Aphutna 28

Isak-in Zakob chu Laban a kōma a Tīr

1Hatuka Isak-in Zakob a kui a, bōr a pēk a, chong a pēk a, a kōma, “Kanān a nāinupang ngāi chu thāinū ranga nei lāk rang ni mak. 2Anthui tān, Padan-Aram-a, na nū a pā Bethuel a ina sē ro, havana na nū chāpā Laban a nāinupang ngāi bil ātā na thāinū rang va lāk ro.

3 # Atl 6:24; Rūt 2:4; Sām 129:8; Zer 31:23 “Nam atampā nei hong ni una rang,

Āthōtheikiarpū Pathianin bōr na pēka,

Marā na manneia na maphung rase.

4 # Aph 12:2-3; 22:17; 1Kh 29:15; Sām 39:12 Pathianin Abraham a kōma ei pēk, mēlriatnōk nei ni una ram hi, nei luo thei una ranga,

Abraham a bōrsāng chu nang na pēk rase, nang lē na bila na chipui ngāi um na pēk u rase,”

a tī na.

5 # Hos 12:12 Hankēng Isak-in Zakob a mansē na, hatuka Padan-Aram-a, Suria mī Bethuel a nāi, Zakob lē Esau a nū, Rebeka a chāpā, Laban a kōma a sē na.

Esau'n Ismael Nāinupang a Lāk

6Isak-in Zakob bōr ei pēk, a ninga thāinū ālāk ranga Padan-Aram-a ei mansē chu Esau'n a mū na. Bōr a pēk lāitaka chong ei pēk, “Kanān nāinupang ngāi chu thāinūna lāk nō ro,” a tī na. 7Hantin han Zakob-in a nū lē a pā hētela Padan-Aram-a ei sē chu a mū na. 8Esau'n Kanān nāinupang ngāiin a pā Isak a malung ei mandō u nōk ha a mū na. 9Hankēng Esau chu Ismael a kōma a sē na, Abraham a nāipasal Ismael a nāinupang Mahalat, Nebaiot a sarnū chu a thāinū ranga, thāinū atei ei dōn ngāi panga a va lāk a.

Bethel-a Zakob a Ramang

10Zakob chu Beērseba nātā asuoka Haran tiang a sē na. 11Hankēng hova mun khata mo a hong āsuok a, anī ei hong lūt suo ei ni sika hava han zānsōt a riak a. Hava muna lung khat a lāk a, a lū a kham a, hava muna āin ranga a zāl a. 12#Zn 1:51Hatuka ramang a phan a, entā, phil chunga rakal chu andō na, achung chu vān a vā suok a. Hava han Pathian vānpalāi ngāi chu a kal a chum u na. 13Entā, rakal chunga Zehova chu anding a, “Koi hi Zehova, na pā Abraham a Pathian lē Isak a Pathian chu kā ni. Phila nei zālna mun ha nang lē na chipui ngāi na la pēk u ka ting. 14#Kui 3:25; Gal 3:8Na chī chu phila philvut anga nī'n ti. Suolam lē tāklam, sim lē māra sip ziak u na ti. Nanga lē na chīna, phila pānchī dōra bōrsāng tung kiar u'n ti. 15#Lev 26:42; Dān 31:6, 8; Zos 1:5; Sām 9:10; 105:10; 121:5, 7-8Entā, na bila kā om a, nei sēna tak na rung ka ting, hivā rama na hong makhīr rēt ka ting. Na kōma kei ril ngāi ka thō suo māseng, na māk nō ning,” a tī na.

16 # 1Rē 3:15; Zer 31:26 Hatuka Zakob chu ei in ātā anthui a, “Hiva muna hin Zehova āom ngēt kēng, ka lei riat nōk a ni,” a tī na. 17#Ant 3:5; Zos 5:15; 1Kh 22:1; 2Kh 3:1; Sām 68:4Amā'n āchī na, “Hiva mun hi hidōr pei anchīruoi mo hi! Hivā mun hi Pathian in rong nōk ten atei ītē ni mak, hivā hi Vānram Suokkhār a ni!” a tī na. 18#Ant 24:4; Lev 8:11; Zos 4:9; 24:26; Isa 19:19Hatuka Zakob chu zīnga anthui a, a lūna ei kham lung ha a lāk a, riattitna lunga a phun a, asīp chu sariak a lei a. 19#Zos 16:2; Rui 1:23, 26Hava mun raming chu Bethel#28:19 Bethel: “Pathian in” tīna a ni. a phuo na. Tenchu aphāmān chu ha khopui raming ha Luz a ni. 20#Lev 7:16; Atl 12:6; Rui 11:30; 1Sa 1:21; 2Sa 15:8; 1Ti 6:8Hatuka Zakob-in chong a tin a, “Pathian hi ka bila a om a, kei sēna rang lampuia a na rung a, nēksāk ranga asākruo a na pēka, puonsil rang a na pēk ten, 21#Ant 15:2; Dān 16:17; Zos 24:18; Rui 11:31; Sām 48:14phūkdāia ka pā ina ka hong ākīr rēt ten, Zehova chu ka Pathian nī'n ti. 22#Atl 18:21; 1Sa 7:12; Lk 18:12Hivā riattitna lung kei phun hi, Pathian in nī'n ti, hatuka nei na pēk dōra nātā sōma angkhat um na pēk ngēt ka ting,” a tī na.

Currently Selected:

Aphutna 28: RNL

Highlight

Copy