Jenɛɛsë 16

Agaa ‑gua' Isëmaɛɛlë

1Abramëa 'ŋlʋʋ Sarai, 'nyɩ 'ɔɔn 'jʋ ‑a ‑nyɩ. ‑Maa 'ŋlʋʋlɔ ma kä 'ɔa 'jrʋpafɛŋlʋʋ 'doo Ejiipëtëyria, 'ɔa 'nyrɩ bä Agaa. 2Sarai nya ‑gbala Abramë: «‑Jää, Yawe 'nyɩ 'nyie ‑a 'nyie 'mä 'jü ‑gu. 'Ii känyrɩ ‑nyra 'na 'jrʋpafɛŋlʋʋ pa nyuköli. ‑Beeredɛɛ 'ɔnya 'mɩ 'jʋ ‑nyɩa.» Abramë nya nʋ wiili 'ɔa 'ŋlʋʋ Sarai 'daaa'. 3Sarai nya nrörö Agaa 'ɔa Ejiipëtëa 'brea 'jrʋpafɛŋlʋʋ Abramëa 'ŋlʋʋ 'lɩ. 'Ia 'taɩn 'lɩ Abramë 'a ‑sɩ ‑pʋ Kanaan a 'bre ‑si. 4'Ɔ nyra Agaa nya pa nyuköli, Agaa nya bä nʋgbla 'lɩ. 'Ɔ jrea' 'saa 'ɔ 'a nʋgbla 'lɩ bä nɩ, 'ɔa 'kamaŋlʋʋ 'ɔ 'frɛɛnyiölikä. 5'Ii känyrɩ Sarai nya ‑gbala Abramë: «‑Sʋɩlɩ kä 'mlɩ 'n bäa' nɩ, ‑mɔ ‑tʋ 'lɩ 'mɩ! 'Mɔɔ ‑nyɩ ‑mɩ 'na ‑geeiŋlʋʋ. 'Ɔ jrea' ‑gʋ 'saa 'ɔa nʋgbla 'lɩ bä ɔ nɩ, 'mɔɔ 'ɔ 'frɛrɛnyiölikä! Abɩa Yawe ‑tʋ 'mɔɔ ‑bɛ ‑mɔ kɔsɔa ‑gä!» 6Abramë nya ‑gbala Sarai: «‑Jää, ‑na ‑geeiŋlʋʋ kʋ ‑plɩɩ ‑na ‑gʋ, wiili ‑baataa' nʋ 'ɔmɩ 'iin ‑gba!» 'Bala 'lɩ ‑gälɩ, Sarai nö 'ɔɔn ‑gbi ‑gba, Agaa nya fɔ 'ɔnya tʋŋlɔlɩ 'ɔɔn dɛrɩ.

7Yawea 'aanjë#16.7 Yawea 'aanjë: Yawea 'aanjë bä Nyɔsʋaa bɔblɔnyɔɔ, ‑srɩ ‑mɩdoo 'lɩ 'ü 'dara 'ɔɔn Nyɔsʋaa 'jʋ (Jɔɔbë 1.6; 38.7). ‑Kätɩ kuöa 'mlɩ nɩ, Yawea 'aanjë bä Nyɔsʋaa bɔblɔnyɔɔ; ‑srɩ ‑mɩdoo 'lɩ a 'cakla 'iin Nyɔsʋa (Ɛgësɔɔdë 23.20-21; ‑Gätʋnyüü 13.7-18). nya jrä 'ɔɔn ‑aaga 'lɩ, 'nɩsrolä bäa' 'nyʋfɔ 'wʋ Surëa ‑tʋtʋ ‑gälɩ, 'äa ‑gba. 8'Ɔnya 'bete Agaa: «Saraia ‑geeiŋlʋʋ, ‑a 'plɛɛ sɔ ‑bɛ ‑a 'plɛɛ mö le?» 'Iibäa' 'ɔɔn nɩ: «'Na 'kamaŋlʋʋ Sarai 'n fɔlɔ 'klɩ.» 9Yawea 'aanjë ‑nëma: «'Blöö ‑na 'kamaŋlʋʋa ‑nyɛɛ dɛrɩ; ‑möa' nɩ, 'cie ‑na nyufa 'wʋ.» 10Yawea 'aanjë nya ‑gbala 'ɔɔn ‑maa: «'Nyaa ‑na 'jü ‑gälɩ 'paplaa, 'üa ‑sümlökʋa ‑gʋ nyɔɔ ‑nëmä 'üa ‑täsäkʋ mlɩ ‑a bɩa.» 11Yawea 'aanjë nya ‑gbala 'ɔɔn 'sɔɔwʋ:

«‑Bä nʋgbla 'lɩ. ‑Nya nyɩbɛjʋ ‑gua,

'kä ‑nya 'ɔɔn Isëmaɛɛlë#16.11 Isëmaɛɛlë: Ebrööwii 'lɩ 'ia ‑gbaa bä: Nyɔsʋa 'nu. 'nyrɩ ‑nyɩ;

'be Yawe 'nu ‑na ‑sʋɩ 'wli.

12'Jʋlɔa ‑gbi nya ‑beere 'klʋɛɛa ‑sʋbre;

'ɔnya nyüü ‑golu jaa

nyüüa 'mʋgbɛ nya 'ɔɔn ‑golu faa.

'Ɔ nyra 'ɔa ‑wlajüa 'fɩɔ ‑nëmä ‑tu ‑a 'pa, 'ɔnya 'klɩberea.»

13Agaa nya 'dara Yawelɔ 'pala ɩa' 'ɔɔn wii ‑gba: «Mɔ bä Ɛlë Roii#16.13 Ɛlë Roii: Ebrööwii 'lɩ 'ia ‑gbaa bä: Nyɔsʋalɔ Jäa' wii 'wʋ.»; 'be 'ɔa plɛklɩ 'ɔ ‑nëma: «Nyɔɔlɔ 'järäa' 'mɩ ‑tɛklɩ nɩ, 'n 'jä 'kasa 'ɔmɩ?» 14'A 'ia ‑gʋ 'ü 'dara 'ia 'nɩsrolä «Birë Lakai Roii#16.14 Birë Lakai Roii: Ebrööwii 'lɩ 'ia ‑gbaa bä: 'Lɩbänyɔɔlɔ 'jääa' 'mɩ 'wʋ, 'ɔa 'nɩbütügba.»; 'ä bä Kadɛsë nyra Bɛrɛdëa ‑tɔrʋpɩɔ.

15Agaa nyra Abramëa nya ‑gu nyɩbɛjʋ. Nyɩbɛjʋlɔ Agaa ‑gua' nɩ, Abramë nya ‑nyɩ 'ɔɔn 'nyrɩ Isëmaɛɛlë. 16Abramë nyra Agaa ‑gu 'a Isëmaɛɛlë#16.16 Galaatënyüü 4.22. nɩ, Abraamë kä kä ‑sɩa ‑glʋɩmlɔɔ ‑sɩ ‑uundoo (86).

Currently Selected:

Jenɛɛsë 16: Bakwé

Highlight

Copy