Aphutna 29

Zakob-in Rahel Antongpui

1Hankēng Zakob chu anzina a sē tir a, suolam tianga mi ngāi ram chu a hong āsuok a. 2#Aph 24:10-11; Ant 2:15-16A hong en a, sūlmuna tikhur a mū na. Entā, hava han beraruol anthum ākuol chu a mū na. Asik chu hava tikhur ātā beraruol ngāi tī ei mannēk u chachak a ni. Tikhur bāikuona lung alianpā a om a. 3Hava han beraruol ngāi dōra anbūm u chachak, hava tikhur bāikuona lung chu a khāi u chachak a, bera ngāi chu tī a mannēk u na, hatuka lung chu tikhur bāikuona a mahīp rēt u chachak a. 4#Rui 19:17Zakob-in amāni kōma, “Ka paruol ngāi, hon tiang ātā hong mo nā ni u?” a tī na. Amānī'n, “Haran ātā nā nī,” a ti u na. 5#Aph 24:24, 29Zakob-in amāni kōma, “Nahor a tūpā Laban mo na riat u?” a tī na. Amānī'n, “Ama chu na riat,” a ti u na. 6#Ant 2:16Zakob-in amāni kōma, “Ama chu a dam mo?” a tī na. Amānī'n, “Ama chu a dam. Entā, a nāinupang Rahel chu a bera ngāi lē a lā hong,” a ti u na.

7Amā'n, “Entā, atun hin anī a lā'n sāng, ranruol ngāi munkhata anbūm hun la ni mak. Tī mannēk u tān, sē u ro, va mansāk sā u ro,” a tī na. 8Tenchu amānī'n, “Ranruol ngāi dōra munkhata anbūm u māseng, amānī'n tikhur bāikuo nātā lung a lei khāi u māseng chu, koinī'n thei nō ma ni. Hankēng koinī'n bera ngāi tī nei mannēk rang,” a ti u na.

9 # Ant 2:16 Amāni a chongpui lāitak, Rahel chu a pā beraruol le a hong a, ama ha berarungnū a ni. 10#Ant 2:17Hintin hin a hong ānī na, Zakob-in a nū chāpā Laban a nāinupang Rahel lē a nū chāpā Laban a beraruol a lei mū le chu, Zakob chu tikhur kōla a sē na, tikhur bāikuona lung chu a va khāi a, a nū chāpā Laban a ranruol ngāi chu tī a mannēk a. 11#Rūt 1:9Hatuka Zakob-in Rahel a tum a, anring sabaka a chap a. 12Zakob-in Rahel kōma a pā ūnāi ei nī lē Rebeka nāipasal ei nī ha a ril a. Hankēng Rahel chu atāna a pā a va ril a.

13 # Ant 4:27; Lk 15:20 Hintin hin a hong ānī na, Laban-in a sarnū nāi Zakob a rui ei riat le, āntongpui ranga atāna a vā kol a, a tum a, a ina a hong ruoi a. Zakob-in hivā ngāi dōra chu Laban a ril kiar a. 14#Rui 9:2; 2Sa 5:1; Neh 5:5Laban-in a kōma, “Taktaka nang hi ka rū lē ka taksā nā ni,” a tī na. Zakob chu a bila tha khat a om a.

Zakob-in Lea lē Rahel a Lāk

15Hatuka Laban-in Zakob a kōma, “Ka ūnāi nei ni sika, aman abuia mo ka dorbō nei ādom rang? Hotuk mo na lō chu ei ni rang, na ril ro?” a tī na. 16#Rūt 4:11Laban-in nāinupang anni a dōn a: a ulianpū raming chu Lea, a nāipangpū raming chu Rahel a ni. 17#Aph 12:11, 14; 26:7Lea mit chu āduol a ni, Rahel chu pum dunga ānzui lē a mēl andit aruoi a ni. 18#Hos 12:12Zakob-in Rahel ā dit a. Hankēng amā'n, “Na nāinupang nāipang Rahel a ranga kum sari na dorbō ādom ka ting,” a tī na.

19Laban-in, “Pasal atei ka pēk nēk ten ama chu nang kei na pēk hi a sa bet. Ka bila om ro,” a tī na. 20#Sol 8:7; Hos 12:12Hankēng Zakob-in Rahel ranga kum sari dorbō ā dom a, amā'n Rahel rang ei ādit sika, amā'n nikhuo sōtluitēna a bē na.

21 # Rui 15:1 Hatuka Zakob-in Laban a kōma, “Ka thāinū na pēk ro, asik chu ka nikhuo ngāi a hong ākip suo zei, hankēng kei zālpui thei rang,” a tī na. 22#Rui 14:10; Isa 25:6Laban-in havana mi ngāi dōra a manbūm a, pāntā a thōpui a. 23Khuluia hintin hin a hong ānī na, a nāinupang Lea a tuong a, Zakob a kōma a hong ruoi a. Amā'n a zālpui a. 24Laban-in a suoknū Zilpa chu, a nāinupang Lea kōma, a suoknū rang a pēk a. 25Zīnga hintin hin a hong ānī na, entā, ama chu Lea a lei ānī na. Amā'n Laban a kōma, “Hong mo nei na thō a ni zei? Rahel a ranga na dorbō kei ādom ni mak mo? Hong sika mo hanle nei na huong?” a tī na.

26 # Rui 15:2; 1Sa 14:49 Laban-in, “Koini na rama hin nāirapā māna nāipang anpēk ngāi mak. 27#Rui 14:12Ama rang hivā haptā chu zui bak ro, kum sari ka dorbō ādom rēt tānla, na sinthō rathūla ka nāinupang nāipang um na pēk in ti,” a tī na. 28Zakob-in hantin han a thō na, Lea haptā chu a hong zui a. Hankēng a nāinupang Rahel um Zakob a thāinū ranga a pēk a. 29#1Sa 25:42Laban-in a suoknū Bilha chu a nāinupang Rahel a kōma, a suoknū rang a pēk a. 30Zakob-in Rahel um a zālpui a, amā'n Rahel chu Lea nēka ā dit uol a. Hantin han kum sari Laban a dorbō chu ā dom sā na.

Zakob a Nāi ngāi

31 # Dān 21:15-17; Sām 127:3 Zakob-in Lea ei ādit nōk chu Zehova'n a mū na, Zehova'n a tekok chu a malongpē na. Tenchu Rahel chu āching a ni. 32#Ant 6:14; Atl 1:5, 20; Dān 33:6; Zos 4:12; Rūt 4:13Hankēng Lea chu nāi a vong a, nāipasal a nei a, amā'n a raming chu Ruben#29:32 Ruben: “Entā, nāipasal hi!” tīna a ni. a phuo na. Amā'n, “Zehova'n kei āntakna hi ei na mū tatak kēng hile. Atun chu ka tangsā'n nā dit in ti,” a tī na. 33#Ant 6:15; Atl 1:6, 22; Izk 48:24Hatuka ama chu nāi a vong rēt a, nāipasal a nei a, “Ka ruotharin ei nā dit nōk chu, Zehova'n a na lei riatpē na, hasikhan Zehova'n hivā nāipasal um ei na pēk a ni,” a tī na. Amā'n a raming chu Simeon#29:33 Simeon: “A na lei rangāipē” mo ole “a na lei riatpē” tīna a ni. a phuo na. 34#Ant 2:1; Atl 1:47; Dān 33:8; 1Kh 6:1, 16Ama chu nāi a vong rēt a, nāipasal a nei a, “Atun chu ka tangsā'n nā'n zompui in tia, asik chu ama ranga nāipasal anthum kā nei a,” a tī na. Hasikhan a raming chu Levi#29:34 Levi: “Ānzom” tīna a ni. anphuo na. 35#1Kh 2:3; Isa 48:1; Mt 1:2-3Ama chu nāi a vong rēt a, nāipasal a nei a, “Atun chu Zehova manpāk ka ting,” a tī na. Hasikhan amā'n a raming chu Zuda#29:35 Zuda: “Ānpāk” tīna a ni. a phuo na. Hatuka nāi a hong āmong a.

Currently Selected:

Aphutna 29: RNL

Highlight

Copy