Jenɛɛsë 10

NOEA 'JÜA 'JÜA WII

10.1–11.9

1‑Jäsɩ Noea 'jüa 'jüa wii nʋa' ‑sisidɛɛ. 'Nʋŋlʋkpaku ‑sia' nɩ, Noea 'jü Sɛmë, Samë nyra Jafɛtë nya ‑gu nyɩbɛjü.

2Jafɛtëa nyɩbɛjüa 'nyrɩ bä: Gomɛɛ, Magɔgë, Madaii, Jafaan, Tubaalë, Mesaakë, nyra Tilasë#10.2 'Üa 'nyrɩlɩ nɩ, ‑glügbüa 'nyrɩ bäsaa. Kʋfë ‑mölöö bäbä kä 'saa bɩa.. 3Gomɛɛa nyɩbɛjü bä: Asökenasë, Lifatë, nyra Togamaa. 4Jafaan a nyɩbɛjü bä: Elisaa, Tasisë, Kitimë, nyra Dodanimë#10.4 Dodanimë: ‑Pɔɔkɩ ‑mɩdoo nö: Lodanimë.. 5'A 'ɔa 'jüa 'jü 'üü mi 'üü kɔkɔ 'nie ‑gba nyra dugbë 'lɩ#10.5 Jafaan a 'jü bäsaa.. 'Sɩrɩ 'ü 'paaa' watu 'doo 'asɩ 'ü kɔkɔwälɩ, 'üa ‑glügbü ‑glügbü nyra 'üa 'blɩa 'mlɩ.

6Samëa nyɩbɛjü bä: Kusë, Misrayiimë, Putë, nyra Kanaan. 7Kusëa nyɩbɛjü bä: Seba, Avila, Sabëta, Wlama, nyra Sabëteka. Wlamaa nyɩbɛjü bä: Saba nyra Dedanë. 8Kusëlɔ ‑gu bɩa Nimroodë. 'Ɔɔ ‑kätɩ bä kaklanyɔɔ ‑tʋtʋ ‑gälɩ. 9Yawea 'klɩ 'ɔ bä 'kɔpanyɔɔ kpakö. 'A 'ia ‑gʋ nyüü ma nö: «'Ɔ ‑beere 'kɔpanyɔɔ Nimroodë, 'kɔpanyɔɔ kpakö Yawea 'klɩ.» 10'Bätëlë kpakülü ‑kätɩ 'ɔ 'kamaa' 'üü bä: Babɛlë, Ɛlɛkë, Akadë nyra Kalënɛ. Sinarëa 'blɩ ‑gälɩ bätëlëa 'fɩɔ bä. 11'Ii 'ɔ sɔ nya 'tɔ Asiriia 'bre. 'Ɔnya 'pala 'lɩ bätëlë 'ü 'daraa': Niniivë, Reobutëirë, Kalasë, 12nyra Rɛsɛnë. 'Ä bä Niniivë nyra Kalaa ‑tɔrʋpɩɔ; 'ää bä bätä kpakö#10.12 'I 'mrɛɛ i bä bɩa Rɛsɛnë 'aiɛ Kala. 'Aiɛ bɩa Niniivë, 'be Rɛsɛnë nyra Kala bä kä Niniivëa bätë kpakü..

13Misrayiimë ‑gu: Dudënyüü, Anamënyüü, Leabënyüü, Nafëtunyüü, 14Patëlɔsönyüü, Kasëlunyüü, nyra Kafëtɔnyüü. 'A Kasëlunyüülü 'üü ‑gu Filisëtënyüü.

15Kanaan nya ‑gu Sidɔɔn 'ɔa ‑kätɩjʋ nyra Ɛtë. 16'Ɔ ‑gu bɩa nyüülü 'ü 'daraa' Jebusitënyüü, Amɔritënyüü, Gegasitënyüü, 17Iviitënyüü, Alëkiinyüü, Siniinyüü, 18Afadiinyüü, Semaliinyüü, nyra Amaanyüü. 'I ‑sia' nɩ, Kanaanyüüa ‑glügbü nya ‑gbakä. 19Kanaanyüüa 'brea ‑panʋ sɔrɔ Sidɔɔnbätä ä bäa' Gelaabätäa ‑gba ‑a ‑tɔɔ Gasabätä, 'kä 'u mö Sodɔɔmëbätä nyra Gomɔɔrëbätäa 'pɛlɩ, Adëmaabätä nyra Seboimëbätä, 'kä 'u 'tɔ Lesabätä. 20'A Samëa jüa ‑glügbü ‑glügbü. 'Sɩrɩ ‑glügbü bäbäa', 'sɩrɩ 'ü 'paaa' watu 'doo, 'sɩrɩ 'ü sɔsɔa' 'blɩ 'doo ‑gälɩ ‑bɛ 'sɩrɩ 'ü käkäa' 'bre, 'asɩ 'ü nʋ 'ünya kɔkɔwälɩ.

21Jafɛtëa ‑wlajʋ kpakö Sɛmë ‑gu bɩa nyɩbɛjü. 'Ɔɔ bä Ebɛɛrënyüüa 'fɩɔa tʋ. 22Sɛmëa nyɩbɛjüa 'nyrɩ bä: Elaamë, Asurö, Arëpasadë, Ludö, nyra Aramë. 23Aramëa nyɩbɛjüa 'nyrɩ bä: Utësë, Ulö, Gɛtɛɛ, nyra Masë. 24Arëpasadë ‑gu Sala; Sala ‑gu Ebɛɛrë. 25Ebɛɛrë ‑gu nyɩbɛjü 'sɔɔ. ‑Kätɩ 'jʋa 'nyrɩ bä Pɛlɛgë#10.25 Pɛlɛgë: 'Ia ‑gbaa bä: ‑pääläkʋ 'aiɛ ‑tɩabölökʋ., 'be 'ɔa 'taɩn 'lɩ ‑tʋtʋ ‑päälä kä. 'Ɔa ‑wlajʋa 'nyrɩ bä Jɔtanë. 26Jɔtanë nya ‑gu Amodadë, Selafë, Asamafë, Jɛla, 27Adolamë, Usalë, Dikla, 28Obalë, Abimaɛɛlë, Seba, 29Ofilë, Avilaa, nyra Yobabë. 'Üa 'fɩɔlü nɩ, Jɔtanëa 'jü bäsaa. 30'Üü ma kʋ Mesaa ‑tʋtʋ ‑gälɩ, Sefaa ‑gba, ‑nyɛɛ 'dʋgbëa ‑tʋtʋ ‑gälɩ, 'jrʋa 'wʋsɔrɔfa 'wʋa 'pɛlɩ.

31‑Jäsɩ Sɛmëa 'jü nʋa' ‑päälädɛɛ. 'Sɩrɩ ‑gbüüü bäbäa', 'sɩrɩ 'ü 'paaa' watu 'doo, 'sɩrɩ 'ü sɔsɔa' 'blɩ 'doo ‑gälɩ ‑bɛ 'sɩrɩ 'ü käkäa' 'bre 'doo, 'asɩ 'ü nʋ 'ünya kɔkɔwälɩ. 32‑Jäsɩ Noea 'jü nʋa' ‑päälädɛɛ; 'üa ‑glügbü, ‑glügbü, ü käa' 'bre 'doo. 'Nʋŋlʋkpakua sɔa' 'lɩ, 'üü ‑gälɩ 'plä 'bala ‑tʋtʋ ‑gälɩa 'kägbaalakʋ.

Currently Selected:

Jenɛɛsë 10: Bakwé

Highlight

Copy