Jaan 7

Jesua ‑wlajülü 'nyɩ toroa' 'ɔɔn plɛ

Jaan 5.44; Jaan 15.18-19; Matiö 10.16

1'Ia 'fɩɔ ‑sia' nɩ, Galileea ‑tʋtʋ ‑gälɩ Jesu ‑piie. ‑Bɛ juifënyüü 'bataa' 'ɔa 'bablakʋ nɩ, 'ia ‑gʋ 'ɔnyɩ 'bata Judeea mimikʋ ‑a. 2Juifëa ‑tetua ‑glɩsɩglɩsɩa 'taɩn 'cicrea' ‑wälɩ nɩ#7.2 'Ia ‑glɩsɩglɩsɩlɛ ma jrälɩ nɩ, Jerusalɛɛmë 'ü mö Nyɔsʋa 'trɛɛ, papladiili 'wʋa' 'lɩmlɩ 'ia ‑gʋ, ‑bɛ 'sɩrɩ Nyɔsʋa nʋa' 'ɔ 'jäa' Israɛɛlëa nyatɛrɩ 'ü bä käa' ‑aaga 'lɩ (Levitiikë 23.33-43; Deteronɔɔmë 16.13-15; Sakarii 14.16-19). 'Ia 'fɩɔlʋ 'ü ma nëmä 'ii nʋ nɩ, ‑tetu ‑wälɩ 'ü kʋä jrüü ‑uunsɔɔ, 'sɩrɩ 'üa tʋɩɩ nʋ käa'. ‑Glɩsɩglɩsɩlɛ ‑sööö jrüü ‑uunsɔɔ., 3'ɔa ‑wlajü nya ‑gbala 'ɔɔn: «‑Sɔ ‑tɛ, mi Judee, ‑na 'wʋnyɛrɛnyüü 'mä bɩa ‑na 'jrʋpa 'jä. 4Nyɔɔ 'daaa' 'ümä 'ɔa ‑gä 'pa nɩ, ‑mää 'ɔɔn 'nyɩ ‑sisie. I ‑nöa' nɩ, ‑na 'mʋgbɛ, ‑mɔ ‑a ‑srara ‑na nyufa nyüü 'klɩ.» 5'Be 'ɔa ‑wlajüa 'mʋgbɛ 'nyɩ toro bɩa 'ɔɔn plɛ ‑a. 6Jesu nya ‑gbala 'üün: «'Mɔɔlɔ nɩ, 'na ni 'taɩn ‑kaaŋlʋ 'lɩjrä, ‑maa 'ana 'taɩn 'lɩ a bä 'plɔʋplɔʋ. 7'Plä 'nyɩ 'lɩ ‑a bɩa ä jrara 'amɩ 'nyüa 'mlɩ; 'mɔɔlɔ nɩ, 'ä jrara 'mɩ 'nyüa 'mlɩ, dɛɛlɛ kä ‑gʋ 'n 'daaa' 'äa nʋnʋgbi bʋbɔ#7.7 Jaan 15.19. 8'Amɔlɔ nɩ, 'ba mi ‑glɩsɩglɩsɩ 'lɩ, ‑maa 'mɔɔlɔ nɩ, 'na 'taɩn ‑kaaŋlʋ 'lɩjrä; 'n ‑kanyɩ ji 'lɩ ‑a#7.8 'n ‑kanyɩ ji 'lɩ ‑a: Grɛɛkë ‑kätɩpɔɔkɩ ‑mɩdooa 'mlɩ 'ii ‑jɩjra: 'n ‑kaaŋlʋ mi..» 9'Ɔ nʋa' ‑plɩɩ 'saa 'ɔ ‑gbalaa' 'üün nɩ, 'ɔnya tɩɔ Galilee.

Wiili Jesu 'kpɩaa' ‑tetua ‑glɩsɩglɩsɩ 'lɩ

Lukë 2.34; Jaan 3.34; 5.5-18; Rɔmënyüü 2.17-23; Jaan 8.19-24

10Jesua ‑wlajü mia' ‑glɩsɩglɩsɩ 'lɩ nɩ, 'ɔnya mi 'lɩ bɩa, ‑maa 'ɔ ‑sisie. 11'Ü 'jää ‑glɩsɩglɩsɩ, ‑bɛ juifë 'bata 'ɔɔn: «‑A 'plɛɛ 'ɔ bä le?» 12'Ɔa ‑gä 'ü ‑toplo 'lɩ ‑jria 'lɩ. ‑Mölöö nö: «'Cɩcanyɔɔ 'ɔ bä» ‑bɛ ‑mölöö nö: «‑Gbagblɛ; nyüü 'ɔ 'baa 'nyʋfɔ 'wʋ.» 13Juifëa ‑gʋ ŋalɛ 'blaa 'üün; nyɔɔ 'nyɩ 'wlalɩkä 'ɔnyɩ 'pa 'ɔa ‑gä ‑a. 14‑Glɩsɩglɩsɩ 'mä 'lɩ mümlökalɩ mi nɩ, Jesu nya pa Nyɔsʋaanyuku kpaku ‑wälɩ ‑bɛ 'ɔ 'kpɩa. 15'I kala juifënyüü plɛklɩ, 'ü ‑nëma: «‑Asɩ 'ɔ nʋ ‑bɛ 'ɔ jre nyɔsʋapɔɔkʋa 'mlɩa wii le? 'Ɔɔlɔ 'nyɩa' 'ia ‑suku pa#7.15 Juifëa ‑nyɛɛ nɩ, nyɔɔ ma nëmä 'kpɩa nɩ, Rabiia ‑gba 'ɔ 'kpɩa, 'fɩɔwʋ 'kä 'ɔ 'kpɩa. ‑Bɛ nyɔɔ 'nyɩa' 'ia ‑suku pa nɩ, 'ɔnyɩ kä ‑kä 'ɔmä nyɔɔ 'kpɩa..» 16Jesu nya ‑gbala 'üün: «'Na 'kpɩkpɩakʋ 'nyɩ 'na bobowlia 'jrʋpa ‑a bä, ‑maa nyɔɔlɔ blɔa' 'mɩ 'ɔa bobowli bäsaa. 17Nyɔɔlɔ 'bataa' Nyɔsʋaa mlɩa wiia 'lɩträäräkʋ nya 'iin jrea 'na 'kpɩkpɩakʋ ma sɔ Nyɔsʋaa ‑nyɛɛ, 'aiɛ ima 'daa 'na 'mʋgbɛa bobowli. 18Nyɔɔlɔ kä 'mlɔɔ 'palaa' 'ɔa 'mʋgbɛa 'nyrɩklɩ wii nɩ, 'ɔa 'mʋgbɛa 'bʋalakʋ 'ɔ 'bata. ‑Maa ‑mɔlɔ 'bataa' nyɔɔlɔ blɔa' 'ɔɔn 'ɔa 'bʋalakʋ nɩ, 'ɔɔ 'saalɩ 'cɩcasa, ‑gbagblɛ 'nyɩ 'ɔa 'lɩsawiia 'mlɩ ‑a bä. 19Moisë 'nyɩ 'amɩ ‑dɔa ‑pɔɔkʋ ‑a ‑nyɩ? ‑Bɛ 'asɩɛ 'ana nyɔɔ 'doo 'nyɩ ‑träärälɩ 'uun ‑a. Dɛplɛɛ kä ‑gʋ 'a 'bata 'na 'bablakʋ le?» 20'Iibäa' ‑jria nɩ: «Domoo bä ‑mɩ 'lɩ ‑ale? Nyɔɔ 'plɛɛ 'daa 'ɔmä ‑mɩ 'bla le?» 21'Iibäa' Jesu nɩ: «Dii jielɩ 'n nʋa' ‑plɩɩ 'i kala 'amɩ plɛklɩ#7.21 Jaan 5.1-8.! 22Moisëlɔ 'kpɩaa' 'amɩ 'böbökʋ nɩ, ‑mää 'ɔɔn ‑tɛɛ 'nyɩ 'iin ja, tʋɩɩ ja 'iin, ‑bɛ 'a 'böö nyüü ‑fʋflʋpasrɩ 'lɩ 'e! 23'Ama 'bö nyɔɔ ‑fʋflʋpasrɩ 'lɩ, 'kä 'a ‑pɩ ‑dɔlʋ Moisë jaa' wala nɩ, dɛplɛɛ kä ‑gʋ 'a 'paa 'na 'crɛ 'mlɩ, nyɔɔlɔ kä 'fɩɔ 'n 'pʋɔa' ‑fʋflʋpasrɩ 'lɩ, 'ɔa ‑gʋ le? 24'Anyɩ tɛ nyüü 'klɩ 'anyɩ 'bö 'üün ‑gä ‑gälɩ, 'sɩrɩ 'cɩcasa bäa' 'asɩ 'ba 'bö ‑gä.»

Jesu bä 'kasa 'Kriisë?

25Jerusalɛɛmëa nyüü 'doorodoo nö ‑maa: «‑Mää ‑mɔlɔ 'ü 'bataa' 'ümäa' 'bla, ‑mää 'ɔɔn ‑a? 26'Ɔɔ bä ‑tɛ ‑jria 'klɩ ɔ 'paa wii, ‑bɛ 'ünyɩ cɛ mɛ! ‑Ale ana 'wliklɩa nyüü 'a 'nyie 'kasa 'ɔɔ bä 'Kriisë? 27‑Bɛ ‑mɔlɔ kʋa' ‑pɩ a jre 'ɔa 'käkolofa ‑o; ‑maa 'Kriisë ma ji ‑srɩɩ, nyɔɔ ‑nëmä 'ɔa sɔfa ‑a jre.» 28Jesu 'kpɩaraa' Nyɔsʋaanyuku kpaku ‑wälɩ nɩ, 'ɔnya nyra: «'A jre 'mɩ, 'anya jre 'na sɔrɔfa nɩ? 'Na 'mʋgbɛ 'nyɩ 'wʋ ‑a sɔ 'nyɩ ji ‑a ji. Nyɔɔlɔ blɔa' 'mɩ, 'ɔ bä plɛtoronyɔɔ, ‑maa 'anyɩ 'ɔɔn jre ‑a jre. 29'Mɔɔlɔ nɩ, 'n jre 'ɔɔn, 'ɔa ‑nyɛɛ 'n sɔ, ‑bɛ 'ɔɔ blɔ 'mɩ.» 30'Ia ‑gʋ 'ü 'bata ɩ 'ümä 'ɔɔn 'kpla, ‑maa nyɔɔ 'nyɩ 'ɔɔn ‑gba ‑a ‑fɛ; 'ɔa 'taɩn ‑kaaŋlʋ 'lɩjrä. 31‑Jrialɩanyüü 'kɔkɔmlɛ toro 'ɔɔn plɛ. 'Ü 'bete 'üa nyüfë: «'Taɩn 'lɩ 'Kriisëlɔ 'mäa' ‑srɩɩ ji, 'kä 'ɔa në ‑saragbia tielë nya ‑srɩɩ nyɔɔlɔ kʋa' ‑pɩa ni 'wʋsi ‑ale?» 32Farisinyüü 'nua' 'iin 'wli ‑jria ‑tɔrʋpɩɔ nɩ, 'ia ‑gʋ 'ünya nyra ‑gbɔsapɛrɩnyüü kpakü blɔ 'ɔɔn nyɔsʋaanyükölia 'sʋgɩa dɛrɩ 'ümä 'ɔɔn 'kpla. 33Jesu ‑nëma: «'N ‑ka ‑sööö 'amɩ jrüü jie ‑gba, ‑bɛ 'mä nyɔɔlɔ blɔa' 'mɩ 'ɔa ‑nyɛɛ mi. 34'Anya 'mɩ 'bataa, ‑maa 'a ‑nëmä 'mɩ ‑a 'jä, ‑bɛ ‑plɩɩlɩ 'nëmäa' bä nɩ, 'anyɩ 'lɩ ‑a bɩa 'amä 'lɩ ji.» 35'Ɔ ‑gbaa' 'saa nɩ, juifëa 'kpɔ 'paa wii ɔ: «‑A 'plɛɛ 'ɔmä mi ‑bɛ a ‑nëmä 'ɔɔn 'jä le? ‑Ale juifë ‑mülü mia' grɛɛkënyüüa ‑tɔrʋpɩɔ 'ɔmä mi 'ɔmä 'üün#7.35 'üün: 'A juifënyüülü mia' 'plä ‑mölöö ‑gälɩ kʋ, 'aiɛ 'ünyɩa' juifë bä. 'kpɩaa? 36Wii 'plɛɛ bä: ‹'Anya 'mɩ 'bataa, ‑maa 'a ‑nëmä 'mɩ ‑a 'jä le, ‑bɛ ‑plɩɩlɩ 'nëmäa' bä nɩ, 'anyɩ 'lɩ ‑a bɩa 'amä 'lɩ ji le?› »

'Nɩlɩ ‑nyɛɛa' 'klä

Jaan 4.10-14; 'Nyügälɩjawii 22.17

37‑Glɩsɩglɩsɩa ‑gälɩ bɩara jrüülü bäa' 'ɛa ‑srɩ nɩ, Jesu nya sɔwʋ ‑bɛ 'ɔ ‑gbolomlɩ 'ɔ 'paa wii: «'Mamlatʋ ma 'bla nyɔɔ, ɔ ji ‑tɛ 'n bäa', 'ɔmä 'mla#7.37 'Üa ‑tetua ‑glɩsɩglɩsɩa 'taɩn 'lɩ nɩ, 'nɩ ‑fɛɛɛ 'jrʋpa 'kɔkɔmlɛ. 'Ia ‑gbaaa 'drü tää: 'doo, 'nɩ 'paa 'üün 'nɩlɩ Nyɔsʋa ‑nyɩ käa' 'üün ‑aaga 'lɩ, 'ia ‑gä plɛ (Ɛgësɔɔdë 17.1-7; Nɔɔbrë 20.8-13); 'sɔɔ, 'nɩ 'paa 'üün 'nʋŋlʋa ‑gä plɛ (Sakarii 14.16-17); tää, 'nɩ 'paa 'üün plɛ 'sɩrɩ ‑Susu 'mäa' ji Mesiia 'taɩn 'lɩ (Sakarii 13.1; Esaii 44.3), ‑bɛ nyüüa 'fɩɔ jrea' 'saa 'nɩ ‑fɛɛɛ 'jrʋpa 'kɔkɔmlɛ nyɔɔa 'kläa 'mlɩ nɩ, 'aiɛ Jesu 'daa 'ɔɔ bä 'tasɩrɩa 'niea 'wli, nyɔsʋaamlɩpalanyüü nya 'pa 'iin.. 38Nyɔɔ toroa' 'mɩ plɛ nɩ, 'nɩlɩ ‑nyɛɛa' 'klä nya 'ɔa 'kläa mlɩ ‑gbaala, 'sɩrɩ 'i ‑jɩjraa' nyɔsʋapɔɔkʋ 'lɩ.» 39'A ‑Susulu 'mäa' nyüülü toroa' 'ɔɔn plɛ ‑gälɩ 'cere nɩ, 'ua ‑gä 'ɔ 'paa. 'Ia 'taɩnlɩ ‑Susulu ‑kaaŋlʋ 'üün ‑gälɩ 'cere, 'be Jesu ‑kaaŋlʋ cɛa 'mlɩ 'bʋala.

Nyüülü 'bölöa' ‑tɩa Jesua ‑gʋ

Akëtë 28.23-27; Lukë 12.51; Jeremii 8.8-9

40‑Jria 'lɩa nyüü 'kɔkɔmlɛ 'nua' wiili 'ɔ 'paaa' 'wli nɩ, 'ü ‑nëma: «Nyɔsʋaamlɩpalanyɔɔ kʋ ‑pɩ 'kasa.» 41‑Mölöö nö: «'Kriisë bäsaa.» ‑Bɛ ‑mölöö nö: «Galileea ‑tʋtʋ ‑gälɩ 'Kriisë 'mä ɩ sɔ? 42Nyɔsʋapɔɔkʋ 'nyɩ 'daa Daviidëa ‑glügbö 'lɩ 'ɔa bätälä 'ü 'daraa' Bɛtëlɛɛmë, 'ii 'Kriisëlɔ 'mä sɔ#7.42 Misee 5.2.?» 43'Asɩ 'ü nʋ 'ünya 'bölötɩa, Jesua ‑gʋ. 44‑Mölöö 'bata ɩ 'ɔa 'kpakplakʋ, ‑ma 'ia nyɔɔ 'doo 'nyɩ 'ɔɔn ‑gba ‑a ‑fɛ.

45'Sʋgɩalë ‑gbɔsapɛrɩnyüü kpakü nyra Farisinyüü blɔ ɩa' nya 'blöödɛrɩ. 'Ünya 'bete 'üün: «Dɛplɛɛ kä ‑gʋ 'anyɩ 'ɔɔn ja le?» 46'Iibäa' 'sʋgɩalë nɩ: «'Sɩrɩ 'ɔ 'paaa' wii nyɔɔ ‑kaapɩɔ 'saa wiipa.» 47'Iibäa' Farisinyüü nɩ: «'Ɔa 'papawii 'a 'amɩ 'tʋkä 'anya 'ɔɔn dɛrɩblöö? 48'A 'jä ‑gbɔsapɛrɩnyɔɔ 'doo 'aiɛ Farisinyɔɔ 'üa ‑tɔrʋpɩɔa 'doo 'dara 'ɔa mlɩa wii wii? 49‑Ale nyüülü bäa' ‑nyɛɛ ‑jria 'lɩ 'ünyɩa' ‑dɔ jre, ü busua'#7.49 Farisinyüü 'nyɩ 'bata nyüülü bäa' ‑jrialɩawii ‑a; 'ü nɩnɩa nyüülü 'nyɩ ‑dɔ ‑a jre. Nyɔɔ 'nyɩa' ‑dɔ jre nɩ, 'ɔnyɩ 'lɩ ‑a bɩa 'ɔ nʋ dɛɛ, ‑bɛ Nyɔsʋa 'nyɩ 'pa 'ia nyɔɔlɔ 'nɩ ‑a. 'Ɔɔ 'ü 'dara «‑balʋnyüü».!»

50Nikodɛɛmëlɔ ji käa' ‑gbiara Jesu 'jäkalɩ nɩ, 'ɔ bä 'üa ‑tɔrʋpɩɔ, 'ɔɔ 'daa: 51«‑Dɔlʋ a 'klaaa', 'uu 'daa a 'pɔnɩ nyɔɔ 'fɩɔwʋ, 'kä a 'bete 'ɔɔn dɛɛlɛ 'ɔ nʋa'?» 52'Iibäa' 'üün nɩ: «Galileenyɔɔ bä bɩa? Tɛ nyɔsʋapɔɔkʋa 'mlɩ, ‑nya 'saa jrea ‑mää Galilee nyɔsʋaamlɩpalanyɔɔ ‑nëmä sɔ 'plɔʋ#7.52 Nyɔsʋaamlɩpalanyüülü 'ü 'daraa' Jonaasë nyra Nauumë nɩ, Galileenyüü 'ü bä. 'Pɛrɩnyüü 'nyɩa' ‑gʋ Galileenyüü ‑wa nɩ, 'aiɛ 'ü ‑gba 'saa.!» 53‑Moloo ma sɔwʋ 'ɔa ‑gbööli 'ɔ mö.

Currently Selected:

Jaan 7: Bakwé

Highlight

Copy