Aphutna 33

Zakob lē Esau Ei Āntongna

1Zakob chu a tang a, a en a. Entā, Esau chu mī 400 a bila a hongpui a. Hankēng amā'n a nāi ngāi chu Lea, Rahel lē a suoknū anni ngāi kōma a sem a. 2Zakob-in a suoknū ngāi lē a nāi ngāi dōra a matona, Lea lē a nāi ngāi anūk lena lē Rahel lē Zosef anūk khīta a siak a. 3#1Sa 20:41; 2Rē 5:10, 14Zakob chu amāni matona a sē na. A paruol kōla a hong āsuok māseng, voi sari phila anbok a.

4 # Lk 15:20 Tenchu Esau chu ama āntongpui ranga a tān a, a vā kol a, a rīng ākuo na, a va tum a. Hatuka a chap u na. 5#Sām 127:3; Isa 8:18Esau chu a tang a, a en a, nupang ngāi lē nāipang ngāi a mū na, amā'n, “Tū mo hivā na bila mi ngāi hi?” a tī na.

Amā'n, “Pathianin na suok kōma lungkhamnā le ei pēk nāi ngāi chu a ni u,” a tī na. 6A suoknū ngāi lē a nāi ngāi chu Esau a hong ānāia anbok u na. 7Lea'm a nāi ngāi le a hong nāi u na, anbok u. Hava suole han Zosef lē Rahel a hong ānāi u na, amānī'm anbok u na. 8Esau'n, “Hiva ruol ngāi dōra kei āntongpui ngāi hi hong tina mo?” a tī na.

Zakob-in, “Hiva ngāi hi ka puma mitmūna ditbingna kei manna ranga kēng,” a tī na.

9 # Aph 27:39-40 Tenchu Esau'n, “Koi um kā dōn lup, ka nāipā nei dōn ngāi chu na ranga siak ro,” a tī na. 10Zakob-in, “Ni mak, lungkhama, na mitmūna māiasā kei man a ni ten, ka kut chung ātā hivā phāmpēk hi na pompē ro. Asik chu na mēl a mū hi, Pathian mēl a mū ang a ni, nangin na na lei pom a. 11#1Sa 25:27Lungkhama, ka bōrsāng na kōma kei hong chōi ngāi hi na lei pompē zām ro. Asik chu Pathianin lungkham a na mū na, kā dōn lup a.” Hankēng amā'n ei mathēm sabak sika, a lākpē na.

12Esau'n, “Nei sēna ranga sē u ta rei. Kōm na maton una sē ka ting,” a tī na. 13#Isa 40:11; Zer 31:8Tenchu Zakob-in a kōma, “Ka pumā'n nāi ngāi ei ānnui a riat a, beraruol lē sarātruol ka kōma om, ranū nēklāi a ni u na. Ni khat ngal anrap sabaka a hōl u nā'n ten, ranruol ngāi dōra thi kiar u'n ti. 14#Ant 12:38Lungkhama ka puma hi, a suok māna lei sē sela. Seir-a ka puma kōma ka hong āsuok māseng, koi chu ka māna, ranruol lē nāipang ngāi ei diar u tutuka, annot luia kal hong chōipui reret ka ting,” a tī na.

15Esau'n, “Ka bila om miring senkhat na bila māk ka ting,” a tī na. Tenchu amā'n, “Hong mo ei nāng na? Ka puma mitmūna pei ditbingna man rong,” a tī na. 16Esau chu ha nikhuo lena han Seir lam tianga a kīr a. 17#Zos 13:27; Rui 8:5-6, 8, 14-16; 1Rē 7:46; 2Kh 4:17; Sām 60:6Ten Zakob chu Sukot tiang a sē na, a ranga in a sin a, a ranruol ngāi ranga bokrop a sin a. Hasikhan hava mun chu Sukot#33:17 Sukot: “Bokrop ngāi” tīna a ni. a phuo na.

Kanān-a Zakob a Hong Ātung

18Hatuka Padan-Aram ātā a hong han, Zakob chu azōkhieia Kanān rama, Sekem khopuia a hong ātung a. Hava khopui matona puon-in chu a rīn a. 19#Zos 24:32; Rui 9:28; Kui 7:16Hava puon-in ei rīnna muna ram chu Sekem a pā, Hamor a nāi ngāi kōm ātā sum 100 le a rachōk a. 20Amā'n hava muna māichām a sin a, a raming chu El Elohe Israel#33:20 El Elohe Israel: “Pathian chu Israel Pathian a ni” tīna a ni. a phuo na.

Currently Selected:

Aphutna 33: RNL

Highlight

Copy