Aphutna 32

Zakob-in Esau a Chī

1 # 2Rē 6:16-17; 1Kh 21:15; Sām 34:7; Dnl 6:22 Zakob chu a lampuia a sē tir a, Pathian vānpalāi ngāiin antongpui a. 2#Zos 13:26, 30; 2Sa 2:8; 1Rē 2:8; 1Kh 6:80Zakob-in amāni a mū le, amā'n, “Hiva hi Pathian omna riabuk a ni,” a tī na. Amā'n ha mun raming chu Mahanaim#32:2 Mahanaim: “Omna riabuk anni” tīna a ni. a phuo na.

3 # Atl 21:21; 24:18; Rui 11:17 Hatuka Zakob-in Seir rama, Edom rama, a paruol Esau kōma aphāmāna palāi a lei tīr a. 4Amāni kōma chong a pēk a, ei tī chu “Ka puma Esau kōma hintin hin, ‘Na suok Zakob-in hintin hin a ti: “Laban a kōma kā om a, atun tenpei hava han ka lā om a. 5#Rūt 2:13Sarāttang, sakuorpar, ranruol, suoknū lē suok pasal kā dōn a. Na mitmūna ditbingna kei manna ranga, ka puma kōma anā ril ranga palāi ka lei hong tīr a ni,” a tī na,’ va ti u ro,” a tī na.

6Palāi ngāi chu Zakob kōma a hong ākīr u na, amānī'n, “Na vō Esau kōma nā sē na, amā'm anā'n tongpui ranga a lā hong, a bila mī 400 a hong,” a ti u na. 7#Sām 4:1Hankēng Zakob chu a rathā ta sabak a, a rathā anvāi a. Zakob-in a bila mī āom ngāi, ranruol, ranvāi ruol lē mākingkang ngāi chu phom annīna a sensāi a. 8Zakob-in, “Esau'n ei honga phom khat a hong rūn ving ngalā'm, phom khat alā om chu zōk bō ni,” a tī na.

9 # Aph 28:13, 15; 31:3, 13, 42 Zakob-in, “O ka pā Abraham a Pathian lē ka pā Isak a Pathian, nangin ka kōma, ‘Na rama lē na chipui ngāi kōma kīr ro, na chunga āsā thō ka ting,’ anā tipū Zehova. 10#Atl 17:2Na suok kōma lungkhamna lē iamruona dōra nei manlang hi, āsīn khīttē ngal āman ranga aruo ni mak ung. Ka sunrol duoi le Zordan kei rakān, atun chu phom anni ka hong āni zei a. 11#Sām 59:2Kā vō Esau kut ātā lungkhama na mazōk ro. Ama chu kā chī na, asik chu a hong a, koi lē nū ngāi lē nāi ngāi chunga a na hong rūn ving inle. 12#1Rē 4:20, 29; Hos 1:10; Rōm 9:27Nangin, ‘Na chunga āsā thō ngēt ka ting, tipuia siatsāi ramal atam raheia atelsuo salui khop anga na chī sin ka ting,’ na tī hale” a tī na.

13 # 1Sa 16:20; Chn 18:16 Hatuka hava zāna hava muna ama chu a riak a. A kuta ei dōn ngāi ātā a vō Esau phāmpēk ranga a mansūk a. 14#Atl 7:88Kēl nupang 200, kēltang 20, bera nupang 200 lē beratang 20, 15Mākingkang ranutī suok lāi 30 lē ate ngāi le han, sarāt nupang 40, sarāttang sōm, sakuorpar anupang 20 lē sakuorpar atang sōm. 16Hava ngāi dōra ha a suok ngāi kōma aruol aruola a betōk a. A suok ngāi kōma, “Ka matona sē u tānla, aruol aruola a kongkār siak u ro,” a tī na. 17Mānsapū kōma chong a pēk a, “Ka vō Esau'n a na hong āntongpui u na, ‘Tū mī mo nā ni u lē hon tiang mo nei sē u rang? Na matona om ngāi hi tū tā mo?’ tīna, a na rakel u le, 18hintin hin ti u ro, ‘Amāni chu na suok Zakob a tā kēng. Hivā hi ka puma Esau ranga phāmpēk ei hong mathuon a ni. Entā, amā'm koini na nūka a lā om,’ ti u ro,” a tī na. 19Anninapū, anthumnapū lē aruol aruola anūk azī ngāi dōra kōma chong a pēk a, “Esau na mū u tikle a kōma hintin hin ti u ro,” a tī na. 20#Ant 28:38; Lev 1:4; 1Sa 9:7; 25:19; 2Rē 8:8; Zer 40:5; Mal 1:8“ ‘Entā, na suok Zakob chu koini na nūka a lā om,’ ti sā u ro.” Asik chu amā'n, “Ka matona phāmpēk a lei āsē ngāi le han Esau chu a phūk mandāi ka ting. Hava suole han a mēl chu va mu ka ting. Tū mo āriat a na lei pom um thei a,” a tī na. 21Hankēng phāmpēk ngāi chu a matona a lei mansē na, tenchu ama chu hava zāna omna riabuka a riak a.

Zakob, Pathian le Ānbuon

22 # Atl 21:24; Dān 2:37; Zos 12:2 Zakob chu hava zāna anthui a, a thāinū anni lē a suoknū anni lē a nāipasal sōmleikhat ngāi a ruoi a, Zabok dung suor#32:22 suor: Tidunga mī ei ānkānna mun tīna a ni. lāia a rakānpui a. 23Zakob-in amāni chu a ruoi a, hava tiva varāla a mansē na, hava suole han ei nei dōra chu a mansē na. 24#Dnl 10:8Hatuka Zakob chu atheia a om a. Pasal khatin khuovār tenpei ama chu anbuonpui a. 25Hava pasalin ei mator lāi nōk a hong riat le chu, a rakē chu a tōnpē na, anbuonpui lāitak Zakob a rakē chu anpial a. 26#Hos 12:4Hava pasalin, “Sē ta rong, asik chu khuovār zei,” a tī na.

Tenchu Zakob-in, “Bōr na na pēk māseng na mansē nō ning!” a tī na.

27Hankēng hava pasalin a kōma, “Hong mo na raming?” a tī na. Amā'n, “Zakob,” a tī na. 28#Isa 1:26Hava pasalin, “Na raming chu Zakob anti pial lāi nō ni, tenchu Israel#32:28 Israel: “Pathian le ānbuon mo ole Pathian ei mator” tīna a ni. anti in ti. Asik chu Pathian lē miring nā'n buonpui a, na hong mator a,” a tī na. 29#Ant 3:13; Rui 13:17-18Zakob-in, “Lungkhama na raming na ril ro,” tīna a rakel a. Hava pasalin, “Hong rang mo ka raming nei na rakel?” a tī na. Hava mun lena han hava pasalin bōr a pēk a. 30#Aph 16:13; Ant 24:10-11; 33:20; Atl 12:8; Rui 6:22; 1Ko 13:12Hankēng Zakob-in hava mun raming chu Peniel#32:30 Peniel: “Pathian mēl” tīna a ni. a phuo na. Asik chu, “Koiin Pathian chu māi enlaka ka mū na, hanum kei damna chu ahōia ei la om a nī,” a tī na. 31#Rui 8:8-9Penuel a rakān lāitaka, anī chu a chunga a hong āēl a. Ama chu a rakē ei tōnpē sika akhora kal a chōi a. 32Hasikhan hava pasalin, Zakob a rakē ei ānzomna ei tōn sika, Israel nāi ngāiin aviana nikhuo tenpei a rakē ei ānzomna ratharipui la sāk u mak a.

Currently Selected:

Aphutna 32: RNL

Highlight

Copy