Luqasa 20

Yesuusa adetitsi wolqqita Ayhuduntsis oochi maaqqida

(Maato. 21:23-27; Mar. 11:27-33)

1Fettii qamma Yesuusa Xoozze Keetstsa asuntsana tamaarssitteran Wonggele markkidhite, kahinunts hyalaquntsi, higge asttamaaruntsin gade cimuntsi fettilla eego yi7i, 2«Ne hyantsesana akko adetitsi wolqqara oochchizako nuus oho. Hyanna adetitsi wolqqito nees inggide oode?» yaga7i oocida.

3E unttago, «Taanin yinttana fettibaz oocoda, ane taas mahote. 4Xammaqize Wahannisa xinqqata Xoozappane asappa?» yagayda.

5Un wol gidda yaga7i zorinttida: «Xoozappa gayko yeezin, akkos ammananxido?» yaga7oda.

6«Asappa gayko, asuntsi ubbanna Wahannisa nabe maaqqizanno ammanze gisho nuna shuchchara dhogoda.»

7Yinnii gisho, «Abap yezako nu erosi» yaga7i mahida.

8Yesuusa mahi, «Yikke, taanin akko adetitsi wolqqara hyantsesana oochchizako yinttis ohoos» yagayda.

Woyne oochchizunts aazize

(Maato. 21:33-46; Mar. 12:1-12)

9Yinnippa suuba, Yesuusa yaga7i hyanna aazizto asuntsis ohida: «Fettii asi woyne tukkida. Oochchizuntsis kotstse inggi gaama wode gam77i yo7odes melle sa7a qitida.#Isa. 5:1 10Woyne aafto maxize wode yellin woyne aaftippa ees dakkode fana oochchizuntsago fa ariza kiittida. Yezin oochchizuntsi ye ariza aykkii hyadhdhii hyarii kushe dakkida. 11Mahin melle ariza kiittida. Mahi oochchizuntsi eza hyadhdhii, kawushshizii hyarii kushe dakkida. 12Hyatten mahi hyaydzintsa ariza kiittida. Wootizuntsi ezan hyadhdhii hyarggizii woyne giddappa gaxa kessii olida.

13«Woyne laatstse, ‹Yeezin ta akko oochcho? Ane mahi ta kadhize ta na7aya dakkoda; oode erode un eza bonchchikaayzara attaama› yagayda.

14«Yezin oochchizuntsi atstse na7aya bi7ide wode ‹Hyayni eza laattodaya, hyayga yo7ote eza wodhoda, yeyziko laatita nuus maaqqada› yaga7i zorinttida. 15Woyne giddappa gaxa kessii wodhida.

«Yeezin, woyne laatstse yentsi asuntsana wayssade? 16Yi7i yentsi oochchizuntsana dhabssoda, woyne bestto melle asuntsis inggoda. Asuntsi yinno si7eze wode ‹Shinchchalle yinnii gaarzebaz ki7ippe› » yagayda.

17Yesuusa unttana dakkii bi7i,

Yeezin «Gimbbe keexxize asuntsi boride shuchchize,

keetstsis mintsin xalatitsi inggize ubbannippa aadhize shuchchi maaqqida»

«ga7intti xaafinttidanni bilitsita akko?#Maz. 118:22 18Ye shuchchizella afa gol7ize ubbanna meqqoda, shuchchize eella afa wodhdhize ubbanna gaacinttoda» yagayda.

19Higge asttamaaruntsin kahinunts hyalaquntsi yinna aazizita ohinttidanna unttalla afa maaqqidanno erii ye wode eza aykkodes koyda, yezin asuntsis zhashtida.

Giira baz

(Maato. 22:15-22; Mar. 12:13-17)

20Yinnii gisho, Yesuusa worzhito ahize Roome kaatizes aatsii immades koyi E doonttippa bala qaala naagane. Yinno folisades xillo gaara yi7i cimmize asuntsana eego kiittida. 21Kiitinttii hyanggide asuntsi, «Asttamaarizayo, neenii ohizannan tamaarssizanna likke maaqqizanno, mahi Xoozze ogito turira tamaarssizannon oonan shagoosanno nu erane. 22Yi7o yezin, Roome kaatis giira giirodes beezanene beezosa?» yaga7i eza oocida.

23Yezin E un wozina iitatitsito eride gisho 24«Ane tana fettii santime beezote, Eella yeze misiltan suntsita oodebazo?» yagayda.

Un mahi, «Roome Kaati» yagayda.

25E mahi, «Yeezako, Qeesarestto Qeesares, Xoozzesito Xoozis inggote» yagayda.

26Yinnii gisho, E mahide mahite asuntsi tiintte bala denggodes dandda7ikaaya. E mahite gaama qoppii si77i gayda.

Hyayqoppa denddebaz

(Maato. 22:23-33; Mar. 12:18-27)

27Hyayqoppa denddo baaya yagaaze Saduqaawuntsappa fete fete Yesuusago yi7i,#Hawa. 23:8 28«Asttamaarizayo, fettii asi machcho ekkii na7a yelikaayzara hyayqqiko, E ishe yinna machchito ekkii na7a yelii fa ishes kochchi ashshode fana Muse xaafida.#Mahe 25:5 29Yikke laappun ishuntsi yene. Anggisse machcho ekkii na7a yelikaayzara hyayqqida. 30Lam7antsize izo ekkii na7a yelikaayzara hyayqqida. 31Hyaydzantsize yinnii fana yi7ida. Laappununtsi ubbanna yinnii gaara yi7i izo ekkida, yezin na7a yelikaayzara hyayqqida. 32Ubbappa suuba machchita hyayqqida. 33Yikke, laappun dhiiratsi izo ekkide gisho hyayqoppa denddize wode iza oode machcho maaqqade?» yaga7i oocida.

34Yesuusa mahi, «Asi hyanna wodite ekkane gelane. 35Yezin hyayqoppa denddii ye7ode alamite yessades beezuntsii ekkosi geloos. 36Un kiitanchcho fana maaqqize gisho tiinoppa hyayqqoos. Hyayqoppa denddide gisho un Xoozze na7a. 37Muse Laatstsii, ‹Abrahama Laatstsii, Yisaaqa Laatstsii, Yayqooba Laatstsii› ga7i cil7o gidda eexize tama taarikito xaafidanne hyayqqide asuntsi denddizanno beezane.#Keze 3:6 38Ubbuntsi ees faxa yezuntsana maaqqade gisho E faxa yezunts Laatstsap attin hyayqqiduntsi Laatstsii baaya» yaga7i mahida.

39Higge asttamaaruntsappa fete fete, «Asttamaarizayo, lo77o baz ohida» yagayda. 40Yinnippa suuba, melle ooce oocodes zhashtida.

Kiristtoosa oode na7a

(Maato. 22:41-46; Mar. 12:35-37)

41Yinnippa kaallii Yesuusa unttago, «Asuntsi Kiristtoosa wayzi Dawute na7a ga7e? 42-43Akkos gayko, Dawute fa ommite Mazmure maxaafite,

« ‹Xoozii ta Laatstsego «Ta ne morkkuntsana

ne tohita yedhdhize bessi mahode wontsis

taappa mizaqi zalara betto» gayda yagayda.#Maz. 110:1

44«Yikke, Dawute Kiristtoosa, ‹Laatstso ga7i xeegittera ees na7a wayzi maaqqe?› » yagayda.

45Asi ubba si7adera fa tamaaruntsago, 46«Pharggo ma7o ma77i wuta kadhizuntsappa, gabe bonchcho sarotse, Ayhude woosa Keetstsite bonchcho oyda, mokunttize keetstsan bonchcho bessi koyze higge asttamaaruntsappa naaginttote. 47Un budan keetstsi kallo ashshizuntsana, xillo asi gaar yi7i woosa pharggizane. Un iita firdda ekkoda» yagayda.

Currently Selected:

Luqasa 20: OydaNTL

Highlight

Copy