YouVersion Logo
Search Icon

Ubwandilo 23

23
Ubufwe ubwa Sala
1U Sala akafwa bo ali na amaka 127. 2Akafwila mukaya aka Hebuloni muchisu icha Kenani, sona u Abulahamu akamulila u Sala.
3U Abulahamu akaghuleka umuvimba uwa muchi wache nukubuka pakunena naba Hiti ukuti, 4#Heb. 11.9, 13; Imbo. 7.16“Mwebaya mwee, ane ne muyeni muchisu chinyu ichi. Mungulizikizye ubuzilo ukuti bubanje lipumpa umwakuti insyilepo umuchi wane.”
5Aba Hiti bakamwamula bakati, 6“Wee mwene, ivwa kuno awe we mwene uwamaka nkani pakasi papitu. Kamusyile mwipumpa ilyiza nkani mumapumpa ghitu ghagho wasala wemwenecho. Nayumo umuntu pakasi papitu yuyo angakwima ipumpa ilyakuti umusyile umuchi wako.”
7Po u Abulahamu akanyamuka nukubika umuchizi pamaso papabo 8nukuti, “Nanti naloli mukunyitikizya ukuti insyile umuchi wane kuno, nalamba mundabileko u Efuloni umwana uwa Zohala 9ukuti angulizikizye impako iya Makipela yiyo yili mumpaka iya mughunda wache. Mundabileko ukuti angulizikizye pamaso papinyu pamutengo uwakuyana ni mpako yila, umwakuti ubuzilo bula bubanje mapumpa aghane na ghane.”
10U Efuloni akikala palapala palukomano poka naba Hiti abamwabo pamulyango uwa lupaso uwa kaya kala. Po akamula pabuzelu pamaso pabantu bosi bala akati, 11“Wee mwene, nkwiza pakukupa umughunda ghosi poka ni mpako yiyo yili mulamula. Nkwiza pakukupa umwakuti umusyilemo umuchi wako.”
12Loli u Abulahamu akafughamila pamaso pabantu bosi bala, 13nukumubuzya u Efuloni ukuti, “Nalamba unteghelezye, nkwiza pakughula umughunda ghosi. Pokela indalama izya mutengo uwakuyana nu mughunda ghula umwakuti imusyilemo umuchi wane mulamula.”
14U Efuloni akamwamula u Abulahamu akati, 15“Wee Mwene wane ivwa kuno, umughunda ghula umutengo wache zyo salabazya izya siliva 400. Aka kantu akanandi bulo pakasi papako nane. Kamusyile umuchi wako” 16Po u Abulahamu akitika pakulipila pamaso pabantu bosi isalabazya izya siliva 400, ukuyana ni ndalama zizyo abaghulizi bakabombezya.
17Umu momumo u Abulahamu akaghulila umughunda uwa Efuloni, poka ni mpako iya Makipela, kubufumilo bwizuba ubwa Mamule, sona na makwi ghosi ghagho ghakaba mulamula mupaka kumpaka iya mughunda ghula. 18Aba Hiti bosi babo bakabapo palukomano lula bakaba bo bakaboni ukuti u Abulahamu akaghula umughunda uwa Efuloni. 19Pisinda pa zinizi, u Abulahamu akamusyila umuchi wache u Sala mumpako iya Makipela kubufumilo bwizuba ubwa Mamule (kokuti Hebuloni) muchisu icha Kenani. 20Umughunda ni mpako vivyo pakwanda vikaba vya ba Hiti, bakamupa u Abulahamu pakuba mapumpa aghache na ghache.

Currently Selected:

Ubwandilo 23: LMB2024

Highlight

Share

Copy

None

Want to have your highlights saved across all your devices? Sign up or sign in