Aphutna 31

Laban a kōm ātā Zakob a Rot

1Zakob-in Laban a nāipasal ngāi chong a riat a, “Zakob-in na pā tā dōra a lāk kiar zei. Hivā dōngluo ei lō ngāi dōra hi, koini na pā dōngluo nātā kiar kēng,” a ti u na. 2Māna anga Laban-in poi ei sāk lāi nōk ha Zakob-in a mū na. 3#Dān 30:3; Isa 10:21Zehova'n Zakob a kōma, “Na pā ngāi rama lē na chipui ngāi kōma va kīr ro, na bila om ka ting,” a tī na.

4Hankēng Zakob-in a ranruol ngāi ei omna sūlmuna Rahel lē Lea chu a kui a. 5#Dnl 2:23A kōm u na, “Na pā u'n māna anga ei na poisak lāi nōk ka mū. Tenchu ka pā a Pathian chu ka bila a om a. 6Ka ranak dōra le na pā u dorbō kei ādom ha, nangnī'n na riat u na. 7#Atl 14:22; Zōb 19:3; Am 8:5Hanum ni rase, na pā u'n ei na huong a ni, ka lō hi voi sōm pei ei na thūlpē a ni. Tenchu Pathianin ama sika kei machān rang phal mak a. 8Amā'n, ‘Ānsun āchial hi na lō rang a ni zei,’ a tī ten, ranruol dōrā'n ansun āchial a mazir u chachak a. Amā'n, ‘Zekhang chial ngāi na lō rang a ni zei,’ a ti ten, ranruol dōrā'n zekhang chial a mazir a. 9#Zōb 39:2; Izk 31:6Hankēng Pathianin na pā u ranruol chu ei āpota koi ei na pēk a ni.

10“Hintin hin a nī na, ranruol anzōp huna, ka ramanga kā tang a, ka mit le kei mū chu, entā, kēltang ngāiin ranruol ei zōp ngāi chu, zekhang chial, ansun āchial ngāi lē ālang ansun a ni u na. 11#Aph 16:7-11; 22:11, 15; 31:13; 48:16; Ant 3:4Ka ramanga Pathian vānpalāiin a nā chongpui a, ‘Zakob,’ a tī na, ‘Hiva hin kā om,’ ka tī na. 12#Ant 3:7Pathian vānpalāiin, ‘Tang tān, entā, kēltang ngāiin ranruol ei zōp dōra chu, zekhang chial, ānsun āchial lē ālang ansun a ni u na. Asik chu Laban-in ei na thō dōra ka mū kiar a. 13Koi hi riattitna lung sariak nei āthīna lē ka kōma chong nei āntinna mun Bethel Pathian kā ni. Atun chu anthui tān, hivā ram ātā suok tān, na chipui ngāi rama kīr ro,’ a tī na,” a tī na.

14 # 2Sa 20:1; 1Rē 12:16 Rahel lē Lea'n a masang u na, a kōma, “Koini na pā ina chang-āi nei man rang lē dōngluo nei man rang a lā om mo? 15#Dān 15:3; Rūt 2:10; 2Sa 15:19; 1Rē 8:41; Oba 1:11Koini na pā'n khuol anga ei na bē ni mak mo? Amā'n ei na zuora, koini na sum um ei sāk zit. 16Ataktaka, Pathianin koini na pā kōm ātā dōngluo ei lākpē dōra chu koini lē na nāi ngāi tā kēng. Hasikhan atun chu, Pathianin ei na tī takpei thō ro,” a ti u na.

17Hatuka Zakob chu anthui a, a nāi ngāi lē a nungāk ngāi chu mākingkanga a manchuong a. 18A ranvāi ngāi dōra lē a dōngluo ei sin ngāi dōra a chōi a. Kanān rama, a pā Isak a kōma āsē ranga, Padan-Aram-a ranvāi ei lō ngāi chu a chōi a. 19#Zos 24:14; Rui 17:5; 1Sa 7:3; 25:2, 4, 7; 2Sa 13:23; 2Rē 23:24; Hos 3:4Laban chu a beramul āāt rang a sē na, Rahel-in a pā insūngkuo pathian ramīl#31:19 insūngkuo pathian ramīl: Pathian ramīl, insūngkuona ei biak u ngāi tīna. ngāi chu a maruk a. 20Zakob-in Suria mī Laban chu a huong a, manthei luia a rot viak a. 21#Ant 2:15; Atl 26:30; Dān 3:10; Zos 12:2; 1Rē 18:46; Zer 22:6; 26:21Hankēng ama chu ei nei dōra le a rot a. Anthuia, tidung a rakān a, Giliad muolpui tianga a sē na.

Laban-in Zakob a Razūl

22Nī anthumna han Zakob a rot zei tīna Laban a kōma anril a. 23#Ant 14:9A paruol ngāi a bila a ruoi a, ni sari sēna lam a va razūl u na, Giliad muolpui ngāia ama chu a va huom a. 24#Aph 20:3, 6; 24:50Tenchu Suria mī Laban kōma Pathian chu zāna a ramanga, a hong a, a kōma, “Zakob kōma āsia āsā āril ranga anrēng ro,” a tī na.

25Hankēng Laban-in Zakob a va huom a. Zakob-in muolpui ngāia a puon-in chu a lei rīn a, Laban um a paruol ngāi lē Giliad muolpui ngāia a puon-in a rīn u na. 26#1Sa 30:2-3Laban-in Zakob a kōma, “Hong mo nei thō a ni zei? Nei na huong viaka, khendāi anleka selkeia āchōi anga ka nāinupang ngāi nei ruoi hi! 27#Ant 15:20; Rui 11:34; 1Sa 10:5; 2Sa 6:5; Sām 68:25; Isa 24:8; Zer 31:4Hong sika mo maruka nei rota, nei na huong viak? Ichanga mo nei na ril nōk? Hanōkten chu rāisān chunga, lā thōna, khuongtē lē pirtang le han na mansē ka ting ba. 28#Rūt 1:14; Kui 20:3Ka tū#31:28 tū: Hebrāi chonga hiva “tū” hi “nāipasal” tīna anziak a. Hiva hi Lea lē Rahel a nāi ngāi a ni u na. ngāi lē ka nāinupang ngāi ngal ātum ranga nei na phal nōk a ni. Hivā nei thō hi amo sabaka nei thō kēng. 29Na chung una āsia thō ranga ningneina kā dōn a, tenchu avian zān han na pā u a Pathianin ka ramanga a nā chongpui a, ‘Zakob kōma āsia āsā āril ranga anrēng ro,’ a na tī na. 30#Zōb 29:2Atun hin na pā in nei rangāi sabak sika nei sē ngēt a ni. Tenchu ichanga mo ka pathian ngāi nei maruk?” a tī na.

31Zakob-in Laban a masang a, “Kei āchi sika, ‘Na nāinupang ngāi ka kōm ātā therkhaka na lāk ving inle,’ kei ti sika. 32Tūkareng kōma na pathian ngāi nei manna taka, hava nāi chu dam nō rase. Koini na paruol ngāi mitmūna, nang na tā kei dōn chu mandang tānla, lāk ro,” a tī na. Asik chu Rahel-in hava ngāi ei maruk ha Zakob-in riat mak a.

33 # Lev 19:3, 32; Dān 21:18; Zer 35:18 Laban chu Zakob a puon-ina, Lea puon-ina lē a suoknū anni puon-in ngāia a lūt a, tenchu pathian ramīl ngāi ha va man mak a. Hatuka Lea puon-in ātā a suok a, Rahel puon-ina a vā lūt a. 34Rahel-in insūngkuo pathian ramīl ngāi chu a lei chōi a, mākingkang āmbareia a lei rē na, hava ngāi chunga ansut a. Laban-in puon-in sūng dōrāna ā rok kiar a, tenchu hava ngāi ha man mak a. 35#Lev 15:19-23Rahel-in a pā kōma, “Na makunga kei ānthui thei nōk sika hin, ka puma chu a taksi nō rase. Asik chu nupang anthianglui lāitak kā nī na,” a tī na. Laban-in ā rok a, tenchu insūngkuo pathian ramīl ngāi ha man mak a.

36 # 1Sa 19:5; 23:23 Zakob chu a tak asī na, Laban ranga chūnngō a thō na, Zakob-in Laban a masang a, a kōma, “Hong mo kei masial? Hong mo kei siatna? Nangin alum sabaka nei na hong razūl. 37#Dān 1:16Ka neinun dōra nā rok kiarā'm, hong mo nangin na insūngkuo neinun nei man? Amānī'n koini anni kongkāra ei na zēk thei una rang, nang na paruol ngāi lē ka paruol ngāi mit makunga dar ro! 38Hivā kum 20 na bila kei om. Na bera nupang ngāi lē na kēl nupang ngāi nāi la siatpē u ngāi mak a. Na beratang ruol ngāi bila la sāk ngāi mak ung a. 39#Ant 22:13Ramsa ngāiin ei sān ngāi um na kōm hong chōi ngāi mak ung a, hava ānpei ngāi ha kei raput a ni. Sūna ānruk mo ole zāna ānruk mo a ni, ka kut ātā āthuon ranga nei na zōt a ni. 40#Sām 132:3-4; 2Ko 11:27Hantin han kei om! Sūna ālumin ei na hāl lē zāna ādāiin ei na tāk, mitkhū chu ka mit ātā a rot chachak a. 41#Aph 29:27, 30; 31:7Hantin han na ina kum 20 kā om a. Na nāinupang anni ngāi ranga, kum sōmleimanlī na dorbō kei ādom a ni. Kum aruk, na ranruol ngāi ranga, na dorbō kei ādom a ni. Ka lō chu voi sōm nei na thūlpē a ni. 42#Ant 3:15; Sām 124:1-2Ka pā a Pathian, Abraham a Pathian lē Isak-in ei āchipū chu ka tiang kop nō sela, kut koronga nei na mansē tatak rang nī'n ti. Pathianin kei tiarna ngāi lē ka kut sinthōna ngāi a na mūpē na, hasikhan ātheng zān han chūnngō a na lei thō a ni,” a tī na.

Laban le Zakob a Dānkhitna

43Laban-in Zakob a masang a, a kōma, “Hiva nāinupang ngāi hi ka nāinupang kēng, hivā nāipang ngāi hi ka nāi ngāi kēng, hivā ranruol ngāi hi ka ranruol kēng. Hivā nei mū ngāi dōra hi ka tā kēng. Tenchu avian hin ka nāinupang ngāi lē a nāi nei u ngāi chunga, imo kei thō thei rang? 44Hasikhan atun chu, hong ro, nang lē koiin dānkhit rei, hava ha nang lē koi na kongkāra anā riatpuipū ni rase,” a tī na.

45Hankēng Zakob-in lung a lāk a, riattitna lung a phun a. 46Zakob a paruol ngāi kōma, “Lung manbūm u ro,” a tī na. Amānī'n lung a lāk una a manbung u na, hava lung anbungna chunga a nēk a sāk u na. 47Laban-in hava raming ha Zegar Sahadutha#31:47 Zegar Sahadutha: Aramik chonga “lung anbung riatpuina” tīna a ni. a phuo na, tenchu Zakob-in Galid#31:47 Galid: “Riatpuina buk” tīna a ni. a phuo na. 48#Zer 29:23Laban-in, “Hiva lung anbung hi avian hin nang lē koi na kongkāra anā riatpuipū a ni,” a tī na. Hasikhan a raming chu Galid anphuo na. 49#Zos 1:3; Rui 10:17Mizpa#31:49 Mizpa: “Ralvēngna in ansāng” tīna a ni. um anphuo na, asik chu amā'n, “Koini nei ānmū nōk hunā'm, Zehova'n nang lē koi chu na en rase. 50#Dān 4:26; 31:19; Zos 24:27; Rui 11:10; 1Sa 12:5; Zōb 16:19; Zer 7:11; 29:23; Mik 1:2Ka nāinupang ngāi a dūk na manna ving ten, ka nāinupang ngāi panga nungāk atei na lāk ving ten, koini na bila tūtē ā om ngal nōkā'm, entā, Pathian hi koini na kongkāra anā riatpuipū a ni!” a tī na.

51Laban-in Zakob a kōma, “Hiva lung anbung le hivā riattitna lungphun hi en ro. Nang lē koi na kongkāra kei siak chu a ni. 52Hivā lung anbung hi anā riatpuipū a ni, hivā riattitna lungphun hi anā riatpuipū a ni. Nang anā'n siat ranga, koiin hivā lung anbung hi rakān nō ning, nangin um hivā lung anbung lē riattitna lungphun hi anā'n siat ranga hong rakān nō ta ni. 53Abraham a Pathian, Nahor a Pathian lē amāni a pā u Pathianin na kongkāra na zēk rase,” a tī na. Hankēng Zakob-in a pā Isak-in ei āchipū raminga chong a tin a.

54 # Ant 24:5; Lev 3:1 Zakob-in muolpuia anbōlna dāli a dar a, a paruol ngāi chu nēksāk āthō ranga a pāi a. A nēk a sāk u na, zān khat muolpuia a om u na. 55#Ant 39:43; Rūt 1:9Ārkhuona Laban anthui a, ātū ngāi lē a nāinupang ngāi a tum a, bōr a pēk a. Laban chu a sē na, ei omna muna a kīr rēt a.

Currently Selected:

Aphutna 31: RNL

Highlight

Copy