ማቶሳ 5

የሱሳ ደረላ አፋ ታማርስደ ትምርተ

1ጋማ ዎርዣ ሺቅዳኖ የሱሳ ብእ ደረላ አፋ ኬዚ በትዳ። ኤ ታማሩን ኤጎ ሺቅን፥ 2Ꮉኒ ጋር ያጋእ ታማርስዳ፦

ቱሪ ኡፋይስ

(ሉቃ. 6:2-23)

3«ፋ አያንተ ዳሃ ማቅዱን አንጅንትዱንና፥

ሳሎ ካእቱሞ ኡንትስ።

4ዬክዙን አንጅንትዱንና፥

ኡን ምን ደንጎዳ።

5ዎዝና አዱን አንጅንትዱንና፥#ኢሳ. 61:2

ኡን ሳአ ላቶዳ።

6ጽሎት ኦቾደስ ናይዙንን ባርዙን አንጅንትዱንና፥#ማዝ. 37:11

ኡን ምሻዳ።

7ማርዙን አንጅንትዱንና፥#ኢሳ. 55:1

ኡን ማሮት ደንጎዳ።

8ዎዝና ጌሹን አንጅንትዱንና፥

ኡን ጾዚ በአዳ።

9ጊግዙን አንጅንትዱንና፥#ማዝ. 24:3

ኡን ጾዝ ናአ ጋእንት ጼግንቶዳ።

10ጽሎት ኦችዘ ግሾ ጋእ፥

ባይእንትዙን አንጅንትዱንና፥

ሳሎ ካእቱሞ ኡንትስ።

11«አሱን ይንታና ታ ግሾ ጋእ ጫዥዘ ዎደ ባይእዘ ዎደን ይንታላ አፋ ኢታ ባዝ ኡባ ዎርዶራ ኦህዘ ዎደ ይን አንጅንትዱንና።#1 ጴጥ. 3:14 12ይን አንጅታ ሳሎ ዳማ ማቅደ ግሾ ኡፋይቶተ፥ ሎይ ኡፋይቶተ። ይንታፓ ቲኖ የዝደ ናቡንና ይኒ ጋር ባይእዳ።#1 ጴጥ. 4:14

ሶገን ፎኦ

13«ይን ሳአስ ሶገ፤ ሶገ ፋ ማልእቱምቶ አሽኮ፥ ዋይዝ ማህ ደንጎደ? ባለ ግኮ አሳራ የንታነፕ አትን አኮስን ማዶስ።

14«ይን ሳአስ ፎኦ፤ ደረላ አፋ የዘ ካታምታ አችንቶደስ ዳንዳኦስ።#ማር. 9:50፤ ሉቃ. 14:34-35 15ጾምፐ አይ ኬ የዘ አሱን ኡቡንስ ፎኦደ ጋር ቃ በሳ ጋዳነፕ አትን ጋባተ ግዳ ጋድዘ ባያ።#ዋሐ. 8:12፤ 9:5 16ይኒ ጋር አሱን ይን ሎኦ ኦችቶ ብእ፥ ሳሎ የዘ ይን አዳያ ቦንቾደ ጋር ይን ፎእታ አስ ቲኖ ፎኦ።#1 ጴጥ. 2:12

ሙሴ ህገ

17«ታኒ ሙሴ ህግቶን ናቡን ቃላ ሻሮደስ ይእዳ ይንትስ አዝፐ። ታኒ፥ ኡን ኦህዳና ቱሮ ማቅዳኖ ቆንጭሳደስ ይእዳፕ አትን ሻሮደስ ይእካያ። 18ታ ይንትስ ቱሮ ኦህነ፤ ሳሎን ሳአ አደ ዎንስ ህገ ኡባ ፎልንቶደፕ አትን ህግትፋ ፈቲ ቃላ ዎይ ፍዳለ አስ። 19ይኒ ግሾ፥ Ꮉና ኪትትፓ ኤርዘ ፈቲ ኪታን መንዘ ኦደን ማህ መሉንና ይኒ ጋር ኦቾደ ጋር ታማርስዘ ኦደን ሳሎ ካእቱሞ ኡቡንፓ ኤራ ማቃዳ። የዝን Ꮉና ኪቶ ፎልዘን መሉንናን ፎሎደ ጋር ታማርስዘ ሳሎ ካእቱሞ ዳማ ማቃዳ። 20ታ ይንትስ ኦህነ፤ ይን ጽሎትታ ፋርሳዉን ጽሎትፓን ህገ አስታማሩን ጽሎትፓ አንጽኮ፥ ሳሎ ካእቱሞ ገሎስ።

ዎ ባዝ

21«ይን ማይዙንስ፥ ‹ዎፐተ፤ ሸምፖ ዎደ ኦደን ፍርድንቶዳ› ጋእንትዳኖ ስእዳ። 22የዝን ታ ይንትስ ኦህነ፤ ፋ እሻያ ጫዥዘ ኦደን ፍርድንቶዳ። ፋ እሻያ ጫዥዘ ኦደን ዳይና ቲኖ ፍርዳስ ሺቆዳ። ፋ እሸጎ፥ ‹ኤያይ› ጋዘ ኦደን ማህ ጋናመ ታምተ ፍርድንቶዳ።#ከዘ 20:13፤ ማሄ 5:17

23«ይኒ ግሾ፥ ነ ነ ዣርሾ ዣርሽዘ ዎደ ነ እሻያ ቆህደ ባዝ ኔስ ቲርንትኮ፥ 24ነ ዣርሽቶ እዛ በስተ አሺ አሺ ቅቶ፤ ቲኖ Ꮉንግ ነ እሻይራ ጊጎ፤ የይዝ ማቂ፥ ነ ዣርሽቶ ጾዝስ ዣርሾ።

25«ነና ሞትዘራ ፍርዳ ኬ Ꮉንግተራ ኦገላ ኤራ ጊጎ። ይና አቶ ጋይኮ ኤ ነና ዳይና ቲኖ ካንጎዳ። ዳይንዘ ነና አጭዘስ አ እንጎዳ፤ ኤ ነና ዎይነ ኦሎዳ። 26ታ ቱሮ ኦህነ፤ ኔላ አፋ ፍርድንትደ አጭቶ ፈቲ ሳንትመ አትካይዝን ጭጊ Ꮉሶደ ዎንስ አች ኬፓ ሙሎን ኬዛማ።

ኦላለ ባዝ

27«Ꮉንፓ ዛጋ፥ ‹ኦላለ Ꮉንትፐተ› ጋእንትዳኖ ስእዳ። 28የዝን ታ ይንትስ ኦህነ፥ ማቾ ብእ፥ አሙደ ኡባ ፋ ዎዝንተ ኢራ ኦላልዳ።#ከዘ 20:14፤ ማሄ 5:18 29ነ ምዛቅ ኣፍዘ ኔስ ናጋራስ ምክናተ ማቅኮ፥ ኬሲ ኦሎ። ነ ጋልታ ኩሙ ጋናመ ታማ ዎዳንፓ ነ ጋልትፓ ፈታይ ብኮ ኔስ ሎኦ። 30ነ ምዛቅ ኩሽዘ ኔስ ናጋራስ ምክናተ ማቅኮ፥ ኤዛ ጋቺ ኦሎ። ነ ጋልታ ኩሙታ ጋናመ ታማ ዎዳንፓ ነ ጋልትፓ ፈታይ ብኮ፥ ኔስ ሎኦ።#ማቶ. 18:8፤ ማር. 9:43

ማችን አዝን ብልንተ ባዝ

(ማቶ. 19:9፤ ማር. 10:11-12፤ ሉቃ. 16:18)

31«‹ፋ ማችቶ ዳክዘ ኦደን ዳፎ ዋርቃተ እንጎ› ጋእንትዳ። 32የዝን ታ ይንትስ ኦህነ፤ ፋ ማችቶ ኦላልካይዝን ብልዘ ኦደን እዛ ኦላሎደ ጋር ኦቻነ። ይኒ ጋራን፥ ዳክንትደ ማችቶ ኤክዘ ኡባ ኦላልዳ።#ማቶ. 19:9፤ ማር. 10:11-12፤ ሉቃ. 16:18፤ 1 ቆሮ. 7:10-11

ጫቆ ባዝ

33«ይን ማይዙንጎ፥ ‹ዎርዶ ጫቂፐተ፤ ይን ጾዘ ቲኖ ጫቂዳኖ ፎሎተ› ጋእንትዳኖ ስእዳ። 34የዝን ታ ይንትስ ኦህነ፤ ሙሎን ጫቂፐተ። ጾዚ በትዘ ኦይዳ ማቅደ ግሾ ሳሎራ ጫቂፐተ።#ሌዌ 19:12፤ ፋይዶ 30:2፤ ማሄ 23:21 35ኤ ቶህታ የዘ በሲ ማቅደ ግሾ ሳአራ ጫቂፐተ። ዳማ ካት ካታማ ማቅደ ግሾ የሩሳላመራን ጫቅፐተ። 36ይን ኦምትፓ ፈታያ ቦ ዎይ ካር ማሆደስ ዳንዳኦሰ ግሾ ይን ይን ኦምተ ጫቂፐተ። 37ይኒ ግሾ፥ ይን ቃልታ፥ ‹ዬ› ዎይ ‹አደ› ማቆ። ይንፓ ባለ ከዝዘ ጻላሄፓ የእነ።

ቅመ አይፓደስ ቤዞስ

38« ‹ኣፈ ግሾ ኣፈ፤ አች ግሾ አች› ጋእንትዳኖ ስእዳ። 39የዝን ታ ይንትስ ኦህነ፤ ይንታላ አፋ ኢታ ባዝ ኦችዘ አ እጽፐተ። ኦደን ነ ምዛቅ ኦክዛ ባቂኮ ነ ዎርክታ ክዛን ቤዞ። 40ፈቲ አሲ ነ ሻምዛ ዎልቃራ ኤኮደስ ነና ሞትኮ፥ ነ ኮትዛን ጉጂ እንጎ። 41ፈቲ አሲ ነና ዎልቃራ ፋ ባዝ ቶሲ ፈቲ ሳተ ኦገ ፋራ Ꮉንጎደ ጋር ነና ኡንእኮ፥ ኤራ ላምእ ሳተ ኦገ Ꮉንጎ። 42ዎስዘ ኦደስን እንጎ፤ ኔፓ ታልኦደስ ኮይኮ ኦናን ካይፐ።

ነ ሞርኩንና ሲቆ

(ሉቃ. 6:27-36)

43«‹ነና ካዛ ካ፤ ነና እጽዛያ እጾ› ጋእንትዳኖ ስእዳ። 44የዝን ታ ይንትስ ኦህነ፤ ይን ሞርኩንና ካተ፤ ይንታና ቆህዙንስ ዎሶተ። 45ይኒ ጋር ይን ኦችኮ፥ ሳሎ የዘ ይን አዳይስ ይን ናኡንና ማቃዳ። ኤ ኢቱንስን ሎኡንስ አዋ ካሳነ፤ ጽሉንስን ናጋራንቹንስን ፋ እራ ቡክዛነ። 46ይንታና ካዽዘ አሱንና ጻላላ ይን ካኮ፥ ይንትስ አኮ ትርፈ የዘ? መለ አቶ የዝን፥ ጋበ ቃራጠ ጋችዙንን ይኖ ኦቻነ። 47ይን፥ ይን እሹንና ጻላላ ሳርኮ፥ መሉንፓ አኮ አዘባዝ ኦችዶተ? መለ አቶ የዝን፥ ጾዝ አማኖሰ አሱን ይኖ ኦቻነ። 48ይኬ፥ ሳሎ የዘ ይን አዳይ ፎሎ ማቅዳን ፋና ይንትን ፎሎ ማቆተ።

Currently Selected:

ማቶሳ 5: OydaNTE

Highlight

Copy