Maatoosa 17

Yesuusa malay laamintteeza

(Mar. 9:2-13; Luq. 9:28-36)

1Usuppun gallasapp guye Yesuusa Phixiroosa, Yayqqobannee e isha Waannisa paar ekkii u aadda damma ambal afa kezeeza.#2 Phix. 1:17-18 2Ezayid u tiina Yesuusa malay laamintteeza; e sinaykka awa garkk poo7eeza. E afilaykka booth poo7o garkk poceeza. 3Yikkee, Musennee Eelaasa ezar nashshodar be7eeza. 4Phixiroosa Yesuusako, «Nuunii ne koyiko petto neesi, petto Musesii, petto Eelaasas yhaydda hayidzii shaqara accoda» yeegeeza. 5Phixiroosa yeya haga ododar boothi shaara unttan kammeeza. Shaaray gancce, «Tana ufayssiza, ta qadhdhiza na7ay yhaya, eza si7oytta!» yeegiz giirthii ye7eeza.#Medhe. 22:2; Maz. 2:7; Isa. 42:1; Mat. 3:17; 12:18; Mar. 1:11; Luq. 3:22; Nam7i. 18:15 6Yesuusa tamaaritay yeya si7ii dagamii fa sinayir sa7a guphinggeeza. 7Zin Yesuusa unttiko shiiqii unttan bochchii, «Dendoytta, yashittippatte!» yeegeeza. 8U dhoqqi gi be7adar Yesuusapp hara oonakka be7ekkaya.

9U ambalapp wodhdhodar Yesuusa unttiko, «As Na7ay yhayiqopp dendod hellodayis yhaya yi be7eez baazana ooskka odippate» gi azazeeza. 10Yesuusa tamaaritay, «Yeezin, higge asitamaaritay Eelaasa Kiristtoosapp tiinatii ye7od geezay abiso?» yeegii oyceeza.#Mil. 4:5

11Yesuusa mahii, «Ee! Eelaasa tiinadhdhii yi7ii ubba baz lo7ithoda. 12Zin ta yinttis turo odiza; Eelaasa tiinatii ye7eeza. Unttikka ezal afa koyeez baz ootheezaypp attin eza shaakkii erekkaya. Yey garkk As Na7ay u kushe metto ekkoda» yeegeeza.#Mat. 11:14

13Ye wode Yesuusa geezay xamaaqiza Waannisa bagga maaqqeezana u akaakeeza.

Yesuusa tuna ayyana aykkeez na7a patheeza

(Mar. 9:14-29; Luq. 9:37-43)

14U ambalapp asayiko maaqqeezan garkk pettii athay Yesuusa tiina bunqittii, 15«Godayyo, magane ta na7ayis qadhinttooye; eza aginar aginar denddii tama ganccennee hathigancce shoccii oliz iita hargge yeza. 16Ne tamaaritayiko ta ki7in, u pathodayis danda7ekkaya» yeegeeza.

17Yesuusa mahii, «Yinttanno, ammanoowa zhucca yeletithitayyo ayide hellodayis ta yinttar yezodee? Ayide hellodayis ta yinttan danda7odee? An na7a yhana ekkii ye7oytta» yeegeeza. 18Yesuusa tuna ayyana qoddin, tuna ayyanay na7aypp kezeeza; ye saatate na7ay paxeeza. 19Yeypp guye, Yesuusa tamaaritay fa aaddas eziko shiiqii, «Nuunii tuna ayyana kessodayis danda7ekkazay abiso?» yeegii oycceeza. 20E unttiko, «Yinttis ammano xiqqeez gishshosii. Ta yinttis turo odiza; sanafice aafe garkk ammano yinttis yezako ‹Yha amba yhaypp denddii gede aadhoba› giiko yinttis kiitinttoda. Yinttis danda7inttoowa baz baaya. 21[Zin yey garkkezay woosappennee xoomapp attin harar kezooya]» yeegeeza.#Mat. 21:21; Mar. 11:23; 1 Qor. 13:2#17:21 Pettii pettii binii maxaafitayid tayibo 21 baaya.

Yesuusa fa yhayiqo bagga mahii odeeza

(Mar. 9:30-32; Luq. 9:43-45)

22Yesuusa tamaaritay Galila biitta shiiqii yeezin Yesuusa unttiko, «As Na7ay asi kushe aadhii ingginttoda. 23Unttii eza wodhoda, zin E hayidzintho gallas yhayiqopp dendoda» yeegeeza.

E tamaaritaykka iita azzaneeza.

Giira gacho

24Yesuusara e tamaaritayira qifirnahoome katama helleez wode Xoossa Keeth giira ekkizitay Phixiroosako yi7ii, «Yi asitamaaray Woosa Keeth giira giirinennee?» yeegii oyceeza.#Kes. 30:13

25Phixiroosa mahii, «Giiriza» yeegeeza. Phixiroosa kara gelodar Yesuusa tiinatii, «Phixiroosa, neess ab aazee? Yha sa7a kaatetithay qaraxennee giira oopp ekkinnee? Gade asayppennee as gade asapp?» yeegii oyceeza.

26Phixiroosa «As gade asappee» gi maheeza.

Yesuusa mahii, «Gade as giira giiroowa guusso? 27Zin u dhubinttaamay garkk abba yhanigii molo aykkiz manxxaqo oloba. Tiina ne aykkiz molay doona dooyii giiras gidiza miishe ekkii ne gishonnee ta gishos kanggii giiroba» yeegeeza.

Currently Selected:

Maatoosa 17: MeloNTL

Highlight

Copy