတ် ကလင်ဂါ အကြာတတ်ဟေကားအခါ အဆာမှီကအရာရက်အင် ဖြစ်ပျက်တုန်းဟေက ကတာလင်ဂါဟေ။ 37ပရိတ်သတ်တချို့နာ နာဇရက်မြို့ငါဘင်း ကိုယ်တော်ယေရှုကြွဗန်းဂါးငါ့ကို ပြန်းဖြေလင်ဂါဟေ။ 38အိမ်မားခါ အမှာနာ "ဒါဝိဒ်ဂါအဆားယေရှု၊ ငါငင် သနားငန်နက်နိမ့်" ငါးဂို့ ဟော်လင်ကဟေ။ 39အိမ်မာအခါ ကိုယ်တော်ယေရှုအိန်းမက်တာ လင်တုန်းဟေကား လူးရက်နာ အမင် တိတ်ဂိုတုန်းငင့် ငါ့ကို သတိအီနက်ကဟေ။ ဆိုဆော် အမှာနာ "ဒါဝိဒ်ဂါးအဆားယေရူ၊ ငင်သနားငန်နက်နိမ့်" ငါဂို့ ပိုမို ကျယ်လောင်စွာ ဟော်လင်ဂဟေ။ 40အိမ်မအခါ ကိုယ်တော်ယေရှုနာ ရပ်တန့်နက်ကို အိမ်မားလူးရက် အင် အပါနာကမားအော်လားကတ်ကဇီစ် လူးအချို့ယင် အမိန့်အီလင်ကဟေ။ ကိုယ်တော်ယေရှုဂါမား အိမ်မားလူးရက်ထုန်ဗာ(ဖ်)ဟေကခါ။ 41ကိုယ်တော်ယေရှုနာ "နင်ဂါအတွက် အဇာလိစ်အီးပိုကယား" ငါးဂို့ ကတာလင်ကရပ် အိမ်မလူးနာ "ကိုယ်တော်၊ ငါအမိတ်ပိုနက်ကက်ဟေ" ငါးဂို့ လျှောက်တင် လင်ဟေ။ 42ကိုယ်တော်ယေရှုယေ့ "အမိတ်ပြန့်ကိုပိုလင်ပါစေ။ နင်ဂါယုံကြည်ချက်နာ နင်ငင် ကျန်းမာဇီစ်ယင်နန်း" ငါးဂို့ ငှားလင်ကဟေ။ 43အမှာနာ ချက်ချင်း အမိတ်ပြန်းပိုကို ဘုရားရှင်ဂါး ဂုဏ်တော်ငင် ချီးမွမ်းကို ကိုယ်တော်ယေရူက အလိုဝါယောလင်ကဟေ။ မှအဖြစ်ပျက်အင်ပိုဟေက လူထုပရိသတ်ရက်အ(လ်) ဘုရားရှင်ဂါးဂုဏ်တော်ငင် ချီးမွမ်းလင်ကဟေ။
Currently Selected:
Luke 18: ttpv-rv
Highlight
Share
Copy
Want to have your highlights saved across all your devices? Sign up or sign in
This translation of the Thet Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
