Luqaasa 3
3
Xammaqiza Waannisa Sibikate
(Mat. 3:1-12; Mar. 1:1-8; Wan. 1:19-28)
1Kaatay Xibaaroosa Oroome biittal kawutin, taphpho ichchintho laythar, Phenxxe Philaaxoosa Yihuda aqisiza layithi Herodoosa Galila aqisiza layithi e isha Filphoosa Ixuurasannee Xirakkonddoosa aqisiza wode Lisanoosa Abilaanisana aqisiza wode 2Haannarannee Qayyaafara qeese halaqa maaqqii yezin, Xooss qaalay Zakkireesa na7a Waannisako liizho gadha ye7eeza. 3Waannisa, «Yi nagaraypp maaqqoyttannee xammaqinttoytta. Xoossay yi nagara atto goda» yeegii tamaarssittar Yorddanoosa borkka heera yez biitta ubba yhanigeeza. 4Yeykka nabe Isiyaasa fa maxaafayid,#Isa. 40:3-5
«Liizho gadha fa qaala dhoqqi udii,
uukkiza athay qaalay,
‹Godayis oge lo7ithoytta,
goossakka pidd udoytta.
5Loophpha ubbitay kumo,
ambaynnee deray ziqqii go.
Wobbo ogay luulo,
giigekka goossay qinxxii go.
6Asho ma7eez as ubbitay,
Xoossii ashshizana bo7o› »
gi xaafintteezay haneeza.
7Waannisa, e kusher xammaqinttodayis ye7eez gaame asayiko, «Yinttano, shooshii na7untho ye7odayis yez bochaypp buuttod garkk yinttan zoreezay oonoo?#Mat. 12:34; 23:33 8Yikkee, yi maaqqitha beeziza lo77o ooso oothoytta, yi wozinar, ‹Nuus, nu aday Afiraame yeza gi gaayirppatte.› Yhana si7oytta, yha shuchchitaypp Xoossay Afraames na7a kessodays danda7iza.#Wan. 8:33 9Yeezako, gande minxxayis xaphayid yeza. Yikkee, lo77o aafe aafowa mith ubbitay gachinttii tama gancce wodhdhoda» yeegeeza.#Mat. 7:19
10Asay, «Yeezin nuunii ab ootho?» yeegii oyceeza.
11Waannisa mahii, «Nam77ii afila yeza asii baazayis inggo. Katha yezay baazayis shago» yeegeeza.
12Qaraxe gachisizitay xammaqinttodayis yi7ii, «Asitamaarayyo, nu ab udo?» yeegeeza.#Luq. 7:29
13E mahii, «Yinttan kiitteezanpp aathii ekkipate» yeegeeza. 14Ma wotaaddaritay yi7ii, «Nu abi udo» yeegii oyiceeza.
Waannisa, «Obazikka wolqqar dafi ekkippate, oonakka worddor mootippate, yi damoozay yinttis gidoda» yeegeeza.
15Asay Kiristtoosa ufayisar naagttar yeza gisho Waannisa, «E Kiristtoosa maaqqadeshshaa?» yeegii u fa wozinayid qoppiza. 16Waannisa ubbitayis mahii, «Taanii yinttan haathar xammaqiza, Zin taapp aadhii wolqqamizay ye7oda. Taanii e caammay wodora billodayis beezooya asii. E yinttan geeshsha Ayyanarannee tamar xammaqoda. 17Wudumma yez katha geeshshodayis pithay e kushayid yeza. Geezheez katha fa shaalayid qoloda; bunnana dhaboowa tamar xuuggoda» yeegeeza.
18Ma Waannisa asa gaame zore zorii Wongile#3:18 Wongile: Girike doonar Wongile giz qaalay gaame ufayssiza oda woy mishiraachcho guussii. Ye mishiraachchaykka Kiristtoosa as kochchii ubba medhina pirddepp ashshodayis kiitinttii ye7eez gaame ufayssa (Luqa 1:19; 2:10) sabbakeeza.
19Zin Waannisa Herodoosa fa ishay machchat, Heroodiyada, ekkeez gishonnee hara iita oosita ootheez gishos kacceez wode#Mat. 14:3-4; Mar. 6:17-18 20Herodoosa kasesayil afa hara iita baz ubba gujjii Waannisana woyne geliseeza.
Yesuusa xammaqintto
(Mat. 1:1-17; 3:13-17; Mar. 1:9-11)
21Woyay ubbay xammaqqintteezaypp guye, Yesuusakka ma xammaqintteeza. E woossodar salo dooyintteeza, 22Geeshsha Ayyanay holle garkke maaqqii ezal afa wodhdheeza. Salopp «Taanii qadhdhiza na7ay nena; ne tana ufayssiza yeegiz» qaala ye7eeza.#Medhe. 22:2; Maz. 2:7; Isa. 42:1; Mat. 3:17; Mar. 1:11; Luq. 9:35
Yesuusa yeletith xuss
(Mat. 1:1-17)
23Yesuusa taamarsso aykkiz wode ees hasttam laythi zini, asay eza Yooseefa na7a gi qoppeeza.
Yooseefa Eele na7a, 24Eele Maate na7a,
Maate Lewe na7a, Lewe Milkka na7a,
Milkka Yoona na7a, Yoona Yooseefa na7a,
25Yooseefa Mataate na7a, Mataate Amoxe na7a,
Amoxe Nahoome na7a, Nahoome Asiliime na7a,
Asiliime Naage na7a, 26Naage Ma7aate na7a,
Ma7aate Mataatiye na7a, Mataatiye Samaye na7a,
27Samaye Yooseefa na7a, Yooseefa Yooda na7a,
Yooda Yoonanne na7a, Yoonanne Rase na7a,
Rase Zerubaabela na7a, Zerubaabela Salatiyaale na7a,
Salatiyaale Neera na7a, 28Neera Milkka na7a,
Milkka Haade na7a, Haade Qoosame na7a,
Qoosame Elmodaannee na7a, Elmodaannee Eere na7a,
29Eere Yoosee7e na7a, Yoosee7e Alaazara na7a,
Alaazare Yoorame na7a, Yoorame Maaxate na7a,
Maaxate Lewe na7a, 30Lewe Simoone na7a,
Simoona Yihuda na7a, Yihuda Yooseefa na7a,
Yooseefa Yoonanne na7a, Yoonanne Eliyaaqeme na7a,
31Eliyaaqeme Maliyye na7a, Maliyye Maynaane na7a,
Maynaane Maaxate na7a, Maaxate Naatane na7a,
Naatane Dawute na7a, 32Dawute Issaye na7a,
Issaye Iyobeede na7a, Iyobeede Boo7eeza na7a,
Boo7eeza Salmoona na7a, Salmoona Na7asoona na7a,
33Na7asoona Aminadaba na7a, Aminadaba Raame na7a, Raame Arnna na7a,
Arnne Asroome na7a, 34Asroome Paarese na7a,
Paarese Yihuda na7a,
Yihuda Yayqqooba na7a,
Yayqqooba Isaaqa na7a, Yisaaqa Afraame na7a,
Afraame Taar na7a, 35Taar Naakkore na7a,
Naakkore Saruuge na7a, Saruuge Rehu na7a,
Rehu Faalaqa na7a, Faalaqa Ebeera na7a,
Ebeero Seela na7a, 36Seela Qaynaame na7a,
Qaynaame Arfakisaada na7a, Arfakisaade Seeme na7a,
Seeme Nohe na7a, Nohe Laame na7a,
37Laamehe Matusaala na7a, Matusaala Inooke na7a,
Heenooke Yaarede na7a, Yaarede Malali7eela na7a,
Malaal77ela Qaynaane na7a, 38Qaynaane Heenosa na7a,
Heenose Seete na7a, Seete Addaama na7a,
Addaama Xooss na7a.
Currently Selected:
Luqaasa 3: MeloNTL
Highlight
Share
Copy
Want to have your highlights saved across all your devices? Sign up or sign in
The Word for the World Ethiopia
