Maatoosa 4
4
Yesuusa fattanintto
(Mar. 1:12-13; Luqa. 4:1-13)
1Yinnippa suuba, Xalahe Yesuusa fattanode gaar Geeshi Ayyaana Yesuusa akko baayze ganasa kanggida. 2Oyttam qamman oyttam awara xoomidannippa suuba naydhdhida.#Ibr. 2:18; 4:2 3Xalahe Yesuusago yi7i «Ne Xooz na7a maaqqiko, ane hyay shuchchiza soollo maaqqade fana kiitto» yagayda.
4Yesuusa mahi, « ‹Asi Xoozze doonappa kezze qaala ubbanne yessadep attin soollo xalaalara yezoos› ga7intti Xoozze qaaltte xaafinttida»#Maato. 4:4yagayda.
5Mahin, Xalahe Yesuusa geeshi katama kanggi, Xoozze keetsitis ommite kessii, 6«Ne Xooz na7a maaqqiko, ane sulle sa7a gol7o. Akkos gayko,
#
Maz. 91:11
« ‹Ne tohita shuchchalla dhubunttaame fana,
fa kushtira nena dentsode fana,
Xoozii fa kiitanchchuntsana ne gisho kiittoda›
ga7intti Xoozze qaaltte xaafinttida» yagayda.
7Yesuusa eego, «mahi, ‹Xoozze qaaltte ne Laatstsa, ne Xoozza fatanippe› yaga7i xaafinttida» ga7i mahida.
8Wurssutsite Xalahe Yesuusa fettii damma dere omma kessii alame ka7itumo un bonchchtira fettilla beezii,#Mahe 8:3 9«Ne taas gol7i goyniko ta nees hyanno ubba inggoda» yagayda.
10Yesuusa mahi, «Hyay Xalahizayo, taappa hyaakko! ‹Ne Laatstsa, ne Xoozza goyno, E xalaalas kiitintto› gayntti Xoozze qaaltte xaafinttida» yagayda.
11Yinnippa suuba, Xalahe ashshii qitida; kiitanchchuntsi yi7i eza maaddida.#Mahe 6:13
Yesuusa timirttito
(Mar. 1:14-15; Luqa. 4:14-15)
12Yesuusa, Wahannisa acinttidanno si7ide wode Galila gade qitida. 13Naazirete katama ashshii Zaabiloonen Niftaaleme guta, abba kale yeze Qifirnahoome katama hyanggi yeyga yezida.#Maato. 14:3; Mar. 6:17; Luqa. 3:19-20 14Yinna hyanidanna nabe Isayaasa doontte,#Waha. 2:12
15«Zaabiloone gaden, Niftaaleme gade,
Yorddaanosa borkkappa seko fintsa abba oge,
Ayhude maaqqoosse worzhuntsis yeze Galila,
16dhuma yeze worzha,
damma foo7o bi7ida.
Hyayqo dasho gade,
yezuntsis foo7o kezida» #Isa. 9:1-2
yaga7i ohinttide qaaltta folinttode fana.
17Ye wodeppa dentsii Yesuusa, «Xooz ka7itumo ukkide gisho yin nagarttippa maaqqote» yaga7i qaala sabbakida.#Maato. 3:2
Tiino tamaaruntsi xeegintte
(Mar. 1:16-20; Luqa. 4:16)
18Yesuusa Galila Abba kalera aadhitera lam77i ishuntsana, Phexiroosa ga7inttize Simoonan E isha Inddirase bi7ida. Un molo aykkizuntsana maaqqide gisho fa gitito abballa olida. 19Yesuusa unttana, «Hyankka yo7ote; tana kaallote! Molo aykkizanno ashshii, ta yinttana as ayfo tamaarssoda» yagayda. 20Un, ellisii fa gitito olii ashshii Yesuusa kaallida.
21Yesuusa yeygappa hyaga gode tiino aadhitera melle lam77i ishuntsana, Zabdiyoosa na7untsana, Yayqooban Wahannisan bi7ida. Fa aday Zabdiyoosara wolla gongge gidda fa gitito loytsizuntsana xeegida. 22Un, ellisii fa gonggiton fa adayan ashshii Yesuusa kaallida.
Yesuusa hyargginttizuntsana fatstsida
(Luqa. 6:17-19)
23Yesuusa Ayhude woosa keetstsa tamaarssitera, salo ka7itumo Wonggele ohitera dumma dumma hyarggeppa asuntsana fatstsitera Galila sa7a ubbanne wutida.
24Yinnippa denddii E suntsita Sooriya gade ubba erinttida. Dumma dumma hyarggera aykinttiduntsanan waayinttizuntsana, tuna ayyaanara aykinttiduntsana, biicora yezuntsana, wobbuntsana eego ki7ida; ezin unttana fatstsida.#Maato. 9:35; Mar. 1:39
25Asuntsi Galilappa, taphphi katamuntsappa, Yerusalaameppa, Yihudappan Yorddaanosa borkka seko fintsa yeze gadeppa yi7ide gaama asuntsi eza kaallida.
Currently Selected:
Maatoosa 4: OydaNTL
Highlight
Share
Copy
Want to have your highlights saved across all your devices? Sign up or sign in
The word for the World Ethiopia
