Luke 23
23
1ဘာသာရေးခေါင်းဆောင်ငဲ့လော့၊ ကိုယ်တော်ယေရှုဝါ ပိလတ် ဘုရင်ခံငှာ ယနိထို့ဝတ်။ 2“နီချောင်ငဟော့ ချောင်ငဲ့ငါ အခွန်ပိတ်ငှားအုံသိမ် ဆူအုံ အလှို့ဆော်။ အနီကြောင်း ငိုယမမ်းအလော့ ယနိစိအိနော။ အနီပြင်နာ နီချောင်လော့ ယလုန်တကနိ ရှန်ပလာန်း ‘မေရှိယ’ သိမ်အဟောက် အောက်” သိမ်ဘာသာရေးခေါင်းဆောင်လင်နဲ့လော့ ပိလတ် ဘုရင်ခံငှာယနိတိုင်။ 3ပိလတ်ဘုရင်ခံလော့ ကိုယ်တော်ယေရှုဝါ “နောင်ငဟော့ ယုဒ ဗုန်းငဲ့ ဘုရင်နဆိတ်မိုး” သိမ်အ ဟောက်။ “နောင်နဟောက်ဝဟော့ ပေါလ်ဝဟော့ နောင်းပေါလ်နော” သိမ်ကိုယ်တော်လော့ အဖြေ ဘော်။ 4ပိလတ်လော့ ပုရောဟိတ်ကဲ့လော့ ချောင်မနဲပေါတ်သိုဟေလော့သဲ့ “ယဝါအပြစ်မွက်ရ’’ သိမ်ကေ့ ကမှု” သိမ်အဟောက်။ 5ယနိအားလုံးလော့ “နီချောင်ဟော့ ဂါလိလဲ အရပ်တာဟော့ နီယာဖိုးအုံ ယုဒပြည်အုဝတ် လုံးငါ ဟောပြောလော့ သဲ့ ပြည်သူလူထုဝဲ လုန်းလာန်းအာန်အုံ လှုံဆော်ဟောချောင်အဖြစ်” သိမ်ထော့အလို့ ယနိဟောက်။ 6အဲ့လှောက်ကာ ယနိဟောက်ဝဟော့ ပိလတ်ဘုရင်ခံလော့ အရောက်ပိစ “နီချောင်ငဟော့ ဂါလိလဲ ဒေသဝါ လော့ အလူးနောမိုး” သိမ်အခက်တို့။ 7ဂါလိလဲပြည်ယဟော့ ဘုရင်ဟေရုဒ်၏ လက်အောက်ခံနယ်မြေအဖြစ်။ နီကြောင်းငို ကိုယ်တော် ဝဟော့ ရှန်ပလာန်းဟေရုဒ် အမွက်ဒွန်း ယေရုရှလင်မြို့တော်ဝါအထို့။ 8ယဝဟော့ ကိုယ်တော်ယေရှုအကြောင်းငဲ့ရောက်လော့သဲ့ ယဟော့မအံ့ဩဒုန်းငဲ့မှု ဖူးဒူဟော့ချောင် အဖြစ်။ ရှန်ပလာန်းဟေရုဒ်လော့ ကိုယ်တော်ယေရှုအခွန်း အွမ်ဒူဝဟော့ အကြာဟီကြောင်းငို ကိုယ် တော်အမှုပိဇ ကီးကယ် ဝမ်းအသာလှိုင်း။ 9ဟေရုဒ် ရှန်ပလာန်းလော့ ကိုယ်တော်ဝါ မေးခွန်းမနဲစက်လော့ဟော ကိုယ်တော်လော့ဖြေယ။ 10အနီပိလော့ ဘာသာရေးခေါင်းဆောင်ငဲ့လော့ မောရှကျမ်း ဟယ်ဟော့ချောင်ငဲ့လော ယားအလို့သဲ့ ကိုယ်တော် ဝါ အမျိုးမျိုးအစွပ်စွဲဗုန်းငို ပြင်းပြင်းထန်ထန်ယနိစွပ်စွဲ။ 11ဟေရုဒ်ရှန်ပလာန်းလော့ ယရဲမက်သဲ့လော့ ကိုယ်တော်ဝါလှောင်အလို့သဲ့ နွိနောက်။ ယနိလော့ ကိုယ်တော်ဝါ တင့်တယ်လော့ လွယ်အွယ်ဟော့ ဝတ်ရုံအုထော် ရှို့အိုလျှောက်အလို့သဲ့ ပိလတ် ဘုရင်ခံ နာယနိတို့။ 12အဲနီနှုတ်တနော ဟေရုဒ်ရှန်ပလာန်းလော့ ပိလတ်ဘုရင်ခံနဲ့ယဟော့ ရန်ဖက်သဲ့ ဆိတ်အလော့ဟော မိတ်ဆွေ ရဲ့ယာ ယနိဖိုးနောက်သို့။ 13ပိလတ်ဘုရင်ခံဟော့ ယုဒ ဘာသာရေးခေါင်းဆောင်လင်နဲ့၊ ယုဒအမျိုးသား ခေါင်းဆောင်လော့ ချောင်ငဲ့ဆင်လော့ အဘိက်အိပ်။ 14အနီပုန်ပိ ပိလတ်ဘုရင်ခံလော့ “နီချောင်ငဟော့ တိုင်းပြည်ဆူအုံးလှုံဆော်ဟော့ချောင်၊ သိမ်ဟောက် လော့သဲ့ နောင်နိကေ့ ငှာ နောင်နိတို့လူး။ ဆိတ်လော့ဟော နောင်နိရှေ့ယာပ ယဝါစစ်ပေါန်ဟီ။ နောင် နိလော့ နောင်နိဟောက်လျှောက်ကာ အပြစ်သဲ့ အကူး အလွန်နဟော့ ခွန်းလအဟူး။ 15ဟေရုဒ်ရှန်မလာန်းလော့ဟော့ ယဝါ ငါ့ငှာပြန်လော့ အထို့ဘော်။ နီချောင်လော့ဟော သေဒဏ် ပိတ်ခုအုံအပြစ် အကျူးလွန်နဟော့ မွက်ရ။ 16နီကြောင်းငို ယဝါ။ 17ကြိမ်ဒဏ် ပိတ်လော့ ကလှို့ဝိုင်”။ 18ရှိတ်လော့ဟော့ ချောင်အားလုံးလော့ နီချောင်သုတ်သလော့သဲ့ ‘ဗာရဗ္ဗ’ အလှို့ပိတ်ကဲ့ သိမ်ဟန်အာန် အလိုသဲ့ ယနိတောင်းဆို။ 19ချောင်သုတ်ဟော့ အမှုဝဲလော့ ရာဇဝတ်မှုဝဲ့ ကျူးလွန်ဟော့ချောင် ‘ဗာရဗ္ဗ’ ဝဟော တိုဝါ ထုံဒိတ်ကာ အပြစ်ခွန်းအွမ်လာ့။ 20ပိလတ်ဘုရင်ခံလော့ ကိုယ်တော်ယေရှုဝါ အလှို့ပိတ်ဝိုင်ကြောင်း ငိုချောင်ငဲ့ယာ နောက်ထပ်ပတ် တောက် ပြန်လော့အခက်ဘော်။ 21နီကြောင်းငိုချောင်ငဲ့လော့ “ယဝဟော့ လက်ဝါးကပ်တိုင် ငါးတောင်သလော့ သုတ်ထွေ” သိမ်ဆက် အလော့ ယနိတောင်းဆိုအိုအလော့ ယနိအွမ်း။ 22အနီပိဇ် ပိလတ်ဘုရင်ခံလော့ “ယလော့ ပိဘောင်းပြစ်မှုဝဲ့အကျူးလွန်ကြောင်းငိုဝိုး” သိမ်တတိယ အကြိမ် ထောက်လော့ အစက်။ “ယဝါ သေဒဏ်ပိတ်ခုအုံ အပြစ်ရွှီဟလော့ လအဟူ။ ကေ့ ယဝါ ကြိမ်ဒဏ် ငဝှေ့ဟလော့ ကလှို့ဝိုင်” သိမ်အဟောက်။ 23ချောင်ပရိတ်သတ်သဲ့လော့ဟော ကိုယ်တော်ယေရှုဝါ သေဒဏ်ပိတ်တိုင်းတွက်နော၊ အလုတ်လုတ် ကား ယနိပါန်အာန်။ 24နောက်ဆုံး ငါ ပိလတ်ဘုရင်ခံဟော့ လက်လျော့လာ့လော့သဲ့။ 25ယလော့ ရာဇဝတ်သား ‘ဗာရဗ္ဗ’ အလှို့ပိတ်လာ့။ ပိုင်ကြောင်းငိုဝေါနပါချောင် ပရိတ်သတ်သဲ့လော့ အနီချောင်လှို့ ရှောက်ဟူးကြောင်းငိုအဖြစ်။ ပိလတ်ဘုရင်ခံလော့ဟော ကိုယ်တော်ယေရှုဝါ သေဒဏ် ပိတ် ရှောက်ငှူး ဟော့ချောင် ခေါင်းဆောင်ငဲ့လော့၊ ယနိလော့ဆန္ဒယနိမွက်လျှောက်က အစိုင်းအရိုင်း တွက် အအွပ်သို့။ 26ကိုယ်တော် ယနိစိအိတွန်းနာရဲမက်တစ်ချို့လော့ ကုရေနေအရပ်သာဟော့ရှိ မုန်သိမ်ဟောက် ဟော့ ချောင်ငါ လက်ဝါးကပ်တိုင်ကို ဝိုင်တွက် အဓမ္မအတို့။ ယဝဟော့ လိုင်ယာဟော့အပြန်လူးနော ဆိတ် လော့ဟော လက်ဝါးကပ်တိုင်ကို့ရှောက်အလိုသဲ့ ကိုယ်တော်ဟွေးတူ အတွန်းအွမ်ရှောက်။ 27ချောင်ငဲ့ဟော အနှိုးပါတ်ထု ယနိတွန်းအွမ်။ နှတိုးနူးဝဲ ကိုယ်တော်အတွက် ယနိက။ 28ကိုယ်တော်လော့ နှတိုးနူးဝဲ့ယာ “ယေရှုရှလင်နဟော့ နှတိုးဝဲ့ယော၊ ကိုယ်တော်အတောက်က ဝိုင်သို့။ နောင်နိ အတွက်လော့ နောင်နိစိုးအတွက်နော့ကဘွေ့တို့။” 29နှုတ်တော့ဒွန်းနိ “အစိုးနောင်မွက်ငှားဟော့ နှတိုးဝဲ့ယဟော့ကီးကယ်ကံယနိမွယ်” သိမ်ယနိဟောက် ဝိုင်။<br> 30အနီကာလဝါ ချောင်ငဲ့လော့ ယနိအပေါ်ဝါ တုံငဲ့ပြိုဆီးတွေ၊ တုံငဲ့ယဟော့ ယနိယာ ဖုန်းကွယ်ဆီးတွေ သိမ်ယနိဟောက်ဝိုင်။ 31ထိန်းငဲ့ ယနိဟိုင်တွန်းနာပ နီလျှောက်ကာ အဖြစ်ကနို ထိန်းငဲ့အဒူမာက်ကနိုဘောင်းခါ အဖြစ်သိုင်သိမ် ခင်စုပ်ကဲ့သို့ သိမ်အဟောက်။ 32အရာရာဇဝတ်သားပေန်းဟိယဟော့ကိုယ်တော်ဝိုအတွက်တူဝါ အဘိက်အိပ်လူး။ 33ဦးခေါင်းခွံသိမ်အမိန်မွက်ဟော့ တုံကုန်းအပုဝါ ဖိုးပိဇကိုယ်တော်ဝါကားစင်ပုဝါ တောင်အလို့သဲ့ သံမှိုဝိုယနိဟွေ့။ ကိုယ်တော်ဝိုဖောဝတ်စီယာဟော ရာဇဝတ်သားပေန်းဟိဟော ကားစင်နာတောင် အလို့သဲ့ သံမှိုဝိုယနိဟွေ့။ 34“ပအောင်ဘုရား နီချောင်ငဲ့ခွင့်လှို့ဘွေ့။ ယနိလော့ ယနိလုန်တဘောင်ငဲ့ ယနိစိုင်းသိမ်မှတ်အမ်သအို့” သိမ်အခုတောင်းအောင်။ 35အစောင့်ရဲမက်သဲ့လော့ ကိုယ်တော်ဝတ်ရုံငဟော့ လောင်းအောင်အလို့ ယနိဖိုင့်အိုင်။ ခေါင်းဆောင် ငဲ့လော့၊ “နီချောင်ငဟော့အရာချောင်ငဲ့ ကယ်တင်လော့ သဲ့ဘုရားလော့ အရွေးချယ်ယဟော့ ‘မေရှိယ’ အဆိတ်ကနိူ ယလုန်တ အကယ်အယ်ရိုင်း” သိမ်ယနိဟောက်။ 36ရဲမက်သဲ့လော့ ကိုယ်တော်ဝါ လှောင်ပြောင်အလို့သဲ့ ဝိုင်နယနိလူးမိ။ 37“နောင်ဟော့ ယုဒချောင်မျိုးဟော့ ဘုရင်ခံမှန်ဟနိုး နောင်းလုံသနောင်းကယ်စာင်ဘွေ့ အဟောက်။ 38‘ယုဒဘုရင်’ သိမ်ကမ္ဗည်း အရေးထိုးထားဟောက် ဆိုင်းဘုတ်ဟော့ ကိုယ်တော်လော့ ခေါင်းပေါ် အာချိတ် လော့တဲ့ အဝသာက်။ 39အစိမ်အာရာဇဝတ်ဟော့စိုးပရောက်လော့၊ “နောင်းဟော့ ‘မေရှိယ’ သိမ်ဟောက်အာနောင်း လုံသ နောင်ကယ်တင်ဘွေ့။ ကေ့ နိုဟော့ အကယ်ပေါ့” သိမ်စောင့်လာတဲ့ အဟောက်ပိတ်။ 40နောက်ရာဇဝတ်သား ယရောက်ပေါယောက်ဟေ့ “နောင်းဟော့ ယလော့ အာပြစ်ဒဏ်စီရင်ခံလဟော့ နဖြစ်ပါလျှက် ဘုရားရှင်ဟော့ ကျေ့အသိကြောင့် အိမိုး” သိမ်အစက်။ 41“ကျေ့နိအာ အပြစ်စရိုက်ကမှိဟော့ အပြစ်ဒဏ်အခေါင်းလဟော့သည် အထိုက်အတန်။ ဆိတ်လော့ ဟော နိအရှင်အာမောင်းအပြစ်ဟော့၊ ကျူးလွန်ဟော့ မဟော့ အ” သိမ်နိရာဇဝတ်သားလော့အ ဟောက်။ 42ပြီးစလော့ ယလော့ဟောက်လော့ “နောင်ဟော့ ဘုန်းတန်ခိုးတော် အိုအုပ်စိုးဟာနိးကျေ့ဟော သတိ အလပေါ့” သိမ်အဟောက်ဟော့။ 43ဟောနိပြီစလော့ ကိုယ်တော်ယေရှုလော့ တစ်နှစ်ပေါင်ဟနိးကျေ့ဟူးအတူ ‘ပရဒိသု’ ဘုံအာနောင် နဖိုးလူးဝဲ” သိမ်ကတိအပိတ်ဟော့။ 44အနုတ်လောင်းအချိန်အာဝန်းကျင်မှစလော့ ခနီမူဝေါလ်လှာယ်အုံအထိ အာကာဟော့ မဲမှောင်မိုတ်။ 45ခနီဟော့ ခနီရောင်ခြည်ဟော့ ငှားတစ်အုံအအုံး။ ဗိမာန်တော်အာဟော့၊ ကန့်လန့်ကာကြီးဟော့ နှစ်ခြမ်း အာအပ်တော့။ 46“ပအော်ဘုရား အကုတ်ဒိတ်အာ ဟာနိုးအစိုးအာ အအောက်ဟော့” ဟော့ ဟော ကိုယ်တော်အတိုင်း ဟော့ အလုပက်လွတ်အာအဆုလှာယ်။ 47နိအသံဒိုက်ပြီစလော့ချက်ချင်းကိုယ်တော်ဟော့ အဆောက်ဗေက့စွန့်တော်အမူတော့။ နိအဖြစ်ဟော မူ့ဟော ချောင်ရေဦမရှိရာရှိလော့ ဘုရားဂုဏ်တော်အပေါင်းဟော့ အချီးမွမ်းလှယ်၊ ကိုယ်တော် ယေရှုဟော့၊ သူတော်ကောင်း အဆိတ်သိမ်အဟောက်လှာယ်။ 48ချောင်ထုပရိတ်သတ်လော့ နိဒုက္ခဝေဒနာဟော့ ခေါင်းလဟော့ အနိဌာရုံမြင်ကွင်းဟော့ ယနိတိမ်းငယ် တိမ် ယနိဖိုးပြီးစလော့ ယနိဟော ကိုယ်တော်ဟော အပြစ်အဟောမူအလော့တဲ့ ရင်ကွဲလုမတတ် ဝမ်း နည်းအလော့ ယနိပူဆွဲလအလောက်တဲ့ ယနိအင်းဟိုးအာယနိပြန်။ 49အားလုံးဟော့ ကိုယ်တော်ယေရှုလော့, မိုးဆိုအပေါင်းဟော့ ဆွေမျိုးဝဲ့၊ ဂါလိလဲဟော အလူးပိဟော့ နတိုးနူးဟော့၊ အာလှိုးဝါကြဆုလော့ရဗ်အလော့တဲ့ ယနိတိုင်းဟော့။ 50ယုဒပြည်အရိမဿဲအရပ်အဟော့ ယောသပ်တိမ်ဟော့ဟောက် ရိုးသားဟော့ချောင်ပရောဇ် အဖြစ် လော့တဲ့ ယုဒဘာသာရေးအဖွဲ့ အဖွဲ့ဝင်ပရောက်အဖြစ်။ 51နိထောက်အာ ကမ္ဘာအာ ဘုရားဘာသာ အဆိုးလူးဟနိး၊ ကိကယ်အလိုဟောက်ချောင် အဟောအဖြစ်၊ ကိုယ်တော်လော့၊ သေဒဏ်ချမှတ်စွာလော့ တစ်သောထူဟအ။ 52ယဟော့ ကိုယ်တော်အလောင်းဟော့ သဂြိုလ်ဝဲ့တောက် ပိလတ်ဘုရင်ငွါစိလော့တဲ့ အတုန်အုံ။ 53ကိုယ်တော်ဟော့ လက်ဝါးကပ်တိုင်အာဟော့ ဒိတ်အာချောက်လော့တဲ့ အပေါ့ ဟောပိတ်အို ပတ်တော့ ဆမော်။ လုံးသောက်အလင်း၊ အုဝေတ်စဟော ထွင်းဟော့ သင်္ချိုင်းဂူအထာဒိက်အအလောင်းထဲ့ လော့တဲ ့ပေါအာ သဂြိုလ်ဟောက်။ 54ဟောနိနုအာ သောကြာနတ်ဖြစ်လော့တဲ့ ဥပုသ်နုတ်ဟောအနီးကပ်ဟော အချိန်အဖြစ်။ 55ဂါလိလဲဟော ကိုယ်တော်ဝေါ့ဟိအတူ ယနိလူးပို့ဟောနတိုးနူးများဟော့ လူးအလောတဲ့၊ ယနိတိုင်း လူးပြီး စလော့တဲ့ကိုယ်တော်သဂြိုလ်ဟော့သင်္ချိုင်းဂူဟော့ အလောင်းတော်ဟော့ပခါ အသောက် သိမ်ယနိမူလ။ 56ပြီးစလော့ယနိဟော့ အင်းနာပြန်အလော့တဲ့ ကိုယ်တော်ဟော့ယနိပူဇော်ဝဲသိမ် ဆီမွှေးလော့ နံ့သာဟော့ အသင့်ပြင်ဆင်တော့။ ဆိတ်လော့ဟော ယနိဟော့ မောရှေပညတ်ကျမ်း အာအဖော်ပြ တိုင်းဥပုသ်နေ့အို ယနိဒုံ့သော့။
Currently Selected:
Luke 23: ctpv-rv
Highlight
Share
Copy
Want to have your highlights saved across all your devices? Sign up or sign in
This translation of the Chin-Ekai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
