Maatoosa 11

Xammaqize Wahannisa kiittide asuntsana

(Luqa. 7:18-35)

1Yesuusa taphpho lam77i tamaaruntsana kiittii hyaasidannippa suuba izippa denddii tamaarssodesin sabbakodes Galila katama qitida.

2Wahannisa achi keetstsa yezara Kiristtoosa oochito si7i, fa tamaaruntsappa eego kiittii, 3«Yo7oda ga7inttide nenane? Woy nu melle kafode?» ga7i oocida.

4Yesuusa unttago mahi, «Hyanggi yin si7ide bazin yin bi7idebaz Wahannisas ohote. 5Qooquntsi be7ine, wobbuntsi yedhdhane, qursuma hyargginttizuntsi geezhane, tulluntsi si7ine, hyayqqiduntsi hyayqoppa denddane; dahuntsis Wonggele sabbakinttane. 6Taara dhubunttoosse anjjinttidaya» yagayda.#Isa. 35:5

7Wahannisa tamaaruntsi suub maaqqii hyanggin, Yesuusa worzhuntsis Wahannisa baz ohitera, «Hyanna akko baayze ganasa akko be7ades yi7idate? Baqo en7ize shombboqo be7ades yi7idate? 8Yeezin, akko be7ades yi7idate? Bonchcho ma7o ma77ide asuntsana be7adesine? Bonchcho ma7o ma77iduntsi kaat kara yene. 9Yeezin, akko be7ades kezidote? Nabe be7adesine? Yee, yin nabeppan aadhizaya be7ine.

10«Ne ogito ne tiintte giigize

ta kiitanchchiza neeppa tiino kiittoda»

ga7intti xaafinttidanna ees.

11Ta yinttis turo ohine; maachippa yelinttiduntsi giddappa xammaqize Wahannisappa aadhize oonin denddikaaya; yezin salo ka7itumo ubbuntsappa eerize E, eeppa aadhoda.#Mil. 3:1 12Xammaqize Wahannisa wodeppa dentsii hyayno yellodes salo ka7itumo gaama urqqinttane, miinggi butunttizunts denggoda. 13Nabunts ubbuntsi higgen Wahannisa baz tinbbite ohida.#Luqa. 16:16 14Yikke, yin un kiitto ammanodebaz maaqqiko, yo7oda ga7inttide Eeliyaasa, E Wahannisa. 15Yikke, si7ize hyaye yeze si7o.#Mil. 4:5; Maato. 17:10

16«Yikke, taanii hyanna wode yeletto akkora aazissade? Gabe gidda bettii wol xeegii,

17« ‹Nu yinttis suulunqe fuggin;

yin yexxikaaya.

Nu nashshii gayrin;

yin yeekkikaaya›

yagaaze na7untsana aazane. 18Xammaqize Wahannisa mu7ikaayzaran uzhikaayzara yi7in, ‹Tuna ayyaana yene› yagayda. 19As na7ay mu7iteran uzhitera yi7in, ‹Zhimbbaran ushi asi, qaraxe gachchizuntsisin nagaranchchunts igina› yagayda. Yikke, cinccatitsin turetitsi E oochite qonccane» yagayda.

Ammananxi ixxide katamuntsana

(Luqa. 10:13-15)

20Yinnippa suuba, Yesuusa gaama kille baz oochchide katamuntsi gidda yeze asuntsi fa nagarttippa maaqqii maarotitsi gelanxi ixxide gisho unttana, 21«Bade Koraaziine katamite, bade Beetesayida katamite, akkos gayko, yin gidda oochinttide kille baz Xiroosa giddan Sidoona gidda oochinttidebaz maaqqizako, un zaga budo tizhintti, kayo afula ma77i fa nagarttippa maaqqii attod yeshsha. 22Yezin ta yinttis ohine; firdda qamma yinttappa aatsii Xiroosasin Sidoonasi firddita eeroda. 23Mahi, Qifirnahoome, neenii ude salo kezodes koyane? Hyanoos! Ne si7oole olinttoda. Akkos gayko, ne gidda oochchinttide kille baz Soodoma oochchinttidebaz maaqqizako, Soodoma hyayno yellodes yessad yeshsha. 24Yezin ta nees ohine; firdda qamma neeppa aatsii Soodomas firdda eeroda».#Isa. 14:13

Kiristtoosa yeze shemppo

(Luqa. 10:21-22)

25Ye wode Yesuusa, «Adayo, salo sa7a Laatstso, ne hyanno eruntsappan cincuntsappa aachchii na7untsis qonccizide gisho nena galatane. 26Yee, ta Adayo, hyanna ne lo77o qoftti fana hyanida.

27«Ubbanna taas ta Adeppa ingginttida. Adayppa melle na7aya erize baaya, na7ayppan E qonccodes koyezuntsappa melle Adaya erodes dandda7ize baaya.

28«Yin, labbiduntso, toofo deexide ubbuntsi taago hyanka yo7ote; ta yinttana shemppisada.#Waha. 3:35; Waha. 1:18; 10:15 29Taanii ta wozintte dalggan aada maaqqide gisho ta qambbartto tookkote, taappa tamaarote; yin, yin shemppitis shemppo denggoda. 30Ta qambbartta sila, mahi ta toofitan foollo» yagayda.#Er. 6:16

Currently Selected:

Maatoosa 11: OydaNTL

Highlight

Copy